رواية التقاء القلوب الفصل السابع والعشرون 27 - بقلم حليمة عدادي

سيف اتصدم لما مالاقاش أمل في مكانها. راح للحمام فتحه لكن مش موجودة. خرج يجري زي المجنون والخوف والقلق باينين عليه. بيجاد: سيف في إيه. أمل كويسة؟ سيف: أمل مش موجودة يابيجاد. بيجاد: اهدى ياسيف. يمكن تكون في الحمام. سيف: دورت عليها برضو مش موجودة. غزال: يمكن نقلوها أوضة تانية. اسأل الدكتور. بيجاد: تعالى ياسيف نسأل الدكتور. الدكتور جه، ولما شافهم. الدكتور: في إيه ياسيف بيه. بتدوروا على إيه؟

سيف: إنتوا نقلتوا مراتي فين يادكتور. هي مش موجودة في الأوضة. الدكتور: ماحدش نقلها. هي لسه بأوضتها. سيف بصدمة: إزاي يعني ماحدش نقلها. أومال هي راحت فين. يارب احميها. رحمة: يارب استرها معاها واحفظها. تلفون سيف رن. مسكه بإيد بتترعش. سيف بخوف: الو. أيوه ياحضرة الضابط. في حاجة. الضابط: مدام أمل موجودة عندنا هنا. طلبت إنها تشوف السجينة فريدة. سيف: وإنتوا سمحتوا إنها تشوفها؟

الضابط: هنعمل إيه. هي مصره إنها تشوفها. بس الغريبة إنها كانت هادية جدا. سيف بغضب مكتوم: أنا جاي حالاً. سيف قفل التلفون ونزل يجري. بيجاد: سيف استنى. في إيه. عرفت حاجة عن أمل؟ سيف: أمل راحت القسم. عايزه تشوف فريدة. أنا متأكد إنها هتعمل حاجة. ركب عربيته واتحرك بسرعة على قسم البوليس. بيجاد: طنط اركبي معانا علشان نلحق سيف. *** في قسم الشرطة. دخلت أمل عند فريدة. كان هدوءها مخيف. فريدة بشماتة: ههههه. البقاء لله يااموله.

أمل قربت منها بهدوء ونظارتها كانت هادية. فريدة: عايزه تضربيني يا اموله ولا إيه؟ أمل مسكت فريدة من شعرها بقوة ونزلت فيها ضرب بكل الغيظ اللي فيها. أمل بانهيار: أنا هقت*لك يافريدة. فريدة وقعت على الأرض من قوة ضرب أمل. أمل خرجت تجري. مسكت عصاية ورجعت لفريدة وفضلت تضرب فيها بكل قوتها. ضرب*تها في كل مكان في جسمها. ماسابتش فيها حتة سليمة. فريدة نزف*ت من كل حتة في جسمها. العساكر دخلوا يجروا مسكوا أمل.

أمل بغل: سيبوني أقت*لها. دي لازم تم*وت. العسكري: طلعوها بره وانقلوا دي علشان ماتم*وتش. أمل: سيبوها تم*وووووت. دي شيطانة. ماتستاهلش الرحمة. في اللحظة دي دخل سيف جري عليها. خذها في حضنه. أمل بدموع: سيف علشان خاطري قولهم يسيبوني أخلص عليها. فريدة مش لازم تعيش. سيف: اهدي ياقلبي. هتاخذ جزاءها. قومي معايا علشان نمشي من هنا. أمل: مش عايزه أروح قبل ما اقت*لها زي ماقت*لت بنتي. دخلت غزال تجري لعندها. مسكت ايدها.

غزال: أمل ياحبيبتي تعالي معايا. ربنا هيجيب حق ملاك منها. بلاش تضيعي نفسك علشان واحدة زي دي. أمل بدموع: إنتي مش حاسة بيا ياغزال. دي قتلت قلبي وروحي. غزال بدموع: حاسة بيكي ياحبيبتي. إنتي ناسيه إني أنا اللي ربيت ملاك. بيجاد: سيف يلا نمشي من هنا. خذها للبيت وحاول تبعدها عن أي ضغوطات. خرجوا من قسم الشرطة. ركبوا عربياتهم واتحركوا. *** مايا: أنا عايزه أعرف إنت متعصب ليه دلوقتي. خالد: متعصب علشان ممكن نعيش في الشارع ياهانم.

