رواية ام لاخواته (ا الفصل السابع عشر 17 - بقلم نورهان اسماعيل

في نفسها،، مينفعش أعلقك بيا أكتر من كده. المشكلة دلوقتي مبقتش على قد إني أطمن على أخواتي، أنا اللي مش هعيش كتير خلاص. أنا بقيت كل اللي يتمناه أجوز لارين عشان أطمن عليها قبل ما أموت. أنا هي دي مهمتي في الدنيا فعلاً. صدق اللي قال "الدنيا عبارة عن بابين، واحد رحم الأم وده باب الدخول، والتاني باب القبر وده باب الخروج منها". سبحان الله يارب.

وبتفوق لنفسها، بتبص حواليها وتجيب قالب طوب كبير وتقيل جداً، وبتشيله رغم تقله عليها. ويوسف بيكون مستغرب جداً اللي بيحصل وبيقولها: يوسف،، انتي بتعملي إيه؟ ردي على سؤالي يا چودي، أنا بقولك بحبك وعايزك معايا وهقف جنبك في كل حاجة. چودي وهي بتحط قالب الطوب جنب رجل يوسف بالظبط على اللغم: بس أنا مش بحبك، ولا هينفع أحبك للأسف. يوسف،، ليه؟ فيا إيه وحش؟ وأنا أوعدك أغيره. چودي بتشد إيده وبتعديها عن اللغم، وبتفرح جداً

إنه محصلش ليه حاجة: إنت مفيش فيك حاجة وحشة نهائي. أنا اللي في شخص في حياتي بحبه جداً وناويين نتجوز بعد ما أجوز لارين على طول. وسبب إن محدش يعرف إننا متفقين، مش نعرف حد غير بعد ما أطمن على أخواتي. يوسف وقلبه هيقف من كتر الصدمة، بيمسكها من إيدها جامد. چودي بتتوجع جداً بس مش بتبين ده: إنت ليه مقولتش حاجة زي دي قبل كده؟ ومين ده؟ چودي بتشد أيدها منه وبتزقه جامد في صدره: إنت أكيد اتجننت! إنت مالك أقولك أو مقولكش؟

إنت مش من بقيت عائلتي أكيد. وأذى كان على النسب اللي بينا ده مش معناه إنك تعرف حاجة عن حياتي. الزم حدودك معايا يا يوسف باشا أحسنلك وابعد عن حياتي وكل الهبل اللي حصل ده. أنا هعتبر نفسي مسمعتش حاجة. وبتمشي. ويوسف بيمسك أيدها وهي بتكون مدياله ضهره ومش بترضي تلف ليه عشان مش يشوف دموعها اللي بدأت تنزل: أنا فعلاً هنسيكي نهائي. وأنا فعلاً غلط إنّي فكرت فيكي. بس بكرة تندمي يا چودي باشا إنك ضيعتي حبي وهترجعي ليا.

ومش هتلاقيني تاني. حتى لو صدمة، أنا هطلب نقلي من الشغل لمحافظة تانية ومش هتلمحيني تاني نهائي. وبجد ندمان على حبك. وبيسيبها ويمشي. وچودي بتركب العربية وتجري على تربة أمها وتفضل تعيط جامد: ماما، أنا تعبت قوي يا أمي. أنا كمان بحبه قوي والله العظيم بحبه. بس مش عايزة أظلمه معايا. إيه ذنبه نتجوز ونعيش مع بعض سنة ولا اتنين وبعدين الموت يفرقنا وأسيبه موجوع بعدي؟

مش عايزة أكون أنانية في حقه. كرهني يا أمي، كرهني قوي. قلب بنتك اتوجع يا أمي. وبتفضل تصوت بصوت عالي جداً وبتشد شعرها جامد وتقع على الأرض. بتحس بوجع شديد في دماغها وبيغم عليها. عند منه. منه،، اختك اتأخرت قوي يا لارين. هي فين كل ده؟ لارين وهي بتكلم يامن على الواتساب: زمانها جاية يا منه. هي أول مرة يعني. منه،، بس أنا حاسة إنها مش بخير. قلبي بيقولي إن فيها حاجة. اتصلي عليها.

