رواية ام البنات الفصل الثاني عشر 12 - بقلم اسراء محمد

مشيره: غريبه يعني اول مره يجيك أحمد: اصله مش جي عشاننا يا حبيبتي مشيره باستغراب: اومال جي عشان مينا أحمد: جي عشان صاحبتنا مشيره: سهر أحمد: اهم مشيره: وجي عشان سهر ليا أحمد: اصله وقع في حبها مشيره: وقع في حب مينا أحمد: في حبي انا مشيره: في حبك انت ازاي مش فاهم أحمد: انتي صدقتي يا هبلة مشيره: انا هبلة أحمد: اه عشان هيقع في حبي انا ازي مشيره: اومال وقع في حب مينا أحمد: اكيد وقع في سهر مشيره: الله حلو ده أحمد: بس

متقوليش لسهر دلوقتي مشيره: لي بقا أحمد: عشان هترفض مشيره: عندك حق عند سهر ديما: مامي سهر: نعم يا روحي ديما: عمو سمير ده هيجي عندنا تاني سهر: هو لو هيجي يبقي هيجي لعمو احمد مش لينا ديما: بس هو قال انه هيجي عندنا سهر: لا هيجي لعمو احمد ديما: بس احنا عايزينه يجي عندنا ريما: اه يا مامي سهر: لما يبقي يجي عند عمو احمد نبقي نعزمه عندنا ديما: بجد سهر: بجد ويلا ننام بقي عشان مامي عندها شغل الصبح ودخلوا ناموا تاني يوم

صحت سهر، وصلت، وفطرت البنات، وسابتهم لمشيره ومشت. اول ما دخلت المطعم ايمن زميلها: صباح الخير سهر: صباح النور ايمن: ادخلي لاستاذ سمير عشان بيسأل عليكي من بدري سهر بقلق: ليا ايمن: معرفش سهر: طيب سابته ودخلت لسمير. خبطت علي الباب سمير: ادخل سهر: صباح الخير يا استاذ سمير سمير بابتسامة: صباح النور سهر: حضرتك عايزني سمير: اه تعالي اقعد سهر قعدت وقالت: خير سمير: بصراحة من غير لف ودوران دحك سهر بقلق اكتر: حضرتك قلقتني

سمير: مفيش قلق ولا حاجة. الحكاية كلها اني بصراحة انا عرفت من احمد انك اتطلقتي من جوزك سهر بارتياح: هو ده الموضوع اللي حضرتك عايزني فيه سمير: سهر: طب حضرتك عرفت ازاي او قالك لي سمير: انتي مزعلتيش سهر: لي انا عامله حاجة غلط عشان ازعل ان حضرتك عرفت سمير: مش كده بس الموضوع شخصي فافتكرت انك هتزعلي سهر: هو اه شخصي ومكنتش عايزة حد هنا يعرف عشان معاملتهم متتغيرش معايا بس مش هزعل لو حد عرف سمير بتفهم: انتي صح

بس متخافيش محدش هيعرف سهر: وانا واثقة من ده. بس قولي بقي حضرتك عرفت ازاي سمير: لما كنت عند احمد امبارح وقعدنا وقت طويل مع بعض وجوزك مجاش ففضولي خدني اني اسأله وعرفت منه سهر: تمام. طب بما ان حضرتك عرفت يبقي اكيد عارف ان الظروف اتغيرت وانا بصراحة كنت عايزة شيفت زيادة عشان اقدر اكفي احتياجات البنات سمير: لا ممكن ازودلك مرتبك لكن شيفت زيادة لسهر: تزود مرتبى من غير زيادة شغل سمير: سهر: وانا مقبلش بكده سمير:

