تحميل رواية ام نص لسان بقلم حنين عادل pdf

رواية ام نص لسان البارت الأول 1 بقلم حنين عادل

رواية ام نص لسان الفصل الأول 1

بتصحي متأخره بتبص في تليفونها بتقوم من علي السرير تجري وتصوت .

..يي (لي) كده يا عمتي حيام (حرام) عييكي (عليكي)

_في ايه يابت

..انتي عايفه(عارفه) اني عندي مقابيه(مقابله) مهمه في التيفزيون ماصحتنيش ييه ماعدش عنها يجي نص ساعه

_يوه راح عن بالي ياحبيبتي البسي بسرعه وروحي ربنا يجعلك في كل خطوه سلامه

..يايب (يارب) ادعييي (ادعيلي) يا عمتو

بتلبس هدومها بسرعه المكونه من جيب واسعه وفوقها بلوزة واسعه بتقف قدام المرايه بتسرح شعرها وبتنزل القصه علي وشها وبتلبس نضارتها اللي واكله نص وشها ..

بتضحك قدام المرايه وبتحط لسانها علي تقويم السنان

..هاخيص (هاخلص) منك اميتي بقا انا زهقت

بتطلع من اوضتها للصاله..

..انا ماشيه يا عمتي

_استني خدي السندوتشات دي

..هوا انا يايحه(رايحه) المديسه (المدرسه)

_هتنزلي من غير فطار كوليهم في العربيه

..ماشي ..سيام (سلام) ادعييي(ادعيلي)

بتنزل من بيتها اللي في حاره شعبيه وهيا بتلبس البلارينه السوده علي السلم ..

بتمشي بسرعه وكأنها بتجري.

بتروح عند موقف العربيات وبتركب عربيه ...

بتسند علي شباك العربيه بتفكير: يايب (يارب) حقق يي(لي) حيمي

..عيي جمب يا سطي

نزلت ...

..فين الباقي

* باقي ايه يا أنسه

..ييا(ليا) نص جنيه باقي

* مافيش فكه

..مافيش فايده في الاستغياي (الاستغلال) دا انتوا تاكيو(تاكلوا) ماي(مال) اليتيم

* دا كلها نص جنيه يا استاذه

..واليهي(واللهي) يو (لو) كنت قويتيك(قولتلك) مش معايا كان هايبقي عادي بياش (بلاش ) قيف( قرف) بقا

بينزل السواق من عربيته وبيجيلها وهوا متعصب

بتحس انها واقفه قدام برج خليفه ضخم ويخوف

* انت كنتي بتقولي ايه

..هوا انا هخاف يعني كنت بقوي (بقول) انك انسان استغيايي (استغلالي) بياش( بلاش) قيف (قرف) ميتوا (مليتوا) البيد ( البلد)

بيمسكها من قفاها ...

* لأ دا انتي عاوزة تتربي من أول وجديد

..اخص عيي (علي) اليجاله ( الرجاله) سايبني اضيب (اضرب) وعادي طيب انا هاوييك (هاوريك)

بتوطي وبتعضه في رجليه وهوا واقف بيصوت وبتطلع تجري

بتلف وتقوله: ييا( يلا) يا حيامي ( حرامي)

بتوصل لحد استديو بتعدل هدومها وشعرها بتوتر ونضارتها وبتطلع ميشط من شنطتها وبتسرح القصه ..

بتعينه في الشنطه وبتدخل بثقه بتعدي الاستقبال

فتاه الاستقبال: يا مدام يا مدام

..انسه من فضيك (فضلك)

فتاه الاستقبال بضحك حاولت تكتمه: طيب اسفه رايحه فين

..مش في مقابيه (مقابله) بيختاوا (بيختاروا) المواهب

الاستقبال: ايوه بس دي غناء

..ايوه ما انا جايه عشان كده

فتاه الاستقبال بضحك: طيب قولي اسمك واستني لما يجي دورك

..ماشي..اسمي ييم يضا العميوسي

فتاه الاستقبال: ايه

..ييم يضا العميوسي

فتاه الاستقبال: طب خدي اكتبيه

..طيب ..

بتكتبه ...

فتاه الاستقبال: ايوه ..ريم رضا العمروسي

..ايوه بالظبط كده

فتاه الاستقبال: دا انتي ضايعه يا بنتي

..بتقويي حاجه

فتاه الاستقبال: يأ اقصد لأ

بتبصلها ريم بقرف وبتقعد تستني دورها...

بتطلع السندوتشات اللي بالجبنه والطماطم وتاكل فيها وجمبها خيار مخلل

بيبصولها بقرف...

بتبصلهم وبتضحك والأكل في بوقها..

فتاه الاستقبال: ريم رضا العمروسي تتفضل تدخل

بتحاول تبلع الأكل بسرعه ...

ريم: يادي النييه مش ياضي يتبيع

قامت ومسحت بوقها بسرعه وبتحاول تبلع وبتبتسم للبنت اللي في الاستقبال...

لحد ما دخلت قدام الميكرفون..

كان تلات رجاله وبنت قاعدين علي طرابيزه هما لجنه التحكيم .

@ ها اسمك ايه

بتشاورله ريم يصبر

@نعم ..

ريم: دقيقه واحده

بتخلص اخيرا اللي في بوقها

ريم: ييم يضا العميوسي

@ايه

ريم: ييم يضا العميوسي 22 سنه

@ طيب هاتغنيلنا ايه ؟!

ريم: احم ...1.2.3

من صغيي(صغري) كنت شايف وانا بيمس النجوم ويا عميي (عمري) كنت خايف كي (كل) يما اقع بقوم وحيمت بالبطويه جييك يا صفوف يا اويي واهو حيم الطفويه اهو اتحقق في يوم ماكانش ييا واسطه ما دعكتش ايفانوس بيعكس حيمت حيم كان يؤيه مش كابوس ..

البنت: بس خلاص كفايه

ريم: ها عجبيتكم اكيد هاتشغيوني امتي

@ للأسف يا انسه انتي لا صوت ولاشكل وحتي حروفك ضايعه

ريم بحزن : يعني ايه

البنت: فرصه سعيده ..

خرجت من المبني وهيا عيونها بتدمع شالت النضارة ومسحت عينها ولبستها تاني

ريم بتفكير: الشكي(الشكل) ده بتاع يبنا(ربنا) واللدغه اللي عندي دي اف يعني كان نفسي كيكوا تضحكوا عييا ..

