رواية ام البنات الفصل الرابع 4 - بقلم اسراء محمد

اياد بغضب: إيه اللي إنتِ عملتيه ده؟ مشيرة: طب استأذن أنا. وسابتهم ومشيت. اياد: قوليلي بقى اللي إنتِ عملتيه ده. سهر ببراءة: عملت إيه؟ اياد: حبستي أريج. سهر: واحدة جاية تتعدى عليا في بيتي، عايزني أعمل إيه؟ اياد: تقومي تحبسيها؟ سهر: وأعمل أكتر من كده طالما جت على بيتي. اياد: روحي خرجيها وإلا مش هيحصل طيب. سهر: وريني هتعمل إيه. اياد: متختبريش صبري وروحي طلعيها. سهر: طب أنا موافقة بس بشرط. اياد: شرط إيه؟

سهر: تكتبلي الشقة باسمي. اياد: نعم يا ختييي؟ سهر: هو ده اللي عندي، قلت إيه؟ اياد: قلت لا طبعاً. سهر: خلاص، خلي حبيبة القلب مرمية في الحبس. اياد: خلي ليلتك تعدي على خير يا سهر. سهر: أحضرلك أكل معايا ولا زعلان على العروسة؟ اياد: إنتِ ليكي نفس تاكلي وفي واحدة محبوسة بسببك. سهر بصتله وسابته ودخلت تحضر أكل ليها وللبنات. وقعدت كلت وهو هيموت من الغيظ. تاني يوم، لقت اياد صاحي. سهر: صباح الخير.

اياد من غير ما يبصلها: أهو صباح. سهر: مروحتش الشغل ليه؟ اياد: يعني إنتِ مش عارفة مروحتش ليه؟ سهر: وهعرف منين؟ اياد: يعني مش عارفة إنتِ عملتي إيه امبارح؟ سهر: آه، تقصد حبس خطيبتك. اياد: آه يا ختي، عشان حبست خطيبتي. سهر: معلش، ربنا معاها. اياد: بطلي استفزاز وروحي خرجيها. سهر: والله لو عملت اللي أنا قولتهولك عليه هخرجها، معملتش يبقى سيبها محبوسة. اياد: إنتِ بتلوي دراعي. سهر: تقدر تقول كده. اياد كان رايح يضربها.

قالتله: لو إيدك اتمدت عليا، هتشرف زي الهانم بتاعتك في الحبس، وشوف مين هيطلعكم إنتوا الاتنين. اياد: إنتِ استقويتي كده إمتى؟ سهر: من ساعة ما عرفت إنك هتتجوز عليا. اياد: طب أنا مستعد ألغي الجواز بس ترجعي تاني سهر الطيبة بتاعت زمان. سهر: خلاص يا اياد، سهر اللي إنت بتتكلم عليها دي ماتت، وإنت وأمك السبب في موتها. اياد: يعني إيه؟

سهر: يعني هو ده أسلوبي الجديد، وبالنسبة لجوازك مبقاش يفرق، تتجوز ولا متتجوز، لأن إنت شخصياً مبقتش تفرق معايا. اياد: للدرجة دي؟ سهر: وأكتر. اياد: طب إنتِ عايزة إيه دلوقتي؟ سهر: الشقة تتكتب باسمي، عشان ده بيتي وبيت بناتي. اياد: موافق. سهر: وأنا عند وعدي، أول ما البيت يتكتب باسمي هخرج خطيبتك. اياد: تمام. وعدى اليوم من غير أحداث جديدة. تاني يوم، اياد صحي وصحى سهر. اياد: قومي يا سهر. سهر بنوم: ليه؟

اياد: عشان ننزل الشهر العقاري. سهر: لي على الصبح؟ اياد: عشان أكتبلك الشقة. سهر: ع الصبح كده؟ اياد: آه. سهر: طب هقوم أهو. وقامت خدت شاور ولبست وخرجت. اياد: يلا. سهر: استني. اياد: استنى إيه؟ سهر: هقول لمشيرة تخلي العيال معاها. اياد: طب أنا هستناكي تحت. سهر: طيب. وراحت لمشيرة. مشيرة: صباح الخير. سهر: صباح النور. مشيرة: صاحية بدري ليه؟ سهر: نازلة مشوار ولما أجي أحكيلكم. مشيرة: طيب.

سهر: المهم دلوقتي البنات نايمة جوا، تابعيهم لحد ما يصحوا وخليهم معاكي لحد ما أجي. مشيرة: عنيا. سهر: تسلم عنيكي، همشي أنا بقى. مشيرة: طب واخدة ريتا معاكي؟ سهر: عشان صغيرة ومتتعبكيش. مشيرة: مفيش تعب، هاتيها. سهر: لا كفاية عليكي ديما وريما. مشيرة: خلاص ماشي. سهر: سلام. مشيرة: سلام. ونزلت لاياد. اياد: كل ده؟ سهر: كل ده إيه؟ أنا متأخرتش. اياد: ماشي ما علينا، جايبة ريتا معاكي ليه؟ مش قولتي هتسبيهم مع مشيرة.

سهر: أنا كان قصدي ديما وريما مش ريتا. اياد: طيب. سهر: طب مش هنتحرك ولا إيه؟ اياد: هنتحرك. واتحركوا فعلاً. واياد فعلاً اتنازل عن الشقة لسهر. وبعد ما خلصوا. سهر: يلا بينا على القسم. اياد باستغراب: قسم إيه؟ سهر: عشان أطلعلك حبيبة القلب. اياد: هتنفذي كلامك بجد؟ سهر: آه طبعاً، إنت فاكرني مش قد كلمتي ولا إيه؟ اياد: طب يلا. وراحوا القسم. اياد: حمد لله على السلامة يا حبيبتي. اريج: الله يسلمك يا قلبي. سهر: أنا ماشية.

وسابتهم ومشيت. اريج: أنا خرجت إزاي؟ اياد: سهر عملت تنازل عن المحضر. اريج: إزاي؟ اياد: مقابل إني اتنازلتلها عن الشقة. اريج: شقة إيه؟ اياد: شقتي.