رواية ام لاخواته (ا الفصل الثامن 8 - بقلم نورهان اسماعيل

بتكلمي مين يا چومانه؟ چومانه بتقع من أيدها التليفون. دي دي واحده صاحبتي. و مالك اتخضيتي كده ليه؟ چومانه مسكته بسرعه. كنت سرحانه شويه بفكر صحابي عايزين نحتفل كلنا النهارده، وأنا كنت بفكر. انتي عارفه إننا هنحتفل مع البنات ومنه ومستر بدر، حاولي تأجيلها لبكره إن شاء الله. تمام حاضر. طيب يلا بينا. وفي سرها: يا ترى مخبية إيه عني يا بنت نور؟ ده كان سر بينكم ولا إيه؟ لا خالص، مش يلا علشان نلحق باقي اليوم ولا إيه.

أكيد طبعًا، يلا بينا. وبيمشوا، بيخدهم وبيكون حاجز كافيه شيك جدًا، شكله يخطف العين. والبنات كلهم فرحانين. تعالوا بقي يابنات، خدوا الهدايا بتاعتكم. اتفضلي لاب توب، آيفون آخر حاجة نزلت علشان الكلية. الله، ده حلو جدًا بجد، شكرًا ليك قوي. على فكرة أنا ناجحة تانية إعدادي. هههههههههههههه، متأكدة ياروحي؟ اتفضلي ياقلبي آيفون 15 برو ماكس. لا إله إلا أنت سبحانك إني كنت من الظالمين. يس، هي دي الهدايا ولا بلاش. افرحي ياقردة.

لا حول ولا قوة إلا بالله، أنا مش عاوزة أتخانق النهارده. يابت لمي لسانك. أنا كل ده واقفة أتفرج، مش هتكلم هه. ارحموا نفسكم بقى. چودي، أنا عاملك مفاجأة صغيرة، وأتمنى تقبليها مني، ورحمة نور ما تكسفيني. وبياخدها قدام المطعم، بيوريها عربية صغننة وعليها شريط كبيرة شبه الهدية. ليه طيب التعب ده؟ أنا مقدرش أقبله.

أنتِ خلاص قربتي تبقي ظابطة قد الدنيا، مينفعش تركبي مواصلات والكلام ده، وعلشان تعرفي توصلي چومانه الكلية بتاعتها وتلحقي كليتك. بجد شكرًا ليك، ربنا ما يحرمني منك. ولا منكم. وطبعًا مقدرش أنسى منه، اتفضلي تابلت آيفون آخر حاجة نزلت، وعليه باقة مفتوحة. تسلملي، ربنا يخليك ليا يامستر بدر. طيب مش يلا يابنات علشان نلحق نروح بقي، وإنتي يا آنسة چودي لحد ما تخلصي الكلية، إنتي شغالة لسه عندي، يعني هخصملك بعد كده ها. تمام يافندم.

وبتحيي التحية العسكرية، وبيضحكوا كلهم ويمشوا. بيوصلوا البيت. چودي، تعالي يا چومانه الأوضة ورايا، عايزة أتكلم معاكي. چومانه راحت ليها وهي مرعوبة وخايفة جدًا. نعم يا چودي. چودي، أنا هعمل كابتشينو تشربي؟ إنتي لسه هتسهري. آه، هلعب جيم ليدو مع البنات على التليفون، اتفقنا نفتح كمان نص ساعة. تمام ياقلبي، اعملي ليا واحد معاكي تشربي يا چومانه. چومانه، والخوف في عينها. ها، لا لا مش عاوزة. أحسن وفرتي. وبتروح تعمله.