بتروح علي جامعتها وبتحاول تبتسم كعادتها

بتدخل وكالعاده الكل بيضحك عليها ولما بتقرب من النتيجه الكل بيبعد عنها...

ريم بفرحه: الأويي (الأولي)ههههه ييم يضا العميوسي الأويي عيي كييه التجايه

بتشوف مين التانيه ...

بتطلع تجري علي بنت..

ريم بفرحه وحضنتها: جبتي التانيه يا سوسو انا مبسوطه اوي

بتبعدها عنها ...

اسماء: طيب ممكن تبعدي عني بقا

ريم: انتي ييه بتقويي كده

اسماء: بصي يا حلوه ماتفكريش اني مصاحباكي عشان بحبك لأ عشان تغششيني في الامتحان والحمد لله جبت التانيه ابعدي عني بقا كفايه التريقه اللي اخدتها عشان مصاحبه واحده زيك كفايه سنتين تريقه

ريم بدموع: انتي بتهزيي صح

اسماء: لأ مش بهزر شوفي منظرك المقرف ده يا شيخه قرفتينا ...

ريم : خياص كفايه تجييح كفايه.

مشت ريم والدموع في عنيها ..

ريم: انا احيي منهم كلهم علي الأقي(الأقل) قيبي نضيف مش زيهم .

بتعدي الطريق وفجأة في عربيه بتيجي بسرعه وبتذمر وهيا مش واخده بالها

ريم بتبص بتلاقيه السواق اللي اتشاكلت معاه..

بتجري وتيجي يمين وشمال بس هوا مصمم انه يخبطها

ريم: يخيب بيتك يا ابن الهبيه هاتموتني عشان نص جنيه

السواق: انا هاوريكي وهاقصلك لسانك الطويل ده

ريم: هههه يساني طويي (طويل) يمكن

فضلت تجري والعربيه وراها وهيا بتصوت

ريم: ايحقوني ..ايجوكم هايموتني المتوحش ده هايقتيني يد السجون عاااااااااا......يتبع

ولسه اللي جاي تقيل مع كاتبه الجيل😎

القصه الجديدة يارب تعجبكم ...

وكالعاده هنختار الإسم مع بعض تفتكروا نسميها ايه

(أم نص لسان_ حياتي متبهدله_اسم من اختياركم )

انا بقيت بتكلم زي ريم والله ومستمتعه بجد هوا في ايه 🙂

متابعه لصفحتي الشخصيه ولاف ورأيكم قبل أي حاجه

حاجه كوميدي مختلف يارب تعجبكم...

ريم: إلحقوني! أرجوكم، هيموتني المتوحش ده، هيقتلني يا سجن، عاااااااااا!

العربية وراها وهي بتجري وبتصوت لحد ما وقعت على الأرض.

ريم: يا لهوي! آه يخرب بيتك يا ابن، ينتقم منك أهئ أهئ.

العربية بتقرب منها أوي وهي بتحاول تقوم بس من الخضة مش قادرة.

وفجأة إيد بتشدها بسرعة والعربية بتعدي.

ريم وهي بتبص للسواق: أنت فاكر البلد مش فيها قانون؟ يعني أنا هسجنك يا مجرم يا منحرف.

بيبصلها السواق بعصبية.

ريم: استنى كده! آه أنا هقيم دعواك ده أنا هوريك يا زبالة.

وكانت هتروح له، بيمسكها محمود.

محمود: اهدي بقى يا ريم وقولي هديت.

ريم: هديت! شفت الراجل كان عاوز يموتني، هي سايبة كده خالص؟

بيلف السواق وبيمشي من جنبها. بتطلع له ريم لسانها. كان فيه مياه متجمعة على الطريق، العربية بتيجي عليها فريم ومحمود بيتغرقوا مياه.

ريم: آه يا ابن الغبية، أهئ أهئ!

بيضحك السواق وبيمشي.

محمود بضحك: مشي.

ريم: ما هو خلاص، هيعمل إيه أكتر من كده يعني؟ منه لله، منه لله!

محمود: يلا نروح وهننشف كده كده من الشمس.

ريم: أنت كنت هنا بتعمل إيه؟

محمود: هكون بعمل إيه؟ بدور على شغل.

ريم: ولقيت؟

محمود: مالقيتش، ليسانس آداب اشرب ميته.

ريم: اصبر يا محمود يا ابن، ربنا هيعديها.

محمود: يا رب.

راحوا ركبوا عربية.

محمود: أنت عملتي إيه؟

ريم: هههههه، فضوني عشان يا شكي يا صوت يا هما إيه خايفين.

محمود: ما تزعليش إن شاء الله ربنا هيعدلها.

ريم: أحسن حاجة حصلت النهارده، النتيجة جبت الأول عليها.

محمود: مبروك.

ريم: الله يبارك فيك.

بينزلوا من العربية وبيفضلوا ماشيين لحد ما بيوصلوا للحارة.

محمود: أنا همشي أنا عشان محدش يشوفنا مع بعض وهما بيحبوا يقطعوا في فروة الناس.

ريم: ماشي.

بيمشي محمود وبتدخل ريم من الحارة.

ريم: إزيك يا أم سيد؟

أم سيد: إزيك يا ريم يا حبيبتي؟

بتفضل ماشية تدي سلامات لحد ما بتلاقيها متغرقة مياه.

ريم بتبص لفوق: إيه كده حرام عليكي يا طنط مياه مياه! أقولك بصي قبل ما تدلقي المياه ولا أنت مستنياني يعني؟

* يوه يقطعني يا أختي ما تزعليش.

ريم: ده أنا لسه ما لحقتش أنشف، إيه الغلب ده؟

بتطلع ريم على السلم وهي بتشم في ريحتها.

ريم: إيه القرف ده؟ أف!

خبطت على الباب فتحت لها عمتها.

* يوه أم مريم عملتها برضه هههههه.

ريم دخلت.

ريم: ولايتها على قد أم مريم بس يا أختي.

* يلا ما تزعليش عملتي إيه؟

ريم: عملت إيه يعني؟ كالعادة يا صوت يا منظر، أنا خلاص هفقد أيامي بعد المياه الجاية.

