رواية السر الفصل الخامس عشر 15 - بقلم نو برينسيس

ندي وتالين بيضربوا كفوف في بعض، وبيروحوا على الاجتماع وهما بيغمزوا لبعض. في الاجتماع: تالين: عاصم بيه، أهلاً بحضرتك. عاصم بيمسك إيد تالين ويبوسها قصاد عمر. عمر قاعد في الاجتماع وعينه على تالين. عاصم: فين مستندات الصفقة؟ تالين: لحظة واحدة. تالين بتمشي وعاصم بيبص عليها، وعمر قاعد واكل نفسه. عمر: أحمد، حاول تخلص الاجتماع ده بسرعة، بدل ما أقوم أخلص أنا على أختك.

أحمد: امسك نفسك، دي صفقة العمر. بعدين حد قالك تعاكس السكرتيرة؟ قدامها أهي بتردها ليك. أحمد لسه هيكمل كلامه، بيبص بره بيلاقي ندي واقفة مع عاصي، مساعد عاصم، بره. أحمد بيقوم يمشي. عمر: رايح فين؟ أحمد: رايح أشوف الحلوة اللي بتضحك بره دي. عمر بيفضل ماسك نفسه لآخر الاجتماع. في الوقت ده بره: ندي: ماكنتش أعرف إن دمك خفيف كده. عاصي: لأ، ولسه لما تعرفني أكتر. ندي: بجد؟ أحمد بيدخل ما بينهم: أيوه بجد. ندي: أحمد، خير؟ في حاجة؟

أحمد: أخوكي عايزك جوه. ندي: لأ، ما أعتقدش. بعدين تالين معاه جوه. ها يا عاصي، كنا بنقول إيه؟ عاصي: ما تيجي نروح نشرب حاجة على ما يخلصوا الاجتماع. ندي: موافقة. أحمد: هو إيه اللي موافقة؟ إنتي رايحة فين؟ ندي: رايحة أشرب حاجة. تيجي معانا؟ أحمد بيمسك ندي من إيدها وبيشدها: إنتي مش رايحة في حتة مع حد. ولو هتروحي، يبقى معايا. عاصي: وهي تروح معاك بصفتك إيه؟ أحمد: بصفتي خطيبها، ياباشا. عندك مانع؟ عاصي بيسمع كده، بيسيبهم ويمشي.

ندي: خطيب مين إن شاء الله؟ أحمد: خطيبك إنتي. وكلمة زيادة مش هتحصل، كويس؟ ندي: إنت أكيد اتجننت. أنا رايحة لعاصي. أحمد: عاصي تاني؟ طيب. أحمد بيروح شايل ندي وطالع بيها بره الشركة. عاصم بيبص من جوه الاجتماع وبيشوف أحمد وهو شايل ندي. عاصم: اختك بتتخطف. عمر: لأ، ده العادي بتاعها. خلينا إحنا في الصفقة. أحمد بيخطف ندي وبيروح بيها على مكان كله ورد. ندي: إنت عايز مني إيه؟ وجايبني هنا ليه؟ أحمد: يعني إنتي مش عارفة؟

ندي: لأ، معرفش. أحمد: متأكدة؟ ندي: أيوه. لسه هتمشي، أحمد بيروح ساحبها، وشفايفه بتقابل شفايفها. ندي بتحاول تبعد عنه، لكن أحمد بيبقى متمكن منها. ندي بتروح باعدة عنه: إنت مفكر كده إني هحبك؟ إنت فاكرني إيه؟ تقرب مني وقت ما تعوز وتبعد عني وقت ما تعوز؟ والمفروض إنك تقرب أو تبعد، ترجع تلاقي إني موجودة، صح؟ أحمد: لأ يا ندي، مش كده. حبيتك يا ندي من ساعة ما سمعت صوتك. بس كنت دايماً بفكر إزاي ممكن تبصي لواحد أعمى.

