رواية ام لاخواته (ا الفصل الأول 1 - بقلم نورهان اسماعيل

انتي أكيد مجنونة، عايزاني أرمي ولاد أختي في الشارع؟ كلمة سمعتها من خالي محمد لمراته ريهام. أنا چودي عندي 11 سنة، بيضة وعيوني عسلي، عنديّة جداً ورومانسية في نفس الوقت وعصبية جداً، وبعشق أخواتي. ماما اتوفت في حادث من شهرين، وعندي أختين چومانه ولارين. بابا اتوفى من أكتر من سبع سنين، وعايشين مع خالي ومراته. نرجع لأحداث القصة. ريهام:

،، لا مش مجنونة يا محمد، إحنا عندنا أربع عيال مكفيينهم بالعافية، وجايب كمان ولاد أختك ليا أنا مش ناقصة، ما عندك أختك التانية تاخدهم عندها. محمد: ،، يا شيخة حرام عليكي، أختي الله يرحمها عمرها ما اتأخرت علينا في حاجة يا ولية، وبعدين منه أختي إنتي عارفة إنها صاحبة تعب ومتقدرش على تربية العيال. ريهام: ،، ده آخر كلام عندي، لا أنا ولا هما. محمد: ،، حاضر يا ريهام، بكرة أوديهم لـ منه.

وفي سره: حسبنا الله ونعم الوكيل فيكي يا شيخة. چومانه: ،، أنا بكرة خالتو ريهام دي خالص، ست برضوا. چودي: ،، عيب كده يا چومانه، دي أكبر منك، مينفعش تغلطي فيها. چومانه: ،، وهي مش قدامنا يعني، مش تكبريها. چودي: ،، ولو برضه عيب. وانتي بتعملي إيه يا لارين؟ چومانه عندها تسع سنين، جميلة وطيبة بس لسانها طويل جداً، قمحاوية وشعرها أسود وطويل وناعم.

لارين فيها شبه كبير من چودي، عينيها عسلي فاتح وشعرها عسلي في بني كرلي وناعم جداً، عندها ست سنين وعندّية جداً زي چودي بالظبط ولسانها طوله مترين. نرجع تاني للأحداث. لارين: وهي حاطة إيدها في وسطها: ،، في إيه يا دودي، أقعد ساكتة تزعلي، أعمل شقاوة تزعلي، ارسي على حاجة بقى، تعبتوني، أسيب البيت وأطفش. چودي: ،، كل ده عشان قولتلك بتعملي إيه.

آه ياريتني ما سألت يا أختي، المهم يا چومانه خدي بالك من الجزمة دي عقبال ما أطلع لخالك أقوله إننا اللي عايزين نروح لخالتو منه نقعد معاها، واهي تبقى جد مننا إحنا. چومانه: ،، روحي يا چودي، يكش مراته تتهد. چودي: ،، ربنا يصبرني عليكم ويرحمك يا ماما. لارين: ،، دودي عايزة أجيب مارشيملو. چودي: ،، چومانه خدي أختك وروحي اشتري ليها. چومانه: ،، يا سلام وهو أنا مليش نفس أشتري؟ چودي: ،، لا إزاي. وبره عند محمد. چودي:

،، خالو يا خالو يا خاااااالو. محمد: ،، في إيه يا جزمة بتزعقي كده ليه؟ چودي: ،، مقبولة منك، عايزة أطلب منك طلب يا برنس. محمد: ،، برنس؟ چودي: ،، في إيه يا خالي مالك، الله بص سكة كده، أنا وأخواتي عايزين نروح نقعد مع خالتي منه، هي عايشة لوحدها واحنا أولى بخدمتها. محمد: ،، إنتي سمعتي كلامي أنا وريهام صح؟ چودي: ،، صدقيني محدش فينا زعلان، إحنا فعلاً عايزين نروح عند خالتي، عشان خاطري كده أحسن. محمد:

