رواية اليتيمة الفصل العاشر 10 - بقلم آية مصطفى

هاله: طب ليه أي المناسبة يعني؟ أحمد: جايين يباركوا ليكي انتي وبسمه. هاله: اممم اه ماشي، أنا طالعه بقا. أحمد: بس كنت فين كل ده؟ هاله: مع صحابي، ما أنا قلت لماما. أحمد: ماشي، أكيد أكلتي طبعاً. هاله: أكيد، هو أنا أنسى حاجة زي دي؟ وطلعت. رقيه: وحشاني خالص يا قمري. قوليلي بقا عملتي إيه الفترة اللي فاتت؟ حد كان بيضايقك؟ بسمه سكتت ومردتش تزعل عمتها، فقالت:

بسمه: الحمد لله أنا بخير، متقلقيش عليا. أنا بس عايزاكي ترتاحي عشان إنتي وعمي جايين من سفر، وإن شاء الله بكرا نتكلم مع بعض كتير لأن قعدتك وحشاني جدًا. رقيه: أنا لسه مشبعتش منك، ولا إنتي عايزه تنامي؟ بسمه: 😅 لأ بس عايزاكي ترتاحي يا جميل. رقيه: ماشي يا روحي، تصبحي على خير. 😍 بسمه: وإنتي من أهل الخير يا حبيبتي. ☺️ هاله: إيه يا حبيبي؟ فادي: وصلته. هاله: اهاا، وانت وصلت؟ فادي: نايم أهوه. هاله: مممم طب ماشي.

فادي: سلام يا قمر. وقف. سامي: إيه يا معلم، ما تجمد كده. فادي: أجمد إيه؟ أنا مستحملها بالعافية. شوقي: يا عم فادي، دا مش سهل. هو بس عايز فلوس منها. طب إنت عارف أبوها يبقى مين؟ (شوقي وفادي دول صحاب فادي من دور هاله، نفس الكلية، ما عدا سامي في كلية التجارة) سامي: امممم، يبقى مين يعني؟ فادي: من أكبر رجال الأعمال وعنده فلوووووس. شوقي: واخد بالك يا سمسم، فلوووووس 😂😂 ضحكوا كلهم. سامي: خلاص يبقى يا عم، شوفلي أختها.

فادي: للأسف دي النسخة الوحيدة، معندهاش أخوات. سامي: اه يا محظوظ طول عمرك 🙂 نروح لبسمه. صحى عبد الحميد عشان يصلي. صحى رقيه وراح يتوضى. عبد الحميد: هو أخوكي مش هيصحى يصلي؟ روحي صحيهم لتروح عليهم نوم. رقيه راحت تخبط عليهم ملقيتيش رد. راحت لبسمه تصحيه. بسمه: حاضر يا عمتو، صحيت. رقيه: أنا روحت أصحي عمك ومراته محدش رد. بسمه: متتعبيش نفسك. رقيه: يعني إيه؟ بسمه: مش بيصلوا... أقصد مش بيردوا. رقيه: طب قومي يلا.

قامت بسمه وكان محمد صحي. صلوا كلهم وكل واحد راح لأوضته بعد محاولة رقيه تاني إنها تصحيهم. في الصباح. بسمه: بسم الله الرحمن الرحيم. أبتدي بي يومي فرحانه أوي إن عمتي هنا، يا سلاام. اروح أصحّيها؟ لأ أسيبها تنام براحتها. أقوم أصلي وأحضر الفطار. صلت ونزلت تحضر الفطار، مكنتش لسه المساعدة وصلت. شوية ومحمد نزل. شاف بسمه. محمد: السلام عليكم، صباح الخير. بسمه: وعليكم السلام، صباح النور. استنى تفطر معانا.

