رواية الروح المنكسرة الفصل الأول 1 - بقلم لولو وائل

فى حفل زفاف ياسين منصور على حبيبته سيرين سعد بين فرحة الأهل والأصدقاء والأقارب. وبعد ساعات انتهى الزفاف ورحل العروسين لعش الزوجية. وانتهى اليوم وبدأ يوم جديد. وبعد فترة من الزفاف نزل ياسين إلى شركته شركة المنصور. ودخل إلى مكتبه ووجد صديقه بمكتبه وزوجة صديقه التى تعتبر مثل أخته. ياسين: أهلاً أهلاً، وأنا أقول المكتب منور ليه. ازيك يا سليمان؟ إيه الأخبار؟ وإيه أخبارك يا سلوى؟

سليمان: كله تمام وزي الفل. إنت عامل إيه في الجواز؟ شايفك راجع وشك منور والابتسامة على وشك. سلوى بهزار: أكيد لازم يبقى فرحان، مش اتجوز حب حياته. ياسين: بجد أنا فرحان جداً إني حققت حلمي واتجوزتها وحاسس إن ربنا عوضني خير بجد. سليمان: ربنا يسعدك كمان وكمان يا عم. المهم إحنا داخلين على صفقة جديدة ولازم نركز فيها. أكرم: السلام عليكم. مبروك يا ياسين. ياسين: الله يبارك فيك يا أكرم. عقبال ما أفرح بيك يا صاحبي.

أكرم: آمين يا رب. •••••••••••••••• في فيلا ياسين، كانت سيرين تقف مع الخادمة تعد الغداء. شعرت بدوار وسقطت على الأرض. مرفت: سيرين هانم. سيرين هانم. ذهبت الخادمة وقامت بالاتصال بياسين. •••••••••••••• ياسين: الصفقة هتخلص على أكمل وجه، متقلقش أبداً. وأتى اتصال لياسين. ياسين بقلق: إيه؟ أنا جاي حالاً. سلوى: في إيه يا ياسين؟ حصل حاجة؟ ياسين: سيرين اغمى عليها، لازم أمشي بسرعة. سليمان: طب روح وابقى طمنا، إن شاء الله خير.

ياسين: إن شاء الله. وذهب ياسين مسرعاً إلى الفيلا ونقل سيرين إلى المستشفى. الطبيب: أستاذ ياسين، عايزك ثواني في مكتبي. ياسين: خير يا دكتور؟ إيه اللي حصل؟ مالها سيرين؟ الطبيب: ألف مبروك، المدام حامل. بس ياريت تحافظوا عليه ومتجهضوش زي اللي فات. ياسين بصدمة: إيه؟ إجهاض إيه؟ الطبيب: مرات حضرتك جت المستشفى وعملت إجهاض مرتين. ياسين بصدمة: إيه؟ أنا مراتى اجهضت مرتين؟

الطبيب: لازم تحافظوا علشان ممكن ميبقاش فيه فرصة للخلفة تاني. عن إذنك. ياسين: اتفضل. وظل ياسين يفكر لماذا فعلت سيرين هكذا. وأنهى ياسين باقي الإجراءات وذهب إلى الفيلا. ياسين بغضب: سيرين، إنتي اجهضتي مرتين. سيرين بتوتر: ياسين أنا... قاطعها ياسين بغضب: إنتي إيه؟ إنتي عارفة إني بحبك وعايز أخلف منك وفي الآخر تجهضي؟ لييييه؟ سيرين بتمثيل: علشان خايفة تسيبني لما أحمل وجسمي يملى، ممكن تسيبني وتبص بره.

ياسين بهدوء: سيرين، أنا بحبك ومستحيل أبص بره، وعايز أجيب بنوتة شبهك. سيرين: أنا آسفة، متزعلش مني. ياسين: أنا مش بزعل منك يا حبيبتي. •••••••••••••• وذهب ياسين لقصر العزيزي. سليمان: ها يا ياسين، إيه اللي حصل؟ ياسين: سيرين حامل. سلوى بفرحة: ألف مبروك. طب ومالك زعلان ليه؟ هو الخبر مش عاجبك ولا إيه؟ سليمان: هو في حاجة حصلت ولا إيه؟ ياسين: سيرين اجهضت مرتين والدكتور قالي لو اجهضت تاني مش هتخلف تاني. سلوى بصدمة: إيه؟

اجهضت مرتين ليه؟ ياسين: بتقولي خايفة لما جسمي يملى تبص بره. سليمان: ههههههه، كل الستات كده. سلوى: يعني إنت شفتني بعمل كده؟ سليمان: سلوى، هو أنا تخنت؟ هو أنا شكلي بقى وحش؟ إنت مش هتحبني تاني؟ مش إنتي كنتي بتقولي كده وإنتي حامل في سليم؟ سلوى: احم حم، أصل كل الرجالة كده. بيحبوا الستات الرفيعة واللي مهتمة بنفسها. لكن الحمل بيخلي الست تملى وممكن تبصوا بره وتبطلو تحبوا.

