رواية ام لاخواته (ا الفصل السادس عشر 16 - بقلم نورهان اسماعيل

چودي، نعم ياروح أمك. تيم، على فكرة عيب كده، أنا غلطان يعني إني بعرفك إننا مسافرين. چودي، احنا مش اتفقنا على كده، إزاي يعني أقعد شهر مش أشوف أختي، مقدرش. تيم، طيب ممكن تجيبي البنات وتيجي نقضي باقي اليوم مع بعض علشان السفر بالليل، ولما توصلي نبقى نتفاهم. وبيقفل معاها ويبص لـ چومانه. چومانه، عجبك كده، قولتلك نعرفها قبلها. تيم، يخربيتك، والله العظيم إنتي خلاص بقيتي مراتي، أستأذن في حاجة تخص مراتي.

چومانه، مش قصدي، بس إنت عارف من يوم أهلي ما اتوفوا وإحنا عايشين مع بعض، عمرنا ما افترقنا نهائي. تيم بيمسح الدمعة اللي نزلت. تيم، إنتي بتعيطي؟ يا فضيحتي يا خبتي، مكنش يومك يا تيم. چودي على وصول وچومانه بتعيط، يعني هتتنفخ النهارده. آآآه، طيب الحق أهرب دلوقتي. وبيبص لـ چومانه. تيم، طيب على ما تخلصي عياط، الحق ألم غيارين أهاجر بيهم. وبيجري على الأوضة ينزل شنطة سفر وبيحط فيها هدومه. چومانه هتموت من الضحك على شكله.

چومانه، 😂😂😂😂😂😂 يخربيتك، خلاص والله مش قادرة، ليه كل ده. لا اله الا انت سبحانك اني كنت من الظالمين. 🙏 تيم، إنتي بتضحكي؟ يعني أختك جاية في الطريق وإنتي بتعيطي، ويادوب النهارده تاني يوم جواز. متخيلة هتعمل إيه؟ هتزغرطي يعني يا چوچو؟ هتترملي قبل ما تغيري بطاقة متزوجة حتى. 🤧🤧🤧🤧🤧😭😭😭😭 چومانه، 🤣🤣🤣🤣🤣 كفاية والله، أبوس إيدك كفاية. تيم بيروح عليها وهو سرحان.

تيم، يخربيتك، ضحكتك حلوة أوي وعيونك المتكحلة رباني، يا خواتي عليهم، وشعرك لو سواد الليل، بحس إني تائهة قدامك، مش مصدق إنك بجد ملكي. چومانه، إنت أحلى نعمة بحمد ربنا عليها، كنت فاكرة قلبي مش هيحب بعد منه ومن أخواتي، بس بعد ما شوفتك وأنا حاسة إني امتلكت الكون، بحبك يا تيمو. تيم، وأنا بعشقك يا قلب تيمو. وبياخدها في حضنه ويبوسها بعشق، وهي بتبادله. وفجأة الباب بيخبط جامد وبيتخض. چومانه، دي چودي 😍😍 تيم، ملحقتش أهرب 😱😱😳😳.

وبيجري على الحمام. تيم، لو سألتوا عليا أنا هجرت. چومانه بتطلع تجري تلاقي البنات وبتكون فرحانة قوي وبتجري على حضن منه. چومانه، وحشتيني قوي يا موكه. منه، إنتي اللي وحشتيني يا قلب مكه. چومانه، چودي. وبتحضنها. چودي، سلمي على أخواتك، على ما أشوف الحيوان ده فين. إنت فين يا قلب أمك، تعالالي بقى يا معفن، جوزك أختي واخليك تسكن جنبي علشان تاخدها وتبعدها عني شهر. طيب إيه رأيك هخليك تطلقها ودلوقتي؟ جوزك فين يا چومانه؟

چومانه وهي في حضن لارين في الحمام. چومانه، في الحمام يا قلبي. چودي، هو إنتوا الاتنين تخصص حمامات؟ قسم مرحاض. وبتدق عليه جامد. تيم من جوه الحمام، عيشي يا أصيلة، بتسلمي جوزك تسليم أهالي. چودي، ورحمة ماما لو ما طلعت دلوقتي لأكسر الباب. تيم وهو بيفحص وبيطلع يجري. تيم، وعلي إيه أنا ملحقتش أفرح بالشقة. في نفس الوقت بيكون وصل يوسف علشان يبارك ليهم في الصبحية. تيم بيشوفه يجري يستخبى وراء. چودي بتجري عليه.

