رواية الصعيدي والمغرورة الفصل الثاني 2 - بقلم اسراء هاشم

وتتحداه ورجال بشنبات لا يقدرون على فعل هذه الغلطة أو يرفعون صوتهم أمامه. وتعصب أول ما عرف أنها بنت عمه اللي هتكون حرمته المصونة وزوجته، وكيف ترتدي مثل هذه الملابس وتقف وسط الرجال وهم يأكلونها بنظراتهم ويتغازلون بها. وهنا يلتفت لها زين وهو بيقرب عليها بغضب ويقف أمامها وهو يقول بحده: "أقسم بالله صوتك لو علي تاني ساعتها متلوميش إلا نفسك. إذا كنتي انتي نجمة الهلالي، أنا زين الهلالي." نجمة: بيظهر عليها علامات الدهشة

ولكن لتخفيها ببراعة وتقول: "اممممم بقا انت بقا ابن عمي اللي المفروض هتجوزه؟ زين: برفعة حاجب وهو ينظر لملابسها التي تثير غضبه ويقول بحده: "للأسف من حظي الأسود إني هتجوز واحدة زيك." نجمة: بردح: "نعم يا بابا! أنت تطول أصلاً تتجوز واحدة زي؟ زين: بصلها بذهول وبيقول بصدمة: "انتي متأكدة إنك سيدة أعمال وكنتي عايشة برا؟ نجمة: احم احم:

"أيوه طبعاً، بس لا ميغركش، أنا مصرية أصيلة وأعرف أكون بكل الحالات، أجنبية وصعيدية ومصرية وسيدة الأعمال." وتقول بتحدي يشع من عيونها ونبرة صوتها: "بص بقا الأرض دي هتبقا بتاعتي يا زين، وده تحدي." زين: بيحك أنفه وهو يقول بثقة وتحدي: "هنشوف يا بنت عمي، أنا ولا انتي." ويلبس نظارته الشمسية وهو يرحل بابتسامة تزين وجهه. نجمة: بغضب: "أووف بقا هنشوف يا زين." زين: بيرجع لها تاني بعد ما بيشوف النظرات اللي بتنظر لها بهيام.

يتعصب زين ويقرب منها وبيقول بصوت غاضب: "اركبي العربية حالا وترجعي عالبيت، ومفيش خروج من البيت باللبس ده تاني. مش عارف أي القر"ف اللي لبساه ده." نجمة: بصدمة: "قر"ف! بقا أنا لبسي قر"ف! كل لبسي من ماركتي وتقولي قر"ف! دنتا صحيح مبتفهمش فالموضة." زين: بحده: "نجمة أنا قولت اللي عندي، قدامي عال عربية يلا." نجمة: بعناد وتحدي: "انت متدينيش أوامر، ولبسي أنا حرة فيه، عجبني مطلبتش رأيك علفكرة."

وتلبس نظارتها وهي تمشي أمامه بثقة وتركب سيارتها وهي تبتسم بانتصار أنها قدرت على استفزازه، وبتسيب زين واقف مكانه بيطلع دخ"ان من ودانه. وتسوق هي بدل السائق وهي تشاور لزين بابتسامة مستفزة. زين: واقف مكانه بيجز على أسنانه بغضب منها وبيقول: "ماشي يا نجمة، إن ما وريتك بقا أنا تتحديني، مفيش راجل قدر يعملها." وبيبص زين للمزارعين وبيقول بصوت صارم: "كل واحد على شغله يلا، مش فرجة هي."

بيخافوا المزارعين منه وكل واحد بيرجع لأرضه وبيمشي زين. نجمة: سايقة عربيتها وبتبتسم وهي توعد لزين وبتقول بتحدي: "إن ما وريتك يا زين يا ابن أم زين، مبقاش أنا نجمة، دنا هجننك. شكلي هتسلى هنا وهنرجع للشقاوة تاني بعد ما كنت عقلت، هترجعني للجنان تاني." وبتشتغل نجمة الكاسيت على أغنية "أنا طبعي كده وبحب كده وبحب أعيش ومعنديش إلا كده، دي حياتي أنا دي ملكي أنا وأنا مهما يكون برضه هكون زي منا عايشة سني وبغني وبحب الحياة".

وهي تدندن معها وترقص. بعد شوية بتوصل نجمة وهي تركن سيارتها وتنزل منها. بيشوفوها الغفر وهم يبصون لها بانبهار وصدمة. بتشوفهم نجمة وبتبتسم على شكلهم المضحك وبتقول: "هلو." الغفر بصلها ومصدومين وبيقول الغفر للغفر الآخر: "يا أبوي هو اللي أنا شايفة ده صح يا محروس؟ محروس: على صدمته: "انت كمان شايف اللي أنا شايفة؟ دي باين عليها خواجاية، إيه اللي جابها هنا دي؟ نجمة: بتضحك عليهم وبتسيبهم على صدمتهم وهي بتدخل البيت.