* هههههه يلا خيرها في غيرها، ادخلي خذي دُش على ما أحطلك تأكلي.

ريم: عاملة إيه للأكل؟

* شوربة عدس.

ريم: فضلي ونعمة.

دخلت ريم تاخد دش وبعدها طلعت لبست بيجامة وقلعت النضارة وسرحت شعرها وطلعت الصالة.

عمتها حطت الأكل.

ريم قعدت على الطبلية.

ريم: مش أنا نجحت؟

* مبروك من نجاح لنجاح إن شاء الله وأسماء عملت إيه؟

ريم: نجحت برضه يا رب يسترها.

* ليه بتقولي كده؟

ريم وهي بتأكل: قالوا لي نفس الكلام اللي بيقولوه لي أما باجي أقدم على شغل، طلعت مصاحباني عشان تغش بس مش أكتر، طلعت ورق يا عمتي.

* صدقيني هي الخسرانة.

ريم حطت المعلقة.

ريم: هو أنا وحشة أوي كده يا عمتي؟

* ومين قالك إنك وحشة؟ أنت أجمل بنت في الدنيا كلها.

ريم: أنا بيوم على صاحبتي، طب ما أمي وأبويا إيه؟ يموتوا وسابوني عشان مستغنيين مني، يا رب أكون أنا وحشة أوي بس أعمل إيه يعني؟ أموت نفسي عشان ألاقي اللي يرتاح مني.

* أنت بتقولي إيه؟ مش قلتلك ما تسمحيش لحد يهز ثقتك في نفسك، أنت أحلى بنت في الدنيا كلها.

ريم: مش عارفة من غيرك كنت عملت إيه يا عمتي، كنت انتحرت بقى.

* ما تسمحيش لحد يقلل منك يا ريم، أي إنسان فيه عيوب، ما فيش حد كامل، الأسمر بيبقى دمه خفيف وعنده قبول غريب عن أي حد، ممكن حد قدامك شكلاً حلو بس ما تقبلوهوش وتحسه بارد وما تحبهوش، أهم حاجة الروح، الروح يا ريم.

ريم: والله يا أختي أكتر حاجة عندي هههههه.

* كلي يا لمضة.

خلصوا أكل وغسلت الحاجة وطلعت قعدت في البلكونة.

ريم: عم أحمد يا بقال.

عم أحمد: أيوه يا ريم.

ريم: عندك بيبسي؟

عم أحمد: أيوه.

ريم: يا بختك، إحنا معندناش.

عم أحمد: يا رب تتوب علينا يا رب.

ريم: خلاص ما تزعلش طيب، خلاص داهية ما بتحبش حد يضحك معاك أبداً هههه، خلاص خلاص داهية أهو.

.............................

في الأستوديو.

بتشوف فتاة الاستقبال شنطة ريم.

بتفتحها بتلاقي فيها مشط ومراية صغيرة وعلبة برفان، جت تشمها قعدت تكح.

فتاة الاستقبال: يا ستار يا رب إيه ده كح كح!

بتلاقي بوك قديم فيه بطاقتها وعشرين جنيه وتليفونها النوكيا الصغير.

بتمسكه بطراطيف صوابعها وهي قرفانة، بتقلب في الأسماء مش بتلاقي غير تلاتة: سوسو، محمود، عمتي.

بترن على عمتي.

(رصيدك خلص بس الكلام لسه ما خلصش).

فتاة الاستقبال: طبيعي يعني ما يكونش معاها رصيد.

بتطلع تليفونها وبتكتب عليه الرقم ولسه هترن بتلاقي عمتي بترن على تليفون ريم.

بتفتح.

ريم: يرجع التليفون يا حرامي والشنطة والعشرين جنيه مش مسامحة فيهم تصرفهم على مرضك يا رب خد من قلبي وادفع يا رب.

فتاة الاستقبال: إيه؟ الشنطة أنت نسيتيها في الأستوديو تعالي خذيها، وبعدين هيسرق إيه؟ جاتك القرف.

ريم: شكراً يا قوية.

بترمي التليفون باشمئزاز.

بيخرج واحد من باب الأستوديو.

نادر بغمزة: سوزي حصليني على المكتب.

سوزي بضحكة: أوامرك يا نادر باشا.

بتمشي وراه لحد ما بتدخل المكتب وبتقفل الباب.

بيشاورلها إنها تقعد على رجله.

نادر: إيه اللي مضايقك يا جميل؟

سوزي: ما فيش حتة بت مقرفة جت في تجارب النهارده ونسيت شنطتها الفظيعة دي، بكلمها تيجي تاخدها بتقولي فين الشنطة يا حرامي وتصرف العشرين جنيه على مرضك، حاجة لوكل ولادغة وما فيش منظر مقرفة بجد.

نادر: هههههه عشرين جنيه مبلغ كبير أوي.

سوزي: هتيجي تاخدها بكرة مش عارفة هتحمل وأشوفها تاني إزاي.

نادر: سيبك منها عملتي إيه في اللي أنا قلتلك عليه؟

سوزي: بدور.

............................

ريم قاعدة مع عمتها في الصالة وهي بتعمل القهوة على السبرتاية.

ريم: الماي الحلال عمره ما يضيع أبداً، هيوحشني الصبح أجيبه وأدوي على شغل يمكن ربنا يكرمنا بقى لأننا بنكح تراب.

* أم محمود كلمتني تاني بتطلب إيدك.

ريم: هههههه حتى أم محمود مش عايزة إلا إيدي.

* بتكلم بجد.

ريم: وأنت عارفة رأيي في الموضوع يا عمتي، أنا عايزة أحقق ذاتي، أبني نفسي، أحس إني موجودة، أحس إني إنسانة من حقها تعيش، يلا تصبحي على خير.

* وأنت من أهل الخير.

دخلت أوضتها خلعت النضارة والتقويم وبصت لنفسها في المراية بتنهيدة.

شالت القصة اللي على وشها ورفعتها لفوق عشان تشوف شكلها بقى عامل إزاي، حطت كحل وروج خفيف وضحكت.

ريم: فيها نسبة عسل برضه.

قعدت على السرير وجابت كتاب مغامرات في أعماق البحار وقعدت تقرأه وتضحك.

ريم: ما كنتش أنا أبقى أماني يا عم عقاب يا أستاذ.

نامت بعد ما قرأت منه كتير وهي مستمتعة.