تيم، الحقني يا يوسف، چودي عايزة تاكلني. يوسف، هو إيه اللي بيحصل بالظبط هنا؟ چودي، الجزمه، أخوك عايز ياخد أختي ويسافر شهر بره مصر. وبتضرب تيم. يوسف بيمسك إيدها. يوسف، طيب اهدي. أول ما بيمسك إيدها بتحس نبض قلبها بيزيد وبتبص في عيونه وتسرح. عينيهم بتتكلم ليه؟ مش قادرة أحس بحبي، سامحني. المسؤولية اللي عندي كبيرة قوي. هشيلها معاك، أنا بعشقك. وأنا كمان بعشقك، بس مش هقدر.

كل ده تحت نظرات منه اللي فرحانة قوي وبتدعي يكون من نصيبها. بيفوقوا هما الاتنين على تيم. تيم، ما خلاص بقى يا چوچو، كل الحكاية عايزين نعمل شهر عسل مش أكتر. چودي، وإنتي موافقة يا حاجة چومانه؟ چومانه، والله يا چودي أنا مليش دعوة، هو اللي عايز. چودي بعد ما حست إن چومانه عايزة السفرية دي، بتوافق بشرط التليفون مش يتقفل. وبيفرحوا جدا. چودي بتغمز لـ چومانه وبتشاور ليها على مكان. چومانه فضلت تضحك. ولارين أخدت بالها وفطست ضحك.

ومنه معاهم. اللهم صل وسلم وبارك على سيدنا ونبينا وحبيبنا وشفيعنا محمد وعلى آله وصحبه أجمعين. 🙏 تيم وهو بيهرش في شعره. تيم، هما بيضحكوا على إيه؟ يوسف، احم، بص على المطبخ وانت تعرف. بيبص يلاقي روضة فاتحة علبة قشطة وعلبة مربى الفراولة بتعمل سندويتش ولا على بالها حاجة. تيم، نهار أسود، سندويتش مربى الفراولة بالقشطة دي بتاعتي. روضة، قولت أتسلى على ما تخلصوا خناق، وبعدين إيه يعني أكلت أكلك، خسارة فيا.

تيم، لا إزاي، خسارة فيا. كلهم فضلوا يضحكوا عليهم. منه، روحي يا چودي إنتي ولارين وروضة اعملوا الفطار، وأنا هدخل الأوضة أتكلم مع چومانه شوية، وأقعدي إنت مع يوسف على ما الأكل يجهز. منه، إيه الأخبار؟ طمنيني يا قلب خالتك. چومانه بكسوف بتفتح الدرج وبتطلع محرمة شرفها. ومنه فضلت تزغرط. يوسف بيحضن أخوه قوي. يوسف، مبروك يا وحش. تيم، الله يبارك فيك يا قلب أخوك، عقبالك. يوسف، مش باين والله. وشكله بيكون حزين.

تيم، تعرف أنا متأكد إنها بتحبك، بس اعذرها، هي أهي اطمنت على واحدة، فاضل واحدة، هانت. يوسف، مش فارق معايا، أستناها لحد ما تجوز لارين كمان، بس المهم أكون في قلبها، أتأكد إنها بتحبني وأستناها، والله العظيم العمر كله. تيم، بإذن الله هتكون من نصيبك. يوسف، يارب.

البنات بيجهزوا الأكل وبيفضلوا معاهم لحد ما يوصلوا المطار ويرجعوا البيت. بيعدي شهر من غير أحداث جديدة. ياسمين خرجت من المستشفى وطلبت نقلها في محافظة تانية شوية وقت لأنها مكسوفة من البنات. ولارين بدأت تقرب من يامن واتعلقت بيه جدا. منه، اخلصي يا لارين، چومانه قربت توصل. لارين، كل حاجة جهزت أهو، وبعدين أنا كلمت چودي دقيقتين وهتلاقيها هنا. منه، وروضة فين؟ استغفر الله العظيم من كل ذنب عظيم. 🙏

لارين، بتغسل المواعين جوه أهي، وأنا جهزت السفرة. الباب بيخبط وتفتح لارين تلاقي چودي. چودي، السلام عليكم. كلهم، وعليكم السلام. چومانه لسه ما وصلتش. منه، زمانها على وصول، ادخلي غيري هدومك وصلي العصر يكونوا وصلوا. بتعمل چودي زي ما منه قالت ليها. وبتوصل چومانه واللي باين عليها التعب قوي. چودي، أول ما بتشوفها. چودي، مالك؟ في إيه؟ شكلك تعبان كده ليه؟ تيم، ربنا يستر. چومانه، مفيش، حاسة بس بشوية تعب خفيف.

