رواية الساكن الجديد بقلم ياسمين الكيلاني | كاملة

"بتتكلمي بجد مشي؟" ضحكت جامد واتكلمت بغرور: "طبعاً، مخدوش ف ايدي أسبوع ومشيتهم. يبنتي أنا مش قد صداعهم كل ليلة خبط ورزع لحد ما امبارح بس طلعت عليهم كل الرعب اللي ف الدنيا ومشيوا." "طب يا فلحة، ما أكيد هييجي ساكن جديد وهيطلع عينك برضه؟" "تمام، ساعتها مش هغلب. أنا محدش يعكر مزاجي ولا يضايقني، فاهمه!" "فاهمه فاهمه، انتِ هتقوليلي صحبتي وعرفاكي." قومت بملل: "طيب أنا همشي بقا، هروح أشوف عم جمال جاب مين المرة دي. واحدة وعيالها ولا راجل ف سن التمانين ولا بت من بنات الأيام دي. عموماً إذا كان دا أو دا ف الله يرحمه." ضحكت سارة واتكلمت بسخرية: "الله يكون ف عونه، أمه دعت عليه عشان يسكن جمب روح." خدت شنطتي ومشيت على طول لحد ما وصلت العمارة. ملقتش عم جمال، افتكرته طفش هو كمان. ما أنا بصراحة متعاشرش. ثواني وسمعت صوت على السلم بينادي على عم جمال. لسه ببص لقيت جردل مايه غرقني وغرق العمارة...