رواية ام لاخواته (ا الفصل التاسع 9 - بقلم نورهان اسماعيل

چودي،، عايزين تعرفوا إيه اللي حصل؟ لقيتها النهاردة مع توتة، وهمت قاعدة في كافيه بتشرب فراولة! يعني أكتر حاجة عندها حساسية، الأبلة قاعدة بتشربها! منة،، ليه كده يا چومانه يا بنتي؟ يعني انتي غاوية تتعبي نفسك؟ ده إحنا ما بنصدق تبقي كويسة. چومانه،، معلش يا منة، نفسي راحتلها. وبتبص لي چودي اللي بتبص ليها بنظرة خذلان، وتسبها وتدخل الأوضة بتاعتها. ونروح عند ياسمين. ياسمين،، بصدمة، لي لي كده يا تيم؟

ده انت مش صاحب أخويا، ده أنا بعتبرك مني! ده چودي لما كانت بتشوفك في بيتنا كنت بقولها: "ده أحسن من أخواتي نفسهم! " تخسرني صاحبة عمري كله؟ يعني أختها كانت بتيجي عندي عشان تذاكر ليها هي وأختي، وأنت تبص عليها كده؟ منك لله، منك لله يا أخي! وبتتصل على فاطمة. ياسمين،، انتي فين؟ فاطمة،، هكون فين؟ خلصت التدريب وجيت آكلت، يا أختي، هروح فين؟ أي ده؟ مال صوتك؟ فيه إيه؟ ياسمين،، مصيبة! الحقيني. فاطمة،، يخربيتك! انتي فين أصلاً؟

ياسمين،، أنا في كافيه. فاطمة،، خلاص عشر دقايق وأكون عندك. وبتروح ليها. فاطمة،، احكي بقى إيه اللي حصل. ياسمين،، معرفش. چودي قالت تعالي نروح مشوار، رحت معاها. لقيت... وبتحكي ليها اللي حصل. فاطمة،، يانهار ملوش ألوان! طبعاً چودي في دماغها إنك عارفة.

ياسمين،، لا طبعاً. اللي زعل چودي إني معرفتش أحافظ على أختها في بيتي. وأنا كل نيتي إن تيم جارنا ودكتور في كلية هندسة، غير عنده شركة هندسة. قولت بما إنه مهندس هيعرف يذاكر للبنات ويشجعهم يجيبوا مجموع يدخلوه هندسة. وهو عشان صاحب أخويا وافق. معرفش إن الأمور هتوصل لكده نهائي. فاطمة،، طيب وبعدين؟

المشكلة جاية في أختها. يعني لو كنتي جيتي عليها نفسها مكنتش هتعمل كل ده. انتي عارفة هي بتحب أخواتها وخالتها إزاي. عمتاً أنا هقوم أروح عندها وأرجعلك. وعند تميم. نتعرف عليه الأول. تيم وسيم جداً ومحترم قوي، حاجة كده فاخر من الآخر. عنده شركة هندسة، صاحب أخو ياسمين. وأصحاب جداً، وكان بيذاكر لـ چومانه وأخت ياسمين رغم اعتراض چودي. نرجع للأحداث. تيم،، يوسف! يوسف! يوووووووووووسف! يوسف،، بتنعر ليه شبه البهائم كده؟

وبيكون نازل من سلم الفيلا. تيم،، الحقني! چودي عرفت علاقتي بأختها. يوسف،، وإيه المشكلة؟ ما أنا قولتلك إنها هتعرف. تيم،، طيب والعمل؟ چومانه هتروح مني. ولو اختارت بين أختها وأي حد، والله ما هتعرفني تاني. يوسف،، وهو بياكل، والله بنت جدعة. تيم،، انت عايز تحرق دمي وخلاص؟ يا عم أبوس إيدك اديني حل. يوسف،، بيحط إيده على كتفه وبيرفع حاجب، بتحبها ياض؟ تيم،، بحبها؟ بس ده أنا عديت المرحلة دي من زمان قوي. عشان خاطري ساعدني.

