رواية الصغيرة والديب الجزء الثاني الفصل الأول 1 - بقلم ميرو محمد

تعدى سنين ورا سنين وتكبر عائلة الديب ويكبر الحب بينهم. أحمد الديب عنده سليم، وهو الوحيد اللي ليس لديهم أبناء تاني هو وحلا. أما بالنسبة لمراد وعلا، عندهم نغم، وكمان عندهم بنت اسمها ساندي، بس جميلة جدا. أما بالنسبة لهنا وحامد، فعندهم جني وفرح، وهما أصغر من سليم ابن أحمد.

وهاني وملك عندهم مالك وزين. مالك بيكون أكبر من سليم بسنة، بس هما الاتنين أصحاب جدا. ومالك عنده 28، وزين 24. ونفس شخصية سليم هي شخصية مالك، وهما دلوقتي أمسكوا الشركة مع بعض. ومراد وأحمد وحامد وهاني متفرغين للمصنع اللي فتحوه جديد. وطبعاً حامد عايش مع أحمد في القصر. ومراد وعلا اشتروا فيلا جنب قصر أحمد، وهاني كمان عشان يكونوا جنب بعض، بس دايماً متجمعين في قصر أحمد. وطبعاً لسه حلا صغيرة الديب ومازالت جميلة وصغيرة.

أما بقى بالنسبة للبنات: جني: بنت حامد، بتكون بتدرس هندسة معماري، وده بحكم سليم فيها. فهو يعملها على أساس إنها شيء يخصه. ومنذ الصغر وهو بيخاف عليها وبيغير عليها، ودايماً بيزعقلها وهي تزعل ويرجع يصلحها. نغم: فهي خطيبة مالك، وهي خلصت واتجهت تشتغل معاهم في الشركة، ولكن مالك حكم فيها تكون تحت نظره، ولذلك خلاها السكرتيرة بتاعته، ودايماً تحت نظره.

أما بقى الأستاذة ساندي: فهي صغيرة الزين، بمعنى إن زين بيعملها نفس معاملة أحمد لحلا، ولذلك سموها نفس لقب أحمد لحلا. ساندي لسه في أولى جامعة. وطبعاً زين لازم يوصلها كل يوم ويجيبها من الجامعة. وزين يمتلك خفة الدم من مراد، ولا يمتلك الحب من أحمد، والدماغ والقوة من هاني، والأسرار من حامد، عشان كده كله بيحبه، ويعتبر هو أصغر واحد في الشباب.

أما بقى بالنسبة لفرح: فهي تهتم بالخروجات والفسح ومش بتحب ساندي خالص، ودايماً في خناق بينهم. تبدأ الرواية بالأستاذ مالك. ملك: مالك قوم يابني اتاخرت. مالك: حاضر ياماما اتفضلي، أنا خلاص قمت. ملك: ماشي ياحبيبي بسرعة بس عشان تلحق تفطر، متنزلش زي كل يوم وتكون متأخر ومتفطرش معانا. مالك: خلاص ياست الكل، اهو قمت. ملك بابتسامة: ماشي ياحبيبي، وابقا رن على نغم، رنت عليا وسألت عنك وقالت إن تليفونك مقفول.

مالك: حاضر حاضر، أي أوامر تاني. ملك ابتسمت على ابنها ثم خرجت. ومالك مسك التليفون وكان فاصل شاحن، حطه على الشاحن ودخل الحمام. ثم خرج ولبس بدلة رسمية وشيك جدا جدا، وكان مزة مزميز. ثم أخذ التليفون ونزل. كان هاني وملك وزين على السفرة. مالك: صباح الخير. الكل: صباح الخير. ملك: كلمت نغم يامالك. مالك: أووه نسيت، هرن عليها في الطريق، أنا همشي بقا عشان اتاخرت. زين: وأنا كمان عشان ألحق آخد ساندي على الجامعة.

ثم طبع مالك وزين بوسة على رأس والدتهم وباسوا هاني من يده، ثم خرجوا وكل واحد ركب عربيته ومشي. أما عند قصر أحمد. جني: سليم سليم. سليم: إيه ياجني جاية ليه على الصبح. جني: طنط حلا قالت لي أطلع أقومك من النوم عشان الوقت اتأخر عليك. سليم: هي الساعة كام دلوقتي. جني: الساعة عشرة. سليم: كام! أوعى أوعى بسرعة. ثم ذهب سليم إلى الحمام وخرج ولبس بدلة رسمية وساعة وبرفان الخاص بتاعه، كل ده وجني واقفة بدون كلام. سليم: انتي لسه هنا.