لارين،، أكيد تليفونها مقفول مدام في مأمورية. يا موكه ما انتي عارفة طبعها. منه،، وهي حاسة بقبضة شديدة في قلبها. معرفش أتصرفي. أنا مش مطمنة. بنتي فين؟ الباب بيخبط. بتجري منه تفتح وهي مفكرة چودي. بتفتح تلاقي چومانه وتيم وابنهم. لارين بتجري تشيل ريان. چومانه،، مالك يا منه؟ شكلك عامل كده ليه؟ في حاجة حصلت. منه،، اختك طلعت مأمورية من بدري ومش رجعت ولا اتصلت. أنا خايفة عليها قوي. هاتولي بنتي.

تيم،، اهدي بس طيب. استنى أكلم يوسف. أكيد هو معاها في المأمورية دي. چومانه،، فكرة برضه. اتصل يطمنا عليهم. وبيتصل بيه تيم. يوسف،، ازيك يا تميم. تيم،، مدام قولت تميم مش تيم، يبقى في مصيبة. يوسف،، لا مصيبة ولا حاجة. مرهق شوية بس من الشغل. انت ومراتك وابنك كويسين. تيم،، أه كلنا بخير الحمد لله. بقولك المهمة بتاعتكم تمت ولا لسه. يوسف،، أه كل حاجة تمام الحمد لله. بس انت من امتى بتسأل عن شغلي.

تيم،، أصل الصراحة چودي لسه مرجعتش والجماعة قلقانين عليها. يوسف وهو مفكر إنها راحت تقابل حبيبها: لا، أنا خلصنا من حوالي أربع ساعات ومشيت. معرفش راحت فين. تلاقيها راحت تجيب حاجة أو عندها مشوار. تيم،، تمام ياحبيبي. مبروك على المهمة. يوسف،، الله يبارك فيك. هقفل أنا عشان عندي شوية شغل. تيم،، في رعاية الله ياحبيبي. مع السلامة. منه،، ها قالك إيه؟ تيم،، اطمني. العملية تمت بنجاح الحمد لله. بقالها أربع ساعات كمان ومشيت.

چومانه،، طيب الحمد لله. أهدي بقي يا موكه. تلاقيها نسيت تفتح التليفون وراحت الشركة. ثواني أكلم أونكل بدر. وبتتصل على بدر تسأل على چودي. بدر،، وهو قلق عليها عشان عارف مرضها. حب يطمنهم: أه، هي عدت على الشركة وفعلاً تليفونها فصل. بس أنا بعدها الموقع تخلص شوية شغل. أول ما تيجي هخليها تكلمكم. سلام. چومانه كانت فاتحة الاسبيكر وبيطمنهم كلهم عليها. منه،، الحمد لله يارب. ألف حمد وشكر لله. هقوم أنا أحط الأكل مدام هتتأخر.

وعند بدر بيقلق جداً وبيأخد التليفون ومفتاح العربية ويروح على يوسف يعرف آخر مكان كانت فيه، لأن مش عادتها تسيب التليفون مقفول. السلام عليكم. يوسف،، وعليكم السلام ورحمة الله وبركاته. أهلاً. إزي حضرتك يا مستر بدر. بدر،، بخير الحمد لله. نحمد ربنا على كل حال. بقولك هو في حاجة حصلت في المأمورية أو بينك وبين چودي زعلتها. يوسف،، ليه بتقول كده؟ المهمة عدت على خير الحمد لله. وأنا و چودي مفيش بينا غير الشغل وبس.

طبعاً بدر بيشوف في عينه نظرة حزن بيتاكد إن في حاجة حصلت. بدر،، بص يا يوسف. انت زي ابني وبنات نور برضه ولادي. أنا عارف إنك بتحبها ومن زمان. يوسف،، هاا؟ إيه اللي انت بتقوله ده؟ لا طبعاً. الحقيقة. بيقطعه بدر: بلاش تخبي عليا. أنا زي أبوك قولتلك. يوسف: 😔 صدقني، حتى لو فيه هي مش موافقة عليا وبتحب حد تاني. بدر،، نعم؟ حد تاني إزاي؟ مش فاهم. لا اله الا انت سبحانك اني كنت من الظالمين ♥️ 🙏 ♥️

بيحكي يوسف ليه اللي حصل بينه وبين چودي، وبيتاكد إن چودي قصدها تبعده عنها عشان مرضها. وبيعرف هي فين وبيكون خايف عليها جداً، خصوصاً إنها كده اتعرضت لضغط نفسي والدكتور منبه عليها محدش يعرضها للزعل. يوسف،، وبس ده كل اللي حصل. بدر بيقوم بسرعة: طيب أنا هاجيلك تاني. بس هقولك حاجة قبل ما أمشي. أوقات كتير الدنيا بتجمعنا بالشخص الصح في الوقت الغلط والعكس صحيح. يوسف،، قصدك إيه؟ بدر،، بكرة تفهم.

