رواية السر الفصل السابع 7 - بقلم نو برينسيس

أشرقت بتطلع مخدر من شنتطها وبتحطه لندي في العصير. أشرقت: أنا عايزة البنت اللي على البحر دي تشرب العصير ده. الجرسون: بس يافندم…. أشرقت بطلع فلوس كتير من شنتطها وبتديها للجرسون. أشرقت: سامح، أنا عايزك دلوقتي تروح تكلم أحمد، وأول ما ندي يغمي عليها هاجي أنا والجرسون نشيلها. سامح: طب لو أحمد سأل؟ أشرقت: قول له إنها راحت تسلم عليا. وفعلاً ده اللي بيتم، وأشرقت والجرسون بيطلعوا ندي فوق على أوضة أحمد.

وأشرقت بتقلع ندي هدومها وبتنيمها على السرير. أحمد بيبقى طالع فوق الأوضة، وأشرقت بتجري على عمر. أشرقت وهي بتحضن عمر: وحشتني. عمر: انتي اتجننتي؟ أنا كام مرة هقول لك بلاش الأسلوب ده. أشرقت: آسفة مش هعمل كده تاني. عمر: خير، وإيه اللي جابك؟ أشرقت: هي دي مقبلتك ليا يا عمر؟ عموماً أنا كنت جاية أسلم عليك وأقول لك إن سمعت صوت جامد من الأوضة اللي هناك دي. عمر بصدمة وبيجري: أحمـد! أشرقت واقفة بره وشايفة عمر وهو بيكسر أوضة أحمد.

عمر بيدخل بيلاقي أحمد واقع على الأرض وحواليه إزاز. عمر: تالين! تالين! تالين بتسمع عمر بتطلع من الأوضة تجري عليه. تالين: إيه اللي حصل؟ عمر: ساعديني الأول… هو وقع أكيد. تالين: حبيبي انت كويس؟ فيك حاجة؟ في إزاز دخل في رجلك أو حاجة؟ عمر بيشوفهم كده بيطلع ويسيبهم. تالين: أحمد رد عليا! أحمد: مش وقته يا تالين، في بنت تحت السرير، أنا جيت لقيتها هنا، ولما سمعت صوت حد جاي حطيتها جوه الدولاب.

تالين بنت وبتروح تفتح الدولاب بتلاقي ندي من غير هدوم. تالين بصدمة: دي ندي! بس إيه اللي جابها هنا؟ أحمد: بسرعة ياتالين لبسيها وطلعيها من هنا، عمر لو شافها هتبقى مصيبة. تالين: حاضر حاضر…. تالين بتاخد ندي وبتطلع بيها من حتة تانية وبتغيرلها هدومها وبتطلع وتقفل الباب. في الوقت ده أشرقت. عمر: إيه؟ أشرقت: مفيش، أحمد وقع على الأرض وكام حواليه إزاز، أخته عنده جوه، متقلقيش. أشرقت بصدمة: هو كان لوحده؟

عمر: واحد أعمى مين هيكون معاه يعني؟ أيوه ياستي لوحده. تالين بتطلع من أوضة ندي، بتلاحظ إن عمر واقف مع حد بس مبتبقاش عارفة هو مين. تالين عمالة تقرب تقرب وفجأة بتنادي على عمر، وعمر بيبصلها هو وأشرقت. تالين أول مابتشوف أشرقت بتبرأ. تالين: انتي….. وبتروح مغمي عليها. عمر: تالين! تالين! وبيروح شايلها ورايح على الأوضة. تالين بتكلم نفسها وهي مغمي عليها: ابعدي عني، انتي بتعملي كده ليه؟ وفجأة بتصحا مسروعة وبتدخل في حضن عمر.

عمر: متخافيش، أنا معاكي. تالين: أنا خايفة. عمر بيحضن تالين جامد وبيطمنها. تالين وهي في حضن عمر وبتكلم نفسها: إيه الإحساس ده؟ أنا مش عايزة أطلع من حضنك، حاسة إني مطمئنة وأنا فيه، يا ريت اللحظة دي متخلص. وفجأة تالين بتفوق من خيالها وبتسيب حضن عمر بتتدريج. عمر: انتي كويسة؟ تالين بتهز راسها. عمر بيسبها ويخرج بيلاقي أشرقت واقفة بره. عمر بغضب بيجري على أشرقت وبيروح خنقها بإيده. عمر: انتي عملتي إيه لتالين؟

أشرقت: عمر أنا بتخنق، صدقني معملتلهاش حاجة، هعملها إيه يعني؟ عمر: اومال أول ما شفتك اتصدمت واغمي عليها ليه؟ أشرقت: صدقني يا عمر، أنا معملتش حاجة. عمر بيسيب أشرقت اللي كانت خلاص هتطلع في الروح. عمر: لو عرفت إنك انتي اللي ورا حالتها دي، أنا مش هرحمك، انتي فاهمة؟ عمر بيمشي ويسيبها. أشرقت وهي واقعة في الأرض: انتي مش لازم ترجعلك الذاكرة أبداً، لازم تموتي قبل ما ترجعلك.

في الصباح ندي بتقوم مصدعة ومش فاكرة حاجة غير آخر مرة لما كانت مع أحمد. ندي بتغير هدومها وبتروح تشوف أحمد. ندي: أحمد! هو إيه اللي حصل امبارح؟ أنا إمتى سبتك؟ أحمد بغضب: اسألي نفسك يابنت الناس المحترمين. ندي بعصبية: انتي بتكلمني كده ليه؟ انت اتجننت؟ أحمد: أنا برضو اللي اتجننت؟ مش انتي اللي سبتيني امبارح مع سامح وبعدين طلعت أوضتي لقيتك نايمة على السرير. ندي بتروح ضاربة أحمد بالقلم على وشه: انت بني أدم مريض!

أحمد: بتضربيني؟ ده بدل ما تشكريني إني لحقتك قبل ما عمر يدخل ويلاقيكي في أوضتي. ندي: أكيد اللي بتقوله ده مش حقيقي، أنا ليه مش فاكرة ده كله؟ أحمد: ما تلقيكي كنتي سكرانة هتفتكري إزاي؟ ندي بحزن ودموع: أرجوك كفاية لحد هنا. ندي بتطلع تجري على أوضة تالين. ندي: انتو عايزين مننا إيه؟ تالين: ندي حبيبتي مالك؟ في إيه؟ ندي: مالي؟ انتو اللي مالكم؟

مش كفاية اللي أهلك ونادر عملوه في أخويا قبل كده، جايين دلوقتي وتجرحوا فينا تاني بعد ما أخويا اتجوز؟ تالين: في إيه يا ندي؟ أهلي ونادر مالهم؟ بعدين انتي تعرفي نادر منين؟ ندي: ونبي بلاش الشوية دول، انتي ممكن تمثلي على الكل إنك فاقدة الذاكرة، لكن عليا أنا لا. تالين: ذاكرة؟ انتي بتقولي إيه؟ ندي: بقول إنك واحدة أنانية، أنا هحكيلك كل حاجة طالما انتي مصممة تنكري الحقيقة لحد إمتى؟ فاكرة إن سرك مش هيتفضـح؟

وإنك ونادر كنتوا سبب إفلاس عمر و….