رواية الشلة الهبله الفصل الثالث 3 - بقلم حبيبة أحمد

كنت فين كل ده مالك: كنت مع نهي في المستشفي الأم: ليه حصلها حاجة؟ مالك: الحمد لله، عندها شوية برد بس. الأم: طب الحمد لله. مالك: ياله بقى أنا طالع أنام عشان ورايا امتحان الصبح. الأم: ربنا معاك يا بني. مالك: يارب. مالك طلع نام. تاني يوم الصبح في الجامعة. نهي: هاي شباب. هدير: اتأخرتي النهاردة كده ليه؟ نهي: معلش، نمت من كتر التعب ومحستش بنفسي. مالك: انتي كويسة النهاردة؟

نهي: الحمد لله، بس لما بعطس مناخيري بتنزل دم وبيجيلي صداع. مالك: يا بنتي ما أنا قولت خليكي النهاردة. نهي: يابني الامتحان هيروح عليا. علي: كنت استأذنتي من المدير وهو هيعذرك يعني. نهي: خلاص أنا جيت بقى. محمود: طب ياله عشان الأستاذ جه. الكل: ياله. الكل دخل المحاضرة. نهي ومالك وكرما وعلي وهدير ومحمود قعدوا جنب بعض. نهي: هو الأستاذ اتأخر كده ليه؟ كرما: أهو دخل يا أختي. الكل: بسم الله الرحمن الرحيم.

الأستاذ فرق الورق الامتحان على الفصل كله. نهي: ياله. الكل: ياله. بدأ كل واحد يحل في الامتحان. نهي: هههههتشي. راحت نهي دخت ومناخيرها نزفت دم كتير عن كل مرة. مالك: نهي انتي كويسة؟ كرما: نهي مالك؟ نهي بتعب: مالك... دماغي بتوجعني... أوي... راحت اغم عليها. مالك بخضة: نهي نهي نهههههي. الأستاذ: هاتوا ميه بسرعة. الأستاذ فضل يرش ميه على وشها وهي مش راضية تصحى. مالك بخوف: إحنا لازم نوديها المستشفي بسرعة، النزيف بيكتر.

محمود: طب ياله بسرعة. مالك راح شال نهي وجري بيها برا الجامعة ولكل ركب معاه. مالك بزعيق: بسرعة يا محمود. محمود: لو سرعت أكتر من كده هعمل حادثة. كرما وهدير عمالين يعيطوا على صحبتهم وعلي عمال يهدي فيهم. محمود: ياله وصلنا. مالك شال نهي وجري على المستشفي. مالك: دكتور بسررررررررررررعة. الدكتور: اتفضل. الدكتور دخل كشف على نهي وخرج وعلى وشه الحزن. مالك بخوف: مالها يا دكتور؟ هي كويسة؟

الدكتور بحزن: بص أنا هقولك الصراحة عشان مش عايز أخبي عليك. مالك بخوف أكتر: فيه إيه يا دكتور؟ قولي. الدكتور: نهي حصلها فقدان الذاكرة مؤقت. مالك بصدمة: إزاي؟ وجالها إزاي؟ الدكتور: من كتر النزيف اللي نزفتيه أثر على المخ وده اللي أدى لفقدان الذاكرة مؤقت. يعني في أوقات هتفتكروكم، في أوقات مش هتفتكروكم، بس ده مؤقت وهترجع ليها تاني. علي: طب ده من إيه؟ مالك لسه مصدوم وكرما وهدير عمالين يعيطوا.

الدكتور: المخ كان تعبان قبل كده، بس هي شكلها كانت مش عارفة. ده أدى للبرد الشديد ونزيف، وبعد ما النزيف كتر زيادة عن اللزوم أداها لفقدان الذاكرة مؤقت. محمود: شكراً يا دكتور. علي: مالك تعال اقعد، أنت شكلك تعبان. مالك: لا رد. محمود: مالك إن شاء الله هتبقى كويسة. مالك بعصبية: أنا قولتها ميت مرة خلي بالك من نفسك، هي اللي مش بتسمع الكلام، ليه ليه كده يا نهي ليه. راح ضرب إيده على الحيطة ونزفت دم. هدير بعياط: مالك أنت اتجرحت.

محمود: تعال. راحوا عقموا إيده. مالك: أنا عايز أشوفها. راح الكل دخل لنهي ومالك أول ما شافها حضنها وفضل يعيط. نهي باستغراب: ابعد عني، أنت مين؟ راحت زقته. مالك بعياط: نهي ونبي متزعليهاش عليا. نهي: مزعلش عليك إيه؟ وأنت مين أصلاً ومين دول وفين تيتا وماما وبابا؟ وفضلت تعيط. مالك: اهدي يا حبيبتي مش عايز أشوف دموعك دي، اهدي عشان خاطري. راح مسحلها دموعها. نهي: أنت مين؟ مالك: أنا مالك يا نهي. راحت نهي اغم عليها.

