رواية ام لاخواته (ا الفصل الثاني 2 - بقلم نورهان اسماعيل

مالك يا چومانه بتعيطي ليه؟ ماما وحشتني قوي يا چودي. يخربيتك سبتي إيه لـ لارين تعمله؟ بصي يا چومانه فاكرة لما ماما كانت دايما تقولنا الموت والحي بتاع ربنا وإحنا أمانة على الأرض وبعدين إحنا لازم ناخد بالنا من لارين عشان نفرح ماما في قبرها، كفاية عليها ماما وأبوها ماتوا في نفس اليوم. چومانه، والله يا چودي أنا زعلت جداً على عمو عمر برضه، من وقت ما اتجوز ماما وكان بيعاملنا كويس. الحمد لله.

چودي، هو إنتي ليه مش بتعيطي وبتفكري كتير قوي؟ بحسك ست كبيرة.

بابا لما مات يا چومانه، ماما كانت بتسيبك إنتي مع منه وأنا اللي كنت دائماً بروح معاها في أي مكان، كنت بزعل وأنا بشوفها بتستخسر في نفسها كل حاجة علشان خاطرنا، خصوصاً إنها اتجوزت عمو عمر بعد بابا ما مات على طول، ورغم إنه كان بيحبنا جداً، بس عمرها ما شلته همنا، كانت بتحب تعدم على نفسها وبس، علشان كده أنا أكبر من سني يا چومانه، وبتاخدها في حضنها، متزعليش يا چومانه وأنا مش هسيبكم والله وهخليكم أحسن بنات في الدنيا، وده وعد مني.

يالهوي، استغفر الله العظيم، شكلي جيت في وقت مش مناسب. ضحكت چودي ولارين عليها جداً ولارين طلعت تجري على حضنهم. منه من الصالة، يلا يابنات الفطار جاهز وطلعت كلهم. مالكم يابنات عيونكم حمراء كده ليه؟ تقريباً كده كانه بيفتكروا ماما وبابا. ابتسمت، طيب يلا كله قبل الأكل ما يبرد. وبترجع بالذاكرة. نور يا نور انتي يابتنور مامت البنات. مالك يا منه في إيه؟ وبعدين إيه "بت" دي؟ مش ناوي تلمي نفسك وتراعي فرق السن؟

خدوهم بالصوت، صح أنا سمعاكي يا أختي، عمالة تقولي للبنات "أنتم كنزي وأنتم أغلى شيء في الدنيا"، حتى عمر لما جه يتقدملك، رغم إنه هو حب عمرك وبابا الله يرحمه جوزك أبو البنات صحيح غصب عنك، بس برضو بتقولي لعمر "لو حسيت في يوم إن بناتي مش مرتاحين معاك مش هتردد إني أخرج من حياتك"، بنت البطة السودة أنا يعني مش معاكم على الخريطة حضرتك ولا إيه؟

وهي فطسانة ضحك، يا هبلة انتي بنتي قبل ما تكوني أختي، وإنتي متأكدة إن مفيش فرق بينك وبينهم، وأنا آه اتغصبت على جوازي من أبوهم، بس بصراحة مشوفتش منه حاجة وحشة، ومش معنى إني لسه بحب عمر وهنتجوز يبقى أفكر فيه قبل بناتي، بطلي هطل بالله عليكي وتعالي بقي نامي في حضني يا ستي مع البنات ولا تزعلي نفسك. ونطت منه في حضنها، انتي أغلى شيء في حياتي يا نور وإنتي نور عيني يا موكة. ونرجع للأحداث. مالك يا منه؟

مفيش حاجة يا چودي، أنا بس سرحت شوية. وهي عارفة إنها افتكرت مامتها، طيب بصي بقي يا موكة، الشركة اللي ماما كانت بتشتغل فيها أنا هروح أسأل على شغل فيها، عمو بدر لما جه العزاء قالي تعالي في أي وقت لو احتجتي أي حاجة، وچومانه ولارين لازم يكملوا في المدرسة بتاعتهم، وچومانه تكون مهندسة، ولارين محامية. طيب وبنزين ظابط الداخلية اللي أمك كانت بتحلم بيها؟ أخواتي أهم من أي حاجة في الدنيا، وأنا لازم آخد بالي منكم يا خالتي. استوب.

منه اخت نورهان مامت البنات عندها 21 سنة، مريضة سكر وعندها عجز بسبب حادث زمان مش بتقدر تمشي كتير، مامتها اتوفت وهي عندها عشر سنين وباباها اتوفي وهي عندها عندها 15 سنة، قصيرة أصغر من نور بـ 16 سنة بس نور عمرها ما اعتبرتها غير بنتها، ومرحة جداً وبتعشق عيال اختها وبتعتبرهم اخواتها. هينرجع للأحداث.