منه، أجيبلك دكتور طيب؟ چومانه، لا مش مستاهلة، شوية وهكون كويسة. وبيروحوا كلهم يأكلوا. لارين، خدي يا ستي، عملتلك محشي ورق العنب اللي بتحبيه. چومانه أول ما بتشوفه بتجري على الحمام تستفرغ. وكله بيجري وراها. چودي بتمسح وشها وهي هتموت من الخوف. چومانه بتخرج من الحمام وقبل ما تتكلم بيغمى عليها. چودي بتجري على تيم. چودي، تفضل تضرب فيه. چودي، عملت فيها إيه يا حقير يا زبالة؟ والله لأخلص عليك. وطلعت المسدس وتوجهه عليه.

منه، استهدي بالله، رحمة نور، نطمن عليها ونعمل اللي إنتِ عايزاه. وتيم هيموت من الخوف على چومانه. بتوصل الدكتورة تكشف عليها تحت قلق الكل. وبعد وقت. الدكتورة، مبروك، المدام حامل. تيم، والله ما ليا دعوة. وجودي بتجري وراه. چودي، إنت تعمل في أختي كده؟ كل ده يحصل في أختي بسببك؟ تيم، خلاص والله ما هعمل كده تاني، أنا آسف. چودي، بعد إيه يا روح أمك، بعد إيه؟ إيه إيه؟ ثانية واحدة، هي الدكتورة قالت إيه؟ لارين، وهتفطس من الضحك.

لارين، قالت إننا هنبقى خالتو. چودي، حبيبي يا تيمو. تيم، إيه؟ يعني أنا هبقى ماما وأرضع وأغير بامبرز وأسهر طول الليل مع بيبي شبه چوچو؟ لارين، 😂 😂 😂 😂 هي الإيه انقلبت ولا إيه؟ چومانه بتفوق وبتعرف إنها حامل وبتبقى طايرة من الفرحة. چومانه، مبروك يا تيمو. تيم، مبروك عليكي إنتي يا قلب تيمو. منه، مبروك يا روحي، ربنا يقومك بالسلامة ويحفظه ليكم يا رب، أخيرا هبقى تيته. لارين، وأصغر تيته والله.

روضة، الله، وأنا هبقى خالتو، بصي عليا كتير عشان يطلع شبهي. چودي، إنتي بالذات ابعدي عنها لحد ما تولد أحسن لك، مش عايزة البيبي يطلع مفجوع زيك. وبضحكوا كلهم. وبتعدي الشهور وبييجي وقت ولادة چومانه. چومانه، اصحي يا تيم، مش قادرة، وبتعيط. تيم، يعني أعمل إيه؟ وبيكون متوتر جدا. تيم، طيب افتحي رجلك وأشده طيب. چومانه، يخربيت الأفلام، هاتلي چودي. بيتصل بيهم وكلهم بيروحوا المستشفى. چومانه وهي داخلة أوضة العمليات.

چومانه، آآآه هموت، مش قادرة، الحقونييي 😭😭😭😭😭. بتدخل تولد تحت توتر الكل. وبنسمع صوت الباشا الصغير. بتخرج الممرضة بالمولود. الممرضة، ألف مبروك، جابت ولد زي القمر. منه بتاخده. منه، بسم الله ما شاء الله، قمر زي أمه. وبتوديه لتيم. بيشيله وهو فرحان بيه. بيأذن في ودنه. لارين، هتسميه إيه؟ تيم، لا ده أقل حق عليا، چودي اللي تسميه. چودي، إيه؟ أنا؟ لا طبعاً، ده ابنك. تيم، بس ليكي فيه أكتر مننا، ده حقك.