چودي بتفرد ضهرها على الكرسي وبتحط رجل على رجل، وبتبص في عينها. ها، خير. چومانه وبيغم عليها من الخوف. خير إيه؟ في إيه؟ أنا اللي بسألك. چومانه بتبص على أي حاجة غير عينيها. صدقيني مفيش، أنا بس تعبانة شوية، لأني كنت متوترة من الامتحان، أسفة. تمام، اتفضلي على الأوضة بتاعتك نامي، ولو في أي حاجة في أي وقت أنا موجودة، ولما أعرف منك أحسن ما أعرف من حد غريب. صدقيني لو في حاجة كنت قلتلك، يلا تصبحي على خير.

وبتروح بسرعة على الأوضة، بتكتم صوت عياطها في المخدة. اتفضلي يا أحلى دودي في الدنيا. تسلميلي يا بوبوس، اقعدي، عايزة أتكلم معاكي شوية. بس كده، يلعن أبو الجيم، إحنا نطول، اتفضلي. مبسوطة يا لارين؟ حاسة إن حاجة ناقصاكي أو محتاجة حاجة؟ حاسة إنك عايزة تعملي حاجة، بمعنى يعني نفسك في حاجة؟ وهي مستغربة الكلام.

لا طبعًا نهائي، والله أنا من يوم ما ماما وبابا اتوفوا وإنتي مش مخليانا محتاجين حاجة، بالعكس، لو حد في البيت ده ناقصه حاجة يبقى إنتي اللي ناقص تسعدي نفسك وتفكري فيها يا چودي، أوعي تفتكري إني مش عارفة إنك صممتي تقعدي في أوضة لوحدك علشان تعرفي تعيطي كل يوم لوحدك بالليل، وإنك عايشة علشان تنفذي كلام ماما بالحرف، إنتي حتى نسيتي إن ماما وصتك كمان على نفسك، عمتاً إحنا كلنا كويسين جدًا، وحتى وإنتي في شغلك أو الكلية، ياسمين وهمت عمرهم ما قصروا نهائي.

إنتي كبرتي إمتى يا بوبوس؟ وبتاخدها في حضنها. حبت تسيب أختها مع نفسها شوية. طيب هخلع أنا، الحق العيال نلعب شوية قبل ما يناموا، وأهو أجرب التليفون الجديد. تمام ياقلبي. وتخرج لارين، وتفضل چودي قاعدة لوحدها تفكر هتعمل إيه مع أخواتها اللي كبروا وكبرت مسؤوليتهم. ونروح عند چومانه وهي بتكلم في التليفون. أنا مبقيتش قادرة أتحمل نظرات چودي. ياما قولتلك بلاش، إنتي اللي مش بتسمعي الكلام.

إحنا ما بنصدق نخلص سنة دراسة علشان نخلص اللي بعدها، إنتي بقى تفكري كده وإنتي في السن ده؟ والله چودي ما تستاهل منك كده، وعمتاً أنا سكت كتير ومش هقدر أسكت أكتر من كده، وأنا بسيبك تضيعي نفسك. كفاية بقى، افهميني، غصب عني. خلاصة الكلام، الموضوع ده لو مش انتهى بكرة، أنا بنفسي اللي هقول لي چودي. إنتي بتهدديني؟ بالعكس، أنا بفوقك، إنتي مش هتخلي چودي مجرد إنها هتخسرك، لا دي كمان هتخسر أقرب حد ليها، فُوقي بقى.

خلاص، أوعدك إني هنهي الحوار ده بكرة، سلام. وبتتصل على رقم تاني، وكل اللي بتقوله: هنتقابل بكرة الساعة خمسة في كافيه،،،،،،،،،، تمام، باي. وبتكون چودي سامعة كل حاجة، وخصوصًا چومانه بتكون فاتحة الاسبيكر وبتسمع كلام همت اللي بينزل عليها زي جردل مياه ساقعة. يارب ما توجع قلبي ولا تضيع تعبي، يارب، اللهم إني مسني الضر وأنت أرحم الراحمين. وبتروح الأوضة بتاعتها تفكر هتعمل إيه تاني يوم. بيصحوا كلهم.