ياسين: تعرفي يا سلوى، لو الست وثقت في نفسها هتعرف إن جوزها مش هيخونها. الراجل لما بيخلف الحب اللي جواه للست بيزيد مش بيقل، لأنه دي بتكون ثمرة حبهم. سلوى: والله الرجالة اللي زيك قليلين اليومين دول. سليمان: وأنا إيه؟ إن شاء الله؟ سلوى: قصدي اللي زيكوا. الله. •••••••••••••••••••• بعد مرور تسع أشهر. سيرين بصريخ: يااااسين الحقنييييى بولللللد. نهض ياسين وأخذ سيرين إلى المستشفى ودخلت إلى غرفة العمليات.

سليمان: اهدى يا ياسين، خير إن شاء الله. سلوى: إن شاء الله هتقوم بسلامة. وبعد مدة ليست بقليلة انتهت الولادة وخرج الطبيب وبيده طفلة تشبه الملائكة. سلوى: بسم الله ما شاء الله، ملاك نزل من السما. سليمان: هتسميها إيه يا ياسين؟ ياسين: هسميها روح، لأنها هتبقى روحي اللي عايش بيها. سلوى: هات بقى مرات ابني، خليني أعرفها على حماتها المستقبلية. •••••••••••••••••• وبعد مرور عشر سنوات.

بعدما حصل انخفاض في أسهم شركات العزيزي واضطر للسفر إلى الخارج مع زوجته إلى إسبانيا وانقطعت العلاقة بعدها مع صديقهم ياسين. والتي كشف غدر وخداع زوجته أصبح يكرهها. ولكن أصيب بالمرض الخبيث في المرحلة الأخيرة. وقرر أن يكتب كل ممتلكاته وشركاته باسم ابنته ملاك. ووضع أسهم بقيمة كبيرة من المال لأجل ابنته، لأنه عندما يتركها تجد شيئاً يكون عوناً لها في الحياة، لأنه يعرف مدى كره أمها لها. ياسين: روحي، تعالي نخرج مع بعض.

روح: لا يا بابي، باين إنك تعبان أوي. خليها مرة تانية. ياسين: لا يا بنتي، أنا كويس وزي الفل. روح: لا يا بابي، اطلع ارتاح. باين عليك تعبان أوي. ياسين: طب تعالي، عايز أديكي حاجة. روح: هتديني إيه؟ ياسين: روح، خدي السلسلة دي، البسيها وخليها معاكي، وأوعي تقلعيها أبداً، ماشي؟ روح: حاضر يا بابي، أوعدك إني مش هقلعها أبداً. بعد مرور أسبوعين، توفي ياسين وترك ابنته في عالم سيء وحدها مع امرأة لا تعرف شيئاً عن الأمومة والرحمة.

روح بحزن: هو بابي حصله إيه؟ سيرين: أبوكي مات. ويا ريتك كنتي متي معاه. أبقى خلصت منك إنتي وهو. غورى من وشي يلا. روح: حاضر يا ماما. وذهبت ملاك إلى غرفتها وظلت تبكي بشدة على وفاة أبيها الذي تحبه بشدة. •••••••••••••• سيرين: روح، رررروح. روح: نعم يا ماما؟ سيرين: بقولك إيه، أنا هتجوز، مش عايزة أي مشاكل، إنتي فاهمة؟ روح: حاضر. وبعد مرور أسبوعين تزوجت سيرين من حبيبها أكرم الهواري. وبعد أسبوع من زواجهم.

سيرين: أنا هروح للمحامي علشان الإعلان الوراثي. وذهبت سيرين للمحامي وعلمت أن ياسين كتب كل شيء لروح. وغضبت بشدة وذهبت للمنزل. أكرم: مالك يا حبيبتي؟ متعصبة من إيه؟ سيرين: ياسين الزفت كتب كل حاجة لروح، البيت والشركة والفلوس. أكرم: يعني إيه؟ يعني كل اللي خططناله راح؟ سيرين: أنا مش هسكت وهموت البت دي. أكرم: هدي نفسك بس، وكل ده لازمله تخطيط بهدوء وروقان.