رواية السر الفصل الرابع 4 - بقلم نو برينسيس

ندي ابعدوا عني. لسه بتمشي، لقت اللي مسكها من الجاكت وقلعهولها. في وسط الرجالة كان موجود سامح، ومخبي وشه زيهم، وهو اللي قلعها الجاكت. ندي: ابعد ايدك عني ياحيوان. راحت رافعة إيديها على سامح وضربته بالقلم. سامح بيشاور للاثنين الثانيين إنهم يشلوها ويحطوها في العربية. ندي عمالة تصوت. راح سامح ضربها على دماغها، خلاها تفقد الوعي. سامح: في حاجة غلط. الراجل اللي معاه: ليه ياباشا، ماكل حاجة تمام أهي.

سامح: لأ، العربية السودة دي ماشية من بدري ورانا. ادخل يمين كده. سامح: لأ، العربية دي قصدنا. نهار أسود لو كان عمر راح في داهية. الراجل: أنت معاك اتنين ياكلوا الظلط، خايف من إيه؟ سامح بيفتح باب العربية وبيحدف نفسه منها. الراجل اللي ورا مع ندي: إحنا هنعمل فيها إيه دلوقتي؟ دي ابتديت تفوق وهتلم علينا الناس. الراجل اللي بيسوق: أنا هقف قدام وهنزل أضرب الحيوان اللي ورانا ده، وبعدين نرجع نتسلى بالحلوة.

العربية بتقف، وراجل واحد من اللي بيخطفوا ندي بينزل. والتاني بيفتح دولاب العربية من وراه، وبيبقى كاتم بق ندي. ندي بتتفرج على اللي بيحصل وعمالة تحاول تفلت من الخاطف. العربية التانية بينزل منها شاب طويل وعريض، لابس طقم كله أسود، ولابس وش مهرج على وشه. الخاطف: ارجع، متجيش. ماكنت أحسن لك. الشخص المجهول: سيبها. الخاطف بيقرب على الشخص المجهول وبيضربوا في صدره.

الشخص المجهول بيرجع خطوة لورا، وبيجري على الخاطف، برجله وعلى وشه، وراح لوي دراعه. ندي أول ما لقت اللي مسكها اندمج معاهم، راحت عاضة من إيده ونطت من العربية. والخاطف راح ناطط وراها وجايبها من شعرها. ندي بتصرخ. والشخص المجهول راح لوي دراع الراجل وبقى ماشي ورايح للتاني وهو جارہ في إيده. اللي ماسك ندي لما شاف صاحبه كده، راح ساب ندي وجري. الشخص المجهول راح لندي وساب الخاطف اللي في إيده، وراح هو كمان هرب.

الشخص المجهول: انتي كويسة؟ ندي بخوف وحاطة إيديها على نفسها: أيوه. الشخص المجهول قلع الجاكت وحطه عليها، وراح موصلها لحد القصر. ندي: مش هتقولي انت مين؟ المجهول بيروح دايس بنزين وبيمشي بالعربية. ندي بتدخل جوه. بتلاقي عمر، بتجري عليه. عمر: إيه اللي حصل وشكلك عامل كده ليه؟ ندي بتحكي لعمر اللي حصل، وعمر بياخدها في حضنه. عمر وهو بيكلم نفسه: هوريك يانادر الكلب. عمر: اطلعي نامي دلوقتي ياحبيبتي، وأنا هعرف مين اللي عمل كده.

عمر بيطلع فوق. بيلاقي تالين واقفة في البلكونة قصاد البحر وسرحانة. عمر: بتحبي البحر أوي كده؟ تالين: جداااا..... أنت عرفت إزاي؟ عمر: أنا أعرف حاجات كتير عنك، انتي متعرفيهاش. تالين بسخرية: وعارف إيه كمان؟ واحد لسه خاطفني هيقولي عارف عنك كل حاجة. وبتروح تبعده عن عمر. عمر: بتعشقي البنفسجي واللون الأبيض، وكنتي ديما بتحلمي إنك تسكني قصاد بحر وبلكونتك تطل على البحر. تالين بتقف مكانها وبترجع تبص لعمر.

تالين: انت عرفت كل ده إزاي؟ تالين: نادر بس اللي كنت بحكيله كده. انت عملت إيه لنادر؟ انت لو قربتله هقتلك. عمر: بتحبيه أوي كده؟ تالين: أيوه، وأول ما أعرف هو فين، صدقني مش هتقدر توقفني. عمر بيتعصب وبيضرب الباب وبيخرج بره. عمر بيطلع يخبط في أحمد. عمر: أحمد، أنا آسف. أنت إيه اللي جابك هنا؟ أحمد: كنت عطشان وطلعت أشرب، بس نسيت ومعرفتش أرجع. عمر: تعالي هوديك أوضتك. عمر لسه هيطلع. أحمد بيمسك إيد عمر.

أحمد: لسه مش عايز تعرفها السر؟ هتفضل تستحمل أسلوبها ده لحد إمتى؟ أنت عارف إن نادر مش هيسكت. عمر: مش هينفع يا أحمد، الدكتور قالي مينفعش تتعرض لصدمة تاني، وإلا ساعتها هتفقد ذاكرة على طول، وهتفضل فكرة بس من ساعة ما صحيت، واللي الماضي هيتحذف كأنه مكانش موجود. أحمد: بس هيجي يوم وتعرف ياعمر، لازم تقولها قبل ترجع لها الذاكرة.

عمر: حتى لو رجعت ليها الذاكرة، هي متعرفش اللي عمل فيها كده، ومش لازم تعرف. أنا مش عايزها تروح مني تاني. في أوضة عمر وتالين، تليفون تالين بيرن. تالين: الوووووو. المتصل: وحشتيني. تالين: نااااااادر.