وبيطّلع يجري على تربة نور. ده المكان الوحيد اللي چودي بتروح هناك وهي زعلانة أو فرحانة. أول ما بيوصل وبيشوفها واقعة بيتخض عليها. يشيلها يوديها العربية ويجري بيها على المستشفى. وهناك بيكون قلقان عليها جداً. بيخرج الدكتور من غرفة الكشف. بدر،، طمني. چودي كويسة. الدكتور،، هي الحمد لله لحقناها على آخر لحظة. قولت لحضرتك لازم تبدأ في العلاج بأسرع وقت. غير كده مش هتعيش كتير. بدر والدموع في عينه: حاضر. هحاول أتصرّف وأقنعها.

وبيدخل لي چودي. بتكون نايمة على السرير سرحانة والدموع بتنزل من عينيها. بدر،، احم. حمد الله على سلامتك. چودي،، أونكل بدر. الله يسلمك. بدر،، يوسف حكالي على اللي حصل يا چودي. ليه كده؟ ليه تتعبّي قلبك وقلبه وقلوب اللي حواليكي؟ ليه في إيدك تلحقي نفسك ورافضة؟ خصوصاً إنّي متأكد إنك كمان بتحبيه وقوي.

چودي،، غصب عني. مش عايزة أعلقه بيا أكتر من كده. وخلاص هانت. لارين قدامها سنة وأجوزها، ووقتها هبدأ العلاج زي ما وعدك. ولو ليا عمر ومكتوب ليا أكون مع يوسف، أكيد هنكون مع بعض. غير كده أكون بظلمه وبظلم اللي حواليا. بجد. بدر،، بس. چودي،، مفيش بس. من فضلك خلص ورق المستشفى عشان ألحق أروح. بدر،، تمام. زي ما تحبي. وبيخلص ورق المستشفى وتروح البيت. وبيعدي فترة تكون لارين وروضة خلصوا الامتحانات وبيجهزوا للجواز.

يامن،، يلعن أبو ام الجواز على اللي عايز يتجوز. لارين،، لا والله بقي كده. طيب خلاص أنا هقول لي چودي نلغيه خالص. 🥺🥺 روضة،، وأنا كمان معاكي. أحمد،، العب. طيب نعمل إيه. يامن،، ياستي بقالنا عشر أيام بندور على أم الفساتين تعجب حضرتك، وأنتم مفيش حاجة عاجباكم نهائي. لارين،، ما أنا مش لاقية حاجة عجبتني. روضة،، وبعدين ده بيتلّبس مرة واحدة في العمر. بتدخل چودي: إيه اللي بيحصل هنا؟ بتجري عليها روضة ولارين.

لارين،، ياچودي مش لاقية فستان مميز ويامن بيقولي زهقت من اللف على المحلات. روضة،، إحنا نفسنا في فستان شيك يكون حاجة كده مبسوطين بيها، مش مجرد قضية غرض. يامن،، يا چودي عشر أيام الهوانم مش موافقين على حاجة نهائي. أحمد،، ونبي اتصرفي انتي يا چودي وحلّيها.

چودي،، خلصته في أتيليه فاتح جديد. وأنا هاخد أجازة طويلة من الشغل لحد بعد الفرح. چومانه هتيجي نروح نجيب الفساتين النهارده بإذن الله. وانت يا يامن وأحمد تأمنوا على القاعة بكرة عشان مش فاضل غير يومين بس على الفرح. بيعدي وقت. چومانه بتيجي ويروحوا كلهم يختاروا الفساتين. وچودي بتقف قدام فستان أبيض شيك قوي وبتفتكر يوسف اللي اتنقل بلد تانية ومتعرفش عنه حاجة نهائي. وبتتخيل نفسها بيه.

