رواية الرعد الفصل الثاني عشر 12 - بقلم شهد جبريل

دخلت يارا إلى الشركة وهي في قمة الغضب. مى: إيه يا بنتي؟ يارا: إن الحيوان اللي اسمه حسام عاوز يضيع حياتي زي ما عمل قبل كده. أنا مش فاهمة أنا إزاي حبيت واحد زي ده. مى: قولتلك من الأول، بس يلا زي ما بيقولوا الحب أعمى. يارا: والنبي هي مش ناقصة حكم ومواعظ. عند حسام: حسام: كده أول خطة نجحت، عاوزين نجهز للتانية واحدة واحدة وبعدين نديهم القاضية. مجهول: كده كويس، بس أوعى تأذي ياسين، أنا ساعدتك عشان تبعدهم وبس.

حسام بغضب: أنا حسام الأحمدي ومحدش بيديني أوامر، فاهمة ولا لأ؟ وياسين ده ميهمنيش في حاجة، بس أقسم بالله لو سمعتك مرة تانية بتديني أوامر هقتله قدامك. مجهول: اهدى، أنا مكنش قصدي. حسام: أنا كل هدفي إنه يدفع يارا تمن سنة قضيتها في السجن. مجهول: مش كفاية اللي عملته؟ أنت اتعذبت وهي اتعذبت كمان. حسام: مش حسام الأحمدي اللي حتة بنت زي دي تسجنه. مجهول: طيب سلام. عند مى ويارا:

مى: أنا خلصت كل الأوراق اللي في إيدي، تحبي أساعدك يا يارا؟ يارا: هو معقول ياسين يكون بيضحك عليا ومش بيحبني؟ مى: ليه بتقولي كده؟ يارا: هو لو بيحبني هيخطب ليه؟ كادت مى أن تخبرها الحقيقة ولكن دخل ياسين. ياسين: مى عاوزك. فهمت مى ياسين. ياسين: إيه اللي كنتي هتعمليه ده؟ كنتي هتقوليلها؟ هو انتي مش وعدتيني يا مى؟ الله يخرب بيتك. مى: ياسين، أنصحك تخلص اللي بتعمله بسرعة، عشان لو يارا اتجرحت منك عمرها ما هتسامحك.

ياسين: ليه بتقولي كده يا مى؟ أنا بعمل كده عشان أنا بحبها بجد وعاوز أخليها تحس بكده. مى: بس يارا بتحبك. ياسين: بس أنا عاوز أسمعها منها هي، مش حد يقولي. مى: اعملوا اللي يريحكم، أنا مليش دعوة. ياسين: أنا لولا ما كنت رايح مكتبي وسمعتك، كنتي ودتيني في داهية. أنا ماشي، باي. بعد أن خرج ياسين، جرت يارا على مى. يارا: كان بيقولك إيه؟ ها؟ مى: كان بيقولي ودي الملفات لرعد، يلا باي. يارا: كده يا مى؟ طيب تمام. أنا هخليكي تعترفي.

أنهت يارا الملفات وأعطتها لياسين. ياسين: شطورة يا يارا. يارا: هو انت فاكرني طفلة عشان تقول لي شطورة؟ ياسين: أحلى طفلة. يارا: طيب اتلم يا خفيف. مى: أهو يا رعد بيه، خلصت الملفات. رعد: طيب كويس، الاجتماع بعد 10 دقايق، قولي ليارا وياسين. ذهبت مى لتخبر يارا وياسين. يارا: اجتماع! لا ده ممل. ياسين: مش بقول طفلة. كادت يارا أن تجيب ولكن تسرعت مى في الحديث. مى: بقولكم بعد ربع ساعة، يعني اخلصوااااااا.

يارا: طيب هحضر يا ياسين وأوريك مين الطفلة. ياسين: لما نشوف. وذهبوا جميعًا إلى الاجتماع. في الاجتماع: رعد: كده إحنا هنوقع الصفقة دي وهتبقى أول شراكة بينا. أدهم: إن شاء الله تبقى فاتحة خير على شركتنا وشركتكم. ياسين: أحمى، كده لازم نعمل حفلة بمناسبة الصفقة دي. يارا: واوووووو حفلة. التفت الجميع لها. ياسين في نفسه: الله يخرب بيتك، فضحتنا. يارا: احم احم، أسفة، كملوا. أدهم: يشرفني طبعًا إننا نحضر الحفلة.

