رواية الورث الفصل الثاني والعشرون 22 - بقلم نورا سليمان

نور: عايزة تلبسيني قضية مخدرات يا شيماء؟ عملتلك إيه عشان تأذيني بالشكل ده؟ شيماء: حقي إني أعمل كده يا نور. انتي اللي قولتي إنك هترميني في الشارع بعد ما أولد. مكنش قدامي حل غير كده عشان أقدر أعيش معاهم في البيت. فكرت إني لما أبلغ عنك بتهمة تجارة المخدرات ويتقبض عليكي، محدش هيعرف مين اللي عمل كده. وساعتها هعيش في البيت ومحدش هيقدر يكلمني.

نور: انتي أكيد مريضة. مفيش حد طبيعي يفكر بالطريقة دي أبدًا. هو انتي لما تسجنيني وتدمري حياتي تبقي كده بتأمني حياتك وإنك تعيشي معاهم في القصر وتاخدي نصيب خالد كمان؟ وافرضي بعد ما اتسجنت عرفوا اللي انتي عملتيه؟ تفتكري هيسكتوا ويعدوها عادي كده؟ أنا بجد مش مصدقة إن الفلوس قدرت تعمي الكل كده وخلتكم تفكروا بالطريقة دي عشان توصلوا للفلوس. عجبك اللي انتي فيه ده؟

لو علياء مكنتش سجلتلك انتي وأخوكي وانتو بتتفقوا إزاي تدخلوا المخدرات للمخزن بتاع الشركة وتبلغوا عني وسمعتوا لحضرة الظابط، كان زماني مكانكم دلوقتي واتحبست في قضية مليش أي ذنب فيها. وكل ده بسبب حقدك وغلك اللي في قلبك. شيماء: نور أنا عارفة إني غلطت، وإني أستاهل إني أتسجن. بس فكري في ابن أخوكي يا نور. سامحيني عشان خاطر ابني يا نور مش عشان حاجة تاني. أرجوكي متسبنيش هنا. نور: أسامحك؟

مانا أدتك فرصة وفتحتلك بيتي وقولت يمكن تتغيري، والنتيجة كانت إيه؟ كنتي ناوية تدخلي السجن وتتهمني بقضية أنا مليش علاقة بيها. عايزاني أسامحك وأخرجك من هنا إزاي يا شيماء؟ ده مكانك الطبيعي. الحقيقة ده مكانكم كلكم. لازم تاخدوا جزائكم على كل أفعالكم دي. عن إذنك يا شيماء. أتمنى تكوني مبسوطة بنتيجة اللي عملتيه ده.

سابتها وقامت. فضلت قاعدة مكانها بتعيط ومش مصدقة اللي حصل. كانت بتخطط إنها تسجنها وتدمر حياتها، بس في لحظة واحدة اتغير كل اللي خططتله واتسجنت هي. فتحت باب القصر. دخلت وقفتلها. لقيتهم قاعدين كلهم وباصين في الأرض. قربت منهم. بدأت تتكلم بهدوء. نور: مالكم قاعدين كده ليه؟ حد مات وأنا مش واخدة بالي؟ فاطمة: عايزانا نعمل إيه يا نور بعد اللي حصل ده؟ نور: وهو كان إيه اللي حصل يعني؟ إخواتكم غلطوا وأخدوا عقابهم. إيه اللي مدايقكم؟

علياء: عندك حق. إيه اللي هيدايق يعني في الموضوع؟ إخواتنا إحنا التلاتة طلعوا تجار سلاح ومخدرات وقتلة. كريم ابن عمنا طلع هو السبب في كل اللي إخواتنا فيه ده. شيماء مرات خالد الله يرحمه كانت عايزة تدخلك السجن وتدمر حياتك. كنا هنموت بعض بسبب الفلوس. الشركة هتعلن إفلاسها قريب. كل دي حاجات عادية إيه اللي يخلينا نزعل عليها يعني.

