رواية الروح المنكسرة الفصل الثامن 8 - بقلم لولو وائل

خرجت روح من السجن بعد فترة وقابلت الشابين لتعرف المطلوب منها. روح: اتفضل عايز مني إيه؟ كرم: في تاجر مخدرات وسلاح بيخبي أعماله المشبوهة بشغل وصفقات كبيرة. إحنا بقى عايزينك تدوري على حاجة تثبت إنه بيتاجر علشان نعرف نقبض عليه. روح: وده مين ده وهدخل عنده إزاي؟ كرم: هتشتغلي عنده سكرتيرة. هتبقي السكرتيرة الخاصة بيه. هو دلوقتي عامل مقابلات وإنتي هتروحي تقدمي. وأنا عارف إن معاكي لغات كتير. روح: تمام.

هشام: خدي التليفون ده. ده اللي هتتوصلي معانا بيه. روح: ماشي. وعلمت نور بخروج روح وقالت لها أن تبقى لديها بالفيلا. ولكن رفضت وقالت لها إنها سوف تذهب إلى منزل والدها. وأرسلت نور أشخاص لينظفوا منزل روح حتى أصبح جاهز. وعندما وصلت إليه روح كان نظيف. أبدلت روح ملابسها وذهبت لمقابلة العمل.

أخذت سيارة وذهبت إلى الشركة. وعندما وصلت وجدت الكثير من البنات هناك لهذه الوظيفة، لكن بملابس جريئة جداً ومنهم بملابس جيدة. وجلست وتنتظر دورها حتى وجدت فتاة خارجة تبكي. خافت كثيراً أن ترفض في هذه الوظيفة. وبعد وقت أتى دورها وذهبت إلى الداخل. سليم: اسمك إيه؟ روح (في بالها) : طب أعمل إيه دلوقتي؟ أنا خايفة الاسم اللي حطيته نور يتكشف. مش عارفة ليه غيرت اسمي. هو كده كده ما يعرفنيش. ربنا يستر.

سليم: يا آنسة كل ده علشان سألتك اسمك إيه؟ هو السؤال صعب أوي كده؟ روح: أنا اسمي حور. سليم: ماشي يا حور. إيه المؤهلات اللي معاكي؟ روح: ده السي في بتاعي. سليم: مم. معاكي لغات كتير؟ روح: آه. معايا إنجليزي وفرنسي وألماني وإيطالي وإسباني. سليم: تمام. إنتي اتعينتي. روح (بصدمة) : بسرعة دي؟ سليم: لو مش عايزة الوظيفة خلاص. روح: لا، عايزاها. طب وهبدأ من امتى؟ سليم: من بكرة. تكوني عندي الساعة 8. مش بحب التأخير. تمام؟ روح: تمام.

وذهبت روح وهي تشعر بالخوف والفرح لأنها لا تعرف هل سوف تعاني من هذه الوظيفة أم لا. سليم: يارا، امشي الباقي اللي برا. ومعلش هتجيني بكرة تعلمي البنت هتعمل إيه. وبعدين تقدري تمشي. يارا: تمام. يوسف: ها يا سليم عينتي حد ولا لسه؟ أنا لقيت كذا بنت خارجة معيطة. سليم: آه. عينت بنت مؤهلاتها كويسة جداً. يوسف: طب كويس. اومال شكلك مش على بعضك ليه؟

سليم: مش عارف. بس البنت اللي كانت قدامي لما سألتها إنتي اسمك إيه قعدت كتير عقبال ما ردت. لكن باقي الأسئلة ردت بسرعة. كأنها كانت بتكدب عليا وبتألف اسم. يوسف: لا يا عم مش للدرجة. هتألف عليك اسم ليه؟ هو أنت كنت عدوها؟ سليم: لازم نتأكد احتياطي. يوسف: ماشي. روح: نور يا نوررر. نور: روحي. علمتي إيه في المقابلة؟ روح: اتقبلت. نور: طب حلو أوي. اومال شكلك مش مبسوط ليه؟ إيه اللي حصل؟

روح: أنا حاسة إن فيه حاجة غلط يا نور. مش مصدقة الراجل اللي بيقولي مهمة وطنية. والراجل اللي قدمت معاه علشان أبقى السكرتيرة بتاعته باين عليه راجل عادي مش بتاع مخدرات ولا حاجة. نور: ومين قالك أصلاً إن اللي بيتاجروا بيبينوا ده؟ أكيد لازم يخفوا كل ده بسهولة علشان يخلي الناس تصدق إنها ناس نضيفة وكويسين. زي ما إنتي صدقتي كده. روح: عندك حق. طب ليه خلتيني أغير اسمي وغيرتي اسمي في السي في؟ إيه لازمة كل ده؟

وهو كده كده ما يعرفنيش. نور: احتياطي. افرضي فكر يدور على الماضي بتاعك هتعملي إيه؟ روح: عندك حق. طيب أنا هروح بقى علشان تعبانة أوي بجد. نور: ما تباتي معايا. تعالي نامي في حضني، إيه رأيك؟ زي ما كنا بنعمل. روح: ماشي. إنتو فرحكم إمتى؟ نور: إحنا اتجوزنا وإنتي كنتي في السجن. روح: إزاي؟ اومال ليه لما كنت بسألك بتقولي خطيبي؟

