رواية التقاء القلوب الفصل الأول 1 - بقلم حليمة عدادي

كانت تقف وتحمل ذالك الرضيع بين يديها والدموع نازلة من عينيها. زينب: إطلعي برا بيتي يافاجرة. روحي عند اللي بعتي نفسك ليه. غزال: إسمعيني ياعمتي. دا مش إبني. زينب: أنا عندي بنات ومش عايزه الناس تتكلم عليا. إطلعي برا إنتي وإبنك. غزال: طب حتي سيبيني أقعد للصبح. الوقت متأخر. هروح فين في الوقت دا. زينب: كان لازم تفكري بالكلام دا لما بعتي شرفك. برررررا. غزال: أبوس إيدك ياعمتي. الوقت متأخر. ماعنديش مكان أروح له.

قربت منها زينب وزقتها لبرا البيت وقفلت الباب. بصت للشارع الفاضي وإلى ذالك الرضيع النائم بسلام بين يديها. غزال: أنا هحميك منهم كلهم ياحبيبتي. بدأت تمشي في الشارع ودموعها نازلة. الجو كان بارد. غزال: يارب ساعدني يارب. أنا ماليش غيرك. وفي وسط ماهي بتكلم نفسها طلعولها ثلاثة شباب كانوا سكرانين حاوطوها. الأول: على فين ياحلوه. تعالي معانا. غزال بدموع: إبعدوا عني.

رجعت لورى وجريت وهما بيجروا وراها. مخذتش بالها من العربيه اللي جايه. العربيه خب*طتها. وقعت على الأرض والرضيع وقع جنبها وصوت بكاه شق سكون الليل. *** مايا: زينة إنتي فين يازفتة. زينة: نعم ياهانم. آسفه إتأخرت عليكي. مايا: بيجاد فين مش شيفاه. يعني أوعي يكون خرج. زينة: بيلعب بأوضته يامدام ومستني باباه. مايا بقرف: إمتا بقى أخلص منه. شاب عنده ثلاثين سنة بعقل عيل صغير. زينة: ياهانم إنتي عارفه إنه مريض.

زينة: خلاص خلاص مش عايزه أسمع قصة حياته. أول ما أبوه يجي نادي عليا. دخلت مايا أوضتها. وقفت زينة تفكر بشفقه عليه. بيجاد: دادة زينة. أنا جيعان. زينة: ياحبيبي إنت مش عايز تأكل. بيجاد: مش عايز. بيجاد ماعندوش صحاب. وبابا مش بيحب يلعب معايا. دمعت عيني زينة. هي اللي ربته. كان شاب ناجح في حياته. زينة: أنا صاحبتك و الداده بتاعتك وبلعب معاك. بيجاد: بس إنتي مشغوله طول الوقت ومش بتلعبي معايا.

وهما بيتكلموا دخل الجارد وهو شايل واحده ورأسها بتنزف ومعاهم والد بيجاد. زينة بخضه: خالد بيه مين دي وحصلها إيه. خالد: كلمي الدكتور بسرعه يلا. طلعوها فوق وحطوها في الأوضة. شوية ووصل الدكتور. نظفلها الجرح اللي في رأسها وضمد لها الجروح. خالد: طمني يادكتور. هي كويسه والطفله. الدكتور: هي كويسه. ماتقلقش. الضربه مكنتش قوية. خالد: يلا نخرج سيبوها ترتاح والصبح نتكلم.

في نص الليل فتحت عينيها وحطت إيدها على رأسها. حست بألم. قفزت بخضه لما افتكرت الطفله. بصت جنبها واتصدمت.