رواية اليتيمة الفصل السابع 7 - بقلم آية مصطفى

أحمد: هاله. هاله: أيوا يا بابا. أحمد: كنت فين لحد دلوقتي. هاله: هكون فين في الكليه طبعاً. أحمد: اه، طب ماشيه. هاله: امال ماما فين. أحمد: نايمه. هاله: دلوقتي! أحمد: ايوا، امال الناس بتنام امتى. هو صحيح غريب شويه عن ماماتك، لكن عادي الوقت متأخر. هاله: ماشي، أنا طالعه بقا. (بسمه واقفه طبعاً كل دا) هاله طلعت وبسمه وراها. بسمه لنفسها: لا حول ولا قوه الا بالله، وبالنسبه ليا ولا كأني هنا، يلا عادي، ربنا معايا.

دخلت اوضتها، كانت صلت في المطعم طبعاً لان العشاء كانت أذنت. قرأت وردها وقعدت شويه. "يارب أعيني يارب عيني وساعدني وكن معي دوماً، وارحم والداي كما ربياني صغيرا واغفر لهم واجمعنا بهم في جنات النعيم يارب، ويارب عوضني خيرا." وانتهت من الدعاء الجميل. بسمه: "وصلى اللهم وسلم على سيدنا محمد وعلى ال وصحبه اجمعين. الحمدلله رب العالمين." روح رنت على بسمه. بسمه: السلام عليكم ورحمه الله وبركاته.

روح: وعليكم السلام ورحمه الله وبركاته، حبيبتي عامله ايه. بتذاكري؟ بسمه: الحمد لله، لأ ابدا لسه راجعه من الشغل. روح: ليه كده. بسمه: اعمل ايه بقا، ما انت عارفه المطاعم اساساً بتفتح بالليل. عادي، كتر خيره المدير بيمشيني بدري، يدوب اغسل وانظف وبعمل الي الي المدام بتقول عليه. روح: جزاه الله خيرا وربنا يعينك يا جميل. خدي ماما عايزه تتطمن عليكي. جميلة: السلام عليكم، ازيك يا بسمه يا حبيبتي.

بسمه: وعليكم السلام ورحمه الله وبركاته، الحمدلله يا ماما حضرتك الي عامله ايه وازي عمي. جميلة: الحمد لله يا جميله، كلنا… روح: ماما حضرتك بتكلمي نفسك ولا ايه!؟ جميلة: بس يا روح، شغلي مخك شويه، بقول لبسمه. روح: اها، ماشي ماشي. جميلة: ايوا يا بسمه الحمد لله كلنا بخير، شدي حيلك بقا في دراستك ربنا يوفقك وابقي سامعيني صوتك علطول، بتوحشني. بسمه: متحرمش منك أبدا يارب ولا من روح. جميلة: ربنا معاك يا بنتي، عايزه حاجه.

بسمه: لا عايزه سلمتك. جميلة: الله يسلمك، خدي روح معاكي. روح: ايوا بسومه، ها وصلت لفين؟ بسمه: فين ايه!؟ روح: المذاكرة يا بنتي. بسمه: اه، انا ملحقتيش النهارده اذاكر حاجه. روح: اه يعني على مذاكره امبارح، على العموم ربنا معاك ولو احتجتي اي اي حاجه اختك سداده. بسمه: سداده انبوبه. روح: يا سلام، ماشي ماشي. بسمه: من بعض ما عندكم بقا، بهزر زيك. روح: طب ماشي، لما نتقابل بس ان شاء الله، يلا مع السلامه.

بسمه: الله يسلمك يا قمر، في رعايه الله. تاني يوم. صحت بسمه ومحمد عشان يصلوا الفجر، ومحدش غيرهم صحي. صلوا وقالوا اذكارهم. وفضلت بسمه تراجع المحاضرات اللي اخدتها. وشويه ولبست وخرجت. محمد: السلام عليكم، صباح الخير. بسمه: وعليكم السلام ورحمه الله وبركاته، صباح النور. محمد: كنت فين امبارح!؟ اقصد يعني ماما كانت عايزه تكلمك امبارح، وانا روحت اشوفك بس ماكنتيش موجوده، معرفش بقا كنت نايمه ولا في الجنينه.

