رواية السر الفصل الرابع عشر 14 - بقلم نو برينسيس

عمر وتالين وأحمد لا يزالون في أماكنهم مصدومين. الشرطة تدخل لتأخذ الشخصين اللذين ضربا أشرقت وسامح. تالين للشرطة: استنوا ثواني. تالين: ليه عملتوا كده؟ عمر يبص لأهل تالين ليحثهم على عدم الكلام، لكن تالين تلاحظ. تالين: عمر، انت مخبي عليا إيه؟ عمر: ولا حاجة يا حبيبتي. تالين: أنا عارفة إنك مخبي عليا حاجة، بس مش انت اللي هتجاوبني. تالين تقرب من أبوها وأمها وتقول لهم: أنتم ليه عملتوا كده؟

أهل تالين: عشان إحنا اللي كنا ورا الحادثة من الأول. أهل تالين: إحنا اللي اتفقنا مع نادر عشان تموتي لما مرضيتيش تسافري وكمان مترجعيش لنادر. أهل تالين: ساعتها أنا وأمك كنا هنرجع تاني للفقر. أهل تالين: ونادر عرض علينا 10 مليون وإنتي تموتي. تالين بصدمة: أنتم واعيين للي بتحكوه؟ أنتم كنتوا هتموتوا بنتكم عشان الفلوس؟ أم تالين: ما أنتي متتيش. ولما حاولنا في المستشفى نموتك تاني، لقيناكي فاقدة الذاكرة ومش فاكرة غير نادر.

تالين بوجع ودموع: حضروا الظابط، خدهم من هنا، مش عايزة أشوفهم. أهل تالين: إحنا أخدنا جزأنا، سامحينا يا بنتي. الظابط بيمشي بيهم وفجأة تالين توقفهم. تالين: أنا مسامحاكم. الشرطة تأخذ أهل تالين وأحمد، وتأخذ جثث أشرقت وسامح. تالين تجري على أحمد وتحضنه. عمر يأخذ أخته في حضنه. ندي وأحمد كانا ينظران لبعضهما وبداخلهما أسئلة كثيرة. أحمد كان يحس بكل سؤال ندي تريد أن تسأله له. عمر: إنتي كويسة؟ ندي: سامح كتب كتابه عليا.

عمر: متقلقيش، الجوازة باطلة. ندي تدخل في حضن عمر، وكلهم يقررون الرجوع إلى البيت. تالين بعد ما وصلوا: أحمد، انت إزاي فتحت؟ أحمد: ندي السبب. من ساعة ما وقعت بسببها من السلم وساعتها فتحت. تالين: وفضلت عامل أعمى ليه؟ أحمد: عشان قبل ما أحكي لها، عرفت إن سامح بيخطط لحاجات قذرة ليها. أول مرة لما خطفها وأنا اللي أنقذتها. أحمد: وتاني مرة لما حطوها في أوضتي، وبرضه أنقذتها من عمايل أشرقت.

تالين: اللي مش قادرة أفهمه، ليه وجعتها بالكلام في اليوم ده، مع إنك عارف إن أشرقت وسامح هما اللي حطوها في أوضتك؟ أحمد: كان لازم أعمل كده. عمر ما كانش هيقدر يصدمك بالحقيقة، وكنت عارف إن ندي هتشك إن انتي اللي عملتي كل ده وهتروح قايلة على كل حاجة. تالين: مخفتش إني يحصلي حاجة؟ أحمد: خوفت، بس. أحمد: كان كل اللي في بالي إنك ترجعي بأي طريقة. كنت خايف عليكي، لكن اتأكدت بعد الصدمة إنك رجعتلك الذاكرة. تالين: إزاي؟

أحمد: كلام الدكتور ما كانش منطقي أبداً. وساعتها عرفت إنك أكيد اتفقتي مع الدكتور عشان يقول إنك ممكن تفقد الذاكرة للأبد. تالين: وعمر؟ أحمد: إنتي مش بتظلميه؟ عمر ضحى عشانك كتير. تالين: بس ده خبي عني إني أهلي هما سبب الحادثة. أحمد: إنتي مش شفتي نفسك وانتي فاقدة الذاكرة كنتي عاملة إزاي؟ عمر كان لازم يعمل كده ويخبي عنك.

تالين وأحمد كانوا بيتكلموا، وندي واقفة بره وسمعت كل كلمة أحمد قالها، وكأنه جوابها على كل أسئلتها من غير ما تسأل. بيعدي أسبوع وكل حاجة بترجع لطبيعتها، وكلهم بيرجعوا على الشركة. أحمد: ندي، ممكن نحكي؟ أنا حابب نتكلم شوية. ندي: خير، اتفضل. أحمد: مش في الشركة، تعالي نقعد في حتة بره. ندي: لا والله، مش هينفع. عندي شغل كتير. أحمد: تمام. تالين: ها، قلت لها؟ أحمد: وهي مديني فرصة أكلمها؟ تالين: طيب يا أخويا، أنا هروح أشوف عمر.

أحمد: أيوه، اللي إيده في المياه. تالين: يارب ما تجعلنا جيران ولينا عينين. تالين بتروح على مكتب عمر وبتدخل تلاقي سكرتيرة واقفة بجيبة فوق الركبة وقميص مفتوح لحد الصدر وشعرها الأصفر الملفت للنظر. تالين: إنتي بتعملي إيه؟ عمر: حبيبتي، هكون بعمل إيه؟ بشتغل. تالين: مهو الشغل باين أهو. تالين: اتفضلي اطلعي بره. عمر: استني يا مايا، متروحيش. إحنا لسه مكملناش. تالين: وإيه ده؟ إيه ده؟ عمر: اتفضلي يا تالين، دلوقتي عندي شغل.

تالين بتطلع تقف بره وبتكون شايفة مايا عمالة رايحة جاية قصاد عمر وبتلزق فيه. عمر بيكون شايف تالين وهي هتموت من الغيرة، لكن بيكون حابب يعلمها الأدب شوية. تالين بتروح على مكتب ندي، اللي كانت برضه واقفة عمالة تبص على أحمد وهو بيضحك مع سكرتيرة. تالين: أظاهر إني مش لوحدي، أنا كده فهمت هما بيعملوا إيه. ندي: قصدك إيه؟ إنتي بتقولي إيه؟ تالين: لسه مقلتلوش إنك بتحبيه، صح؟ ندي: أيوه. تالين: إحنا هنلعب معاهم نفس اللعبة.

ندي: قصدك إيه؟ تالين: مش فيه اجتماع بعد ربع ساعة؟ ندي: أيوه، بس برضه مش فاهمة. تالين: عاصم وعاصي هيكونوا موجودين، وإنتي عارفة عاصم من يومه وهو معجب بيا، وأخوكي مش بيطيقه. ندي: فهمتك، بس أنا مش بحب عاصي. تالين: ومين قالك؟ حبيه. إنتي بس هتضحكي وكام حركة وهنخليهم يولعوا. ندي وتالين بيضربوا كفوفهم في بعض ويروحوا على الاجتماع وهما بيغمزوا لبعض.