رواية الطفلة و الوحش الفصل الثامن 8 - بقلم نورا السنباطي

الجميع بصدمة. يزن: انتي بتقولي إيه يا حيو*ا*نة انتي؟ آرين كويسة، أيوه هي كويسة، انتي بتكذبي. جري عليه زياد وفهد يحاولوا يمنعوه. يزن بصراخ وغضب وهو بيبعدهم: ابعدوا عني إنتوا شا*يفين بتقول إيه! الحيو*ا*نة دي والله مش هر*حمها. آرين كويسة، لا لا لا. آآآه يا رب لا متعاقبنيش بالطريقة دي، لا يا رب لا متاخدهاش مني يا رب، آآآه يا قلبي. وقع أغمي عليه. مرفت بعياط وخوف: يزن ابني، الحق ابني يا أيمن.

جري عليه الممرضين وشالوه ودخلوه غرفة جنب غرفة آرين. قعدت مرفت على الكرسي بحزن وعياط: لدرجة دي بتحبها يا يزن تقع من طولك عشانها. ورفعت إيدها وقالت: رحمتك يا رب. نادين قعدت على الأرض تعيط بصمت. نظر لها زياد بألم لدموعها وكان نفسه في الوقت ده ياخدها في حضنه. كان رعد في حالة توهان، فهو يعتبر آرين أخته. راح عليه فهد ورتب على كتفه بحزن. رعد بدموع وهو بيبص لفهد وقاله: آرين يا فهد. فهد بحزن: هتعدي يا رعد وإحنا كلنا جنبها.

راحت لينا لنادين ونزلت على ركبها وقعدت جنبها ورفعت وشها بإيدها. نادين بدموع: آرين لو حصلها حاجة يزن هيدمر يا لينا وأنا مش هقدر على خسارتهم. ابتسمت لينا بدموع وشاوت على السماء. وبعدين حطت إيدها على قلبها واتنهدت. قالت: لا تحزن إن الله معنا. أومات نادين بدموع، حضنتها لينا وهي بتحاول تتحكم في دموعها. خرج الدكتور من عند يزن والكل جري عليه. مرفت بخوف: يزن.. ماله يا دكتور؟

الدكتور: عنده انهيار عصبي حاد. أنا اديته مهدئ دلوقتي وإن شاء الله بعد ساعة كده هيصحي. ألف سلامة. ومشي. رؤوف بحزن: اللهم اجرنا في مصيبتنا يا رب. بعد ساعة. فتح يزن عيونه وهو بيبص حواليه بإستغراب. ثواني وكان افتكر آرين واللي الدكتورة قالته. انتفض مكانه وحاول يقوم بس كان دايخ لسه. حط إيده على راسه بتعب وحاول يقوم تاني. دخل فهد وجري عليه بخوف. فهد بخوف: يزن انت تعبان، رايح فين؟

يزن بغضب: ابعد عني، أنا لازم أروح لآرين. أنا مش هسمح يحصلها حاجة، فاهم؟ فهد بتوتر وهو بيحاول يقعده: ط.. طب اهدي وإحنا معاك في أي حاجة وآرين إن شاء الله هتكون كويسة. يزن بعصبية شديدة: ابعد عني بقولك. دخل لؤي وزياد بسرعة. زياد بتساؤل: في إيه؟ يزن بزهق: زياد خليهم يبعدوا عني، أنا متحكم في نفسي بالعافية. لؤي بخوف عليه: يزن ارجوك متعاندش، انت تعبان وآرين مش هتستحمل تشوفك تعبان كده، صح؟

ز*ق*هم يزن بعصبية شديدة وهو بيك*سر كل حاجة حواليه بغضب. يزن بغضب وصوت جهوري: و*د*يني اللي هيمنعني أشوفها لأكون قا*ت*له. سكتوا بصدمة كبيرة وهما شايفينه بالحالة دي. يزن عشق، لا ده عدى مرحلة العشق بكتير، ده مهووس بآرين. طلع يزن من الغرفة وهو حاسس بدوخة كبيرة جداً وساند على الحيطة. جرو عليه الكل. والكل حاول يمنعه بس الرد كان الغضب والتهديد فقط.

وقف قدام غرفتها ومد إيده يفتح الباب وإيده بترتعش. دخل ونقل بنظره في أنحاء الغرفة حتى وقعت عيونه عليها. كانت نايمة كالملاك متوصلة بأجهزة كثيرة. بشرتها شاحبة بيضاء، عروق يدها بارزة وفي يدها تلك الكانولا المتوصلة بمحلول. تقدم منها وهو في حالة توهان شديدة. قعد على الأرض جنب السرير، مسك إيدها برفق بين إيده وباسها بشفتيه المرتعشة وتلك الدموع المتحجرة في عيونه.

