رواية ام البنات الفصل الأول 1 - بقلم اسراء محمد

أنا سهر، عندي 35 سنة، متزوجة من 13 سنة. عندي ديما 12 سنة، وريما 10 سنين، وريتا 6 سنين. كنت متزوجة عن حب، بس للأسف الحب قلب كره لما خلفت البنات. لأن جوزي وأهله طبعاً كانوا عايزين ولاد عشان مبيحبوش البنات. اكتشفت خيانة جوزي من ساعة ما عرفت إني حامل في ريتا. وطبعاً هو عشان كان عايز ولد، قلب وشه عليا. وقضيت شهور حملي في عذاب ونكد بسبب حملي في بنت منه ومن أهله.

وبعد ما خلفت على طول، اكتشفت خيانته وإنه هيتجوز عشان يخلف الولد. ورحت وحكيت لأهلي عشان يتدخلوا. "مالك يا بت، قالبه وشك ليه؟ "أياد هيتجوز يا ماما." "إزاي؟ "هي، هيتجوز عشان يخلف ولد." "طب اهدي عشان نعرف نفكر." "نفكر في إيه؟ أنا عايزة أطلق! "طلاق إيه، وإنتي معاكي 3 بنات، أصغر بنت فيهم عندها شهر ونص؟ "تطلقي ليه يا بنت؟ "عشان أياد هيتجوز عليا يا بابا." "يعني إيه يتجوز عليكي، اتجنن ده ولا إيه؟ "بابا، أنا عايزة أطلق منه."

"لو اتجوز فعلاً هطلقك منه، مش هسيبك على ذمته دقيقة واحدة." "تطلق إيه، إنتي ناسيه البنات هيتربوا إزاي؟ "زي ما ربيت سهر وأخواتها، هربي عيالي." "إنتي شايفة كده صح؟ "أومال أسيب بنتي جوزها يتجوز عليه؟ "ما لازم تعيش معاه عشان البنات محتاجين أبوهم، تقدري تقولي لو اتطلقت وجت قعدت معانا هنا، هتعوض البنات إزاي عن حنان أبوهم؟ "هو أنا هحرمهم من أبوهم، أكيد هيشوفهم ويشوفوهم."

"وافرض قال طالما هتطلقي، تشيل عيالها، أنا مليش دعوة ومش عايز أشوفهم." "يبقى في داهية، وتيجي تقعد هي وعيالها هنا، وأنا هصرف عليهم." "هتصرف عليهم منين؟ من المعاش اللي مش بيكفيني أنا وإنت؟ "ساعتها هبقى أشتغل شغلانة واتنين عشان أعرف أصرف عليهم." "أنا قولت هترجع بيتها وتعيش مع جوزها، هي لا أول ولا آخر واحدة جوزها يجبلها ضرة." "وأنا قولت هطلقها منه لو اتجوز عليها." "يبقى طلاقي قصاد طلاقه." "يعني إيه؟

"يعني لو سهر اتطلقت وجت تعيش هنا زي ما بتقول، أنا كمان هتطلق، إيه رأيك بقى؟ "خلاص يا بابا، أنا مش عايزة أطلق." "متركبيش دماغك يا رانيا." "ده آخر كلام عندي، ويا ريت وإنت بتطلقها تشوف لك إنت وهي مكان تقعدوا فيه." "يعني إيه يا ماما الكلام ده؟ "بتلوّي إزاي يا بابا، أنا مش فاهمة." "بتلوّي عشان البيت مكتوب باسمها." "خلاص يا بابا أنا...