روضة ولارين بيختاروا فعلاً فساتين مميزة جداً وفيهم شبه من بعض. بيجي يوم الفرح. چودي بتلبس فستان أحمر ناري قط ونازل مجسم عليها وفي كسرة شيك قوي عليها. ورسمة الايلاينر بطريقة تخطف الأنظار. وبتحط أحمر شفايف أحمر ناري وبتفرد شعرها على ضهرها. بتكون مليكة بجد. منه،، لبست فستان أسود مجسم عليها من اختيار لارين على حجاب دهبي وميكب هادي مبين ملامحها. وحقيقي كانت جذابة جداً. وبيكون فيها شبه كبير من نور بالميكب ده.

چومانه بتلبس فستان أحمر ناري قط شبه فستان چودي وعليه هيلز فضي وميكب سيمبل. وبتفرد شعرها زي چودي. وبيكونوا عاملين تناسق الألوان تحفة. كل اللي يشوفهم يحلف إن ما في جمال كده. وملبسة ريان ابنها بدلة كلاسيك رمادي فاتح شبه بتاعت تيم بالظبط. چودي وبدر بيطلعوا يجيبوا البنات مع بعض. وبيكون معاهم صلاح أخو روضة. بيدخلوا يتوهوا من شكل البنات.

لارين لابسة فستان قُب سك لحد الخصر ونازل منفوش جداً. وعاملة تسريحة شعر مميزة مخلياها قمر جداً. وروضة لابسة فستان مشابه ليه بس الطرحة أطول من لارين. چودي،، بسم الله ما شاء الله تبارك الرحمن. إيه القمر ده ياناس؟ لا أنا كده ممكن أرجع في كلامي. لارين،، يا ريت. يلا بينا. چومانه،، أنا بقول كده برضه. يلا نروح. وأنا كمان أطلب الطلاق. إحنا ملناش غير بعض أساساً. بدر،، بس يا جزمة انتي وهي. ده الواد يفضحنا. چودي،، مالك يا روضة؟

في إيه؟ روضة،، أنا مش عايزة أتجوز. مستحيل أبعد عنكم. إنتوا أخواتي وأهلي. چومانه،، بلاش هبل. طيب ما أنا اتجوزت وخلفت أهو. بعد عنكم؟ لا طبعاً مستحيل. الجواز سنة الحياة. لارين،، اومال فين منه؟ چودي،، تحت في القاعة. مش راضية تطلع معانا دي مجنونة. ممكن لو شافتَك كده تحلف ما في جواز وترجع بيكم على البيت. يلا بقي ننزل. بتنزل لارين في إيد بدر وچودي. وچومانه وراها ماسكة ليها الطرحة.

وروضة نازلة في إيد صلاح. بتلاقي حد وراها بيمسك الطرحة. وبتكون ياسمين. وبتكون مفاجأة حلوة للبنات اللي من زمان مش شافوها. بينزلوا. يامن،، احي! دي بتاعتي بجد. چودي،، حافظ عليها يا يامن وخد بالك منها. دي بنت عمري. بدر،، اللهم صل على النبي. في حاجة غلط النهاردة. بيضحكوا كلهم. يامن،، دي جوه قلبي. أوعي تخافي عليها. أحمد،، بسم الله ما شاء الله تبارك الله. القمر ده بتاعي لوحدي. صلاح،، خد بالك منها دي الغالية.

أحمد،، أوعدك أحافظ عليها لآخر العمر. بيلاقي روضة عينها دمعة. مالك يا روحي؟ في إيه؟ أهدي. روضة،، جعانة قوي يا أحمد. ما أكلتش غير سبع سندوتشات شاورما وطبقين مكرونة اليوم كله وأربعة مربى بالقشطة. أحمد،، 😳😳😳😳😳😳 أحي. ده أنا أضحك عليا في الجوازة دي ولا إيه. بيضحكوا كلهم. وبيبدأ الفرح. وبدر بيشوف منه ويتصدم من جمالها وبيحس قلبه بيتحرك ليها. بدر،، إزاي؟ أنا عمري ما أخد بالي منك يا منه. انتي جميلة ورقيقة قوي.

وچودي اللي بتتصدم لما بتشوف يوسف وبتحس إن قلبها بينبض بشدة. ويوسف اللي أول ما يشوفها بيحس إنه نفسه ياخدها في حضنه ويعاتبها. وچودي بتعتبه على بعده عنها. وبيبدأ الفرح وبيكون حلو جداً والبنات كلهم مبسوطين قوي. وچودي بتحس بتعب شديد في دماغها بس مش بتبين لحد. وبيخلص الفرح. وأحمد بياخد روضة على بيتهم. وچودي بتاخد البنات لأمها عشان يكتبوا الكتاب زي چومانه هناك.