لا اله الا انت سبحانك اني كنت من الظالمين. 🙏 چودي بتخده وبتحس بشعور غريب قوي جواها، بتخده في حضنها قوي، بتحس إنها فرحانة وخايفة وزعلانه حاجات كتير قوي مش قادرة تحددها. چودي، هسميه ريان، ريان العطار، قلب چودي وراجلها. وبتحس إنه ابنها. هي بترفع عينها تلاقي يوسف واقف قدامها. يوسف بيبوسه على إيدها. يوسف، أحلى اسم، عقبال ابننا. چودي وهي سرحانة. چودي، يارب. ويوسف بيسمعها وبيفرح قوي. چودي بتفوق. چومانه بتروح غرفة عادية.

چومانه، هاتوه أشيله. چودي، سمي الله وامسكي ريان باشا، أهو. چومانه، الله، حلو قوي، ريان، مين اللي سماه؟ تيم، أكيد چودي طبعاً. چودي، طيب رضعيه بقى عشان چودي مش تتأخر. تيم، هتخدي ابني فين يا أختي؟ قرطاس لب واقف. چودي، في حاجة يا تيم؟ تيم، احم، يلا رضعيه عشان چودي مش تتأخر. چودي بتاخده وبتروح لتربة نور. چودي، روحي قلبي ونبض روحي، إيه رأيك يا ستي؟

حفيدك أهو، ريان باشا ابن چومانه، شوفي حلو وصغنن قوي إزاي، وچومانه كمان كويسة الحمد لله. سلمي على تيته يا رينو يلا. دي تيته نور أجمل وأحلى خلق الله، مامت ماما، هي سبقتنا على الجنة، وإنت إن شاء الله بعد عمر طويل قوي تقابلها في الجنة وتخدك في حضنها. على فكرة حنين قوي يا رينو. والطفل بتظهر على وشه شبح ابتسامة خفيفة. چودي بتفرح قوي. چودي، إنت حاسس بيها صح؟ بيعيط عشان عايز يرضع.

چودي بتوصل المستشفى وتبدأ تحس بصداع غريب عنها شوية، بس بتاخد مسكن وبتتجاهل التعب وبتدي ريان لأختها. چودي، إنتي روحتِ لماما تشوفي ريان صح؟ روضة، أكيد طبعاً، ولما تقومي بالسلامة نروح ليها سوا. چودي، طيب أنا هنزل أصلي الظهر في المسجد اللي تحت البيت. وبتنزلي تصلي. بيخطف قلبها صوت الشيخ. وبعد الصلاة بتخرج وتلاحظ إن ده صوت الشيخ أحمد إمام المسجد اللي في منطقتها. و بتشوفه وهي خارجة. الشيخ أحمد بيشوفها ويروح عليها وهو قلقان.

الشيخ أحمد، احم، حضرتك كويسة يا آنسة روضة؟ روضة وقلبها بينبض بشدة. روضة، آآآه الحمد لله. الشيخ أحمد، إنتي بتعملي إيه في المستشفى؟ روضة، چومانه ولدت النهارده، جابت ريان. الشيخ أحمد، مبارك عليها يا رب، يجعله بار لأهله. روضة، احم، ممكن تيجي تأذن ليه وتقرأ ليه شوية قرآن يحفظه؟ طبعاً روضة بتتلكك يا جماعة، هي عايزة يفضل معاها شوية. الشيخ أحمد وهو فرحان إنه شافها. الشيخ أحمد، أكيد طبعاً، يلا بينا.

وبيوصل يسلم عليهم ويكبر في أذن ريان ويقرأ ليه شوية قرآن. وبيروح لـ تيم. الشيخ أحمد، مبروك عليك يا تيم. تيم، الله يبارك فيك، عقبالك يا أحمد. الشيخ أحمد، بإذن الله يا صاحبي. بقولك إيه، عايزك تكلم چودي تاخد معاد مع أهل روضة. تيم، زين ما اخترت، روضة بنت حلال وتستاهل كل خير. الشيخ أحمد، طيب أهلها هيوافقوا آخدها معايا الغردقة؟ إنت عارف إن شغلي هناك. تيم، بإذن الله هيوافقوا. وفعلاً أحمد بيتقدم لأهل روضة وبيرحبوا بيه جداً.