يزن بصوت مرتجف: آ.. آرين ح.. حبيبتي قومي. أنا يزن حبيبك.. انتي عارفة الدكتورة الغبية دي مش عارفة حاجة. أنا عارف.. عارفة بتقول.. انتي عندك سرطان في الدم. وبعدين شهق بعدم تصديق وهو بينفي براسه.. لا لا لا مستحيل مستحيل انتي مستحيل تسبيني.. انتي هتفضلي جنبي.. مش هتسبيني.. أنا حبيبك.. يزن.. أنا زعلان منك.. ي.. يعني أنا بكلمك.. و.. وإنتي مش بتردي عليا.. ول.. ولما بخاصمك بتزعلي وتقعدي تعيطي...

بس.. بس المرة دي.. أنا مش هكلمك تاني... وبعدين زعق بوجع كبير في قلبه ودموع: آرييين لا مينفعش مينفعش تسبيني. طب طب واحلامنا مش قولنا هنحققها سوا.. طب طب هنحققها إزاي وانتي نايمة ومستسلمة كده. لااا. ومسك إيدها وحطها على قلبه وقال بعياط: متوجعيش قلبي يا آرين عشان خاطري قومي. أنا هنا معاكي متخافيش من حاجة. هنعدي كل ده سوا بس ارجوكي متسكتيش كده. ساب إيدها وحاوط

وشها بإيده وقال بضعف: أنا بستقوي بيكي عشان خاطري فوقي بقا. أنا.. أنا حاسس روحي بتنسحب مني.. هموت يا آرين.. هموت لو حصلك حاجة. مش هقدر.. أمانة عليكي متسبنيش عشان خاطري. قال آخر جملة وهو بيسند على السرير براسه وأجهش في بكاء مرير وهو بيترجاها تفوق وبيعيط بوجع. كان الكل واقف على الباب وسمعوا كل كلمة قالها الوحش ودموعهم نازلة وبيدعوا ربنا. أيمن بحزن: فهد خش جيبه، مينفعش كده. أومأ

فهد بحزن ودخل ببطء وقال: يزن تعالي معايا، كده غلط على آرين. نفى براسه بقوة وهو بيمسك إيدها جامد وبيقول بعياط: لا آرين مش هتبعد عني، لا أنا.. أنا هفضل جمبها. اتقدم منه فهد بحزن على حاله وقال وهو بيشده: يزن يلا. يزن بصراخ وهو بيمسك إيد آرين: لاا ابعد عني، آرين عشان خاطري قومي. شده فهد بقوة ويزن بيحاول يفلت منه وماسك إيد آرين. يزن بغضب: ابعد عني يا فهد. مردش عليه فهد وهو بيحاول يشده. فلت يزن منه وضر*به بالبو*كس

وقال بصراخ: قو*و*لت ابعد عنييي. له فهد الضربة وقال بحزن: يز*ز*ن فوووق، كده غلط على آرين. نظر له بغضب ولسا هيروح ناحيته بس وقف بصدمة لما سمع صوتها الضعيف. بضعف: ي.. يزن. نظر لها بصدمة وجري ناحيتها وضحك بسعادة وهو بيمسك إيدها: آريني.. حبيبتي.. انتي فوقتي. انسحب فهد بهدوء. آرين بتساؤل وتعب: إيه اللي حصل؟ أنا فين؟ يزن بحب: هششش متفكريش في حاجة عشان متتعبيش. ا.. أنا معاكي. نظرت في عيونه بهدوء وقالت بحنان: مالك يا حبيبي؟

عيونك حمرا كده ليه وشعرك وهدومك مش مترتبين ليه كده؟ بلع تلك الغصة التي في حلقه وأجاب: احم.. أنا.. أنا كويس طول ما انتي كويسة. ابتسمت آرين وقالت: عرفتوا مش كده؟ نظر لها بدموع وقال: هتبقي كويسة متخافيش. اتنهدت بتعب وقالت: عايزة أنام في حضنك. نظر إلى الأسلاك المتصلة بها.. وقال: إزاي انتي؟ قاطعته بدموع وقالت: اتصرف يا يزن.

أومأ بسرعة وقام وحاول ينام جنبها ونجح في الأمر. خدها في حضنه بتملك وحب وخوف من فقدانها. أما هي دفنت وشها في حضنه واتنهدت بتعب. بعد وقت قصير. آرين بهمس: يزن. همم. يزن بخفوت وهو بيشد على حضنها. آرين بتزمر: أنا عايزة أروح البيت، السرير هنا مش مريح. ضحك بغلب عليها وقال: هنشوف الدكتورة الأول، لو حالتك تسمح إنك تروحي هروحك. آرين بغيظ: طب أنا جعانة طيب. يزن بإبتسامة: عايزة تاكلي إيه؟

آرين بتفكير: اممم عايزة بانيه ومحشي ورق عنب. تنح يزن بصدمة وقال: في المستشفى؟ آرين بمكر: أيوه ومليش فيه، عايزة دلوقتي. أومأ يزن بهدوء وقال وهو بيقوم من جنبها براحة: حد هروح أجيبهم وأجي. ارتاحي انتي. وباس جبينها بحب وحنان وطلع بره. الكل انتبه ليزن اللي طلع من الغرفة. مرفت بسعادة: آرين فاقت صح؟ ف.. فهد قال إنها فاقت؟

يزن ببرود: آه فاقت. واسمعوا كلكم، آرين هتبقى كويسة لو.. هصرف اللي ورايا واللي قدامي، هتتعالج ومش عايز حد يتكلم معاها في الموضوع ده ومش عايز توتر حواليها، مفهوم؟ لو عرفت إن فيه حد ضايقها بكلمة، وديني ما هرحمه. وقال آخر كلامه وهو بيبص لماري بتحذير. الكل قال: مفهوم. يزن لزياد: زياد انت وعز وندي هتتولوا أمور الشركة لحد ما آرين تتعالج، أنا مش هسيبها. بلغ عز. أومأ زياد بهدوء هو وندي. نظر يزن لنادين

اللي كانت بتبص له بحزن: نادين انتي وليليان ولينا روحوا البيت يلا. ليليان بإعتراض: بس يا بيبي. يزن بحدة: أنا مش عايز جدال هنا. انتي ثانوية عامة لازم تذاكري يا دكتورة. نادين بدموع: أنا عايزة أفضل مع آرين يا بيبي. قبض يزن على إيده وهو بيحاول يتحكم في نفسه: احم... نادين آرين هترجع بالليل متخافيش. روحي انتي والبنات يلا. قعدتكم هنا متنفعش ولينا مناعتها ضعيفة لو قعدت في المستشفى هتتعب. يلا. قعدت نادين

ليه وحضنته بقوة وقالت: آرين هتبقى كويسة يا يزن. تنهد بتعب ورتب على شعرها. بعدت عنه وخدت البنات ومشيت مع فهد اللي راح يوصلهم بأمر من يزن. يزن لرعد: وانت يا رعد. قاطعه رعد بحزم: متحاولش، أنا مش هسيب أختي في المستشفى لوحدها. يزن بهدوء: طيب روح هات أكل لآرين عشان جعانة. وطلب منه اللي آرين عايزاه ورعد مشي. يزن ببرود: وإنتي يا ماري. ماري بغيظ: إيه؟ يزن بنفس النبرة: فيه مشكلة في فرع فرنسا، جهزي نفسك هتسافري كمان ساعتين.

فهم أيمن إن يزن عايز ماري تبعد عن آرين. أومأت ماري بغضب ومشت تجهز نفسها. قعد يزن على الكرسي وحط إيده على وشه بتعب والضغط. قرب منه

أيمن ورتب على كتفه وقال: ربنا له حكمة في كل حاجة يا ابني. استعين بالله وخلي ظنك فيه كبير، وادعيلها وخليك عارف طول عمرك إنك مش لوحدك. كلنا معاك وفي ضهرك ومش هنسيبك لوحدك أبداً. لو بصيت جنبك هتلاقي عمك محمد. ولو بصيت على جنبك التاني هتلاقي عمك رؤوف. ولو بصيت في ضهرك هتلاقي ضهري في ضهرك. ولو حصل أي حاجة اخواتك هيحاوطوك واصحابك. متفكرش إنك لوحدي. وهنعدي كلنا الفترة دي وإحنا ماسكين إيد بعض وآرين هتبقى كويسة إن شاء الله. احمد ربنا وارضي بكل حاجة عشان ربنا يراضيك في الآخر. وربنا قال إيه؟

يزن بخفوت ودموع: أنا عند حسن ظن عبدي بي. ربت أيمن على كتفه بإبتسامة: أقوى يا يزن. إحنا مش متعودين عليك كده، إحنا متعودين عليك جبل مش بتنكسر، جبل مش بيهده حاجة. آرين دلوقتي محتاجالك. أومأ يزن وهو بيمسح دموعه وقال: أنا هروح للدكتورة عشان أفهم منها حالة آرين ونشوف هتبدأ تتعالج إمتى. ومشي. بعد شوية جه رعد بالأكل وطلب من مرفت تدخله ليها. مرفت بتساؤل: إنت مش عايز تطمن على آرين يا رعد؟

رعد بتهرب: بعدين يا ست الكل. عن إذنك. ومشي بسرعة وهو بيحاول يتحكم في دموعه. تنهدت مرفت فهي تعلم جيداً أن رعد حزين لمرضها. دخلت وسلمت على آرين واطمئنت عليها وقالت لها: يزن جاي دلوقتي وبعت لك ده. وقعدت معاه. بعد أسبوع كان الكل مهتم بآرين جداً. يزن بصراخ وهو بيضر*ب الدكتور: بقولك آرين مش بتتنفس.