،، كبرتي يا چودي، سامحيني يا بنتي. ريهام: ،، طيب كويس يا أختي، بالسلامة يا حبيبتي. چودي: ،، عارفة المشكلة إيه، إنك مرات خالي، بس صدقيني هرجعلك. ريهام: ،، نعم يا أختي؟ أقسم بالله أقوم أجيبك من شعرك وأربيكي، ظبطي نفسك. چودي: ،، أظبط نفسي وأربيني، على فكرة أنا اسمي چودي مش ريهام، يا طنط ولا إيه يا خالو؟ محمد: ،، عندك حق والله يا بنتي. ريهام: ،، محمد. محمد: ،، قصدي عيب كده يا چودي. چودي: ،، طيب يلا هدخل أجيب أخواتي.

وفي نفسها: أهدي يا چودي، اطمني على أخواتك الأول، وعرفيهم مين هي چودي بنت نورهان. وعند منه الباب بيخبط وبتقوم تفتح الباب. منه: ،، أهلاً أهلاً أهلاً. چودي: ،، أهلاً يا منه، عاملة إيه. منه: ،، يابنتي حرام عليكي برستيجي، لاحظي إني خالتك. لارين: ،، واحلى خالتو والله، بس بذمتك لما إنتي تبقي خالتو چودي، نقولها إيه؟ منه فطست ضحك: ،، عندك حق يابنتي والله. چودي: ،، والله هي بقت كده. چومانه:

،، هو أنا مش موجودة ولا إيه يا أخويا؟ منه: ،، يالهوي مين قال كده؟ تعالي يا قلب خالتك. بت يا چودي افتحي التلاجة وطلعي أكل ليكي ولأخواتك، وأنا هشوف خالك وأرجع لكم. منه: ،، أهلاً يا محمد، طبعاً مراتك اللي قالتلك تجيب العيال. محمد: ،، لا والله يا أختي، العيال اللي عايزنكم. منه: ،، بلويه بوز، والله قولتلي. طيب يا أخويا هتفطر ولا الشرشوحة اللي عندك هتكهربك. محمد: ،، عيب كده يا منه، أنا بس شبعان.

وطلع فلوس من جيبه: خدي دول يا منه للبنات. منه: ،، والله طيب، بالسلامة انت يا أخويا ووفرهم لي نفسك وللعقربة بتاعتك. محمد: ،، سلام يا أختي. اديني ماشي. وقفل الباب وراحت تشوف البنات. چودي: ،، بتعملي إيه يا چودي. منه: ،، والله يا خالتو مش بعمل حاجة، مخنوقة بس وماما وحشتني قوي، سابتني بدري وسابت ليا مسؤولية كبيرة جداً. منه:

،، أوعي تقولي كده، ربك مش بيجيب حاجة وحشة، استغفري ربك وقولي الحمد لله، وأنا جنبك لآخر يوم في عمري، أنا صحيح معنديش عيال والفرق بينا عشر سنين، بس إنتوا عيالي أنا، ياروح قلب خالتك. چودي: ،، ربنا يخليكي ليا يا أحلى موكه في الدنيا. منه: ،، مش ملاحظة إن لارين ملهاش صوت؟ چودي: ،، يالهوي لااااااارررررين. لارين وهي بتلعب في تليفون منه: ،، نعم، عايزين إيه؟ خلصتو جوه العشق الممنوع. منه وهي بتلطم على وشها:

،، نهار أسوح، الباقة وطلعت تجري وراها. چودي في سرها: من النهاردة لازم أقف على رجلي وأكون أم لأخواتي وأصرف عليهم وأحميهم من الدنيا كلها، من النهاردة لازم أكون عبد الله مش چودي، ولازم عشان أخفي إني بنت، لازم ألغي حياتي كلها وأكون أم وأب. وبعدين انتبهت: الله، هي چومانه فين؟ لما أروح أشوفها. وهي بتنده عليها وهي داخلة ليها الأوضة: چومانه چومانه چوما😱😱