............................

في الصباح.

بتصحى وبتهرش في شعرها وبتاخد الفوطة وتدخل الحمام، بتغسل سنانها ووشها وشعرها وتطلع.

بتلبس هدومها اللي عبارة عن دريس واسع وبتسرح شعرها كالعادة وبتلبس نضارتها وتخرج.

ريم: صباح الخيرات على أحلى دنيا.

* ياه نسيت اسمي.

ريم: خلاص أبقى قولي لي وأنا أفكرك بيه هههههه.

* يلا إفطري.

بتقعد تفطر.

ريم: ياه فول وطعمية حاجة كده تفتح النفس.

* ألف هنا.

بتأكل وبتقوم تغسل إيديها.

ريم: أنا ماشية.

* خذي الفلوس اللي عايزاها من البوك.

بتروح ريم تفتح البوك بتلاقي فيه 30 جنيه.

ريم بتفكير: لسه على آخر الشهر كتير والمعاش مش بيقضي، هي هتقعد تستلف وتؤذي نفسها زي كتير، لازم ألاقي شغل بقى عشان أعرف أساعدها.

بتسيب الفلوس زي ما هي وبتنزل.

ريم بتفكير وهي ماشية: أوه خمسة جنيه مواصلات بس، ده ما عيش يا رب، هي مش حتة طويلة أوي.

بتفضل تمشي في عز الحر وبتسقط عرق لحد ما بتوصل بعد ساعة وهي مش قادرة تاخد نفسها.

بتمسح عرقها وبتبلع ريقها.

ريم: أنا عطشت أوي وعايزة أدخل الحمام.

بتدخل الأستوديو بتلاقي سوزي قاعدة في الاستقبال.

سوزي لسه هاتتكلم.

ريم: الحمام بسرعة أرجوكي.

سوزي بقرف: على إيدك الشمال.

ريم: شكراً.

سوزي: استني.

ريم: ما سمعتهاش وهي بتجري.

سوزي: يلا ما يفرقش.

بتطلع تجري وبتدخل الحمام.

بتطلع وبتغسل إيديها بتلاقي رجلين واقفين بيبصولها، بتبص على الحمام.

ريم بصدمة: يا رب ما يكونش اللي في دماغي، حمام رجال!

ريم بصدمه: يا رب ما يكونش اللي في بالي.

حمام رجال.

يبصوا لها اللي واقفين بقرف واستغراب.

بتبتسم ابتسامه هبله وبتطلع تجري بتخبط في واحد داخل.

بيبصلها من فوق لتحت بقرف.

نادر: اومال لو كنتي حلوة بقا كنت عملتي ايه اكتر من كده.

ريم: انت بتقول ايه يا استاذ انت.

نادر: ههههه كمان لدغة.

بيزقها ويدخل وهوا قرفان منها.

ريم بتحط ايدها علي دماغها: هوا فهم ايه.

دخلت تاني.

ريم: انت يا استاذ انت كنت بتقول.

عاااا.

بيبصلها بقرف وهيا بتلف وشها وبتطلع تجري.

يعدل هدومه وبيغسل ايده وبيبص في المرايه وبيطلع.

ريم: نهار اسود ايه اللي عملته ده.

بتروح للبنت اللي في الاستقبال.

سوزي: خلصت.

ريم: ياه راحة.

سوزي: بس انتي روحتي حمام الرجال.

ريم: ههههه ما انا عرفت انتي كنتي متعمدة.

سوزي: واتعمد ليه انا ندهت عليكي عشان اتلخبطت انتي اللي جريتي زي الهبلة.

ريم بتخبطها في كتفها بضحك.

ريم: جاتك إيه دمك زي العسل.

بتمسك سوزي ايدها بألم.

ريم: وجعتك أنا آسفة جدا جدا.

بتبص لها سوزي بعصبية.

ريم: خلاص قلت آسفة طب ممكن تديني شنطتي وانا كا ريم هاخليكي مش تشوفي وشي تاني خالص.

بترمي ليها سوزي الشنطة علي الأرض.

بتبتسم ريم وبتتك علي شفايفها وهيا بتضحك ضحكه صفرا.

ريم: شكرا يا ذوق.

بتوطي ريم تجيب الشنطة وهيا متغاظة منها بتوقع نضارتها.

مابتبقاش شايفه حاجة بتلاقي الدنيا مرغوشة.

ريم: النضارة فين ياربي هوا انا ناقصة يعني ولا ناقصة ساعدوني يا منعدمين الضمير.

كل اللي واقفين بيتجمعوا حواليها وبيقعدوا يضحكوا وهيا عماله تحسس علي الأرض ومش شايفه حاجة.

بتفتح شنطتها وبتطلع الشمسيه بتاعتها.

ريم بتفكير: انا هاوريكم يا اوباش.

ريم: إيه ده دبانه سامعينها دي اللي بتقرص يا ماما دي بتورم وصعبة اوي خالص.

بيبصوا حواليهم يمين وشمال مش بيلاقوا حاجة.

ريم: ماتقلقوش انا هاريحكم منها.

بتقوم ريم والدنيا مرغوشة وبتقول هنا وبتضرب الناس اللي واقفه ومش بتتفاهم بسرعه ماحدش كان لاحق يمشي.

ريم: ياه اخيرا ماتت يلا العزاء قاصر.

محدش شاف نضارتي.

بيبعدوا عنها كلهم وفي اللي ماسك ايديه وفي اللي ماسك رجليه وبيدعوا عليها وهيا بتضحك.

بتفضل تدور ومش شايفه حاجة لحد مابتشوف جزمه.

بتقف ريم.

ريم: حاسة ان الدبانة لسه موجودة.

ولسه راحت تضرب بيمسك الشمسيه منها وبيمسك ايدها وبيلبسها النضارة.

بتكون قريبة جدا منه.

بتبص في عينيه وبتسرح وعيونها زي مابتكون بتطلع قلوب.

ببصلها ببرود: خلصت.

ريم بتوهان: إيه.

نادر: خلصتي بحلقة.

ريم بتبعد عنه بخجل.

ريم: وانا ابحلق فيك ليه إن شاء الله من حلاوتك ولا طعامتك.

نادر: انتي بتقولي ايه.

ريم: ليه بتكلم انجلش مش فاهم.

