رواية التقاء القلوب الفصل الثاني 2 - بقلم حليمة عدادي

غزال اتصدمت لما مالقتش الطفلة جنبها. بصت للبيت وحسّت بالخوف. غزال: لا مش ممكن، يارب مايكونش حصل اللي في بالي. نزلت مالقتش حد. بدأت تدور في الأوض وقلبها هيوقف من الخوف. لحد ما سمعت صوت ضحكات الصغيرة. جريت وفتحت باب الأوضة بقوة ودخلت. بيجاد: إنتي أم صديقتي الصغيرة؟ شالتها من بين إيديه. غزال بعصبية: إنت مين وخذت بنتي ليه يا أستاذ؟ بيجاد بتذمر: أنا خدتها علشان ألعب معاها وبقينا صحاب كمان.

غزال: إنت مجنون ولا إيه يا أستاذ؟ أنا بكلمك، أنا هنا فين؟ بيجاد: أنا معرفش، بس أرجوكي سيبي الطفلة معايا. غزال بصتله بإستغراب: إزاي شاب وسيم وباين عليه من الشخصيات الراقية بيتكلم زي الأطفال؟ بيجاد: إنتي زعلتي علشان خدتها، لكن إنتي كنتي نايمة وهي كانت بتعيط. غزال: خلاص مش مشكلة، أنا ماشية. غزال نزلت، خرجت من القصر وبيجاد وراها. غزال: إنت رايح فين؟ أرجع علشان تنام. بيجاد: عايز ألعب معاها، مش عايز أنام.

الجارد: رايحة فين في الوقت ده؟ غزال: أنا ماشية من هنا، رايحة على بيتي. الجارد: آسف، مش هتخرجي من هنا لحد ما يصحى خالد بيه، دي أوامره ممنوع تخرجي. غزال: لكن أنا ماعرفش حد، ولا مين اللي جابني لهنا. الجارد: خالد بيه خبطك بالعربية لما كنتي ماشية في الشارع وجابك لهنا. أدخلي جوا لحد ما يفوق خالد بيه. دخلت غزال، قعدت على أقرب كنبة وبيجاد قعد قدامها. بيجاد: ممكن أشيلها على فكرة، أنا مش هوقعها، أنا شلتها لما كنتي نايمة.

غزال بصتله ومستغربة من تصرفاته. غزال: إنت إسمك إيه وعندك كام سنة؟ بيجاد: عندي عندي، مش عارف، لكن اسمي بيجاد. غزال وهي بتكلم نفسها: ده باين عليه مجنون ولا بيضحك عليا. حل الصمت في المكان. في ذالك القصر الكبير، كانت تشعر بالتعب طوال الليل تنظف وحدها. دخلت عليها امرأة يبدو عليها كبر السن والشر. أمل: يا ست فريدة، أبوس إيدك سيبيني أمشي من هنا. فريدة: ده في أحلامك، مش هتخرجي من هنا غير على قبرك.

أمل: حرام عليك، إنتوا السبب في اللي حصل. فريدة بغضب: مش عايزة أسمع صوتك، وإلا إنتي عارفة عقابك هيكون إيه. فريدة خرجت وأمل قعدت على الأرض بتبكي. أمل: يارب ساعدني، يارب خرجني من هنا. على مائدة الإفطار نزلت كل العائلة. خالد: نزلتي ليه يا بنتي؟ إنتي لسه تعبانة. غزال: أنا متشكره يا خالد بيه، كنت عايزة أمشي لكن الجارد منعني أخرج. خالد: أنا اللي طلبت منه ده، إقعدي إفطري معانا وبعدين نتكلم.

غزال: تسلم يا خالد بيه، أنا فطرت مع ست زينة. بيجاد: بابا، دي صديقتي الجديدة صح؟ خالد: أيوه يا حبيبي، تعالى أفطر علشان تاخذ الدواء بتاعك. بعد مدة خلصوا فطار، خالد وقف وطلب من غزال إنها تروح معاه. خالد: سيبي البنت مع الست زينة، ماتخافيش. غزال: معلش، خليها معايا لو سمحت. خالد: تمام، تعالي معايا. دخل المكتب، قعد وغزال قعدت قدامه وهي متوترة. خالد: قوليلي ليه كنتي ماشية في الشارع في نص الليل يا بنتي.

غزال: مش هقدر أقول لحضرتك، أنا آسفة. خالد: تمام، لكن إنتي ماعندكيش مكان تروحي له؟ غزال: للأسف مافيش عندي مكان أروحله، لكن أنا هتصرف. خالد: أنا هعمل معاك اتفاق، الاتفاق هيكون لصالحنا إحنا الإثنين. غزال: اتفاق إيه يا خالد بيه؟ خالد...