محمد: إنتي اللي عملتي الفطار؟ بسمه: اه، أصل طنط لسه مجيتيش أساساً، وأنا حبيت أقوم أعمله بنفسي. محمد: ربنا يحفظك. مش عايز أزعلك بس عشان الشغل. بسمه: مش هتتأخر إن شاء الله. طب تعالى إنت كل، أنا بس مش عايزة أصحيهم دلوقتي لينزعجوا. محمد لاحظ طيبة قلبها وحنيتها اللي بتزيد يوم عن يوم، واتمنى يكون له زوجة زيها. قعد، كل حاجة بسيطة ومشي. وشوية ورقيه صحيت. رقيه: صباح الورد يا وردتي. بسمه: صباح العسل.

رقيه: الله، إنتي عملتي الفطار؟ تسلمي لنا. بسمه: اهاا. صحي بقا عمي... ولسه هتكمل، لقيت أحمد وسوزان. سوزان: إيه دا؟ طب ما تنادوا علينا، ولا اعتبرتم نفسكوا أصحاب البيت خلاص؟ بصت لها رقيه وسكتت. بسمه: أنا لسه حاطه الفطار من شوية، يدوب محمد كل، وعمتي لسه نازلة. سوزان: حلو، بقيت الخدامة الجديدة يعني؟ وضحكت 😂😂😂 رقيه: كتر خيرها، تعبت نفسها وقامت تعمل الفطار أحسن من ست البيت اللي سابت ضيوفها وخرجت. سوزان: بتقصدي إيه؟

أحمد: خلاص بقا. اعمليلي يا بسمه فنجان قهوة. سوزان: وأنا كمان. رقيه: لأ، بسمه مش هتعمل حاجة. اقعدوا كلوا الأول، وبعد كدا اللي عايز يعمل حاجة يعملها لنفسه. بصت لها سوزان بغل وسابتها. رقيه: إيه يا أحمد، مش هتقعد إنت كمان تفطر؟ أحمد: لأ، هفطر في الشركة. سلام. رقيه لبسمه: دا إيه دا؟ تعالي إحنا ناكل. استني أصحّي عمك وأجي. راحت تصحيه، وكلوا وقعدت رقيه تقرأ قرآن، أما عبد الحميد بيمارس رياضته، أصله إنسان رياضي جدًا.

وبسمه كلمت روح. هاله صحيت العصر. رقيه: إيه يا بنتي، مش شوفناكي من امبارح؟ إيه مش وحشانا؟ وراحت سلمت عليها. هاله: بسمه، اعمليلي فنجان قهوة. رقيه: إيه حكاية القهوة دي؟ وبعدين مش تأكلي الأول يا بنتي. هاله: لأ، ولا، أه، أه، اعمليلي أكل. رقيه: ما تقومي تعملي لنفسك، ما إنتي لسه صاحية. هاله: وفيها إيه؟ ما تعمل. بسمه: بصي يا هاله، أنا لو هعملك، هعملك عشان إنتي في مقام أختي الكبيرة، لكن أنا مش ملزمة على فكرة.

هاله: اه، أومال ملزمة بإيه؟ بصي، أنا مش فيا دماغ، بعد إذنكم أنا طالعة. طلعت هاله وسابتهم. رقيه صبرت بسمه. وصل محمد البيت وقابل عمي مصطفى، فاكرينه جيران بسمه. سلم عليه وبعدين دخل الفيلا. سوزان طبعاً كأنها معتزلة، مش طايقاهم. كانت رقيه وبسمه طبخوا (طبعاً بسمه لهانصف البيت، وده معروف، لكن متعرفيش إن الشركة لوالدها) رقيه: عمك بييجي إمتى يا بسمه عشان ياكل معانا؟ بسمه: شوية كدا.

قعدوا مع بعض لحد ما جه وكلهم كلوا. وعلى الأكل. هاله: يالا، الأكل ناقص ملح. رقيه: ادت لها الملح وقالت لها ظبطيه بنفسك. سوزان: امال فين العصير؟ محدش رد، فسكتت. وشوية وقامت. خلصوا وغسلت بسمه المواعين. وفي الليلة. هاله خرجت كالعادة وقابلت فادي. وعدى اليوم. رقيه: معلش يا بسمه، إحنا هنسافر بقا إن شاء الله عشان شغل عمك عبد الحميد. بسمه: هتتوحشيني أوي.

