رواية الصدفه الفصل الرابع 4 - بقلم محمد صلاح

(عم زين) بابتسامة: عرفت من عمار إنك اتجوزت، قولت أجاي أباركلك يا ابن أخويا اللي اتجوزت من غير عمك اللي في مقام أبوك الله يرحمه. زين وهو بيحضنه: معلش يا عمي، الموضوع جه بسرعة. وليد: طب مش تعرفنا؟ زين: صدفة مراتي يا عم وليد. صدفة بابتسامة: أهلاً بحضرتك. وليد: أهلاً بيكي يا بنتي. ليا قعدة معاكي أتعرف عليكي، بس تسمحيلي آخد جوزك شوية؟ عايزاه في شغل. صدفة بابتسامة: تمام. في غرفة المكتب.

وليد: مش ناوي تنزل الشركة بقى يا زين؟ زين: أنت عارف يا عمي إن عندي شغل كتير في الإدارة ومش فاضي، وبعدين أنا عارف إنها في إيدك أنت ويوسف، يعني في إيد أمينة. وليد بابتسامة: دول ملفات الصفقة الجديدة، شوفهم وديني رأيك. زين: تمام، سبهملي وأنا هبلغك بليل. وليد: تمام. في الخارج. زين خرج هو وعمه. زين وهو بيبص لصدفة: روحي الكلية انهاردة، أنا نقلت ورقك. صدفة بابتسامة: تمام. وقعدوا يفطروا وراحوا الكلية.

في جامعة القاهرة، كلية الهندسة. صدفة: لو سمحتي، هو فين القاعة بتاعت سنة تانية؟ سارة: انتي جديدة هنا؟ صدفة ببراءة: آه. سارة: أنا كمان داخلة، تعالي ندخل مع بعض. أنا اسمي سارة. صدفة برقة: صدفة، اتشرفت بمعرفتك. سارة بابتسامة: طب يلا يا جميل. صدفة وسارة دخلوا المحاضرة. عند زين في الإدارة. زين: المراقبة لسه مستمرة على الشخص اللي قولتلك عليه. عمار: أيوه، بس مفيش أي حاجة جديدة.

زين: أكيد مش هيعملوا أي حاجة دلوقتي، لازم يختفوا شوية بعد ما كشفنا العملية الأخيرة. عمار: ممكن أبويا جالك انهاردة؟ صحيح. زين: آه، ووريني ملف الصفقة الجديدة. عمار: تمام. عند رانيا. محمود: هتيجي انهاردة؟ رانيا: مش عايزة أتأخر. محمود: مش هأخرك يا عمري، تيجي نمشي دلوقتي. رانيا: طب والمحاضرة؟ محمود: هنبقى ناخدها من حد، يلا بقى بقالي كتير مقعدتش مع مراتي حبيبتي، وحشتيني. رانيا بخجل: وانت كمان. عند صدفة.

كانت قاعدة مع سارة في الكافتيريا، وكانت فيه عين مراقباهم. معاذ: أوبا، مين القمر اللي قاعد مع سارة ده؟ زياد: مش عارف، شكلها بنت جديدة في الكلية، أول مرة أشوفها. معاذ: بس قمر. صدفة: تيجي نروح المكتبة؟ عايزة أجيب كتاب مهم. سارة: أوكي، تعالي. معاذ وهو بيقوم: دي قامت. زياد: رايح فين؟ معاذ: استنى بسمع. معاذ خبط في صدفة وهو قاصد. معاذ: أنا أسف. صدفة وهي موطية راسها في الأرض: حصل خير. معاذ وهو بيمد إيده: أنا معاذ.

صدفة وهي بتسبه وتمشي: أسفة، مبسلمش. وسابته ومشيت. زياد: شكلها بنت محترمة ومش هتسلك معاه. معاذ: أنا مفيش أي حاجة تصعب عليا، وبكرة تشوف. زياد: هنشوف. في المكتبة. سارة: كويس إنك مدتيش وش دا، واد بتاع بنات. صدفة: امم، ربنا يهديه. صدفة فونها رن. صدفة: السلام عليكم. زين: وعليكم السلام، عاملة إيه؟ أخبار أول يوم كلية؟ صدفة: الحمد لله، أنت عامل إيه؟

زين بتعب: والله مطحون في الشغل، ولسه كمان هعدي على الشركة بعد ما أخلص هنا. تيجى تعقدى معايا في الشركة؟ صدفة: ماشي، أنا فاضلي محاضرة. زين بابتسامة: أكون أنا خلصت شغل في الإدارة، هبقى أعدي آخدك. صدفة: ماشي. سارة بغمزة: دا مين ده؟ صدفة: جوزي. سارة: إيه ده؟ انتي متجوزة؟ صدفة: أيوه. سارة وهي بتشرب العصير: أكيد قمر شبهك. صدفة برقة: زين بدران.

سارة شرقت وقتها: والله العظيم زين بدران، اللي هو أكبر ظابط في المكافحة وصاحب أكبر شركات استيراد وتصدير في مصر. صدفة: آآآه، هو. سارة: طب إزاي يعني اتعرفتوا على بعض إزاي وكده؟ صدفة: هحكيلك يا ستي. عند رانيا. رانيا وهي نايمة في حضن محمود: أنا خايفة أوي. محمود: من إيه؟ رانيا: خايفة زين يعرف بجوازنا، هو أصلاً كان ممانع من الأول لو عرف. محمود: وهو هيعرف منين؟ وبعدين ما أنا قولتلك كذا مرة نقوله، وأنتي اللي مكنتيش بترضي.

رانيا: أكيد هيزعل مني، أنا مش عارفة هو بيضايق منك أوي كدا ليه. محمود: فكك منه، خلينا في نفسنا. في فيلا صغيرة. هدير بعصبية: اتجوز يا ماما، اتجوز. ما أنا كنت قدامه، متجوزنيش أنا ليه؟ سمية: اهدى، يومين وهيطلقها. انتي عارفة إن زين قلبه مات بعد اللي حصله. هدير: فكرك كدة؟ سمية: أكيد، وبكرة تقولي ماما قالتلي. أهم حاجة متظهريش قدام حد إنك مضايقة، واتعاملي عادي. هدير: ولو إني مش هقدر، بس هحاول.

سمية: يلا قومي روحي الشركة، عرفت من أبوكي إن زين رايح انهاردة. هدير: بجد؟ طب ألبس إيه؟ سمية: أحلى حاجة عندك طبعاً. زين كان واقف مستني صدفة قدام الكلية، وصدفة خرجت وركبت معاه. معاذ شافها بس مأخدش باله من اللي راكب. معاذ: عاملالي فيها المحترمة، وهي أصلاً ماشية كدا. ماشي يا حلوة، مسيرك هتقعي. زين دخل الشركة ومعاه صدفة، وكان ماسك إيدها تحت نظرات كل الموظفين. واحدة من الموظفين: مين اللي معاه دي؟

ممكن تكون مراته. أنا سمعت إنه اتجوز. يبختها. زين دخل مكتبه. صدفة برقة: هو أنا ممكن أقعد على الكنبة؟ مش بحب قعدة الكرسي الصراحة. زين بحب، أحدها وقاعدها على رجله: كدا كويس. صدفة بخجل: اممم. الباب خبط، وصدفة كانت جاية تقوم وزين مسكها. زين: خليكي. أميرة (السكرتيرة) بغيظ: الملفات دي وليد بيه قالي أبعتهالك يا فندم. زين: تمام. أميرة فضلت ومخرجتش. زين كان لسه هيقرب من صدفة. صدفة بخجل ورقة: لسه مخرجتش.

زين بعصبية: فيه أي حاجة تانية؟ أميرة بغيظ: لا، عن إذنكم. صدفة ببراءة: اتفضلي. صدفة: شكلها زعلت عشان أنت اتعصبت عليها. زين: هي فعلاً زعلت، بس مش عشان اتعصبت عليها. صدفة: اومال إيه؟ زين: البراءة بتاعتك دي مش هتسببلك غير المشاكل، والناس هتيجي عليكي. صدفة قامت من على رجله وبتوتر: أنا أنا هقعد على الكنبة عشان تعرف تشتغل. زين بابتسامة: تمام. في المساء، كل اللي في الشركة مشيوا ومفضلش غير صدفة وزين، وفجأة.