رواية السر الفصل الثاني عشر 12 - بقلم نو برينسيس

أشرقت: معلش بقا ياعمر، بصراحة مقدرتش أمنع نفسي وأشوف رد فعلك لما تعرف إن مراتك وأختك آخر يوم في حياتهم النهاردة. عمر لسه بيتكلم، بيلاقي أشرقت قفلت السكة. أحمد: مالك ياعمر؟ في إيه؟ عمر: أشرقت خطفت ندي وتالين. أحمد: إنت بتقول إيه؟ يلا بينا نلحقهم. عمر: أنا عارف إنك عايز تنقذ تالين، بس صدقني وجودك هيبقى صعب جداً. أحمد: أنا فاهم، روح ياعمر. عمر: أحمد، إني مقصدش. أحمد: عارف ياعمر، روح إنت وأنا هحاول أكلم الشرطة.

عمر بيسيب أحمد وبيحاول يمشي على موقع تليفون تالين، اللي بتكون ندي قصدها إنها تشغله عشان يجي على المكان. عمر بيوصل على مكان الخطف، بيلاقي تالين جوه عربية ومربوطة على منحدر عالي، وآخر المنحدر صخور. أشرقت: نور ياعمر. عمر بيبص وراه، بيلاقي أشرقت لابسة فستان فرح وفيه مأذون. أشرقت: يلا يا شيخنا، العريس جه اهو. عمر بيمسك أشرقت من إيديها بعصبية. عمر: وقفي كل اللي بتعمليه ده دلوقتي حالا، وإلا... أشرقت: وإلا إيه؟

إنت يا حارس، وقت ما أقولك بتروح زاقق العربية دي من على المنحدر. عمر: وقفي كل حاجة، أحسنلك. أشرقت: وإلا إيه؟ آه صحيح، نسيت أوريك حاجة كمان. أشرقت: سامح حبيبي، تعالا يلاااااا إنت وعروستك. سامح بييجي بندي، اللي بتبقى قاعدة على كرسي متحرك ومربوطة فيه. عمر: ندي... ولسه بيجري عليها. أشرقت: يا حارس. الحارس بيروح زاقق العربية شوية شوية لحد ما بقت نص العربية بره، وخلاص هتقع.

تالين: عمر، ملكش دعوة بيا، انقذ نفسك إنت وندي، أنا هبقى كويسة، حبيبي متخافش. ندي بتشوف تالين عمالة تتكلم وتقول كده، بتبص لعمر. ندي: أنا موافقة أتجوز سامح. عمر: إنتي بتقولي إيه؟ ندي: بقول إنك إنت كمان لازم تتجوز أشرقت، وإلا تالين هتموت، وأنا مش هسمح إن أختي تموت تاني. أشرقت: براڤو عليكي ياندي، هو ده الكلام. تعرفي عشان خاطر الكلام الحلو ده، أنا هخلي المأذون يكتب كتابك إنتي وسامح الأول. المأذون: امضي هنا يابنتي.

تالين: ندي، بلاش عشان خاطري، متمضيش ياندي. ندي بتمسك القلم، وبيتم زواج سامح وندي. سامح بيشيل ندي من على الكرسي وهي لسه مربوطة. سامح: مش هتباركوا لينا ياعمر؟ عمر بيبقى لسه هيضرب سامح. أشرقت: يا حارس. عمر بيمسك نفسه. عمر: إنت رايح بإيه على فين؟ أشرقت: إيه ياعمر، عريس وعروسة هيكون رايح فين؟ عمر لسه هيروح يضرب سامح. أشرقت بتطلع 10 حراس بيمسكوا عمر. وسامح بياخد ندي وبيطلع على أوضة في البيت اللي خاطفينه فيه.

أشرقت: يلا يا شيخنا، اكتب كتابنا إحنا كمان. في الوقت ده، سامح بيرمي ندي على السرير وبيقرّب منها. ندي: سامح، ابعد عني لو فكرت تقرب ليّا. سامح: هتعملي إيه وإنتي مربوطة كده؟ سامح: يعني مثلاً لو عملت كده... سامح بيحط إيده على رقبة ندي وبيبوسها. سامح: أو كده مثلاً. سامح بيمسك إيد ندي المربوطة وبيرفعها لفوق، وبيربطها في السرير. سامح بيقرّب منها، وبيروح ماسك هدوم ندي و...