انا صاحب المكان وراضى سهر: معلش انا مقبلش وسابته وكانت هتمشي سمير: طب هتعملي ايه دلوقتي سهر: هدور على شغل تاني سمير: طب انا عندي حل سهر: حل ايه سمير: عشان انتي معانا في المكان بقالك فترة ومحتاجة لزيادة فلوس فهزودك سهر: قولت لحضرتك مش موافقة سمير: اسمعيني للآخر سهر: اتفضل سمير: هتشتغلي نص شيفت زيادة بس بمرتب شيفت كامل سهر: برضو لأ سمير: ليه سهر: عشان فيه فلوس هتبقى مش حقي

سمير: انا مسامح وهو ده الحل المناسب عشان تعرفي تراعي البنات برضه سهر بتفكير: ماشي موافقة. ابدأ امتى سمير: الوقت اللي تحبيه سهر: خلاص من النهارده سمير: لا بلاش النهارده سهر باستغراب: سمير: عشان مكنتيش عاملة حسابك اكيد سهر: عندك حق. يبقي بكرة سمير: ماشي بكرة سهر: عن اذنك سمير: اتفضلي عند اياد اياد: انا تعبت من المكان ده يا ماما نادية: استحملي شوية اياد: مش قادر نادية: هنا احسن ولا القعدة في الحبس احسن اياد: اكيد هنا

نادية: يبقى تستحمل اياد: حاضر. طب كنت عايزك في حاجة تانية نادية: خير اياد: شوفتي البنت اللي ساكنة قدامنا نادية: اياد: اصلها جميلة اوي نادية: عجبتك اياد: اوي اوي يا ماما نادية: ليك عليا اتعرف عليها واعرفلك دنيتها اياد: متحرمش منك يا ست الكل قاطعهم خبط الباب اياد فتح وقال: اهلا وسهلا. ازيك يا انسة لين لين: الحمدلله يا استاذ اياد. وحضرتك عامل ايه اياد: بخير جت نادية لما سمعت اسم لين نادية: اهلا وسهلاً لين: اهلا بحضرتك

اياد: انسة لين اللي ساكنة قصادنا ودي ماما نادية: ازيك يا بنتي لين: الحمدلله. ازي حضرتك نادية: الحمدلله يا حبيبتي لين: اتفضلي يا طنط نادية: ايه ده يا حبيبتي لين: دي كيكة ماما عملتها وقالت لازم تبعتلكم منها عشان ترحب بيكم لحد ما تيجي بنفسها ترحب بيكم نادية: تعبتي نفسك. قوليلها تسلم ايديها لين: الف هنا نادية: الله يهنيكي لين: طب عن اذنكم نادية: هستناكي تيجي مع ماما لين: ان شاء الله وسابتهم ومشيت. ونادية واياد دخلوا

اياد: ايه رأيك بقا نادية: قمر. احلى من الزفتة اللي كنت متجوزها اياد قلب وشه وقال: طب لي السيرة دي نادية: على رأيك سيرة غامضة اياد: طب هتقوليلهم اني كنت متجوز نادية: لا طبعاً اياد: ماشي احسن كده وبعد يومين أمينة مامت لين راحت لنادية نادية: اهلا وسهلا نورتي أمينة: اهلا بيكي يا حبيبتي. ده نورك نادية: والله فرحت بمجيئك دي أمينة: تسلمي يا ام اياد نادية: بلاش ام اياد دي. قوليلي يا نادية على طول أمينة: وانتي

قوليلي امينة برضه نادية: اتفقنا يا امينة وقعدوا يتكلموا مع بعض كتير وبعد سنة من صحوبيتهم نادية راحت لامينة نادية: بصي بقي يا امينة انا بصراحة جايلك المرة دي عشان عايزة منك حاجة أمينة: حاجة ايه نادية: عايزة اخطب لين لاياد أمينة: انا يشرفني. بس اخد رأيها الاول نادية: براحتك. بس في حاجة أمينة: ايه نادية: انهم هيقعدوا معايا في الشقة أمينة: هقولها برضو لان هي اللي هتعيش نادية: ماشي. قوليها وردي عليا أمينة: ماشي