مالك: هي اغم عليها ليه يا دكتور؟ الدكتور: هي لسه تعبانة وصدمة عليها إنكم مين، ولو مرة اغم عليها كده تاني سيبها وبعد شوية هي هتصحى لوحدها. مالك: ماشي يا دكتور. بعد شوية صحيت نهي لقت كرما وهدير معاها في الأوضة، بس راحوا حضنوها. كرما: حمد لله على السلامة يا حبيبتي. نهي: آه يا دماغي، هو فين مالك؟ هدير: استني هندهولك. راحت خرجت تنادي مالك. هدير: مالك، نهي فاقت وعايزك. مالك: حاضر. دخل مالك على نهي. نهي: كنت فين يا زفت.

مالك بيكلم علي: هي كده عرفتنا بدأت قالت يا زفت 😂 مالك: أنا أهو يا حبيبتي، حمد لله على السلامة يا روحي. نهي: هو حصل إيه؟ مالك: انتي اغم عليكي في الامتحان وإحنا كلنا كده ودناكي المستشفي اللي إحنا مرزوعين فيها دلوقتي. نهي: امتحان إيه؟ هو أنا أمتحنت؟ وانتو مين؟ مالك: يارب بصي يا نهي إحنا كده كلنا صحابك ماشي؟ وأمك وأبوكي عملوا حادثة وماتوا فيها. نهي بعياط: يعني بابا وماما ماتوا؟

مالك: آه يا حبيبتي، ميتين بقالهم تلات سنين وإحنا صحابك وإنتي عايشة مع جدتك وكان فيه امتحان كنا بنمتحنه واغم عليكي في نص الامتحان، فهمتي؟ نهي: طب ما أنا عارفة إن كان فيه امتحان، أنت بتفكرني ليه؟ مالك: يالهوي. نهي: مالك في إيه؟ مالك بعصبية: نهي بصي، انتي عندك فقدان الذاكرة مؤقت ماشي؟ ده من النزيف. نهي بحزن: يعني أنا عندي فقدان الذاكرة؟ علي: آه يا نهي، في أوقات مش بتفتكرينا وفي أوقات بتفتكرينا، فهمتي؟ نهي: آه آه.

مالك: الحمد لله. نهي: انتوا مالكم بتعيطوا ليه؟ كرما بعياط: عشان مش فاكرانا وكمان انتي تعبانة دلوقتي. نهي بابتسامة: أنا تعبانة آه، بس هفضل فاكراكوا طول العمر. مالك: نهي. نهي: نعم. مالك بابتسامة: هاتيلي الشخصية التانية. نهي: دي هعملها إزاي يعني وعايز إيه؟ مالك: أنا كده فهمت الشخصية دي إنك فقتي الذاكرة مؤقت، هاتي الشخصية التانية أفهمها بقى. نهي: أنت مين أنت عشان تكلم معايا كده؟ محمود: أهي جت 😂

مالك: هههههه بصي يا بت انتي إحنا صحابك يعني اقتنعي بينا كده ماشي؟ وإنتي فقدة الذاكرة مؤقت ماشي يا هبلة 😂 نهي: أنت بتكلم مع الشخصية التانية كده بأسلوبك ده؟ ده أنا أوريك يا حيوان 😂 راحت ام تجري وراه. مالك بضحك وبيجري: هو انتي يا بنتي بتلحقي من دي لي دي؟ نهي: خد هنا يالا. مالك: تعالي انتي. نهي: خد يااض المستشفي اتفرجت علينا يا أخي. راح مالك وهو بيجري خبط في العمود. مالك: ااااه. نهي: هههههههههه أحسن 😂 مالك: ماشي يا نهي.

راح الكل ركب وداها بيته ومحمود وكرما وعلي وهدير فُسّتانين من الضحك. نهي: أنت إزاي تضربني كده؟ مالك: معلش يا أختي تعالي ياله نروح. نهي: مش هروح معاك، أنا معرفكش. مالك بعصبية: نهههههههههي اسمعي الكلام. نهي خافت من صوته: حاضر. مالك: أيوه كده ياله. الكل: ياله. مالك روح نهي البيت وعرف جدتها كل حاجة وبعد كده روح البيت وتاني يوم في الجامعة حصلت مفاجأة.