بسمه: اه، امبارح رجعت متأخر، أسفه غصب عني. محمد: لا عادي، حصل خير، ان شاء الله هخليكي تبقي تكلميها. بسمه: ياريت، وياريت تبقى تديني رقمها، اصل فوني كان اتكسر قبل كدا والارقام اتمسحت، وعمتي رقمها طبعاً اتمسح من عندي، وحشتني اوي. محمد: إن شاء الله هخليها تكلميها، بس اخاف ارن عليها تقلق، اصل خارج النهارده بدري للشغل عن كل مره يعني. بسمه: اها، طب يلا عشان متتاخرش. محمد: احمم، يلا. وراحوا وركبوا.

محمد في الشغل، والمدير مبسوط جداً منه لأنه متوفق جداً وطموح. بسمه في الكليه، قابلت روح، فطروا وراحوا للمحاضرات. خلصوا، وبسمه راحت لشغلها. محمد وهو راجع من الشغل شاف بسمه في المطعم، بس قال عادي يعني. راح البيت. والمره دي هاله كانت موجوده هي وسوزان. سوزان: يلا هاله. هاله: انا جهزت يالا. محمد: السلام عليكم ورحمه الله وبركاته. سوزان: وعليكم. محمد سكت وطلع علطول.

سوزان: يا هاله، اقولي لشئ الي طلع دا اننا هنقفل عشان مافيش حد يدخل واحنا مش موجودين. محمد سمع وسكت بردوه. هاله: يلا يا مامي بقا. وراحوا للمول. محمد: قعد يقرأ القرآن الكريم. وبسمه في الشغل طبعاً. رجعت متأخر. كان عمها موجود في البيت. نت الجرس وبتفتح البوابه، لقيتها اتفتحت، فدخلت. أحمد: أهلا بست هانم، على كدا بقا هططلعي شاطره وانسانه ناجحه في المجتمع ولا اخرك تبيعي شويه علب ولا انت فاهمه لإيه.

بسمه: علفكرة يا عمي هاله بردو بتتدرس العلب ديا. أحمد بصلها وسكت. بسمه لنفسها: مبحبش ارد على حد كبير، خصوصاً لو عمي، لكن زودها اوي، وبعدين مقولتيش حاجه غلط. شوي وسوزان وهاله جم. سوزان: هي البومه جيت!؟ أحمد: تقصدي البت بسمه. سوزان: هو في غيرها. أحمد: اه، جيت. سوزان: كويس، بت يا بومه انت يا لي اسمك بسمه. بسمه طلعت: نعمه. سوزان: انزلي اعملي اكل وبسرعه. بسمه: حاضر. ونزلت بسمه تعمل الأكل. واخدت طبقين لفوق. سوزان شفتها.

سوزان: ايه يا بت كل دا طبقين ليه!؟ وبعدين بتأخدي وطالعه كدا علطول من غير اي كلام. بسمه: دا اكل ليا ولمحمد ابن عمتي. هاله: حنينه البت. بسمه: ممكن اطلع. أحمد: اطلعي اخلصي. سوزان: بصت لأحمد بغضب. وفضلوا يأكلوا. بسمه دخلت اكلها لأوضتها. وراحت لمحمد، خبطت عليه. بسمه: انا بسمه، ممكن تفتح. محمد: نعم يا بسمه. بسمه: احم، اتفضل. محمد: ايه دا، أكل، تسلم ايدك. كنت جعان… ومكملش. بسمه: اتفضل بالهنا والشفا.

محمد: الله يهينك، استني تكلمي مامتي. بسمه: اه، حاضر. محمد رن ورقيه ردت، وفضلت تكلم بسمه كتير، وكانت فرحانه اويي انها كلمتها، وبسمه برضو. خلصت واديت الفون لمحمد، اطمن عليهم، وبعدين اقفل. بسمه: بعد اذنك. وراحت لأوضتها. تاني يوم. في الصباح. بسمه: هو انت مش بتزهق وانت كل يوم تصحيهم ومحدش بصحى بردوه. محمد: لأ، بعمل الي عليه، لعل وعسى يستجيبوا في يوم، ربنا يهدينا جميعاً. بسمه: يارب. وخرجوا وكل واحد راح لطريقه. في الكليه.

