رواية السر الفصل الحادي عشر 11 - بقلم نو برينسيس

عمر سبيني لوحدي محدش يوقف حاجة اتفضلوا اطلعوا بره. في شركة نادر. نادر بيكلم تالين في سماعة البلوتوث: نادر: انتي جاهزة؟ تالين: طبعاً. نادر بيكلم الصحافة ولسه بيقدم تالين والستارة بتتفتح، لكن مفيش حد. وفجأة الشرطة بتيجي على شركة نادر. الشرطي: مطلوب القبض عليك. نادر: انت عارف انت في شركة مين وبتكلم مين؟ الشرطي: بكلم النصاب والقاتل نادر.

نادر قاتل.. ولسه نادر هيتكلم، الدنيا بتظلم والشاشة الكبيرة بتقيد على مكالمة نادر وعمر واعتراف نادر بكل حاجة، وإن هو اللي خطط لقتل تالين واستولى على شركة عمر. نادر بيبقى واقف مصدوم، وفجأة بتطلع تالين. تالين: مصدوم مش كده؟ أيوه هو اللي بتفكر فيه بالظبط، رجعتلي الذاكرة. تالين بتروح ضاربة نادر على وشه بالقلم. تالين: القلم ده عشان نصبك على حبيب عمري، والقلم ده عشان فكرت للحظة إنك تتدخل بيني وبينه وتفرقنا.

تالين بترجع تضربه تاني بس بيبقى أقوى من الأول. تالين: والقلم ده عشان.. عشان كل لحظة عشمتني بالحب وصدقتك وخليتك في يوم تكون جزء من حياتي. نادر لسه هيضرب تالين، الشرطي بيكلبشه وبيتاخده على السجن. تالين: حضرتك نسيت حد؟ الأستاذة ملك هي شريكته في كل حاجة، ولسه فيه سامح وأشرقت. الشرطي: أكيد هنقبض عليهم. في شركة عمر.

عمر بيطلع وخلاص هينهي العرض. فجأة بيلاقي تالين جاية لابسة فستان باللون البنفسجي اللي هي بتحبه وفيه ظلال بيضه زي ما بيحب عمر. عمر: ندى الوجه الإعلاني الجديد لشركة عمر فؤاد للتجميل. تالين. عمر بيبقى مندهش من اللي شايفه، لكن عمر بيمسك إيد تالين وبيحضروا سوا العرض للآخر. في نهاية العرض الشرطة بتيجي. الشرطي: تالين هانم، مفيش أثر لسامح وأخته. اسمحيلي أعين حراسة معاكم لحد ما نلاقيهم.

تالين: طول ما هو جنبي فأنا مش محتاجة حرس. الشرطي: لو وصلنا لأي حاجة أكيد هنعرفكم. عمر: أكيد، شكراً حضرة الظابط. تالين: عمر مش عايز تقولي حاجة؟ عمر بيسيب تالين وبيمشي على نفس المكان اللي ديماً كانوا بيقعدوا فيه. تالين بتروح وراه. تالين: عمر، انت مش عايز تكلمني؟ عمر: يا ترى المرة دي فاكراني ولا هتفقد الذاكرة تاني؟ تالين: الذاكرة رجعتلي من ساعة ما ندى قعدت تحكيلي، ولولا ندى أنا كان زماني مع نادر. عمر: وعايزة إيه دلوقتي؟

تالين: مش عايزة حاجة يا عمر، كنت فاكرة إنك هتفرح لما تعرف إن رجعتلي الذاكرة. كنت فاكرة إنك هتفرح لما تعرف إن نادر وملك في السجن. وإن أشرقت وسامح كمان هيتسجنوا أول ما الشرطة تلاقيهم. بس شكلك نسيتني، أنا ماشية يا عمر. تالين لسه ماشية بتلاقي عمر ماسك إيديها. عمر: انتي فاكرة إني معرفتش إن الذاكرة رجعتلك؟ تالين: إزاي؟ عمر: مفيش حد بيقولي يا عمري غيرك. تالين: انت لسه فاكر؟

عمر: أنا فاكر كل تفصيلة عنا، مش نسيها. انتي دمي يا تالين، دمي. لو حد فكر بس يقربلك أنا ممكن أقتله. تالين بتقرب من عمر وبتحضنه. عمر لسه بيكلم تالين، بتروح ماسكاه ببوسة. تالين بتبعد عن عمر. تالين: كنت بتقول حاجة؟ عمر بيقرب من تالين والمرة دي هو اللي بيبوسها. تالين: انت إزاي عرفت إن رجعتلي الذاكرة؟

عمر: من ساعة ما قولتي يا عمري، كنت رايح أواجهك لحد ما عرفت إنك رحتي لنادر، وساعتها عرفت إنك بتخططي لحاجة. فضلت أراقبك وكنت متأكد إنك هتيجي. تالين: افرض إن مكنتش جيت؟ عمر: إحساسي بيكي عمره ما بيخيب أبداً. تالين: طب يلا بينا. عمر: انتي مستعجلة على إيه؟ لسه الليل معانا 😉😂. تالين ووشها كله أحمر وبتروح ضاربة عمر على كتفه. تالين: مش قصدي كده. تالين: لازم أروح لندى، من لولاها أنا عمري ما كانت هترجعلي الذاكرة أبداً.

عمر: أنا كمان لازم أعتذر ليها. تالين: خليني أنا أروح أكلمها الأول، بعدين تعالي. عمر: حاضر يا تالي هانم. تالين: عمري. عمر: أنا مش عايز أمشي 🥺🥺. تالين: بحبك. عمر بيجري على تالين وبيحضنها وبيلف بيها. عمر: وأنا كمان، اسمعي هما خمس دقايق وهتلاقيي جاي عليكم، انتي فاهمة. عمر بيمشي وتالين بتروح لندى. تالين: أنا آسفة. ندى: انتي اللي بتتأسفي؟ أنا اللي المفروض أعمل كده بعد اللي عملته فيكي.

ندى: صدقيني يا تالين أنا كنت فاكرة إنك بتمثلي علينا، انتي كمان زي ندى... لسه هتكمل الجملة بتلاقي عمر من بعيد بيشاور ليها وبقولها لا. تالين: زي مين؟ ندى: المهم دلوقتي رجعنا أخوات تاني. تالين: طبعاً. ندى: إذاً أهلاً بمرات أخويا. تالين وندى بيحضنوا بعض وبيرجعوا تاني أصحاب.

في الوقت ده عمر بيبقى بيبص عليهم، وفجأة حد بييجي يكلمه عن حاجة في الشركة. عمر بيخلص كلامه وبيرجع يبص على ندى وتالين مش بيلقيهم، وفي ثواني تليفونه بيرن وتبقى تالين. عمر: روحتي فين؟ أشرقت: معلش بقى يا عمر، بصراحة مقدرتش أمنع نفسي وأشوف رد فعلك لما تعرف إن مراتك وأختك آخر يوم في حياتهم النهارده.......