رواية التؤام الفصل السابع 7 - بقلم سارة عطا

روح اعترف بكل حاجة واقولهم إني أمهم الحقيقية، وسما دي تبقى مرات أبوهم. نسرين حست بانهيار وعينها دمعت. رحيم بخوف: اسكتي، انتي اتجننتي؟ انتي عارفة لو حد عرف ممكن نروح ف داهية. نيرة بجدية وكره: هتجوزهم ولا لا يا رحيم؟ رحيم بغل: هتجوزهم، ممكن تخرسي بقى؟ أقولك أنا، ماشي. أصلًا مشي رحيم من الكافيه. نسرين وقفت قدام نيرة، وخلعت النقاب وعيونها مدمعة وقالت: أمي بردو؟ نيرة بصدمة: نسرين؟ انتي فاهمة غلط، والله.

نسرين مشت من الكافيه بانهيار، ونيرة بتجري وراها. عند نور. نور بدموع: يعني خلاص يا ماما مش هتجوز اللي بحبه؟ حرام عليكم. سما بحزن: يا حبيبتي، أبوكي عارف مصلحتك، وأكيد شايف كريم مش مناسب ليكي. نور بدموع: لا. قاطعة دخول رحيم وقال: انتي هتجوزي كريم، بلغيه إني موافق. نور بفرحة: بجد يا بابا؟ رحيم بقرف: الأسف، بجد يا نور. نور نطت من الفرحة. رحيم خرج من الأوضة، وطلعت وراه سما. سما بعصبية: قصدك إيه يعني يا رحيم؟

إزاي تخلي بنتي تتجوز كريم؟ انت عايز تفتح الماضي ولا إيه؟ رحيم بسخرية: بنتك؟ افتكري انتي بتقولي إيه الأول. وع العموم، انتي مش هتغيري رأيي. سما بغيظ: ماشي يا رحيم، وريني بقى مين هيتجوز. عند نيرة. نيرة بدموع مسكت دراع نسرين: اسمعيني يا بنتي، والله هي الظروف اللي خلتني أعمل كده. نسرين بكرة ودموع: الظروف اللي خلتك تستغني عن عيالك؟ نسرين لاحظت عربية جاية عليهم، زقت نيرة بعيد، وفجأة العربية خبطت نسرين، والعربية هربت بسرعة.

نسرين اترمت في الأرض والدم حواليها وهدومها دم. نيرة بصدمة.