روح: المحاضره اتلغت يا بسومه. بسمه: بجد. روح: ايوا، الدكتور عنده اجتماع. ييجي نروح نأ… وقبل ما تتكلم بسمه سبقته. بسمه: عارفه عارفه، نأكل، هو انت مافيش على لسانك إلا الأكل، سبحان الله، ومش بيبان عليكي. روح: الحمد لله يا بسومه، الاكل دا حاجه كدا لذيذه. وبعدين يعني ماما قالتلي. بسمه: عارفه، برود، لازم تفطري وتأكلي كويس عشان مش تدوخي. روح: ممتازه. بسمه: هي ممتازه بالميم ولا النون يا دكتوره!؟

روح: يا ستي بهزر، يا سلام عليكي، يلا يلا. اراحوا يأكلوا. بسمه: بت ياروح، تصدقي انا شغاله في مطعم، بس مش بأكل فيه غير قليل، جدار. روح: انت عايزه تتعلمي مني، كلي كلي يا اختي. وكلوا، وبسمه سلمت على روح وراحت الشغل. استغفر الله العظيم الذي لا اله الا هو الحي القيوم و اتوب اليه. شافها محمد تاني، بس كان زبون المره دي. محمد: بسمه، اهلا وسهلا، نصيبك تعالي بقا كلي معايا ولا مستنيه صحبتك. بسمه: ها، لا، انا، انا بشتغل هنام.

محمد: ايه!؟ ليه، مش انت في كليه. بسمه: ايوا، بس باجي اشتغل هنا بعد ما خلص محاضراتي. محمد: اه، بس مش كليتك كليه عملية وامتحانتها كتير، وبعدين تشتغلي… ومكملش كلامه، وبص حواليه، وبعدين اتكلم. محمد: بصي، مش هينفع نقف كدا، لان اكيد الناس مش عارفه ان انا ابن عمتك، تعالي على الاقل ندخل أعزمك على حاجه وافهم منك. بسمه: معلش، بس مش هينفع، لان زي ما بيقولوا محل اكل عيش، بعد اذنك. ودخلت. دخل هو، طلب الي عاوزه واكل ومشيه. الليله.

محمد: بسمه، لو سمحت، ممكن افهم ليه بتشتغلي مع إنك بتتدرسي ومش محتاجه. بسمه: مش محتاجه ازاي!! تفتكر لو كنت مش محتاجه كنت هقبل اشتغل ليهم. محمد: امال يعني انت محتاجه ليه، مصاريفك كتير ولا خالي يعني مش عايز اتكلم. بسمه: عمي يدوب بيديني بالعافيه، اضطريت اني اشتغل عشان أغطي مصاريف الكليه، كتب وغيره. محمد: وايه، كملي، سامعك. بسمه عيطت.

محمد سكت ومش فاهم حاجه، ليه خاله بيعمل كدا، مع أن عنده شركه وبسمه ليها نصف البيت، يعني معقوله مستكتر عليها. محمد: بصي يا بسمه، اي كان، بس انا مش عايزك تشتغلي، ركزي في دراستك وبس، وبإذن الله تبقي من احسن الدكاتره. بسمه: اه، ومين الي هيديني ادفع المصاريف كل سنه، ولا الاخره حتى الي بجيبها فين وفين. محمد: أنا. بسمه: سكتت.