يوسف،، امممم تمام. قولتلي أختها في كلية إيه؟ تيم،، أختها تبقى تبقى تبقى... يوسف،، انطق! إيه؟ رقاصة؟ تيم،، أختها چودي زكريا، وحش الكلية. يوسف،، نعم يا أخويا! الطالبة اللي كسرت العساكر بتوعي في التدريب؟ بقي اللي عاملة شكوى في الإدارة بتقول عايزة أضرب مع رجالة؟ بجد تبقى أختها؟ ده أنا هدخل قصادها التدريب الجاي. تيم،، احي! يعني البت ضاعت مني يا ماما؟ الحقيني! الحقوني يا ناس! وبيتطلع فوق. تيم،، يوسف أبوس إيدك، أبوس رجلك!

الحق قلب أخوك الصغير. يوسف،، بذمتك ده شكل تيم العطار؟ أكبر مهندس في القاهرة وكمان دكتور في الجامعة. تيم،، هو بقي فيها جامعة؟ ما احتمال أختها تصرف نظر يا أخويا. يوسف،، طيب خلاص أهدأ. فضحتنا. أنا هتصرف. تيم،، بجد؟ يعني توعدني؟ يوسف،، أوعدك. هي في الأول والآخر بنت، يعني جبانة، هتتكسف. وآخرها تقول تدخل البيت من بابه. تيم،، آه أكيد. وفي سره: والله يا ابني على كلام چومانه، مستحيل. دي دماغها صعيدي أصلي. وبعت رسالة لـ

چومانه محتواها: "اهدي يروحي، أنا كلمت يوسف يكلمها. نتخطب وتعرف إني غرضي شريف وتسامحك. أنا مستحيل أتخلى عنك مهما حصل. ووعد هتكوني أم ولادي. بحبك." چومانه شافت الرسالة من بره، فرحت بس فرحتها مكسورة بسبب زعل أختها. وعند چودي. منة دخلت ليها. منة،، بنت نور، أنا عارفة إن اللي قولتي مش هو الصح، وفيه حاجة أكبر بكتير. وأنا مش عايزة أعرف مدام مش عايزة تحكي.

بس اللي عايزة أقوله ليكي: اوعي أخواتك يخافوا منك. خليهم يخافوا على زعلتك. ده أحسن ما يخافوا منك. چودي،، متخافيش يا خالتو. أنا عارفة هتصرف إزاي. متشغليش بالك. انتي أخدتي العلاج بتاعك؟ منة،، بابتسامة، مدام قولتي يا خالتو، مش منة، يبقى عايزة تقعدي مع نفسك. أنا هقوم أخلي لارين تعملك فنجان قهوة وأسيبك تفكري في اللي شاغل بالك. وبتسيبها وتخرج. وهي قاعدة في بلكونة الأوضة بتاعتها، مغمضة عينيها ودموعها بتنزل بصمت.

بتدخل عليها فاطمة. فاطمة،، السلام عليكم ورحمة الله وبركاته. چودي،، وعليكم السلام. تعالي يا فاطمة اقعدي. فاطمة،، ياسمين كلمتني وحكت ليا اللي حصل. مش شايفه إنك زودتيها معاها شوية؟ هي ملهاش ذنب. الحب مش بإيدنا. ودي في الأول والآخر كانت هتحب، خصوصاً إنها في فترة مراهقة.

چودي،، بتقاطعها، طيب ما أنا كمان في نفس سنها وعمري ما فكرت في الكلام ده. أنا مش منعتها ولا حرمتها من حاجة. كل اللي كنت عايزاه يكون في إيدها شهادة. عمر الراجل ما كان سند للست. الشهادة هي اللي بتنفع. إحنا مالناش أم ولا أب ولا عم ولا يعتبر خال. ملناش حد غير ربنا. مستعجلة على إيه؟ لسه قدامها أربع سنين كلية. يبقى بدل ما بتفكر في أم الحب والكلام الفاضي، تفكر في مستقبلها. افرضي بيضحك عليها؟ افرضي أخدها نزوة؟

افرضي نزل دموعها جرحها؟ إيه هتستفاد إيه؟ فاطمة،، مش ملاحظة إنك مكبرة الموضوع؟ أنا اللي عرفته إنها على علاقة بيه من سنة ونص، ومع ذلك، ماشاء الله، كالعادة بتطلع من الأوائل. چودي،، غيري الموضوع بجد، لإن مش قادرة أتكلم. فاطمة،، طيب وياسمين ذنبها إيه؟ چودي،، معرفش حد بالاسم ده. اللي مش بيحافظ على عرضي، ميستهلش أحافظ عليه. المهم بكرة عندنا تدريب، متنسيش.