نور: انتو اللي عملتوا في نفسكم كده يا علياء. انتو الفلوس عميتكم ومبقيتوش عايزين حاجة غير الفلوس وبس. وادي آخرتها. أقرب الناس ليكم هما اللي دمروا حياتكم وحياتهم. وكل ده عشان الفلوس اللي ملهاش لازمة. تقدروا تقولولي الفلوس دي هتعملكم إيه دلوقتي؟ هترجع أخوكي اللي اتقتل يا فاطمة؟ ولا هتكون هترجعلي جدي اللي اتقتل بسبب إخواتكم؟

أو يمكن تكون هتخرج إخواتكم من السجن وترجعهم ناس كويسة مبتأذيش حد. الفلوس عمرها ما هتغير الناس وتخليهم كويسين. عشان الإنسان الوحش هيفضل وحش طول عمره ومش هيتغير مهما حصل. من ساعة ما جدو كتب كل حاجة باسمي وأنا كنت مستغربة هو ليه عمل كده مع إنه عنده بدل الحفيد ٦. ويقدروا يشيلوا الشغل كويس ويكبروا اسمه. بس دلوقتي فهمت هو ليه عمل كده. كان عارف إنهم مش قد المسؤولية دي وإنهم مينفعش يمسكوا فلوسهم في إيديهم. فهمت متأخر أوي. فهمت بعد ما حياة الكل اتدمرت. مبقاش فاضل غيركم انتو وجمال و...

وداليدا. وأنا بقي مش هسيبكم غير لما أنفذ وصية جدو وأخليكم تقدروا تمسكوا الشركات والمصنع بنفسكم وتديروا كل حاجة. وكل اللي فات ده هيتنسي. أوعوا تفكروا إني هسيبكم وهفقد الأمل فيكم انتو كمان. تبقوا غلطانين. أنا مش هسيبكم غير لما أنفذ وصية جدو اللي فشلت إني أنفذها مع الكل. بس هقدر إني أخليكم تشتغلوا في الشركة وتكونوا جنبي ونحاول نبقى عيلة بنحب بعض وبتخاف على بعض. وعلى فكرة...

الشركة مكنتش هتعلن إفلاسها زي ما قولت. أنا كلمت الأستاذ صبري وخليه يعمل الورق اللي شوفتوه ده ويقول الكلام ده. يمكن تخافوا على فلوسكم وتنزلوا تشغلوا الشركة. الباب خبط. قربت من الباب وفتحت. لقيتها واقفة قدامها. سابتها ودخلت. دخلت وراها وقفتل الباب. نور: جاية في مصيبة إيه المرة دي يا داليدا؟ داليدا: نور أنا عارفة إنك مش طايقاني ولا حابة إنك تشوفي وشي. بس أنا جايه عشان حاجة تانية. نور: مصيبة إيه؟

داليدا: جمال عنده سرطان. وهو مصمم إنه مش هيتعالج. بيقولي إنه سواء اتعالج أو متعالجش مش هتفرق كتير. مبقاش ليه حاجة يعيش عشانها. نور جمال طيب وملهوش ذنب في أي حاجة حصلت. مفيش غيرك هيقدر يقنعه يا نور ويخليه يتعالج. حاولي معاه أرجوكي. أنا مش عايزة أخسره هو كمان. كفاية إني خسرتكم يا نور. كانوا واقفين بيسمعوا كلامها بصدمة. اتنهدت. بدأت تتكلم بهدوء.

