رواية التقاء القلوب الفصل العشرون 20 - بقلم حليمة عدادي

بيجاد: عايزه تشوفي حياتك يا غزال؟ إنتي مش مرتاحة معايا. غزال: مش كدا يا بيجاد، بس أنا حاسة إني مثقلة عليك وإنت عايز تشوف حياتك. قعد قدامها وحط صوابعه تحت ذقنها ورفع راسها. بيجاد: لا يا غزال، إنتي مش مثقلة عليا ولا حاجة، علشان إنتي حياتي اللي عايز أشوفها. غزال كانت ذايبة من الإحراج، خدودها احمرت. بيجاد بحب: غزال، أنا بحبك. لا، أنا تخطيت مرحلة الحب، أنا بعشقك. وإنتي يا غزال، كمان بتحبيني.

غزال رمشت بعينيها وضغطت على شفايفها وهي متوترة. غزال: وأنا كمان بحبك من أول مرة شوفتك فيها. بيجاد بفرحة: بتتكلمي جد؟ إنتي بتحبيني يا غزال. غزال بكسوف: بس بقى يا بيجاد. بيجاد: ههههه، بحبببببك يا غزالتي. وكمل بصوت عالي: بعششششقك يا قلبي. غزال حطت إيدها على بوقه وهي مكسوفة. غزال: بس يا بيجاد، فضحتنا. اسكت. بيجاد: مراتي وأنا بحبها وبعشقها، حد له عندي حاجة. خذها بحضنه وهو في قمة سعادته.

غزال: أنا مش مصدقة. حاسة إني بحلم. إنت عوض ربنا ليا يا بيجاد. لما كنت بهتم بيك، كنت حاسة إنك ابني وحبيبي. بيجاد: إنتي أجمل حاجة حصلتلي في حياتي. غزال: بيجاد، أنا عايزة أشوف ملاك. وحشتني أوي. مكنتش متوقعة إنها هتلاقي أمها. بيجاد: الحمد لله. سيف وقع في طريقها وكان طوق نجاتها. غزال: ممكن نروح لهم علشان نشوف ملاك؟ بيجاد: أنا كمان وحشتني ملاك أوي. *** أمل دخلت أوضتها، شافت سيف شايل ملاك وبيلاعبها وهي بتضحك.

أمل بابتسامة: شكلها مبسوطة أوي معاك. سيف: ملاكي، أكيد مبسوطة. أنا حبيتها أوي يا أمل. أمل قعدت جنبه وهي بتفرك في إيديها وكل شوية تبصله. سيف حط ملاك في مكانها وبص لأمل. فهم إنها عايزة تقول حاجة. سيف: أمل، عايزة تقولي إيه؟ اتكلمي. أمل بتوتر: ها... أنا... لا، مش عايزة أقول حاجة. سيف: اتكلمي يا أمل، أنا بعرفك لما تكوني عايزة حاجة. أمل: سيف، إحنا جوازنا كان مبني على اتفاق. ودلوقتي جه الوقت علشان ننهي الاتفاق دا.

سيف: أيوه، أنا كمان عايز أنهي الاتفاق اللي كان بينا. أمل بصتله بحزن، هي كان عندها أمل إنه بيبادلها نفس المشاعر. أمل: تمام. من بكرة نطلق، وأنا هاخد بنتي وأمشي من هنا. سيف: أنا عايز أنهي الاتفاق، مش عايز أطلق. أنا بحبك يا هبلة. وكلمة الطلاق مش عايز أسمعها منك مرة تانية. أمل: أنا هبلة. سيف: إنتي سبتي كل كلامي وركزتي في "هبلة". هههه. أمل: إنت بتحبني بجد يا سيف، ولا بتقول كدا علشان والدتك ما تزعلش.

سيف: لا يا أمل، أنا حبيتك. مش عارف إمتى أو إزاي. اللي عارفه إني بحبك. أمل: وإنت هتقبل إن ملاك تفضل معانا هنا، يعني علشان هي مش بنتك. سيف: ملاك مالهاش ذنب في اللي حصل. ومن اليوم اللي دخلت فيه البيت دا، أنا اعتبرتها بنتي. أمل حضنته بفرحة وهي مش مصدقة إن سيف بيحبها. أمل: أنا بحبك أوي يا سيف. ربنا ما يحرمنيش منك أبداً. سيف: إنتي أجمل صدفة حصلتلي يا أمولة. *** بيجاد: يلا يا غزال، كل الوقت دا علشان تغيري هدومك.

غزال: أنا آسفة، اتأخرت عليك. كنت بلبس الطرحة. بيجاد: إيه الجمال دا، طالعة زي القمر يا قلبي. قرب منها باس جبهتها بحب. مسك إيدها ونزلوا. كان خالد قاعد مع مراته. خالد: رايحين فين يا ولاد. بيجاد: رايحين عند سيف يا بابا، ملاك وحشتنا. خالد: بوسهالي. خلي بالك على نفسك يا ابني. بيجاد: ما تخافش يا بابا، أنا رايح عند سيف وراجع. خالد: سلمى مختفية ومش عارفين هي بتخطط لإيه. بيجاد: حاضر يا بابا، سلام.

خرجوا. بيجاد فتحلها باب العربية. غزال ركبت، قفل الباب ولف ركب مكانه واتحركوا. بيجاد: غزال، أنا لسه مش مصدق إني بقيت كويس وحبيبتي جنبي. الحمد لله يارب. غزال: أنا خايفة عليك أوي يا بيجاد. بيجاد: خايفة عليا من إيه يا قلبي؟ أنا قاعد جنبك أهو. غزال: مش مطمنة. سلمى لسه برا، أكيد بتخطط لحاجة علشان تأذيك. بيجاد: مش هيحصل إلا اللي كاتبه ربنا. ماتخافيش. فجأة سرعة العربية زادت. بيجاد حاول يتحكم بيها لكن ما قدرش.

غزال بخوف: بيجاد، إيه اللي بيحصل. بيجاد: مش عارف، شكل فرامل العربية مقطوعة. غزال ببكاء: أنا قولتلك إني مش مطمنة يا بيجاد. بيجاد حاول إنه يتحكم بيها. وآخر حاجة شافها هي الحيطة اللي قدامه. غزال صرخت بقوة: لاااااااا. العربية دخلت في الحيطة وانفجرت وطارت أشلاءها في الهواء. *** عند سيف، كان قلقان أوي. أمل: اهدى يا سيف، أكيد هما في الطريق وهيوصلوا بعد شوية. سيف: قلبي مش مطمن يا أمل. رحمة: كلموا يا ابني، شوفوا اتأخر ليه.

سيف طلع تلفونه اتصل ببيجاد لكن محدش رد.