رعد: كده تمام، الحفلة على 9 وهبعت كروت الدعوة لكل عملائنا. انتهى الاجتماع وذهب الجميع ما عدا رعد ومى وياسين ويارا. ياسين مقلداً يارا: واووووووو حفلة. فضحتنا، جاتك القرف. يارا: اتلم يا ياسين، أنا ماسكة فعلاً، اتسرعت، بس لو زودت هوريك. ياسين: ولسا ليكي عين تتكلمي؟ رعد: بس يا ياسين. ثم وجه كلامه إلى يارا: انتي معزومة النهاردة انتي ومى. ياسين: لاء، اعزم مى دي هتفضحنا.

يارا بعدم اكتراث لياسين: أكيد هنحضر، بس دلوقتي الساعة 5. ياسين: ليه؟ عاوزة تروحي من خمسة لتسعة تلبسي؟ متقوليش ليه هتطلعي مين في الآخر؟ يارا: اخررررس أنت، أنا قصدي إن مى ذوقها راقي جداً وممكن نجهز مكان الحفلة إحنا. مى بصوت هامس ليارا: وإحنا مالنا؟ رعد: أنا موافق. يارا: سحبت يارا من ذراعها: طيب كويس، كده إحنا هنروح نجهز، بس عاوزين حد يوصلنا للقصر. ياسين: أنا هوصلكم. رعد: اقعد هنا، ورانا شغل كتير، السواق هيوصلهم.

ذهبت مى ويارا للقصر وانبهروا من جمال القصر كثيراً. يارا: مى، شايفة اللي أنا شايفاه؟ مى: واو، دا شكله جميل جداً. يارا: ده كده منظم للحفلة من غير ما نعمل حاجة. مى: طيب إزاي هنقدر نزينه؟ ده كبير قوى، مش هنلحق. يارا: لا طبعاً هنلحق، يلا نبدأ. أخذت مى ويارا يجهزون كل القصر ويساعدهم الخدم، حتى أتت الساعة الثامنة، وذهب ياسين ورعد للقصر ليروه مبكراً قبل الحفل ليروا إن كان هناك شيء ينقص. رعد: إيه ده؟ اللي عملتوه في القصر؟

مى تبتلع ريقها: معجبكش؟ رعد: دا بقى جميل جداً. يارا بفرحة: بتتكلم جد يا رعد؟ رعد: طبعاً، خلاص أي حفلة هخليكي انتي المسؤولة عنها. يارا: بس مى اللي كانت بتقولنا نحط دا فين ودا فين، مش أنا. فنظر رعد لمى فأحرجت مى من نظراته، وقاطع تلك النظرات صوت ياسين وهو يضحك بشدة. ياسين: هاهاهاهاهاهاهاى. نظر له الجميع باستغراب. ياسين: كنت واثق إن الجمال دا مش من ذوق عم حنفي، هههههه.

يارا: والله هو فعلاً ذوقي وحش، عشان لو حلو مكنتش اخترتك. نظر لها ياسين بصدمة: عيدي، قولتي إيه؟ يارا بكسوف بعدما استوعبت ما قالته: يلا يا مى عشان نجهز، وجرت للخارج. ياسين لرعد: دي اعترفت. رعد: لا ياشيخ، دلوقتي خدت بالك؟ مهو كان باين من غيرتها عليك مع جاسي، يلا يا ابني نلبس، الله يهديك. وصلت مى ويارا للمنزل. ارتدت يارا فستان لافندر إلى الركبة ورفعت شعرها، وتركت بعض الخصلات المتطايرة على وجهها ووضعت بعض الميكب الخفيف.

ارتدت مى فستان أسود إلى بعد الركبة وتركت لشعرها العنان، وكان شعرها طويل للغاية، ووضعت بعض المساحيق الخفيفة. ارتدى ياسين بدلة زرباء اللون ووضع عطره الخاص المميز وارتدى ساعته وزين شعره. ارتدى ياسين بدلة سوداء اللون ووضع عطره الخاص وأخذ يزين شعره بحرافية مما زاده وسامة. بدأ المدعوين إلى الحفل بالحضور، ومنهم حسام الذي علم بحضور يارا وأعطاه شخص بطاقة دعوة، والآن سيدمر كل شيء في هذه الليلة.