چودي بتلبس بدلة الشرطة بتاعة الكلية وبتطلع علشان تفطر معاهم. إنتي رايحة الكلية النهارده يا دودي؟ آه يا موكه، وهتأخر بره النهارده علشان عندي شغل كتير في الشركة، من يوم ما الباشا شغلني في الإدارة وأنا متمرمطة، مالها بس القهوة معرفش. ربنا يعينك يابنت عمري. چومانه عينيها في طبقه. دودي ياقمر، إيدك على 200 جنيه. اشمعنى؟

بصي من غير لو ولا دوران، عايزة أروح مع البنات الكافيه شوية، ومتقلقيش، فاطمة هتكون معانا، هي كده كده هتكلمك. تمام، اديها يامنه 400 علشان لو حبت تجيب حاجة. وبتبص لي چومانه بصة بتربكها. وإنتي مش رايحة في حتة النهارده؟ ها، آه، هروح برضه المول مع همت وروضة أشتري حاجات النهارده. چودي بتبص عليها. تمام، يلا السلام عليكم. وكلهم: وعليكم السلام. وبتروح التدريب بتاعها. ياسمين؟ إيه يا دودي؟

تعالي معايا الشركة النهارده علشان نروح مشوار أنا وإنتي. هنروح فين يعني؟ مشوار، مش عايزة أروح لوحدي ومش عايزة حد غريب ييجي معايا، وإنتي وفاطمة أقرب ما ليا. وبتحس بقبضة في قلبها وقلق على چودي. تمام يا قلبي، يلا بينا. بيروحوا الشغل، والساعة أربعة ونص بتدخل لي مستر بدر. مستر بدر، أنا كنت عايزة أستأذن أمشي. خير يا چودي؟ في حاجة؟ لا خالص، أنا بس عايزة أمشي بدري علشان أشتري حاجات للبيت.

تمام، مفيش مشكلة، طيب معاكي فلوس زيادة؟ آه، تمام، وياسمين معايا برضه، هاخدها وأمشي على طول، يلا سلام عليكم. وبتاخد ياسمين وبتروح الكافيه. أول ما يدخلوا، ياسمين بتقع عينها على چومانه وبتشوف اللي معاها وبتتصدم. چودي، يلا بينا نشوف مكان تاني نقعد فيه، مش بحب المكان ده. ثواني بس. وبتدور بعينيها على أختها وبتلاقيها قاعدة مع شاب، بس مش بتاخد بالها هو مين، وهي قلبها هيقف من الصدمة إن أختها خانت ثقتها. وبتقرب عليهم،

بتسمع أختها بتقول: إحنا بقالنا سنة ونص في حياة بعض وأنا مش بحبك، أنا بعشقك، إنت نبض روحي، ولو بتحبني اتصرف، من يوم ما اعترفت ليا بحبك، سنة ونص بنتقابل شبه يومي، بس لازم تشوف حل في المصيبة اللي أنا فيها، أنا بقيت واحدة بموت في اليوم ألف مرة. إنت بتبص على إيه؟ وبيلف يشوف مين وراها. چووچوو. چودي. چودي بتتصدم وبتبص ليه جامد وبتبص لي ياسمين. چودي، صدقيني مكنتش أعرف. أنا معرفش حاجة. وهي بتضربها بالقلم على وشها.

صدقيني أنا ندمانة إني عرفتك، ومن دلوقتي مش عايزة ألمحك في حياتي نهائي، همت العيلة، أنا صعبت عليها، وأختي عيلة، لكن إنتي يا صاحبة عمري، يا خسارة يا ياسمين. وبتشد أختها من أيدها وبتمشي. بتوصل البيت. بتبص لأختها بصة طويلة قوي وعينيها كلها دموع وكسرة. منه بتشوفهم. في إيه يا چودي؟ مالك؟ إيه اللي حصل؟ في إيه يا چومانه؟ عايزين تعرفوا في إيه؟ هقولكم. چومانه النهاردة لقتها مع،،،،،،