جني: مستنية ننزل سوا. سليم: طب يلا يلا. ثم نزلا إلى أسفل. كان الكل على السفرة. حامد وهنا ونغم. وحلا وأحمد. أحمد: أنت لازم جني كل يوم تطلع تقومك كده. سليم: معلش، كنت راجع من شغل متأخر. حلا: خلاص يا أحمد، اقعد ياحبيبي افطر. جلس سليم بجانب أحمد على كرسيه وبدأ في الأكل. جني: احم، أنا هروح عند صاحبتي انهاردة. سليم: ليه إن شاء الله. حامد: يا أخي نفسي مرة أحس إني أبوها. أحمد: ههههه، معلش بقا يا حامد، خليها عليك.

حلا: اهدوا بس يا جماعة. قولي ياحبيبتي ليه عاوزة تروحي. جني: عشان هي مريضة. سليم: يبقى مش هتروحي لوحدك، أنا هوصلك لما أرجع. جني: انت على ما ترجع أكون روحت وجيت. سليم: ده آخر كلام عندي. ثم قام وقال: أنا ماشي، سلام. جني: ينفع كده اللي بيحصل ده. نغم: يابنتي هو خايف عليكي. جني: لأ، هو كده على طول. نغم: أيوه بالظبط، وترجعوا تتصلحوا، أنا ماشية أنا كمان، سلام. ثم ذهبت نغم إلى الشركة. هنا: ولا تزعلي، أنا هروح أنا وحلا معاكي.

حلا: وأنا موافقة، كله عشان خاطر عيون نونة حبيبتي. جني بفرحة: الله عليكم. أحمد وحامد: نعم، وإحنا أي مش المفروض نوافق أو نرفض. جني: عشان خاطري أنا المرة دي بس. أحمد: المرة دي بس. جني: أيوه. حامد: موافقين ياحبيبتي، يلا قوموا اجهزوا. في الشركة. وصل مالك وكمان سليم ونغم. مالك دخل بهبته المعتاد وصعد إلى المكتب. ودخل سليم الشركة بهبته وجاذبيته، وكانت الموظفات تتهمس في جماله.

ثم دخلت نغم بطلتها الجميلة المرحة، فلم أحد يتجرأ في النظر إليها، فهي تخص مالك هاني الشيمي. ثم صعدوا جميعاً إلى مكتب مالك. دخل سليم على مالك وقال: عندنا اجتماع، اجهز. مالك: هي نغم جات. سليم: أيوه برا. مالك: طب قولها إني عاوزها. سليم: تمام، بس متتأخرش عشان انت عارف نڤين هانم. مالك: ماشي ماشي. ثم خرج ودخلت نغم. نغم: ده ورق الصفقة. مالك: تعالي ياحبيبتي، وحشتيني. نغم: لو وحشتك كنت كلمتني.

مالك: غصب عني والله، الفون كان فاصل، وقولت هشوفك في الشركة وهصلحك. ثم طبع بوسة على خد نغم. نغم بابتسامة: بتعرف تثبتني. مالك: اومال، ده أنا مالك هاني الشيمي. نغم: طب يلا عشان الاجتماع. خرجوا نغم ومالك وجاء سليم، ثم دخلوا غرفة الاجتماع. وكانت نڤين في الداخل. مالك: أهلاً يانڤين هانم. نڤين أول ما شافت مالك جريت وحضنته وسلمت عليه. عند زين أخذ ساندي على الجامعة. ساندي: متتأخرش عليا. زين: مقدرش يابطتي.

ساندي بابتسامة: باي باي. ثم ذهبت إلى داخل الجامعة. وذهب زين. هند صاحبة ساندي: إيه يابنتي التأخير ده. ساندي: غصب عني، زين اتأخر عليا. ولم تكمل كلامها حتى واحد رخيم مسك إيدها. عند زين: يوه، ساندي نسيت تليفونه، ثم رجع الجامعة. ودخل. عند ساندي: أوعى كده إيدي. عمرو: أسيبك إيه؟ أنا مفيش بنت تقدر تقولي على حاجة أنا عاوزها لأ. ثم نظرت خلفها وشافت زين. ساندي: زين! زين.