رواية الصعيدي و العنيدة الفصل التاسع 9 - بقلم حبيبة احمد عطيه

تركها تذهب وذهب خلفها. عند ياسين، دخل الفيلا. ياسين: إيه الريحة الحلوة دي؟ الدادة: دي مدام قمر دخلت المطبخ النهارده وهي اللي عملت الأكل. قمر (بخجل) : حمد الله على سلامتك. ياسين: الله يسلمك، أنا هطلع آخد شاور تكوني حضرتي الأكل. قمر (بطاعة) : حاضر. على السفرة. ياسين قاعد وقمر واقفة جنبه. قمر: حلو؟ ياسين: يجنن، جميل جداً، تسلم إيديك. قمر: شكراً. ياسين: مش هتاكلي؟ قمر: لا، أنا هاكل جوه، عن إذنك.

كادت أن تمشي فكانت يديه أسرع منها. ياسين: رايحة فين؟ قمر: هاكل جوه، مش هينفع أقعد قدام حضرتك يعني وكده. ياسين: لا اقعدي. قمر: يا بيه! ياسين (بزعيق) : قولت اقعدي! قمر قعدت دون نقاش. ياسين: تقدري تاكلي قدامي عادي على فكرة، وبعدين بلاش كلمة "بيه" ده، قوليلي ياسين عادي، أنا يعتبر جوزك يعني. قالها بمزاح. قمر اكتفت بابتسامة. ياسين: الحمد لله. قمر: هعمل لحضرتك الشاي وأجي. ياسين (بابتسامة) : ماشي يا قمر. بعد شوية.

قمر: اتفضل. ياسين: متشكر. قمر: حضرتك هتعوز مني حاجة تانية؟ ياسين: لا، اقعدي. ياسين: شايفك متوترة يعني، في حاجة ولا إيه؟ قمر (بتوتر) : كنت عايزة أكلم حضرتك في موضوع. ياسين: اتكلمي، بس من غير "حضرتك". قمر: حاضر، هو يعني أنت دفعت لبابا 200 ألف جنيه، أنا معايا كلية حسابات ومعلومات وهقدر أرجعهم لك و... ياسين: ششش، أهدي، أنا مطلبتش منك حاجة ومش عايزهم، بطلي هبل ممكن؟ قمر (بابتسامة) : حاضر. قطع حديثهم فون ياسين. ياسين: الو.

إبراهيم: الو. وعند روح، نزلت ودخلت في عيادة كبيرة، بعدها بساعة خرجت وراحت الفيلا. مهند (لنفسه) : هي بتعمل إيه عند الدكتور ده؟ فلاش باك. دكتور: إزيك يا آنسة روح؟ روح (بتوتر) : تمام. باااك. مهند: معقولة تكون بتحبه؟ بس بتروح عنده العيادة لي؟ لا، روح بنت محمد بيه متعملش كده. مش عارف، بس جايز تعمل كده، لازم أفهم. روح: هاي يا بابي. محمد: إيه أخبار الشغل؟ روح: كويس، بس عارف إيه الوحش فيهم؟ محمد: إيه؟

روح: مهند ده مش عارفة غلس أوي. محمد (بجدية) : بصي يا روح، مهند بيه محترم وجدع وشهم وناجح في شغله وكويس جداً، وبيحب الجدية في الشغل، ولكن هو زينا، أصله صعيدي ومحتفظ جداً بتقاليدهم وكل حاجة، فهمتي؟ روح: فهمت يا بابي، يلا عن إذنك هطلع أنام. محمد: ماشي يا حبيبتي. روح: تصبح على خير. محمد: وأنت من أهله. ياسين: الو. إبراهيم: الو، إزيك يا ياسين يا ابني. ياسين: الحمد لله، إزيك أنت يا عمي.

إبراهيم: الحمد لله، فينك مش باين يعني. ياسين: الشغل بقى. إبراهيم: يلا شد حيلك عشان العروسة مستنياك. ياسين (ببرود) : إن شاء الله. إبراهيم (بخبث) : متنساش ده وصية أبوك الله يرحمه. ياسين (بغضب) : عرفنا، ماشي، يلا سلام دلوقتي عشان عايز أنام. وقفله. قمر: ياسين، أنت كويس؟ ياسين: سيبني لوحدي. قمر: يا ياسين! ياسين كسر الكوبايات اللي قدامه وقلب الترابيزة. ياسين: اطلعي فوق. قمر بدموع طلعت تجري على فوق وفضلت تعيط.

بعد شوية، دخل ياسين. كانت ضامة رجليها وبتعيط بصمت وشهقاتها عالية. ياسين (بخدة) : ق قمر. رفعت وجهها، غضب من نفسه كثيراً! كانت شبه "اللطاطم" خدودها وأنفه محمرين وشفايفها المرتعشة الحمراء. ياسين: حقك عليا، أنا آسف. قمر بكت أكثر. ياسين وهو يضع يده على شفايفها المرتعشة: ششش، أهدي، أهدي. ثم قرب منها كثيراً وتكلم عن شفايفها: بطلي عياط.

وقبلها بعنف وكأنها المتحكم فيه، لا يريد الابتعاد عنها، شعر باختناق نفسها، بعد عنها واتجه إلى الأريكة ونام. بينما هي ابتسمت بخجل ونامت. بعد مرور شهر و...