نور: إحنا اتجوزنا وعزمنا صحابو وصحابي وشوية من القرايب. لأن أهلي ما رضوش إني أرجع البيت. وأنا ما كانش ينفع أعيش مع عمر كده من غير جواز. علشان كده اتجوزنا. روح: أحسن قرار أخدتوه. الناس مش بتسكت أبداً. نور: أهم حاجة إنك ما تكونيش زعلانة مني. روح: لا مش زعلانة. ما تخافيش. أنا هروح البيت بقى علشان أنام. نور: مش قولنا هنبات مع بعض؟ روح: لا. علشان خاطر جوزك ياخد راحته وأنا آخد راحتي. معلش. نور: مش عمر ده أخوكي برضو؟

روح: نور أنا كده مرتاحة. معلش. نور: ماشي على راحتك. ذهبت روح إلى منزل والدها. روح: مش مصدقة إني خلصت من السجن. وهمه بجد يارب الأيام الجاية تبقى كويسة ومفيهاش مشاكل. ونامت روح من التعب وبداية يوم جديد. روح (بنوم) : يلهوي! الساعة 7 ونص. لازم ألحق أروح قبل 8. واستيقظت روح واغتسلت وأدت فريضتها وارتدت ملابسها بسرعة وذهبت إلى الشركة. يوسف: إيه يا سليم متأخر؟ يعني مش عوايدك. سليم: أنا اتأخرت قصد؟

علشان عايز أعرف هي هتوصل بدري ولا لأ. الإنسان بيبان من أول يوم. يوسف: طيب يلا. ووصلت روح إلى الشركة. روح: الحمد لله. وصلت قبل ميعادي بخمس دقايق. وذهبت إلى المكتب ووجدت يارا وبدأت تعلمها ما المطلوب فعله إلى أن وصل المدير. سليم: يارا تعالي على مكتبي. عايزك. يارا: تمام. اشتغلي إنتي يا حور على دول. وأنا هجيلك تاني. روح: تمام. سليم: هي حور؟ يارا (بمقاطعة)

: والله ما أنت سائل. حور جاية قبل ميعادها بخمس دقايق. وكنت بعلمها عقبال ما حضرتك تيجي تكمل معاها علشان أمشي بقى. سليم: إنتي حفظتي كل حاجة للدرجاتي؟ يارا: دول مش كان يوم اتعملت فيهم معاك حضرتك. ده كام سنة. سليم: ماشي يا يارا. تقدري تروحي خلاص كده دورك خلص. بس نادى على حور قبل ما تمشي. يارا: ماشي. وذهبت يارا وفعلت ما طلبه منها مديرها. وبعدها ذهبت خارج الشركة. روح: حضرتك طلبتني؟

سليم: اقعدي يا حور. لازم تفهمي كويس أوي إننا عندنا قواعد. وأهم حاجة منها بلاش تأخير. تمام؟ روح: تمام. سليم: أنا هعلمك بقيت الشغل اللي بدأته معاكي يارا. ماشي؟ روح: تمام. عمر: مالك يا نور؟ نور: حاسة إن روح زعلانة مني. عمر: زعلانة ليه؟ نور: أنا قولتلها إننا اتجوزنا. حسيتها زعلت إننا خبينا عنها. عمر: قولتلك قوليها. إنتي اللي قولتي لأ. إيه اللي كان هيحصل لو عرفت في السجن؟

نور: إنت عارف إن كل ما بتيجي فرصة علشان أقولها بتحصل مشاكل. وملحقتش أقولها. أعمل إيه؟ عمر: خلاص اهدى. طيب روح عاقلة وهتفهم موقفك. وأكيد مش هتزعل منك. نور: طب هي مرديتش تبات معايا ليه امبارح؟ عمر: يا بنتي هي تعبانة أكيد عايزة ترتاح. سيبها براحتها. إيه المشكلة؟ متعمليش مشكلة من لا شيء. نور: حاضر. سليم: بس يا ستي كده كل حاجة عرفتيها. تقدري بقى تبدأي شغل. علشان عندنا اجتماع مع وفد روسي. نور: تمام.

سليم: تقدري تخرجي دلوقتي. وابعتيلي يوسف. نور: تمام. خرجت نور وفعلت كما طلب منها سليم. يوسف: كنت عايزني في إيه؟ سليم: المترجم مجاش ليه لحد دلوقتي؟ يوسف: مهو بصراحة. سليم: في إيه يا يوسف؟ يوسف: هو مش هيجي. سليم: نعم؟ اومال مين اللي هيترجم أمي؟ يوسف: إيه ده؟ هي أمك بتعرف تتكلم روسي؟ سليم: إحنا بنهزر. هنعمل إيه دلوقتي في المشكلة دي؟ يوسف: مش عارف. روح: سليم بيه. سليم: نعم يا حور. روح: الوفد الروسي وصل.

يوسف: اتبع.............