محمد: انا ابن عمتك، ومتكفل الحمد لله، بشتغل دلوقتي وربنا موفقني وبيكرمني، اي نعم مش بقبض كتير، لكن اكيد عشان لسه متخرج حديث. بسمه: يا بشمهندس، انت الحمد لله اتخرجت ويدوب بدأت تشتغل، تحوش بقا ل ان شاء الله جوازك، ولا تدي الفلوس لعمتي، ولا أنا، انهي اولى، إذا كان عمي مقبلش مستكتر عليا، مع أن بنته في نفس كليته وبيدها وبزياده، مش فاهمه بيعمل كدا ليه، كأن كان بينه وبين بابا تار. وعيطت تاني. محمد كان هيعيط،

لكن قالها: "لعل الله يحدث بعد ذلك أمرا. انا مش هجبرك على حاجه يا بسمه، بس من الاحسن ان تقعدي معززه مكرمه، وانا ربنا هيرزقني برزقك، متقلقيش، انا بإذن الله اقدها، والحمد لله انا وحيد وبابا بفضل الله ملم بالإحتياجات الضروريه واحتياجات ماما، انا بالنسبه ليا بشتغل عشان اكون نفسي، اثبت نفسي، انجح في الدين والدنيا بإذن الله. انا هبقى ممنون ليكي لو اتكرمتي واتنازلتي اني اقسم الرزق بين وبينك، مع انه هيزيد اكتر، ان واثق."

(بيخلي ايده الاتنين زي الطفل الصغير) بسمه ضحكت. محمد: يا سلام، سبحان الله، ايوا كدا اضحكي، الدنيا تضحك لك. بسمه: شكرا جزيلا لك يا محمد، بجد خففت عني كتير. انا مش بحكي غير لواحد بعد ربنا سبحانه وتعالى، وقبل ما ماما وبابا الله يرحمهم يتوفوا. محمد: الله يرحمهم ويسكنهم الفردوس الاعلى. اممم، طيب الواحد دا، يا ترى مين ولا لأ، خلاص متقوليش، انا مش فضولي. ورفع طرف عينه كدا كأنه منتظرها تقول.

بسمه اتكلمت: الواحد، او الحد دا، هي صحبتي روح، احسن صاحبه، صحبتها الله يباركلي فيها يارب ويحفظها. محمد: يارب، ويديم صداقاتكم. بسمه: يارب، شكرا مره تانيه. محمد: الشكر لله، على ايه. بسمه: بعد اذنك. ودخلت. لا اله الا انت سبحانك اني كنت من الظالمين. تاني يوم. راحت بسمه الكليه، وكانت قاعده سرحانه بتفكر في كلام محمد. روح: سرحانه في ايه. بسمه: بتوهان، بفكر. روح: في ايه. بسمه اتعدلت: بتقولي حاجه ياروح.

روح: نعم، سرحانه وبتفكري في ايه. بسمه: ها، مش عارفه، يعني خلاص متتأخديش في بالك. روح: بسمه، من امتى واحنا بنداري على بعض. بسمه: بصت لها وحكت له. روح: دا طلع محترم اوي، ومالو يا بسمه، مش عيب، انا اساسا مش حابه شغلك دا، بس اعمل ايه، لانتي بتقبلي تأخدي مني، ولا عمك بيزودك، ودا حلم والدتك ووالدك ومستقبلك، غير أن الامتحانات قربت. بصي لو مكسوفه، على الاقل فتره الامتحان، او خدي مني يا ست الكل.

بسمه: لأ يا روح، انا حاسه بيكم بردو، وانت عندك اخوات غيرك، غير أن عمي عنده شركه وقاعده في بيت ما شاء الله، اقوم اخد من والدك ليه يعني!؟ روح: يا بنتي، عادي. بسمه: متحوليش يا روح. روح: طب بصي، لو انت مكسوفه، خدي منه بس الضروري، هو ابن عمتك وزي ما قالك كدا، هما مش محتاجين، وغير انه في مقام اخوك الكبير. بسمه: انت شايفه كده. روح: اه طبعاً. رجعت بسمه البيت، لكن مقلتش لمحمد علطول. قرأت وردها وقعدت تذاكره.

هاله رجعت متأخر وطلعت على اوضتها من غير ما حد يشوفها. وأحمد كان برا البيت. وسوزان بتتكلم في الفون في اوضتها. ومحمد بيقرأ القرآن الكريم. وشويه وحس انه جعان. محمد: أروح آكل برا ولا انزل اشوف عاملين ايه، ولا أسأل ولا ايه نظام البيت ده. فقرر انه يروح يشتري اكل. خرج اشترى له ولبسمه. وهو داخل. خاله قابله وواقفه.