مايا: شارع إيه ياخالد. ما كل أملاك عيلة الشهاوي بإسمك. خالد: لا. كل حاجة بإسم بيجاد. بابا قبل مايموت ساب وصية إن كل الأملاك لأول ولد ليا. مايا: يعني إيه إن إحنا بعد التعب دا كله مانملكش حاجة؟ خالد: للأسف. حتى البيت دا بإسم بيجاد. يعني هو يقدر يطردنا في أي وقت. مايا: أوعى تقول لبيجاد على مكان والدته. خالد: هو خلاص عرف إنها عايشة. وهيلاقيها. مايا: مش هخليه يوصلها أبداً. خالد: إنتي عايزاه يطردنا من هنا.

مايا: والدة بيجاد هي الورقة الرابحة علشان كل حاجة ترجع بإسمك. خالد: أوعي تعملي حاجة نندم عليها. مايا: اطمن. أنا عارفة أنا بعمل إيه. *** بعد ما رجع بيجاد وغزال للمزرعة. بيجاد كان قاعد سرحان بيفكر إزاي هيلاقي والدته. غزال: حبيبي بتفكر في إيه؟ بيجاد: بفكر إزاي هلاقي أمي ياغزال. غزال: إن شاء الله هتلاقيها ياحبيبي. أمل قطعت قلبي. بيجاد: ربنا يصبرها. فراق الولاد صعب أوي. غزال: بيجاد. إنت لازم تتكلم مع أبوك.

بيجاد بغضب: مش عايزك تتكلمي عنه مرة ثانية. غزال: بس هو اللي هيقولك على مكانها. بيجاد: تفتكري هو يعرف مكانها. هو طردها من زمان. إزاي هيعرف مكانها. غزال: جرب بس واسأله. يمكن يكون عارف. وقف بيجاد. باس راسها بحب. بيجاد: أنا آسف ياحبيبتي. عارف إني مقصر معاكي إنتي وابني الفترة دي. غزال: حبيبي بتتأسف ليه. المهم إنك تلاقي والدتك. بيجاد: إن شاء الله هلاقيها. أنا همشي. أوعي تفتحي الباب لحد ما أرجع.

غزال: حاضر ياحبيبي. ابقى طمني عليك. *** في بيت سيف. أمل قاعدة في أوضتها. دموعها مش بتقف. ورافضة إنها تشوف حد. رحمة: سيف يابني ادخلها وخليك جنبها. سيف: أنا قلبي بيتقطع عليها. هي مش عايزة تشوف حد وأنا مش عايز أزعلها. رحمة: أنا هدخلها. يمكن أقدر أخليها تأكل حاجة. سيف: حاولي معاها ياماما. يمكن تسمع منك. أنا خايف عليها. رحمة: ربنا يصبرها. اللي حصل معاها مش قليل. ربنا يصبرها ويعوضها.

سيف: ادخلي لها ياماما. وأنا هقوم أعملها عصير. رحمة خبطت ودخلت. في المطبخ. سيف غسل الفواكه علشان يعمل عصير. فجأة سمع صراخ والدته. رحمة بصراخ: الحق ياسيف. *** بيجاد وصل للفيلا. نزل من عربيته. دخل لجوا. لقى أبوه ومايا قاعدين. خالد اتوتر وحس بالخوف. لأنه كان فاكر إن بيجاد جاي علشان يطردهم. خالد: أهلاً يابني. تعالى اقعد. بيجاد: أنا مش جاي علشان أقعد. أنا عايز أعرف مكان ماما. خالد: وإحنا هنعرف مكانها منين.

بيجاد: بلاش لف ودوران. قولي مكان ماما وإلا صدقني هنسى إنك أبويا وهرميك في الشارع. خالد: عايز ترمي أبوك في الشارع يابيجاد. بيجاد: زي ما رميت أمي من غير ما تفكر. مايا: أنا عارفه مكانها. خلينا نتفق من غير مشاكل. بيجاد: نتفق على إيه ياهانم. مايا: أنا هقولك على مكانها بس بشرط. بيجاد: إيه هو الشرط؟ مايا ٠٠٠٠٠٠