نادر: انتي شكلك مجنونه انا غلطان اني ساعدتك اصلا ابعدي يا شيخة بلاش قرف.

وبيمشي.

ريم: اهو انت.

نادر وقف: انتي بتقولي ايه.

ريم: هوا انا هاخاف بقول اهو انت.

هابيمسكها نادر من ايدها وبيمشي وهيا وراه.

ريم: سيبني يابتاع انت سيبني انت هاتعمل ايه.

نادر: انت تخرسي خالص.

بتحاول تفك نفسها منه بس مافيش فايدة.

بيدخل مكتبه وبيزقها علي الكرسي.

ريم: ااه ليه كده يا شبح.

نادر: عيدي كده قلتي ايه.

ريم: هههههه انت اتعديت لسه اللي جاي تقيل.

نادر: يخربيتك عدتين.

ريم: احلي عدوي دي ولا إيه المهم انت كنت جايبني هنا ليه.

نادر: عشان.

ريم: استني معقول هاتخطفني وبعدين نعيش احلي قصه حب.

نادر ببرود: لا انا كنت.

ريم: استني معقول انت من اعداء بابا وعايز تنتقم منه فيا وتخطفني وتعذبني ونعيش احلي قصه حب.

نادر: لا.

انا.

ريم: استني.

معقول.

نادر بعصبية: اخرسي ما اسمعش صوت خالص.

ريم: مابراحة علينا يا عم انت ما انا مستنياك تقول ومش بتنطق.

نادر: اسكتي خالص إيه الوقعه اللي وقعت نفسي فيها دي.

ريم: وقعه عسل صح انت امك داعياك.

نادر: داعيه عليا ممكن تسكتي دقيقه وتسيبك من الروايات الهايفة اللي بتقريها دي.

ريم: ما اسمحلكش دي روايات جامدة ما تغلطش فيها.

نادر: يادي النيلة يازفتة افصلي شوية.

ريم: زفتة في عينك يا سافل.

نادر بيكور ايده بعصبية.

ريم: مالك انت هاتتحول ولا إيه طيب هاتقلب زومبي ياخسارة كان نفسي تبقي مصاص دماء وتعضني ونعيش العمر مع بعض.

نادر: بس بقا افصلي انتي ايه.

ريم: قبيظ بجنيه هههههه.

بيقرب منها بعصبية.

ريم: خلاص.

آسفة هوا في ايه.

عااااااااا.

بيقرب منها وبيمسكها من قفاها.

ريم: اهدي ياشبح عشان ماخليش ايدك توجعني.

نادر: طب خليها توجعني كده.

ريم بصتله لقته متعصب وعينه حمرا.

ريم: سيب قفايا بعد اذنك، أنا مابحبش حد يأذيني، بس مش معني كده إني هاسكتلك، يعني اخاف منك.

بيرفعها بإيد واحدة من قفاها.

ريم: يخربيتك نزلني، هاديك قراية تجيبك الأرض، أنا عيني صفرة.

هههههههههه.

بينزلها باستغراب.

نادر: انتي بتضحكي على إيه؟

ريم: هههه أصل افتكرت الواد حماصة بعمل معاه كده لما باجي أسرق منه المصاصة. ربنا مش بيسيب حق حد.

هههههههههه.

نادر: أنا هأهدي مش هأعصب.

ريم: يووه يا عم قرفتنا بقى، قول عاوز إيه، ورانا أشغال مش فاضيين زيك.

نادر: عايزكِ تشتغلي معايا.

بيقعد نادر على مكتبه وبتتبصله ريم باستغراب.

بتقعد ريم على الكرسي وبتترسم وبتحط رجل على رجل.

ريم: قبل أي حاجة ممكن تعرفني بنفسك؟

نادر: هههههه إيه الثقة دي؟ أنا ياستي أبقى نادر جلال، المخرج.

ريم: غريبة أوي، أومال شكلك في المسلسلات غير كده، بس عارف مسلسل الفتوة كان قمر، كان نفسي أبقى ليل، أنا بحبك أوي.

نادر: ارحمني يارب من الغباء ده، أولاً أنا قولت اسمي نادر جلال مش ياسر جلال، وثانياً أنا قولت مخرج ماقولتش ممثل.

ريم: يا خسارة.

نادر: خسارة إني ماطلعتش ياسر جلال؟

ريم: طبعاً دا جان أوي أوي، كان نفسي أقابله.

نادر بيمسك دماغه: ما علينا.

ريم: طيب يا عم نادر جلال، عاوز تشغلني ليه؟

نادر: عشان مراتي.

ريم: نعااااام، هاتشغلني خدامة؟ يفتح الله.

نادر: بطلي بقى، انتي بتألفي وتصدقي، اديني فرصة.

ريم: اتفضل، بس ياريت بسرعة.

نادر: ههههههه.

ريم: بتضحك ليه؟

نادر: ما علينا، أنا عاوزكِ تشتغلي معايا عشان مراتي بتغير عليا وعايزة بنت تكون....

ريم: وحشة... كفاية كلام جارح بعد اذنك، أنا إنسانة زي زيكم، بعد اذنك.

قامت ريم وكانت طالعة من مكتبه، وقف على الباب.

ريم: عديني بعد اذنك.

نادر: هاديكي 5000 جنيه في الشهر وتبقي مساعدتي الشخصية.

ريم: الله يغني عنك وعن فلوسك.

نادر: 7000 جنيه.

ريم: عديني لو سمحت.

نادر: آخر كلام 8000، صدقيني فرصة ماتتعوضش.

ريم: موافقة.

نادر: هههههه كنت عارف.

ريم: هنبدأ امتى؟

نادر: من النهارده.

ريم: طيب فهمني أعمل إيه.

بيقع نادر على مكتبه وريم بتيجي تقعد قدامه.

نادر: مدام إنجي مراتي، لما تبقي موجودة تبقي انتي موجودة، وحوالينا غير كده ما أشوفش وشك ده.

ريم: ماهو لو هانبتديها قباحة يبقى بلاش منه.

نادر: قصدك إيه؟

ريم: انت مشغلني عشان الست هانم بتغير عليك ومش هاتخاف على زعلها أوي كده إلا لما تكون شغالة بفلوسها أو ماسكة عليك زلة.

نادر بعصبية: انتي بتقولي إيه؟!

ريم: وارد أكون غلطانة، مش ده موضوعنا.