بتشوف نجمة عمها التي يجلس بهيبة على مقعده. بتقول نجمة بابتسامة: "السلام عليكم يا أهل البيت." عزام: بابتسامة: "وعليكم السلام ورحمة الله وبركاته." نجمة: "أبو العزايم! وحشني يا راجل، بقا كل ده مشوفكش؟ عزام: بابتسامة على تلك الشقيه التي لا تتغير. وبقول بابتسامة وهو بيقرب عليها ويحتضنها: "وانتي كمان وحشني يا حبيبت عمك." وبعدها بيخرجها من حضنه وهو يمسكها من أذنها ويشدها وبيقول بغيظ:

"يا بت انتي أنا مش قولتلك بلاش أبو العزايم دي! بقا أنا كبير البلد يا مفعوضة! انتي تقوليلي أبو العزايم! شايفني عيل صغير قدامك." نجمة: "اه يا عمو، ضيعت بريستيجي كدا لو حد من اللي شغالين معايا شافني وانت ماسكني كدا، البريستيج هيبقا فالأرض خالص. وبعدين فيها إيه بدلعك يا زوز يا عسل انت، وبعدين اه انت كبير البلد بس حليوة وقمر بنفسك. تصدق أنا بفكر أشوفلك عروسة وأجوزك يا قمر انت؟ إيه رأيك؟ عزام: بابتسامة:

"اه يا بكاشة، مش هتعقلي أبدا مهما تكبري." نجمة: بمشاكسة وهي تغمز له وبتقول: "طب بذمتك أنا لو عقلت مين اللي هيجننكم ويضحككم غيري؟ عزام: بحنية: "عندك حق، انتي بتخلقي جو جميل وسطنا، ربنا يحميكي يا حبيبتي. بس اقعدي عاوز أتكلم معاكي شوية." نجمة: وهي تجلس: "بس كدا، أديني قعدت وكل أذن صاغية. عاوزني في إيه بقا يا قمر انت؟ عزام:

"عاوز أتكلم معاكي فموضوعك انتي وزين. أنا عارف إنك ما كنتيش عاوزة تتجوزي كدا وإن أمجد ضغط عليكي، بس صدقيني زين ولدي طيب جداً ومفيش أطيب من قلبه، عامل زي الطفل الصغير، بس محتاج اللي يساعده عشان يخرجه من اللي هو فيه، ومفيش غيرك اللي هيقدر يرجع زين ولدي تاني. انتي بشقاوتك وحنيتك وطيبتك هتخليه يحبك ويرجع زي ما كان تاني، وأنا عارف إنك هتقدري على ده." نجمة: بتنهيدة:

"صح، أنا كنت رافضة بس مقدرش أرفضلك طلب. انت وبابا حبيبي، انتو تأمروا بس. وبعدين زين ابنك ده سبهولي، أنا هعملهولك سوفت وير وهجننهولك، هخليه يمشي يكلم نفسه. لسه زي ماهو كشري وبيخاف يضحك، بحس بيخاف يضحك لو شة يكرمش." عزام: بيضحك بعلو صوته عليها وبيقول: "الله يحظك! زين لو سمعك دلوقتي تقريباً هيعلقك على باب البيت." نجمة: وهي تقوم وتقف وتقلد زين بصوته ورياكشن وشه وبتقول: "ووووووه! بقا أنا وشي هيكرمش يا بت انتي!

عزام: لا يقدر من كتر الضحك وهي تقلد زين وبيقول بضحك: "انتي شوفتيه شكلك عشان كدا قدرتي تقلديه؟ نجمة: بضحك: "أيوه شوفتو، وأنا جايه كنت بشوف الأرض ومش راضي يديني الأرض بتاعته عشان أبني عليها الشركة." وبتبتسم نجمة بخبث وهي تأتي فكرة في رأسها. وتبتسم نجمة وهي تمثل الدموع وبتقول: "يرضيك يعمي ابنك زعقلي وبيقولي مش هديكي الأرض وعاوز يبوظلي مشروعي؟

انت يرضيك نجمتك حبيبتك متعملش شركتها رغم إني أتحايلت عليه وكلمته بذوق واحترام وهدوء وقولتله هشتريها منك، وراح هو زعقلي يعمو وشخط فيا وقالي لاااااااااااا مستحيل تاخديها. رغم إني عرفته أنا مين، ولما عرف إنها أنا بنت عمه صمم أكتر وزعقلي جامد أوي وسط الناس وقالي لاااااااااااا مش هتاخديها. يرضيك يا عمي يحصل فنجمتك كدااااا؟ وأنا مرضيتش أرد عليه ومشيت وسبته." عزام: "ووووووة! بقا هو قالك لااااا!

لا طبعاً ميرضنيش يا حبيبت عمك. أنا هكلمه وأقوله يديكي الأرض ولا تزعلي." نجمة: تبتسم بانتصار وبتقول: "يسسس! أيوه بقا هو ده أبو العزايم المسيطر! أنا قولت مش هيجيبها إلا الكبير! عزام: بضحك: "ابسطي يا ستي عشان خاطر عيونك بس. أنا هطلع أرتاح شوية فوق لحد ما يحضروا الغداء، وانتي اطلعي غيري وارتاحي شوية من الطريق." نجمة: "اطلع انت يا عمي، أنا هتفرج على البيت وبعدها هطلع." عزام: وهو يرحل: "ماشي يا حبيبتي." ويطلع عزام.

نجمة: بعد ما بيطلع عزام بتتنطط بفرحة وهي بتضحك وبتقول: "أيوه بقا يا نجمة يا جامدة، قدرتي تقنعيه وهتاخدي الأرض وتكسبي التحدي بدل دراكولا التاني ده." وبتضحك نجمة. ولكن هنا بيأتي صوت من خلفها وهو يقول بصوت غاضب ويمسكها من قفاها وبيقول: "بقيت أنا بخاف أضحك لوشي يكرمش وأنا دراكولا؟ نجمة: بصدمة: "نهار إسود! سلاما قولا من رب رحيم! انت جيت إمتى؟ وبعدين إيه يا عم المسكة دي، انت ماسك حرامي؟ زين: بغضب وبيقول: