رواية الصدفه الفصل التاسع 9 - بقلم محمد صلاح

رانيا بعصبية وصوت عالٍ وكانت بتحاول تفتح العربية بس محمود قافلها. رانيا بعصبية: افتح العربية. محمود: مش فاتح، واسكتي بقى. رانيا بصوت عالٍ: الحقوني، بيخطفني. حد يلحقني يا ناس. محمود: محدش هيسمعك من الإزاز، وبعدين هتقوليلهم إيه؟ جوزي خطفني. رانيا بعصبية ودموع: طلقني بقى، انت عايز مني إيه؟ حرام عليك، أنا معملتلكش حاجة. محمود قرب منها وكتم بؤها بإيده: ممكن تسكتي بقى، مسمعش صوتك خالص.

رانيا بصتله بعتاب ولوم وكانت عيونها مليانة دموع، ومحمود بصلها وفضلوا باصين لبعض شوية. محمود سابها وكمل سواقة. رانيا بدموع: أنا عمري ما كرهت قدك. لو عندك شوية كرامة ابعد عني وطلقني. محمود بعصبية: قولتلك اسكتي. عند صدفة وسارة. عمار: ازيكوا. صدفة: الحمد لله. سارة: انت بتعمل إيه هنا؟ عمار بابتسامة: بتطرديني يعني؟ سارة بتوتر: مش قصدي، بس هو هو يعني حضرتك ظابط. إيه اللي يجيبك كلية الهندسة؟

عمار: جاي أشوف واحد صاحبي معيد هنا اسمه دكتور خالد. صدفة: إيه دا بجد؟ هو دكتور خالد صاحبك دا الدكتور بتاعنا؟ سارة: بس رخـم قوي وبارد زيك. صدفة: سارة. عمار: لحظة واحدة يا بشمهندسة. وكمل وهو بيبص لسارة: أقدر أعرف أنا عملتلك إيه عشان تتكلمي معايا بالطريقة دي؟ إحنا متقابلناش غير مرة واحدة، ومفتكرش إني عملت أي حاجة تضايقك. سارة: عن إذنكوا، أنا رايحة المكتبة. وقامت مشيت.

صدفة: معلش يا كابتن، أنا مش عارفة مالها والله، هي أكيد متقصدش. عمار بزعل: ولا يهمك. صدفة: طب عن إذنك. عمار: اتفضلي. صدفة: انتي بتتعاملي معاه كده ليه؟ سارة: أنا عارفة النوع ده. انتي مشفتيهوش كان المرة اللي فاتت كان بيبصلي إزاي؟ ده شكله من النوع اللي بيحب يتسلى بالبنات. صدفة: إيه يا بنتي التفكير ده؟ بجد الراجل باين عليه كويس. سارة: فكك بقى، خلينا فيكي. عاملة إيه مع زين؟ صدفة: مفيش فايدة برضه، لسه معترفش بأي حاجة.

سارة: متقلقيش، هيحاول على قد ما يحاول، بس برضه مش هيقدر يخبي كتير. مش هيقدر يقاوم. صدفة: ربنا يسهل بقى. عند عمار. خالد: انت جاي عشان نتكلم ونحكي ولا جاي تسكت؟ عمار وكان باين عليه مضايق جداً: بتقول حاجة؟ خالد: بقول حاجة، انت مش معايا خالص. مالك؟ عمار بصوت مخنوق: مفيش حاجة. أنا ماشي. خالد: انت لسه جاي. انت كويس يا عمار؟ عمار: كويس يا خالد. يلا سلام. هبقى أجلك تاني بإذن الله. عمار وهو خارج شاف سارة وفضل يبص عليها.

عمار في نفسه: يعني أنا أصلاً جاي في الأساس عشان أشوفك وتتعاملي معايا بالطريقة دي؟ خلاص مش هفكر فيها تاني. ربنا يسعدها. عند زين. الظابط: زين بيه، الخط اللي حضرتك قولتلي عليه طلع من غير اسم. زين: تمام. تقدر تتفضل. عند رانيا ومحمود. رانيا بخوف: هو إحنا هنروح فين؟ محمود: شقتي. رانيا: أنا مش عايزة أجي معاك. خليني أروح بالله عليكم. محمود: أنا خلاص أخدت قراري، انتي هتعيشي معايا في بيتي.

رانيا بدموع: طب افتكر أي حاجة كانت ما بينا قبل ما يحصل اللي كان ما بينك وما بين زين. إحنا كنا إخوات ومتربيين مع بعض. محمود: لدرجة دي مش طايقني؟ رانيا: انت اللي قولت إنك مبتحبنيش وإنك اتجوزتني بس عشان تنتقم من أخويا زين. طلعوني برا انتقامكم ده وطلقني وابعد عني. محمود: وهبقى استفدت إيه من اللي عملته لو طلقتك؟ رانيا: انت فعلاً دمرتيني. انت هتخليني واحدة مطلقة وأنا لسه 19 سنة. محمود: طب وابني اللي في بطنك؟ رانيا: هنزله.

محمود فرمل العربية واتكلم بعصبية وصوت عالٍ أرعبها: ابقي فكري بس تعمليها. صدقيني وقتها مش هيكفيني قتلك. فاهمة؟ مفيش رد. محمود بصوت عالٍ: ما تنطقي. رانيا بخوف: فاهمة. فاهمة. رانيا في نفسها وبدموع: الحقني يا زين. عند زين وعمار. زين: مالك؟ عمار بزعل: مفيش. أنا كويس. زين: انت اللي مالك؟ زين حكاله اللي حصل. عمار: معقول محمود يعمل كده؟ زين: تخيل. مش كفاية خيانته ليا زمان؟

دلوقتي جاي ويعمل كده في أختي اللي هي في نفس الوقت بنت خالته. بس مش هرحمه وهخليه يطلقها بأي طريقة. عمار: طب اهدى وكله هيتحل. كلية الهندسة، جامعة القاهرة. سارة: صدفة، ادخلي انتي. هروح الحمام وأيجي. صدفة: طب حاولي متتأخريش عشان الدكتور مش هيدخلك. سارة: تمام. بعد عشر دقايق. الدكتور كان بياخد المشاريع منهم. خالد: سارة علي محمد. سارة وهي بتقف وبخوف: نعم. خالد: مشروعك فين يا بشمهندسة؟ سارة: أنا آسفة يا دكتور، معملتوش.

خالد بعصبية: يعني إيه معملتوش؟ أنا قايل إنه هيتسلم النهارده. سارة بدموع: أنا آسفة. خالد: أسفك مش مقبول. ودرجات المشروع مش هتاخديها. سارة: طب حضرتك ممكن بس تديني فرصة لحد بكرة وأنا هسلمه بكرة. خالد: أنا قولت اللي عندي. وكلمة تانية وهشيلك المادة كلها. سارة بعياط قعدت: يا رب. هعمل إيه؟ صدفة مسكت إيدها وطبطبت عليها. عند زين كان قاعد على مكتبه وفونه رن. زين: الو. محمود بضحكة انتصار: أختك في بيتي يا زين.