نور: دادة. لو سمحتي خدي داليدا على الأوضة. ومحدش يطلع فوق ولا يقرب من أوضة جمال لأي سبب أياً كان. سابتهم وطلعت لأوضته. فتحت باب الأوضة. لقيته فاتح شنطته وبيحط هدومه فيها. قربت منه. بدأت تتكلم وهي مربعة إيديها. نور: انت بتعمل إيه؟ جمال: بلم هدومي وهرجع على بيتي. أعتقد داليدا رجعت وانتي سامحتيها ومبقاش ليا لازمة هنا. نور: مين قال كده؟

انت لازم تبقى هنا. إحنا محتاجين راجل يبقى معانا بعد اللي حصل ده. ومبقاش لينا غيرك. عايز تسيبنا وتمشي دلوقتي يا جمال؟ انت مش قولت هتفضل جنبي لحد ما أنفذ وصية جدو. عايز تمشي دلوقتي ليه؟ جمال: الكلام ده كان قبل ما أكتشف إن أخويا تاجر سلاح ومخدرات كمان. وكمان قاتل. أقعد معاكم إزاي وأنا أخويا سبب المصايب اللي بتحصل لينا كلنا؟ نور: وهو كان أخوك لوحده اللي كان كده؟

مهو فايز وزياد وحاتم كده يردوا. كلهم كده مش أخوك لوحده. بص يا جمال. أنا مش عايزة أتكلم في الموضوع ده كتير. انت مش هتمشي من هنا. واعمل حسابك إنك من بكرة هتيجي معايا المستشفى وهتبدأ علاجك. وهتخف يعني هتخف. مش بمزاجك يا جمال. ده غصب عنك. أنا مش هسمح إني أخسرك زي الباقي. انت الوحيد الكويس بينهم واللي هتقدر تاخد بالك من كل حاجة معايا. أنا قولت اللي عندي يا جمال. ومفيش كلام بعد كلامي ده. سابته وخرجت من الأوضة. بعد سنتين.

لابسة أسود. واقفة قدام قبره. بتقرا الفاتحة. بدأت تتكلم وهي حابسة دموعها.

نور: وحشتني أوي يا جدو. كان نفسي أجلك من زمان بس مكنتش قادرة أجلك قبل ما أنفذ وصيتك. جدو أنا بسبب وصيتك دي أنا تعبت أوي بجد. اكتشفت إن أخويا اللي المفروض يكون أقرب الناس ليا طلع شيطان. دمر نفسه ودمرني أنا وداليدا. كان قتل وخان وعمل حاجات وحشة أوي. كريم وزياد وفايز بردو مكانوش ملايكة. بالعكس دول طلعوا شياطين كبيرة أوي. عمري ما فكرت إن واحد منهم يتاجر في السلاح ولا المخدرات. كان نفسي إني أعقلهم وأخليهم يبقوا قد

المسؤولية اللي انت سبتها ليهم. مكنتش حابة أبداً إن نهايتهم تكون بالسجن. داليدا جات تعيش معانا في القصر تاني. أنا سامحتها لأنها مكنش ليها ذنب في اللي حصل. يبقى تكون طماعة شوية بس في حتة كويسة فيها حتى لو كانت صغيرة. داليدا كانت ماشية ورا حاتم وبتعمل كل اللي بيقولها عليه من غير ما تعرف نتيجة اللي بتعمله ده إيه. عشان كده أنا سامحتها وأدتها فرصة تانية. فاطمة وعلياء بدأوا يشتغلوا في الشركة وبقوا شاطرين أوي في الشغل وأنا

أدين لكل واحدة فيهم حقهم. بيحاولوا يبينوا إنهم مش مدايقين من اللي حصل لـ إخواتهم. بس باين عليهم إنهم زعلانين عليهم وعلى اللي حصلهم. جمال بقى بدأ يخف وبقى أحسن من الأول. تخيل يا جدو. جاه وطلب إيد داليدا مني أنا و دادة رحمة. دادة جننتوه قبل ما توافق عليه. اتجوزوا ونهارده داليدا ولدت بنت. سموها حورية على اسم ماما. شكلي هعملها أنا كمان قريب. بصراحة حازم من يوم ما دخل حياتي وأنا بقيت بحس بإحساس غريب وأول مرة أحسه. طول

