رواية الشلة الهبله الفصل الرابع 4 - بقلم حبيبة أحمد

مالك بصدمة وعصبية: إيه ده نهي، بنتكلم العيال دي ليه؟ وجاية انهارده بدري يعني؟ كرما: افتكر إن نهي فقدت الذاكرة، يعني مش عارفة العيال دول عملوا معانا إيه قبل كده. مالك شد نهي من قدام شلة عيال. مالك بعصبية: إنتي إزاي تقفي مع العيال دي؟ نهي بزعيق: وإنت مالك؟ إنت كنت أخويا أو جوزي عشان تتحكم فيا؟ مالك بزعيق: نهي اتعدلي، إنتي مش في وعيك. نهي بحزن: إنت بتزعق فيا يا مالك؟ إنت أول مرة تزعق فيا. مشيت وسابته. مالك اضايق.

مالك: نهي استني. مالك راح عند كرما وعلي ومحمود وهدير. مالك: نهي فين؟ كرما: مش عارفة، مش كانت معاك. مالك حكى لهم على اللي حصل. علي: اللي عملتوه غلط، هي تعبانة يا مالك، حَس بيها. مالك: أنا والله حاسس بيها، بس لازم كنت أعرفها، بس هي زعلت، أنا هبقى أصلحها. هدير: مالك، نهي اهي خارجة من الجامعة لوحدها. مالك: طب باي، وأنا هروح أشوفها. الكل: باي. مالك: نهي، نهي استني. نهي ركبت عربيتها.

مالك: يا ربي، شكلك هتتعبيني عقبال ما تخفي. ركب عربيته وراح البيت. مالك: إيه ده إيه ده، أستاذ أمجد بنفسه عندنا بعد غياب طويل، كنت فين يا راجل. حضنه. مالك: وحشتني أوي أوي على فكرة. أمجد: وإنت كمان والله. لينا: يعني أنا كمان مليش حضن ولا إيه يا أستاذ مالك؟ مالك: لا، كده في حاجة غريبة، إنتوا الاتنين نازلين مع بعض، مش معقول. حضنها. لينا: وحشتني أوي أوي أوي أوي أوي يا لوكا. مالك: وإنتي كمان أكتر والله.

لينا: كنت فين يا لوكا؟ مالك: كنت مع نهي وشلة. لينا: هو إنت لسه مصاحب نهي؟ مالك: آه طبعًا ومش هسيبها أبدًا. لينا: ربنا يخليكم لبعض، أما هي عاملة إيه؟ مالك بحزن: أنا مش عارف، أنا تعبت معاها. نهي عندها فقدان ذاكرة مؤقت بس تعباني، ساعات تفتكرنا وساعات لأ، أنا تعبت معاها، وانهارده اتخانقت معاها ومش عارف أصلح ده إزاي. الجميلة بخضة: ينهار أسود، إزاي؟ مش إنت قولتلي شوية برد.

مالك بحزن: آه، بس النزيف اللي كان بينزل من مناخيرها أثر على المخ عمل فقدان ذاكرة مؤقت. لينا بحزن: طب إنتوا بتتعاملوا معاها إزاي؟ مالك: ما إنهارده اتخانقت معاها بسبب اللي هي فيه. أمجد: اتخانقت معاها ليه؟

مالك: زمان كان فيه عيال بتنزل عليها، وإحنا كتير اتخانقنا معاهم، وفي مرة واحد من العيال دول كان عايز يعتدي على نهي، بس أنا لحقتها، ومن ساعة اللي حصل ده وإحنا مش بنكلم حد من العيال دول، وانهارده نهي اتكلمت معاهم وأنا زعقت فيها، بس هي كانت مش فاكرة حاجة، بس أنا مستحملتش أشوفها واقفة مع حد منهم، أنا عارف العيال دي مش كويسة، بس أعمل إيه بقا؟ أنا مش عارف أتعامل معاها وهي مش قابلة إني أكون صديقها.