نادر: اومال إيه موضوعنا يا.......

ريم: ريم رضا العمروسي.

نادر بضحك حاول يخفيه: احم، طيب يا ريم رضا العمروسي، إيه موضوعنا؟

ريم: أنا هاعملك اللي انت عاوزه، بس لازم نتفق على شوية حاجات.

نادر: إيه هي؟

ريم: شايفاك دمك خفيف وأمور وكده، ماشاء الله، فبلاش أي تجاوزات معايا، أحسن لك.

نادر: تجاوزات معاكي انتي مستحيل، هههههه، انتي بتقولي إيه؟

ريم: دي بقا تاني حاجة، بما إن دمك عسل كده، فبلاش تتريق عليا، ما يغركش إني طيبة وكيوت كده، أنا لساني طويل ومش بسكت.

نادر: ههههه، ماشي.

ريم: يلا إيه؟

نادر: عندنا لوكيشن، وانتي المفروض مساعدتي.

ريم: واكيد مراتك موجودة.

نادر: أيوه.

ريم: يلا.

بينزل نادر وريم وراه على السلم، وهو ماشي بسرعة وهي نازلة جري وراه.

وعلى آخر السلم بتدوس على جزمته من ورا، بيقع على وقعه وهي بتقع فوقه.

نادر: آآآه، قومي يا غبية.

قامت وهيا محروجة.

نادر قام ونضف هدومه وبصلها بعصبية.

ريم: أنا آسفة، ماكنتش أقصد.

نادر: ماتمشيش ورايا، امشي جمبي، الحمد لله إن ماحدش شافنا.

ريم: آه، ماشي.

بيمشي نادر وهي بتمشي جمبه بس مش ملاحقة خطوته.

ريم: براحة شوية أرجوك، تعبت.

بيعدي من قدام سوزي وريم بتاخد شنطتها وبتمشي وراه بسرعة.

بيبص نادر جمبه مش بيلاقيها.

بيبص وراه بيلاقيها على الأرض واقعة على وشها.

نادر: هههههه، مش قادر، قومي حرام واللهي كده.

بتقوم ريم من على الأرض وهي بتعدل نضارتها بإحراج وبتكمل مشي وراه وهي بتعرج.

بيوصل لعربيته.

نادر: اركبي.

بقول اركبي.

بيبص عليها بيلاقيها فاتحة بوقها.

نادر: اركبي، إيه فاتحة بوقك ليه؟

ريم: هي دي تتتركب عادي؟ دي نتصور عليها وبنبوسها.

نادر: الله أكبر.

ريم: انت على كده معاك فلوس كتير أوي، كله من دم الغلابة.

نادر: اركبي وانتي ساكتة، إحنا هانعمل حادثة النهاردة.

ريم: طيب، استني والنبي صورني عليها بتليفوني.

بيديه التليفون النوكيا وبتقعد على العربية وبتحط إيدها على خدها وبتضحك.

بيبص نادر للتليفون بقرف، كان معكوك جبنة.

بيروح ناحيتها وهي على نفس الوضعية بيزقها وبتقع على الأرض.

ريم وهيا ماسكة ضهرها على الأرض: إيه ليه كده؟ حرام عليك، ده أنا كان كل حلمي صورة، مش انتوا واكلينها ووالعة. أنا هاحلم، هاحلم. آه يا ني.

نادر: خلصتي؟ دقيقة واحدة تكوني راكبة العربية بدل ما أرتكب جريمة وأخلص البشرية منك.

ريم: إيه؟ فيرس كورونا؟

نادر ركب العربية من غير ما يرد عليها ومسك دماغه.

نادر: أنا اللي جبته لنفسي.

بتقوم ريم من على الأرض وهيا ماسكة ضهرها.

ريم: آه يا ضهري، ربنا على الظالم والمفتري.

بتفتح باب العربية اللي ورا.

نادر: شغالة سواق حضرتك؟ تعالي قدام.

ريم: طيب.

بتركب ريم وهيا مبهورة بشكل العربية.

بيسوق نادر بسرعة.

نادر: زي ما قلتلك، تفضلي موجودة ومراتي موجودة، غير كده لأ.

ريم: ههههه، شكلك مسيطر.

بيبصلها نادر بعصبية.

ريم: خلاص ماتزعليش، انت راجل في بيتك صح؟ ههههه.

نادر: اخرسي خالص.

ريم: حاضر، إيه الغلب ده يا ربي.

بعد دقايق.

ريم: هو انتوا بتصوروا إيه؟

نادر مش بيرد عليها.

ريم بتبص على الدريكسيون بإعجاب شديد، ونادر بيزود في السرعة.

ريم: هييييه، ماتجيب أما أسوق أنا.

بتمد إيدها على الدريكسيون وبتلفه مرة واحدة.

نادر وريم: عااااااااااا.

بتمد ايدها علي الدريكسيون وبتلفه مرة واحدة.

نادر وريم في صوت واحد: عااااااااااا.

نادر: يخربيتك... يخربيتك.

ريم: هانموت .. هانموت.

حقونا.

نادر مش عارف يتحكم في العربيه وبيدخل في شجرة.

ريم اتخبطت في الطابلوه.

ريم: اااه.

نادر بعصبية: أحاسب.

ريم: عالمشاييب هههههه.

الناس بيتلموا حواليهم.

شخص: انتم كويسين؟

نادر: الحمد لله.

شخص: انتوا عاملتوا حادثه؟

ريم بتطلع دماغها من العربيه: يأ كنا بنعمي بيوفه يا حاج. انتم عييكوا حاجات يا جدع.

نادر بعد ماشاف وش العربيه: منك لله يا شيخه منك لله.

ريم: اييه وانا مايي يا عم انتبيركب.

نادر العربيه وبيحاول يشغلها ومافيش فايدة.

نادر: انزلي مش شغاله من وش امك النحس.

ريم: طيب هانعمي ايه ويانا اشغاي.

بينزل نادر وبيروح ينزلها بعصبية.

ريم: ما بياحه ياعم انت هوا انا عميت ايه يعنى.

نادر بعصبية: اخرسي ما اسمعش صوتك عشان ما ارتكتبش جريمه اخرس.

ريم: طيب انت الخسيان.

بيمسك نادر تليفونه وبيكلم حد.

ريم: تعايي نيكب تاكس بقا شوف فكيه حيوة ازاى.