فاطمة،، فكرتيني والله. بقي بتبعتي تقولي إن اللي بيدخل يضرب معانا رجالة؟ ورق أهو، هيبعته يوسف العطار يدرب معاكي. اشربي بقى. چودي،، وإيه المشكلة؟ اهو نفرغ فيه الغضب اللي جوايا. بتصحي تاني يوم. بيكونه بيفطروا. چومانه،، صباح الخير. وعينيها في الأرض. لارين،، صباح الأناناس على أحلى ناس. منة،، صباح القمر يا روحي. اقعدي افطري. چودي مش عايزة تقعد.

چودي،، لا معلش، اتأخرت. يدوب ألحق التدريب ده يعتبر من الاختبارات، وعشان أعدي على الشركة. لارين،، ما أنا لبست أهو. چودي،، رايحة فين انتي كمان؟ لارين،، هاجي معاكي اتفرج. چودي،، رايحة أرقص أنا يا أختي. أنا رايحة تدريب الكلية. لارين،، نفسي أقضي اليوم معاكي. چودي،، صبرني يا رب. تمام، خدي الشنطة دي للعربية وأنا نازلة وراكي. چودي،، خدي يا منة مصروف الشهر اهو، وهجيب خزين البيت وأنا راجعة، والعلاج.

منة،، تسلميلي يا بنت الغالية. طيب، وچومانه مش هتاخد مصروفها؟ چودي،، من غير ما تبص ليها، البركة فيكي. بس اشحني ليها رصيد عشان تعرف تكلم صحابها في المول. وبتنزل تأخد لارين وتروح الكلية. بتدخل الكلية تقابل ياسمين وفاطمة. بتسلم على فاطمة وتبص نظرة خذلان لـ ياسمين وتمشي من غير ما تكلم. بتلاقي مكان التدريب في حالة هلع عشان يوسف العطار هيجي يضرب مع الطلبة وكله بيكون خايف. چودي،، هو جون سينا اللي جاي ولا إيه؟

يلا الحق ألبس لبس التدريب. بيدخل يوسف. يوسف،، فين بقى الشبح اللي مش عاجبها حد؟ بتدخل چودي وهي لابسة شيرت أسود قطن وتيشيرت حمالة أسود وعاملة شعرها ديل حصان ونازل خصل بطريقة عشوائية مما زادها جمال وطلة تسحر. يوسف،، مين دي؟ الكابتن،، هي دي اللي هتلاعبك؟ چودي زكريا، عاملة معادلة عشان تتخرج السنة الجاية. يوسف،، احي! ده قضايا الآداب هتكون في القسم بعد كده. چودي،، أهلاً يا حضرة الضابط. يوسف،، احم احم. أكيد جاهزة؟ يلا بينا.

بيلاعبوا بعض، وبعدين بيتفاجئ باللياقة البدنية بتاعتها، وبتكون زي الفراشة في خفة حركتها والوحش في هجمتها. ويوسف في ملكوت تاني. بيتخيلها في فرحهم بالفستان. بيفوق. وچودي موقعة على ضهرها. يوسف،، ااه ياهبتك اللي وقعت قدام الناس. وبتكسب چودي. لارين،، هاااااا عاش يا وحش! وبتفرح جداً. چودي،، طيب هروح أغير هدومي عشان نروح الشركة. بتطلع وهي لابسة بنطلون جينز أسود وتشيرت أسود وكوتشي، ولمة شعرها ديل حصان طويل.

يوسف بيتفاجئ بشكلها اللي اتغير 180 درجة. يوسف،، مبروك. عاش. چودي،، الله يبارك فيك. عن إذنك. يوسف،، مش نتعرف طيب؟ أنا يوسف العطار، أخو تيم العطار، اللي مرتبط بأختك. چودي وهي بتبص في عينه بجبروت.