وجودي بتشترط عليه الفرح يكون مع لارين بعد الكلية وكلهم بيفرحوا جدا. بيعدي كمان سنة. چودي عندها صداع مستمر وبدر بيغصب عليها وياخدها ويروح يكشف عليها. و بتعرف إن عندها كانسر في المخ ولسه في المرحلة الأولى. الدكتور، لازم تتعمل عملية بأسرع وقت، احتمال كبير نلحقه. چودي، وإيه الآثار الجانبية للعملية دي؟ بدر، مش مهم، نفذ فوراً. چودي، ثانية واحدة يا أونكل، إيه يا دكتور؟

الدكتور، حالات كتير بتدخل في غيبوبة، وحالات تانية بتفقد الذاكرة. چودي، اكتب لي مسكنات. الدكتور، وليه مسكنات مادام بأيدينا نلحقك؟ يا حي يا قيوم برحمتك استغيث، اصلح لي شأني كله ولا تكلني إلى نفسي طرفة عين. 🙏 🙏 بدر، إنتي بتقولي إيه؟ چودي، معلش، اكتب لي مسكنات، وإن شاء الله أرجع لك. وبتاخد الروشتة وتخرج. بدر، إنتي أكيد اتجننتي صح؟ إزاي أصلاً فكرتي كده؟ لازم نعمل العملية. چودي، أطمن على لارين ومنه وبعد كده أعملها.

بدر، إنتي اتهبلتي صح؟ وليه نستنى سنتين مادام نقدر نلحقه من دلوقتي؟ چودي، وأدخل في غيبوبة؟ والله أعلم هفوق إمتى؟ أو أنسى أخواتي؟ صح مستر بدر؟ عشان خاطري أوعدني يكون سر بنا. بدر، إنتي اتجننتي؟ عايزاني أشوفك وإنتي بتموتي بالبطيء وأسكت؟ مستحيل. وبيسيبها وبيمشي. بتمسك إيده. چودي، وحياة حب نور في قلبك وافق. بدر بيتسمر مكانه.

بدر، أنا عارف إنك بتحبي أمي وعشان كده رافضة الجواز، عشان كده احلفي على المصحف إنه يكون سر، وأنا أوعدك اليوم اللي لارين تدخل بيتها أنا هدخل أتعالج. وبيحلف بدر تحت إصرارها. بيتصل عليها يوسف. يوسف، إحنا طالعين مهمة، عرفنا مكان إرهابي، طالعين نقبض عليهم، والمفروض إنك معانا، هبعتلك اللوكيشن. چودي، عشر دقائق وأكون عندك، عن إذنك يا أونكل، عندي مهمة، هخلص وأكلمك. وبتقوم تجري توصل المكان وبتقابل يوسف. يوسف، جاهزة؟

چودي، جاهزة يا فندم. يوسف، طيب خدي بالك عشان زارعين ألغام في الأرض. چودي، تمام يا فندم. لا اله الا الله. محمد رسول الله. وفعلاً بينفذوا المهمة وبعد ما بيقبضوا عليهم كلهم وبيخرجوا. يوسف، ليه مش مديني فرصة أعبر لك عن حبي؟ ست سنين وإنتي عارفة إني بعشقك زي ما أنا عارف إنك بتعشقيني. ليه بتهربي منه؟ چودي وهي مصدومة بتلاقي واقف فوق لغم ولو اتحرك هينفجر. يوسف، إنتي اتجننت؟

چودي، الجنان إني استحمل بعدك عني أكتر من كده، قوليها وريحيني وأنا أستناكي العمر كله. يوسف، بلاش هبل، خليني أساعدك. يوسف، وأنا مش هتحرك غير لما أسمعها منك. چودي، ،،،،،،،،،،،، يا ترى چودي هتعرف بحبها لي يوسف؟

آسفة على التأخير بس التفاعل ولا الكومنتات وصلت حتى 300 يعني فعلاً مفيش تشجيع نهائي ولا شغف. وعلى العموم الرواية قربت تخلص. ياريت تفاعل حلو عشان أقدر أنزل بارت تاني النهارده، وده وعد مني لو التفاعل وصل لحد 400 هنزل بارت النهارده تاني. ورحمة ماما. وطبعاً مش عايزين ننسى ندعي لوالدة صاحبتنا روضة بالشفاء العاجل. ام لاخواتها ♥️ نورهان إسماعيل