ويوسف بيستأذن عشان هيسافر الصبح. وياسمين بتروح عشان تسلم على أمها. بيوصلهم كلهم عند نور. وبيكتب الكتاب. لا اله الا انت سبحانك اني كنت من الظالمين ♥️ 🙏 ♥️ چودي قدام قبر أمها ساندة منه. وچومانه وجوزها وابنها معاها. ولارين بفستان الفرح وجوزها. چودي،، ماما لارين كمان أهي. كده كل واحدة في بيتها مع الراجل اللي يستاهلها. يارب أكون حافظت على الأمانة بتاعتك يا حبيبتي. چومانه،، وحشتيني قوي يا ماما. يارب تكوني في نعيم الآخرة.

لارين،، كان نفسي تكوني معايا يا ماما قوي. ودخليني بيتي يا نور عيني. وبتعيط. يامن جوز لارين،، ألف شكر ليكي يا حماتي على الهدية الغالية دي. ووعد مني أحافظ عليها طول العمر. تيم جوز چومانه،، وعدك هنا إني أحافظ على چومانه ووفيت بوعدي معاكي. وهفضل محافظ على الأمانة لحد ما نتقابل في الجنة بإذن الله. منه،،، بناتك اتجوزوا يا نور. وچودي كانت قد الأمانة. وأنا عملت كل اللي أقدر عليه عشان أحافظ عليها.

چودي،، يلا نقرأ الفاتحة عشان نروح. بيقرأوا الفاتحة. وبيوصلوا لارين بيتها. وچودي بتبصلها كأنها بتودعها. بتاخد منه وتروح عند العربية. چودي،، چومانه خدي جوزك وابنك وروحي يلا. چومانه،، طيب ما أبات معاكي النهارده. چودي،، لا يا أختي. أنا هاخد منه وأروح. تيم،، طيب ما أوصلكم بالعربية. چودي،، وهي بتحضن اختها قوي وبتبوس عدي ابنها: لا مستر بدر هيوصلنا. ويتمسك أيده. خد بالك من چومانه وحافظ عليها. هي وعدي. تيم،، دول في قلبي.

چودي بتبتسم ليهم وبتمشي. عربيه مستر بدر. مستر بدر،، إيه يا چودي؟ مش كفاية كده؟ أظن أنا سبتك سنتين أهو زي ما قولتي. چودي وهي حاسة بدوخة خفيفة: فعلاً كفاية كده. الحمد لله ربنا قدرني لحد ما اطمنت على بناتي. والفضل يرجع لك. مستر بدر،، عيب تقولي كده. خلينا نلحق عشان خاطرهم على الأقل. منه،، إنتوا بتكلموا على إيه؟ أنا مش فاهمة حاجة. چودي،، هقولك بعدين يا موكه.

مستر بدر بيبصلها وعينه بتلمع بالدموع. وبيوصلهم عند البيت. وچودي بتنسى الشنطة في العربية وبتطلع البيت. چودي،، الفرح كان حلو جدا يا منه. منه،، عقبال فرحك انتي كمان. اهو كل واحدة وصلتيها بيتها. مفيش غيرك دلوقتي. چودي،، بتغير الموضوع: طيب أنا هدخل آخد شاور وأنام لأني تعبت جداً.

بتدخل الحمام تحس بدوخة شديدة وبينزل دم كتير من مناخيرها. وبتقع على الأرض. منه بتسمع صوتها وتطلع تجري عليها. أول ما بتشوفها بتفضل تصرخ. وفي نفس الوقت بيكون طالع مستر بدر يديها الشنطة اللي نسيتها. بيسمع صوت منه بيطلع يجري ويتصدم بشكل چودي. بيخودها ويجري على المستشفى. أول ما بتوصل بتكون أخواتها وجوزهم هناك. لأن منه بتتصل عليهم. بيجي الدكتور أول ما بيشوفها. الدكتور،، عمليات بسرعة. بدر،، إيه اللي حصل يا دكتور؟ چودي مالها؟