رقيه: إنتي أكتر يا روحي. إن شاء الله عمك ياخد إجازة يومين ولا حاجة ونيجيلك تاني. ومعلش استحمليهم يا بنتي، ما تكلميهمش، خصوصًا سوزان دي. فترة راحتك إنتي مش شغالة عند حد، إنتي زيك زيهم. اللي عاوز حاجة يعملوها بنفسه، فاكرينها حق مكتسب. إنتي اللي ربنا يقدرك عليه اعمليه، غير كدا متشغليش بالك. ربنا يحفظك يا بنتي. قعدت شوية تكلمها وقامت عشان تجهز نفسها. وراحت لمحمد.

محمد، خد بالك من بسمه، ويا ريت تبقى تخرجها شوية يا حبيبتي، مافيش حد منهم بيفكر فيها. لولا شغل أبوك كنت قعدت. يلا الحمد لله دي الحاجة الحلوة اللي فضلتلي من رحلة أخويا وأمها، وصتني عليها الله يرحمهم. كنت بعتبرها أختي تماماً وهي كذلك، عمرها ما بخلت عليا بحاجة، وأي حاجة تحصل لي كنت بروح لها. الله يرحمها ويجعله في ميزان حسناتها هي وأخويا.

محمد: اللهم آمين، ربنا ما يحرمنا منك يا ست الكل، إنتي الخير والبركة. وحاضر، هاخد بالي من بسمه. الله يكون في عونها بجد، دا أنا مستحمليش ربع اللي بيعملوه، بس جزاك ربنا خير. رقيه: ونعم بالله يا حبيبي. جهزت الشنط وسلموا عليهم وسافروا. بالليل. روح كلمت بسمه: إيه يا بسمه؟ مش هشوفك بقالي تلات أيام، مش شوفتك. وحشاني، مع إننا بنتكلم مع بعض، بس عايزة أشوفك، وماما كمان عايزة تشوفك. عارفه لولا الست دي كنت جيت لك.

بسمه: يا روحي، طيب هحاول أجيلك إن شاء الله بكرا. روح: إن شاء الله تيجي لنا يا بسمه، لو مجتيش هزعل منك. بسمه: هاجي إن شاء الله. يلا مع السلامة. روح: الله يسلمك. 💝 نامت بسمه وصحيت في اليوم التالي بعد ما صلت وقالت وردها. اممم، أروح دلوقتي ولا العصر؟ أخلّيها العصر وخلاص. بس أعمل إيه؟ أفضل قاعدة كده؟ أما أقرأ شوية قرآن. قرأت وخلصت ومسكت الفون تتصفح به على الفيس شوية ونزلت عملت سندوتش. وأذن الظهر، صلت ونامت.

صحت تصلي العصر وتلبس وتروح لروح. قابلها محمد: خارجة ولا إيه؟ بسمه: ايوا، رايحة لصحبتي. محمد: طب تعالي أوصلك. بسمه: لأ عادي، متتعبيش نفسك. محمد: لأ عادي، تعالي يلا. استأذنت من سوزان. سوزان: ما تروحي، هو أنا ماسكاكي؟ بسمه: أنا بعرفك عشان بس متقلقوش. سوزان: 😏 لا ياختي مش هنقلق، اتكلي إنتي بس. محمد: معلش يا بسمه، مش عارف أقولك إيه. بسمه: لأ عادي، متعودة على كدا.

صعبت عليه، وصلها لبيت صحبتها. بصي، أما تخلصي ابقي رني عليا أجي آخدك. بسمه: لأ عادي، أنا هروح، متقلقيش عليا. ولأن روح بيتها بعيد، فمحمد اداها رقمه تبقى ترن عليه ييجي ياخدها، خصوصاً عشان لو روحت المغرب. رنت على روح ونزلت روح لها. سلمت عليها ومشي محمد. روح: مين دا؟ بسمه: دا ابن عمتي. روح: محمد بجد، ربنا يبارك فيه. تعالي يلا. خدتها وطلعوا وووو