ولما وقعتيني وشوفتك، كنت هروح أعرفك كل حاجة. بس ساعتها عرفت اللي سامح كان عايز يعمله فيكي. كان لازم أفضل أعمى عشان أحميكي منهم، وأعرف هما ناويين على إيه تاني. ندي: والمفروض دلوقتي يعني؟ أحمد: المفروض دلوقتي إنك تغمضي عينيكي. ندي بتغمض عينيها وبتلاقي ورد كتير بيقع على راسها. بتفتح تلاقي أحمد قاعد على ركبته ومطلع خاتم وبيطلب إيدها. ندي: والسكرتيرة يا أستاذ؟ أحمد: بصراحة بقى، أنا كنت بغيظك وعايز أتأكد بتحبيني ولا لا.

ندي بتسرع: وإنت كل ده معرفتش إني بحبك يا حيوان؟ أحمد بيقوم: إنتي قولتي إيه؟ ندي بكسوف: بحبك. أحمد: لأ، مش دي. ندي باستغراب: قصدك يا حيوان؟ أحمد: الله، دي أحلى كلمة سمعتها في حياتي. ندي: كده، ماشي. وبتروح ماشية. أحمد: إنتي رايحة فين؟ هو دخول الحمام زي خروجه ولا إيه؟ أحمد بيمسك ندي وبيلبسها الخاتم في إيديها. ندي: إنت فاكر إنك كده خطبتني؟ أحمد: تصدقي، لأ. أنا لازم أبوسك عشان أتأكد إني خطبتك.

ندي: لو قربت مني تاني، أنا هصوت وألم عليك الناس. أحمد وهو بيقرب: طب صوتي، صواتي يلااا. أحمد بيقرب منها وبيروح شاددها ليه. ندي: هصوت يا أحمد. أحمد: طب متصوتي، أنا حتى بقيت قريب منك أوي. ندي: بحبك. أحمد: عارف. وبيروح شايل ندي ولفف بيها. في الوقت ده في شركة عمر: الاجتماع بيخلص وعاصم بيطلع، وتالين بتيجي طالعة وراه. عمر بيمسكها وبيفل باب المكتب عليهم. تالين: إنت بتعمل إيه؟ عمر: إنتي إيه اللي عملتيه ده؟

تالين: زي ما عملت بالظبط. واعملي حسابك، يا أنا يا اللي اسمها مايا دي في الشركة. عمر: بتغيري عليا؟ تالين بتقرب من عمر: بقولك إيه؟ إنت ليا... ليا أنا وبس. محدش يلمسك غيري. محدش يلبسلك ضيق غيري. محدش يدلع عليك غيري. إنت فاهم؟ عمر: طب ما تدلعي. تالين: قصدك إيه؟ عمر: قصدي إن بصراحة كده، أنا حاسس إني متجوز واحدة صاحبتي في الشغل، موديل. وفي البيت عنتر قاعد معايا. تالين: أنا عنتر يا عمر؟ عمر: أيوه. تالين: طيب.

وبتروح سايبه عمر وماشية. (في قصر عمر) عمر بيرجع القصر وبيطلع الأوضة، بيلاقي تالين لابسة فستان باللون الأبيض اللي بيحبه عمر، ومسيبة شعرها، وحاطة ورود على السرير. عمر: ده إحنا ليلتنا بيضا ولا إيه. تالين بتقرب من عمر بإغراء: عجبتك؟ عمر: إنتي طول عمرك عجباني ومالية عيني. تالين: اومال ليه كنت بتعاكس مايا؟ عمر: بحب غيرتك عليا. تالين: غيرتي طيب. ولسه هتمشي. عمر: خدي هنا، إنتي رايحة فين؟ تالين: عمر... عمر: عمر إيه بقى؟

تعالي بس هقولك حاجة. عمر بيشيل تالين وبيحطها على السرير، وبيروح طافي النور. (واتلموا بقى) بيعدي 3 سنين، وعمر وتالين بيبقى معاهم حور وزين. وأحمد وندي بيبقى معاهم مروان وسليم. (وبيعيشوا في سعادة وهنا) حياتنا كلها مليانة أسرار، وكل سر بينكشف ولي فترة من الوجع. بس الأكيد إن الفترة دي هتخلص. حاول لما تخلص تبدأ من جديد. الحياة مبتقفش على حد.