لينا بحزن: معلش يا مالك، هتكون كويسة إن شاء الله، بس إنت قول يارب. مالك: يارب يا لينا يارب. لينا: طب قوم وديني ليها، وأنا يسيدي هخليك تصلحها، يالا قوم. مالك بفرحة: ماشي، يالا. نزل هو ولينا وركبوا العربية ووصلوا عند نهي. الجدة: أهلاً يا ولاد، اتفضلوا. لينا: شكرًا. مالك: تيتا، أما فين نهي؟ الجدة: نهي في الأوضة من ساعة ما جت، ساعات يا بني تضحك وساعات تعيط، مش عارفة هي مالها. مالك: طب أنا هخشالها.

دخل على نهي، لقاها بتكلم في التليفون وبتضحك. مالك: نهي. نهي لفت. نهي: مازن، اقفل دلوقتي وأنا أبقى أكلمك. قفلت. مالك بعصبية ومسكها من إيدها جامد: هو مش أنا زعقتلك وقولتلك متكلميش معاهم تاني؟ نهي بوجع: سيب إيدي. مالك: نهي، متعصبنيش. نهي زقت إيدها: إنت إزاي تمسك إيدي كده؟ إنت متخلف يااض. مالك بعصبية: نهي، فوقي عشان متعصبش عليكي، فوقي أحسن. نهي بعياط: إنت جيت إمتى؟

مالك بهدوء: نهي، أنا بجد تعبت، عشان إنتي بجد بقيتي صعبة أوي، مش عارف أتصرف معاكي خالص. نهي بعياط: يعني هتسبني؟ مالك حضنها: أنا عمري ما هسيبك، بس حاولي معايا عشان تخفي على طول. نهي بعياط: إنت زعقتلي الصبح، أنا زعلانة. مالك: والله مش قصدي، إنتي اللي ضايقتيني. نهي: والله أنا مش عارفة بعملي كده إزاي، بس أنا مش بحس بنفسي. مالك: أنا عارف إنه غصب عنك، بس حاولي عشان تخفي. نهي: حاضر، إنت زعلان مني؟ مالك متمثلاً: آه زعلان.

نهي: طب أصلحك إزاي. مالك شاورلها على خده. مالك بخبث: بوسة هنا. نهي: لا. مالك: خلاص، أنا زعلان ومش هكلمك تاني. نهي: يا لوكا بقا. مالك: يا قلب لوكا، بوسة واحدة هنا. راحت نهي كانت هتبوس مالك من خده، راحت لينا اخت مالك دخلت. لينا بخبث: بتعملوا إيه؟ مالك: في حد بيخش كده يا لينا؟ مش تخبطي. نهي وشها كله أحمر واتكسفت. مالك بضحك: خليتي البت اتكسفت يا شيخة، ده كنت هاخد بوسة دلوقتي. لينا بخبث: كنت هتاخد بوسة فين بالظبط.

نهي برقت وفتحت بوقها. مالك بضحك: إيه ده؟ مالك عاملة كده ليه؟ هههههههههه. لينا بضحك: اهدي اهدي، بهزر والله. كده، هو أنا مش وحشتك ولا إيه؟ نهي بابتسامة: وحشاني طبعًا جدًا. راحت حضنتها. لينا: وإنتي كمان وحشاني أوي يا حبيبتي. مالك: طب أنا مليش حضن ولا إيه. راحوا الاتنين حضنوه. مالك بحب: أنا بحبكم أوي. نهي ولينا: وإحنا كمان. نهي بعصبية: إنت إزاي تحضني كده؟ لينا: في إيه يا نهي؟ مالك. نهي بزعيق: وإنتي مين إن شاء الله؟

كل واحد يطلعلي بشكل. لينا: إنتي إزاي تتكلمي معايا كده؟ نهي: وإنتي مين إن شاء الله عشان أتكلم معاكي كويس؟ مالك بزعيق: نهي، احترمي نفسك، دي أختي. نهي: أختك؟ هههههههههه، آه ماهي أخت الو**خ. راح مالك ضربها بالقلم. مالك بعصبية: إنتي عايزة تتربى من الأول وجديد يا زبالة. نهي: إنت إزاي تضربني كده؟ مالك: عشان إنتي عيلة زبالة. يالا يا لينا. لينا: استنى يا مالك. مالك نزل وركب العربية، استنى لينا.

لينا نزلت وركبت العربية مع مالك. لينا: مالك، نهي مش قصدها. مالك: لينا، اسكتي، مش عايز أتكلم في حاجة. لينا: مالك، حاسبببببببببب.