رواية السر الفصل الثالث 3 - بقلم نو برينسيس

ندي ازاي كده ده فعلا أعمى. ندي بصدمة بتشوف أحمد مرمي على الأرض وفي دم نازل من دماغه. ندي: نعمة تعالي بسرعة. نعمة: الخدمة، أيوه يا ست ندي. نعمة: ينهار أبيض، إيه اللي حصل؟ ندي: مش وقته يا نعمة، ساعديني ننقله فوق. ندي: روحي بسرعة هاتي حاجة أعقم الجرح بسرعة. نعمة: خدي يا ست ندي. ندي بتعقم لأحمد الجرح وأحمد ابتدى يفوق. ندي: أحمد، أحمد، صدقيني أنا آسفة، أنا ما كنتش أعرف إنك أعمى فعلاً.

أحمد بيتعدل من على السرير وبيمسك راسه وبغضب. أحمد: اطلعي بره. وفجأة صوته بيعلى: بقولك اطلعي برررررره. ندي بتتنفض من مكانها وبتسيب أحمد وتمشي. في شركة عمر. سامح ابن خالة عمر: أنا هتجنن يا عمر، إزاي في ظرف سنة قدرت ترجع عمر فؤاد تاني صاحب أكبر شركة تجميل في الشرق الأوسط؟ لا وكمان اتجوزت تالين. سامح: إنت ناوي على إيه؟ عمر بيبص لسامح نظرة غضب. سامح بيفهم وبيغير الموضوع. سامح: خلاص يا عمر، مش هدخل في حاجة ما تخصنيش تاني.

عمر: كويس إن لسه فاكر. سامح: طب عملت إيه في موضوع ندي؟ عمر: إنت عارف إني ما بخصبش حد على حد. سامح: بس أنا بحبها وطلبتها أكتر من مرة. عمر: وهي رفضتك في كل مرة، أظن إن الأوان بقى تفكر في حد تاني ومتتعبش نفسك. سامح لسه هيتكلم. عمر: روح على شغلك يا سامح. سامح: بس... عمر بيبص لسامح نظرة. سامح بيروح طالع. سامح وهو طالع بيكلم نفسه: هتجوزها حتى لو بالعافية. في قصر عمر. عمر: أحمد، مال دماغك؟

أحمد: اتزحلقت من على السلم يا عمر، ما تخافش. عمر: تالين؟ أحمد: لسه حابسة نفسها في الأوضة. عمر بيطلع فوق بيلاقي تالين لبسة قميص نوم أحمر وحاطة ميك أب كامل. عمر وهو بيبلع ريقه: تالين. تالين بتقرب من عمر وبتتحسس على وشه. عمر: إنت بتعملي إيه؟ تالين: ما أخدتني بالعافية من نادر واتجوزتني وحبستني في قصرك. تالين: أنا كمان بقدم لك نفسي أهو ومن غير معاناة، اتفضل خد اللي إنت عايزه، صدقني مش هقومك. عمر: إنت اتجننت.

وبيروح ضارب تالين بالقلم على وشها وبيغمي عليها. عمر بيشيل تالين وبيحطها على السرير وبيفضل قاعد جنبها. تالين فجأة بتصحى وبتقعد نص على السرير. عمر قاعد جنبها وفجأة بيسمعها بتقول: تالين: عمر، ليه يا عمر سبتني؟ أنا بحبك يا عمر، خليني جنبك، ما تبعدنيش. عمر بيبقى مصدوم من اللي بيسمعه. تالين بتروح حاضنه. عمر بيمسك وش تالين. عمر: ما تعرفيش أنا استنيت قد إيه عشان ترجعيلي يا تالين، أنا...

ولسه عمر بيتكلم بيلاقي تالين اغمي عليها تاني. عمر: تالين، تالين. عمر: الوووو، دكتور، تعالي بسرعة على القصر. عمر: تالين افتكرتني يا دكتور، كانت عرفاني ولسه بتكلم معاها، اغمي عليها. الدكتور: هي اتعرضت لصدمة أو حاجة. عمر: أيوه يا دكتور. الدكتور: لازم نستنى لحد ما تصحى. تالين بتصحى بتلاقي عمر قصادها. تالين: إنت لسه هنا، عايز مني إيه تاني؟ عمر بيطلع بره هو والدكتور.

الدكتور: كتر الحاجات اللي مرت بيها خلتها تتشوش، وده اللي خلا الذاكرة ترجع لها لوقت قصير. عمر: أنا مش فاهم حاجة. الدكتور: أهم حاجة دلوقتي محدش يضغط عليها في حاجة، وإلا ممكن من كتر الضغط تالين تفقد ذاكرة الماضي نهائياً وهتفتكر بس اللي هي عاشته من ساعة ما فاقت. عمر: أكيد يا دكتور. تاني يوم في الشركة. سامح بيروح على مكتب ندي. سامح: ممكن أدخل؟ ندي بلامبالاة: ادخل. سامح: عايز أكلمك في موضوع. ندي: لو موضوع الجواز، فا مرفوض.

سامح بيقرب من ندي. ندي: إنت بتعمل إيه يا مجنون إنت؟ سامح بيقرب أكتر من ندي وبيكلمها عند ودنها. سامح: إنتي مش هتتجوزي غيري، إنتي فاهمة؟ ندي بتروح زقة سامح. سامح: ماشي يا بنت خالتي. سامح وهو خارج بيكلم نفسه: هوريكي إزاي تتعاملي معايا كده. عمر بيدخل مكتب ندي. عمر: هتروحي؟ ندي: لسه قدامي شوية ملفات، هخلص وأروح. عمر: سوقي على مهلك ومتتأخريش. ندي: حاضر. ندي بتخلص الشغل وبتنزل عشان تروح.

ندي: يا دي النيلة، العربية عملتها تاني. ندي بتطلع بره مكان الشركة وبتطلع على الطريق عشان تاخد تاكسي. فجأة بيطلع 3 رجالة لندي. ندي بتحاول تمشي لكن بيقفلوا عليها الطريق. ندي: ابعدوا عني. ولسه بتمشي لقت اللي مسكها من الجاكت وخلعهولها. ندي: ابعدووو عني.........