نادر: قولت اخرسي يا بوز الغراب انتي اخرسى.

ريم: طيب ماتفكيش اني نفسي اتكيم معاك اوي يعنى من حياوتك يعنى.

نادر بيبصلها.

ريم: هوا مانكيش انك حيو بس مش من نوعي ايمفضل انا بحب ..........

نادر: اخرسي خالص انتي هاتحكيلي قصه حياتى.

ريم: دايما قاهيني وكاسي نفسي اشوف فيك يوم يا اخى.

نادر: دايما مين انا لسه عارفك النهاردة يا غبيه.

ريم: الشتمه بتيف وتيوح يي صاحبها.

نادر: مش هاستحمل انا تعبت من ساعه كده.

بيقف عربيه سودا جمب ريم.

ريم بتطلع تجري وتمسك في ايد نادر.

ريم: ايحقني هايخطفونى.

نادر: ياشيخه اتنيلي من حلاوتك.

ريم: يأ يا ظييف يبعوني اعضاء.

نادر: ماتخافيش هاتبقي بايظه برده.

ريم: انت يخم اوي.

بيبصلها نادر بقرف وبيروح يفتح باب العربيه السودا.

ريم واقفه فاتحه بوقها.

بيفتح نادر الإزاز.

نادر بعصبية: اركبي.

ريم بتروح تركب.

ريم: دي كمان عيبيتك وايعه يا زمييي.

نادر: دا اوبر يا ختي اوبر.

ريم: طيب ماشي انا مش هاحسد يعنى.

نادر بيمسك دماغه: ممكن ما اسمعش صوتك.

ريم: طيب هاسكت.

بعد دقايق.

ريم: بقويك حاكم انا صوتي حيو اوي ماتكتشفنى.

نادر: اخرسي وهوا باصص ناحيه الشباك.

ريم بتطلع ليه لسانها وبتبص علي الشباك.

بتقف العربيه وبينزل منها وبتنزل هيا كمان.

بتمشي جمبه.

نادر: انتي ماشيه جمبي ليه.

ريم: مش قويتيي ماامشيش وراك امشي فين امشي عيي ايحيط يعنى بويص.

نادر: لأ ازاي هوا احلى منك.

ريم: ومنك انت كمان.

بيبصلها نادر بعصبية.

وبتبصله ريم بتحدي.

نادر: امشي بعيد عني متر.

ريم: يبقي أحسن.

بيمشي نادر وريم جمبه.

المكان كله خضرا وورد بنفسجي.

ريم: الياه ايه ايجماي ده.

نادر: اكيد عمرك ما شوفتي المنظر ده.

ريم بصتله وعوجت بوقها علي الجنب.

نادر: بالذمه هوا وشك محتاج.

ريم: استاذ نادي اظن ان احنا اتفقنا ان حضيتك مش تتييق عييا يا اما هامشي.

نادر: خلاص امشي.

ريم: فضلت ماشيه معاه لحد ما وصلوا مكان كله كاميرات.

نادر بيروح يقعد علي كرسي جمب واحدة.

وريم واقفه وراه.

نادر بيبوس ايدها.

نادر: وحشتيني يا حبيبتي.

ريم بتفكير: اكيد دي مياته بس وشها مش باين.

بتحاول ريم تشوفها مش بتعرف.

بتفضل تمشي عشان تشوف وشها لحد ما بتتكعبل في سلك وبتقع قدام نادر ومراته.

الكل بيضحك عليها.

نادر: اهي دي يا حبيبتي.

بتقوم ريم بإحراج وبتعدل هدومها.

انجي بضحك: انتي مساعده نادر.

ريم بتبصلها بتفتح بوقها.

ريم: انتي بتتكيمي عيبي.

انجي بضحك: ايوه بتكلم عيبي.

ريم: ماشاء ايياه يا استاذ نادي عيفت تختار انا يو راجل ماكونتش سيبتها.

نادر: انبري في دي كمان.

انجي: ههههه عسل يا؟!

ريم: ييم.

انجي بضحك: ياريم.

بتشاور انجي لحد بايدها.

ريم بتمسكها.

انجي باستغراب: ايه؟!

ريم: عاوزة يوتين ايعنايه بايديك.

نادر: لا اله الا الله.

انجي بضحك: حاضر هاقولك بس نخلص شغل.

نادر: ماتتحركيش من مكانك اقفي ورا.

ريم: تمام.

بتقف ريم ورا كرسي نادر.

نادر: يلا استاند باي اند اكشن.

بنت مش حلوة ماسكه كتاب وقاعده تقرأ فيه.

بيجي شاب وحش بيقعد جمبها وبيقدملها وردة.

بتاخد منه الوردة.

البنت: هوا انا وحشه.

الشاب: ايوه بس ده ليه فوائد.

بتركز ريم مع المشهد جدا.

البنت: وايه هيا الفوائد؟!

الشاب: اللي هايحبك هايحبك حب صادق لشخصيتك مش شكلك دي أكبر فايدة.

البنت: بس انا كان نفسي ابقي حلوة زي البنات.

الشاب: صدقيني الجمال بيروح في لحظه اهم حاجه الروح.

نادر: استوووب. عيدوا تاني.

ريم بتفكير: اللي هايحبك هايحبك حب صادق لشخصيتك مش شكلك دي أكبر فايدة.

بيعيدوا في المشهد مرة تانيه وتالته.

وريم واقفه تتفرج.

نادر: القهوه بتاعتي.

ريم: ازاي يعني قهوه نادي باشا مشهيوه وهاعميها فين هايقد عييها اما تتعمي.

نادر: اييه. اخرسي روحي للبوفيه قوليله هات قهوه نادر بيه.

ريم: طيب.

بتمشي ريم للبوفيه.

ريم: قهوة نادي بيه يو سمحت.

العامل اللي في البوفيه كان بيعمل شاي بالتلج.

ريم بصدمه: ايه ده.

العامل: ايس تي.

ريم: طيب هات قهوه وايس تي يي لي نادي بيه.

ريم كانت بتبص عليه بانبهار وهوا بيعمله.

العامل حطهم لها علي صنيه اخدتهم ومشت.

ريم: ياتيي هايبقي طعمه حيو زي شكيه.

بيبقي مابينها خطوات وبين نادر خطوات.