وبعد شهر من طلب نادية نادية راحت لامينة نادية: ازيك يا امينة أمينة: الحمدلله. وانتي عاملة ايه نادية: الحمدلله. بقالك فترة مختفية يعني أمينة: معلش كنت مشغولة شوية نادية استغربت بس معلقتش. وقالت: طب قولتي ايه في موضوع جواز العيال أمينة: بصراحة لا انا ولا لين موافقين نادية: ليه أمينة: عشان انتوا كدبتوا علينا نادية: كدبنا عليكوا في ايه أمينة: كدبتوا علينا وقولتوا ان اياد مش متجوز ولا كان متجوز قبل كده نادية بكدب:

طب ما دي الحقيقة أمينة: اومال سهر وبناتها دول ايه نادية باستغراب: وانتي عرفتي سهر منين أمينة: من عنوانكم القديم. روحنا سألنا هناك. واحدة بنت حلال قالتلنا هتلاقيها قاعدة مع ابنها واديتنا عنوان سهر. ولما روحنا هناك عرفنا انه كان متجوز وحصل مشاكل بسبب ان خلفتها بنات ورفعت قضية وخلعته وانه مبيسألش على بناته ولا بيبعتلهم مصاريف. وبعد ده جاية تقوليلي ان بنتي هتتجوز معاكي في نفس الشقة نادية: انتي عرفتي منين العنوان القديم

أمينة: اياد قاله لـ لين مرة وهما بيتكلموا نادية: وانتي اصلا بتروحي تسألي لي. ما انا معاكي اه أمينة: معايا اهو بس مقولتليش ده كله نادية: عشان حاجة مش مهمة أمينة: جوازه وعياله التلاتة حاجة مش مهمة نادية: اه مش مهمة أمينة: طيب. انا معنديش بنات للجواز وطلبك مرفوض نادية: انتي طالعة فيها على انتي وبنتك. هو اول واحد يطلب أمينة: لا مش اول واحد. بس خبي الموضوع. معني كده ان فيه حاجة غلط نادية: بلا غلط بلا صح. انا اصلا

غلطانة اني جيتلك أمينة: طب شرفيني نادية: انتي بتطرديني أمينة: لما تيجي بيتي وتعلي صوتك عليا لمجرد ان عرفت حقيقة جواز ابنك يبقي اه اطردك نادية: انتي ست قليلة الادب أمينة: طب اتفضلي من غير مطرود. عشان لو قعدتي اكتر من كده انا هلم العماره عليكي واعرفهم حقيقتكم عشان ياخدوا حذرهم منكم نادية قامت بغضب وسابتها ومشيت. اول ما دخلت شقتها ضربت اياد بالقلم اياد: بتضربيني

نادية بصوت عالي: عشان بسبب غبائك امينة ولين عرفوا انك متجوز قبل كده اياد باستغراب: وعرفوا منين نادية: من العنوان القديم اللي قولته لـ ست لين عند سهر كان سمير اتقرب منها ومن البنات اكتر في السنة دي، وبقى كل شوية يروح يزور احمد عشان يشوفهم. وسهر حست بمشاعر سمير ناحيتها بس مهتمتش. او بمعنى اصح خافت لتكون هي حاسة غلط وهو بيتعامل معاها كده بس شفقة على حالها.

وزيدان ابوها طلق رانيا مراته وراح قعد مع سهر في شقتها. ورانيا مهتمتش لطلاقها وعاشت حياتها عادي ولا كأن حاجة حصلت. وكانوا قاعدين كلهم. زيدان وسهر ومشيره واحمد والعيال. زيدان: بمناسبة ان كلنا متجمعين كده انا عندي ليكم خبر سهر: خير يا بابا مشيرة: حلو ولا وحش زيدان: حلو اوى احمد: طب قول شوقتنا زيدان: سهر جالها عريس كلهم بصوا لبعض بصدمة.