الوقت معايا وبيساعدني في الشغل. بصراحة بدأت أثق فيه وأحبه. اعترفلي بحبه ليا. حطيته في كذا اختبار عشان أتأكد من حبه ده لحد ما حبيته أنا كمان وشكلنا هناخد خطوة الخطوبة دي قريب. وعلى فكرة هو اللي اقترح عليا حوار إني أعلن إفلاس الشركة ده عشان يحاولوا يشتغلوا ويرجعوها من تاني وأنا خليت الأستاذ صبري يعمل أوراق بتثبت الإفلاس. آخر حاجة بقى عايزة أقولهالك. بابا اتوفى من أسبوعين. أكدب عليك لو قولت إني زعلت عليه. أنا ساعتها

محستش بأي شعور لما عرفت الخبر. أنا عمري ما شفت منه حنية عشان أزعل ليه يوم ما يموت أصلاً. أنا همشي دلوقتي وهاجي تاني وأحكيلك كل حاجة. هتوحشني أوي.

خرجت من المقابر. قربت منه. مسكت في إيده. مشيوا من المكان. قاعدة على السرير. قعد جمبها وماسك في إيديها. قاعدين قدامهم وعم مبسوطين. فاطمة: مبروك يا داليدا. مبروك يا جمال. البنت زي القمر. جمال: الله يبارك فيكي يا فاطمة. عقبال ما تتجوزي وتجيبلنا ولد زيك شبه القمر كده. نور: بس فاطمة تقرر قرارها الأخير وتقبل العريس اللي اتقدملها بس وأنا هعملها أحسن فرح. علياء: نفرح بيكي انتي الأول يا نونو وبعدين نفرح بفاطمة بقى.

حازم: قولي لها عشان أنا تعبت معاها والله. أنا مش عارف هي مستنية إيه كل ده والله. جمال: يبني سيبها براحتها. ده انت هتشوف أيام نيلة بعد الجواز. أهدي على نفسك كده عشان اللي جاي مش هتحبه. داليدا: قصدك إيه يا جمال؟ جمال: لا يا حبيبتي مقصدش. هما كل الرجالة بتقول كده لكن أنا... أنا حياتي جنة من يوم ما انتي دخلتيها يا حبيبتي. حازم: متقلقش أنا عمري ما هزهق من نور طول حياتي. نور: هو دادة فين صحيح؟

علياء: قاعدة في أوضة نادر بتحاول تخليه ينام. جمال: طالع لأبوه زنّان أوي والله. فاطمة: كلنا نفسنا نشوفهم يا داليدا. بس هما غلطوا يا داليدا وكان لازم يتحاسبوا على غلطتهم دي. نور: مكنتش حابة الموضوع يوصل لكده. بس هما اللي عملوا كده في نفسهم. حازم: ربنا معاهم ويخرجهم بالسلامة.

نور: آمين. يا رب جدو يكون مبسوط دلوقتي. إحنا بقى بقينا مع بعض وكل واحد خد حقه اللي يستحقه. ودلوقتي بقينا عيلة واحدة ماسكين في إيد بعض زي ما كان نفسه طول عمره. ودلوقتي الشغل بقى أحسن بكتير. كل حاجة بقيت زي ما كان عايش. جمال: انتي عملتي كل اللي تقدري عليه عشان تحققي وصيته يا نور ونجحتي في ده. أكيد هو مبسوط دلوقتي وهيكون مبسوط أكتر لو اتجوزتي زي ما كان نفسه دايماً إنه يفرح بيكي.

ابتسمت. مسكت في إيده. بدأت تتكلم وهي بصاله. نور: وأنا معنديش مانع طالما ده هيفرح جدو. بدأ يتكلم بصدمة. حازم: يعني انتي موافقة أخيرا؟ أنا... أنا هروح أجيب المأذون بسرعة قبل ما تغيري رأيك. طلع يجري. خرج برا الأوضة. ضحكوا على شكله. النهاية