الدكتور،، أنا قولتلك كان لازم تعمل العملية. الورم سيطر على المخ. منه والبنات في حالة صدمة. منه،، هو يقصد إيه يا مستر بدر؟ يعني چودي كانت تعبانة ومخبية علينا؟ انطق حد يرد عليا. الدكتور،، الآنسة چودي جالها ورم على المخ من سنتين. وكان لسه في أوله. وأنا نصحتها إننا نبدأ العلاج. وهي اللي رفضت. وكان معاها الأستاذ بدر. منه،، إنت كنت عارف الكلام ده وخبيت عليا يا أستاذ بدر؟ سبتها تموت نفسها؟

مستر بدر،، غصب عني. حلفتني إنتي مقولش لحد. قولت لها تتعالج وأنا أساعدها. رفضت وقالت لما أجوز لارين الأول عشان أطمن عليها زي اختها. وحلفتني على المصحف إن ده هيكون سر. وغصب عني وفقت قدام أسرارها. منه،، وإنت شايف إن ده الصح؟ كنت شايفها وهي بتموت وسكت؟ شايفها وهي بتضيع نفسها وسكت؟ يعني چودي هتروح مني؟ يعني إيه؟ هخسر چودي؟ مش كفاية نور. لااااااااااااا. وبيكم عليها. چومانه،، يعني إيه أمي التانية هتروح؟

لارين،، هي كانت بتوصلني بيتي عشان تروح مني. مش عايزة أتزفت. أنا عايزة اختي يا چوووووودي. أنا لسه محتاجاكي. داخل أوضة العمليات. الدكتور بيعمل كل اللي يقدر عليه عشان ينقذ حياتها. وبيخرج وهو حزين. مستر بدر،، طمني يا دكتور. الدكتور،، مخبيش عليك. هي في لحظاتها الأخيرة. ياما حذرتكم محدش سمع كلامي. والإعمار بيد الله. چودي بعد ما تتنقل أوضة العناية وتفوق تطلب تشوف منه واخواتها. چودي وهي في حالة لا يرثى لها: مالكم يا بنات؟

نور مينفعش أشوف دموعكم. خدوا بالكم من نفسكم وسامحوني لو كنت قصرت في حاجة. إنتوا أغلى ماليا. خدوا بالكم من بعض وخلو بالكم من خالتكم من بعدي. هسألكم عليها في الآخرة. البنات وجوزهم. محدش قادر ينطق من الصدمة. لارين،، چودي لا ونبي ورحمة ماما ما تسيبيني. أهون عليكي. چومانه،، چودي أنا عارفة إن كل ده هزار. إنتي مش هتمشي. صح. استغفر الله العظيم من كل ذنب عظيم ♥️ 🙏 ♥️ منه،، چودي هو أنا فعلاً أكبر منك وخالتك؟

بس والله أنا بستقوي بيكي. أوعي تعملي زي نور وتسبيني. عشان خاطري. چودي،، هات إيدك يا يامن إنت وتيم. أوعدوني إنكم تحافظوا على البنات ومنه. تيم،، هو وعد. أحافظ عليهم لآخر نفس فيا. بس قومي إنتي. إحنا كلنا محتاجين لك. يامن،، چودي أوعدك أحافظ على أمانتك. بس صدقيني البنات عايزينك أكتر مننا.

چودي،، مستر بدر. أنا مش عارفة أقولك إيه بجد. بشكرك على تعبك معايا. 15 سنة وانت في ضهري. كنت ونعم الأب. أنا أول مرة أقولها بس أنا بحبك يا بابا. مستر بدر والدموع على خده: وإنتي كنتي ونعم البنت. صبرتي على مرضك. ووقفتي قدام الدنيا وحرمتي نفسك من كل حاجة لحد ما وصلتي أخواتك بيتهم. يكفيني فخر إني أسمع منك كلمة بابا. چودي،، كمل من بعدي يا بابا وخد بالك من أخواتي ومنه. مستر بدر وهو بيعيط بصوت: أوعدك يا بنتي. أوعدك.

چودي وهي عينها على الباب وشايفه روح أمها وبتضحك ليها وبتمد ليها إيدها. مامانور،، كفاية كده يا چوجو. تعالي معايا يا روح قلب ماما. چودي وهي بتضحك وآخر كلمة نطقتها: أشهد أن لا اله الا الله. وأشهد أن محمد رسول الله. وفجأة أيدها بتقع. والدكتور بيكشف عليها. الدكتور وعينه في الأرض: البقاء لله.