ماما كانت دايماً بتقول طول ما صحتنا كويسة مش نطلب حاجة من حد، وأنا مش هقبل إننا نتربى على مساعدة الناس، خدي بالك من البنات يا منه عقبال ما أوصل الشركة وأرجع، وإنتي يا لارين بلاش شقاوة لحد ما أجي. حاضر يا چودي، بس أنا عايزة مارشميلو. حاضر يا ستي، هبعت چومانه تجبلك. وهي بتبصلها كده. طبعاً هتقولي روحي يا چومانه هاتي لأختك مش ليكم. صبرني يارب، نفسي تعقلي، حاضر هاتوا إنتوا الاتنين مع بعض.

أعقل إيه، أنا يا دوب بعد شهر هبدأ في العشر سنين، سبتلك انتي العقل. أنا هنزل قبل ما يحصلي حاجة. خدي بالك من نفسك يا چودي، ياريت كنت أقدر أنا اشتغل. كفاية إنك معانا. وهي ماشية في الشارع وبتسلم على كل اللي بتقابلها. صباح الفل يا عم الكل. صباح النور على ست البنات، بنت الغالية، عاملة إيه يا ست البنات؟ الحمد لله، عايزة منك طلب صغير. بس كده، انتي تأمري. خد بالك ونبي من اخواتي لحد ما أوصل مشوار بسرعة وأرجع.

بس كده، من عيوني يا غالية. تسلم ياراجل ياباركة. ونروح شركة البدر. سلام عليكم، لو سمحت مستر بدر موجود؟ أيوة موجود، أقوله مين يا شاطرة؟ شاطرة، قولي له چودي زكريا عايزاكِ. ثانية واحدة هبلغه. الو مستر بدر، في واحدة عايزة تقابلك، بتقول اسمها چودي زكريا. دخّليها فوراً. صباح الخير يا عمو بدر. أهلاً أهلاً بست البنات، عاملة إيه يا چودي وأخواتك عاملين إيه يا حبيبتي؟ إحنا الحمد لله كويسين. لسه قاعدة مع خالك محمد؟

لا، إحنا قاعدين مع منه عشان مش تكون لوحدها وكده. يعني مش عشان مرات خالك؟ كل واحد حر في حياته. سبحان الله، حاسس إني قاعد مع نور. سنك صغير بس عقل ماشاء الله. وعلشان أنا عارفة انت بتعز ماما قد إيه، كنت عايزة منك طلب. بس كده، من عينيها، انتي تأمري. أنا عايزة اشتغل عندك. ليه كده يابنتي؟ إنتي تفضلي في المدرسة، طلباتك إنتي وأخواتك وخالتك في رقبتي. معلش، أنا عايزة اشتغل عشان أحس إني بعمل حاجة لأخواتي.

مش بقولك حاسس إني قاعد مع نور. عمّتَين يا ستي، مفيش مشكلة، إنتي بتعرفي تعملي قهوة حلوة جداً، جربتها لما كنت بزور مامتك وعمك عمر الله يرحمه. هشغلك هنا تعملي قهوة ليا أنا بس، بس بشرط. اتفضل. تكملي تعليمك، إنتي في سنة ستة ابتدائي والامتحانات قربت، إنتي بتخرجي من المدرسة الساعة 12، واحدة تكوني هنا لحد الساعة ستة وهعملك مرتب كويس جداً. أنا متشكرة قوي ليك يا عمو، ربنا يخليك لينا، طيب ممكن طلب كمان؟

چودي اللي إنتي عايزاه، قولي على طول. أنا مش عايزة حد يعرف إني بنت، عايزة كله يفهم إني ولد، عشان انت عارف إننا بنات مش معانا راجل وكده، وعشان أقدر أحافظ على اخواتي. الله يرحمك يا نور، عرفتي تربي، وأنا معنديش مشكلة يابنتي، بس عيب تقولي مش معانا راجل، أنا زي أبوكم بالظبط. ربنا ما يحرمنا منك. خدي دول بقي خمس آلاف واعتبريهم أول مرتب. بس دول كتير، وأنا لسه مش اشتغلت. ملكيش دعوة، ويلا روحي لأخواتك وتعالي من بكرة.

حاضر يا اونكل. وبيروح. بعيون دامعة، صغير قوي على المسؤولية دي يابنتي، وعندك كبرياء، مينفعش يكون في طفلة، بس هفضل في ضهركم طول العمر وربنا يعينكم. عند چودي راحت جابت لي اخواتها ومنه كل اللي نفسهم فيه وطلبات البيت زي ما كانت بتشوف مامتها بتعمل بالظبط، وبتروح البيت بتدخل تقول أنا جيت، والحاجة بتقعد من إيدها. يا نهار أسوح.