رواية التؤام الفصل الخامس 5 - بقلم سارة عطا

الهام توفيت بسكتة قلبية، ونيرة حالها اتدهور بسبب موت والدتها، وكانت تراقب عيالها من ورا رحيم، بتشوفهم وهما بيضحكوا بيلعبوا، تمنت من كل قلبها تقرب منهم، بس خلاص فات الأوان. بعد 19 سنة. لطفي بخوف: فين أمك لحد دلوقتي يا أحمد؟ أحمد بتوتر: والله مش عارف يا بابا، هي أكيد طلعت زي كل أسبوع. لطفي بخوف: آها بتطلع، مش بتتأخر زي دلوقتي.

عند نيرة، كانت تراقب بنتها نور. نور كانت واقفة مع كريم ابن نيرة. قربت نيرة، اتخذتها فرصة وقربت منهم. نيرة بتصنع الدهشة: إيه ده يا كريم، حبيب أمه قاعد؟ كريم بخجل: خلاص يا ماما كبرت على الكلام ده. نيرة بخبث وابتسامة: ما تعرفني يا حبيبي على الآنسة. كريم بحب: أعرفك نور، زميلتي في الشغل. نور بابتسامة: إزيك يا طنط؟ أنا صديقة كريم. نيرة بابتسامة وفرحة: آه أيوه. شدتها من إيدها وكريم ماشي وراهم، ودخلوا كافيه وقعدوا فيه.

نيرة بابتسامة: لازم نشرب حاجة مع بعض، تحبي تشربي إيه؟ قعدوا فترة يتكلموا كتير، وكريم نظراته ما بتتشالش من على نور. نيرة بلهفة: إيه أخبار أختك نسرين؟ نور باستغراب: نسرين؟ إيه اللي عرفك بيها؟ نيرة بتوتر: مش أنتو عيال رحيم بيه، مين ما يعرفهوش ويعرف عياله ومراته؟ نور بابتسامة: آه هي تمام الحمد لله. أنا لازم أمشي دلوقتي عشان اتأخرت. كريم بلهفة: هوصلك. كريم وصل نور الفيلا ورجع البيت هو ونيرة. أحمد: انتي كويسة يا ماما؟

أصلك اتأخرتي وبابا زعلان منك. نيرة بحب: أنا تمام يا حبيبي، أنا هصالح بابا شوية. أحمد: تمام، عن إذنك. أصل شكل البشمهندس عايز يقولك حاجة. طلع من الأوضة وهو بيغمز لكريم. كريم باس كف نيرة: انتي عارفة يا ماما أنا نفسي أفرحك من زمان، وجه الوقت. نيرة بلهفة: فرحني يا حبيبي. كريم بتوتر: أنا هتجوز نور. نيرة بصدمة.