بتمسك الشاي وبتشرب منه جرعه.

ريم بترمي القهوه وبتكح جامد.

نادر: اااااه.

ريم بتبص عليه القهوه وقعت علي رقبته وضهره.

ريم بصدمه: كحكحكح. كح كح. كح. كح يقطعني.

بيتلموا كلهم حوالين نادر و.

بيتلموا كلهم حوالين نادر.

نادر: اه ااااااااه.

ريم: طبعًا لو قلتلك إني مش قصدي مش هاتصدقني.

إنجي: تلج.. تلج بسرعة.

ريم كانت خايفة وواقفة بعيد وهو بيبصلها بعصبية.

نادر بيقلع كل هدومه اللي فوق.

ريم بتفتح بوقها.

ريم بتفكير: يخيبيتك إيه ده كله؟ عضلات إيه دي منين؟ شبه اليوك الروك واللهي كان نفسي أقابله.

إنجي: إنتي بنادى عليكي بقالي ساعة.

ريم: أيوه أيوه.

إنجي: روحي عربيتي اللمبرجيني السودة اللي بره وهاتي منها علبة الإسعافات يلا.

ريم: طيب.

أديتها إنجي المفتاح وجرت.

ريم وقفت تبص على أنهي عربية.

ريم بتفكير: أنهي عربية هي؟ السودة؟ بما إن عنده عربية جامدة كده أكيد عربيتها فخمة وعالية زي بتاعة نادر. إيه الإمبيجيني دي؟

بتبص ريم على العربيات وتروح عند اللمبرجيني.

ريم: يأ مش دي، دي شكلها رخيصة وبتخبط في المطبات، استنضفوا بقى.

بتروح لعربية عالية وفخمة سودة هامر.

ريم: إيه العظمة دي يا رب أوعدنا.

بتدخل المفتاح وبتحاول تفتحها. العربية بتعمل صوت عالي.

وفجأة بتلاقي حد ماسكها من قفاها.

ريم: في إيه؟ عيب كده يا شبح.

*: إيه اللي عيب يا حرامية يا غبية انتي؟ حد يسرق في عز النهار.

ريم: سرقة إيه يا بتاع انت؟ أنا كنت...

*: اخرسي خالص قدامي على القسم.

ريم: قسم إيه يخربيتك؟

*: قدامي يلا.

ريم: مدام إنجي احقيني. إيه الغلب ده يا ربي.

إنجي بتطلع تبص عليها.

إنجي: إيه ده؟ في إيه؟ ليه ماسكها كده؟

*: كانت بتحاول تسرق عربيتي.

ريم: يا كداب والله ما حصل. هاتروح من ربنا فين؟

إنجي: فين مفتاح العربية؟

ريم: أهو.

أخدت إنجي المفتاح وطلعت تجري على العربية.

ريم: مدام إنجي! مدام إنجي! إنتي سبتيني ليه؟

*: قدامي يا حرامية يا نصابة.

ريم: بس يلا.

*: كمان بتقولي يلا؟

ريم: ماشية اهو.

*: مش في ركبك يا شيخ.

ريم: يلا دا إنتي ليلة أهلك سودة.

ريم: بس ياض جتك القرف.

بيوصلوا قدام القسم.

ريم: إيه السرعة دي؟ دا إنت كنت مستنيني بقا ومجهز الدنيا ولا إيه؟

*: اخرصي خالص.

ريم: خيص تعالي يا عمو العسكري، خيصني من القرف ده.

في لوكيشن التصوير.

نادر قاعد وجسمه كله مرهم وإنجي قاعدة جنبه.

إنجي: بقيت أحسن.

نادر: نار نار إيه ده؟

إنجي: هتهدي دلوقتي معلش.

نادر: منها لله! هيا فين الغبية دي؟

إنجي: ههههههه.

نادر: إيه اللي بيضحكك؟

إنجي: أصلي نسيت. لما لقيتها اتأخرت طلعت لقيت واحد ماسكها من قفاها وبيقول: "حاولت تفتح عربيتي الهامر" مع إن أنا قايلالها إن عربيتي لمبرجيني.

نادر: وهيا الغبية دي تعرف الفرق بينهم؟ وإيه اللي حصل؟

إنجي: خدت منها المفتاح وجريت جبت الإسعافات بسرعة عشان كنت خايفة عليك ونسيت الموضوع. بس هو شكله خدها على القسم.

نادر: إيه؟ قسم؟

إنجي: أيوه أكيد.

نادر: هيا كده المشاكل بتدور عليها بملقاط.

في مكتب الظابط.

الظابط: أستاذ حازم بيقول إنك حاولتِ تسرقي عربيته.

ريم: وإنت صدقته؟

الظابط: إنتي عبيطة؟

ريم: لأ بستعبط هههههههه.

حازم: شايف يا باشا قلة أدبها.

الظابط: اخرسي.

ريم: هوا أنا اتكلمت؟ مش الشرطة في خدمة الشعب يا باشا؟

الظابط: أه.

ريم: خياص هاتلي ساندوتش أصلي جعانة أوي.

حازم: يافندم لو سبت الطفيليات دي من غير حساب الدنيا هتخرب.

ريم: طفيليات إيه؟ شايفني عفن خبز ولا إيه؟

حازم: إنتي...

ريم: اخرس.

بيبصلها حازم وسكت.

ريم: ههههههه ضحكت عليك.

بيبص حازم للظابط.

حازم: إنت بتضحك يا فندم؟

الظابط: احم... ليه كنتِ بتسرقي عربيته؟

ريم: ما حصلش يا باشا. أنا كنت ماشية لا بيا ولا عليا. قالي إيه الجمدان ده يا مان واتحرش بيا. أنا عايزة حقي.

حازم: أنا اتحرش بيكي؟ إنتي مش شايفة نفسك في المراية ولا إيه؟

ريم: عيب كده يا أستاذ سنجل وبائس. روح اتجوز. عيب كده.

حازم: إنتي بتقولي إيه؟

ريم: أنا عايزة حقي وحق بنات كتير حضيتك من الذئب الجائع ده.

حازم: كدابة! إيه دليلك؟

ريم: وإنت إيه دليلك؟

الظابط: عندك شهود؟

حازم: أنا شايفها بعيني.

الظابط: لازم شهود. وإنتي يا ريم عندك شهود؟

ريم: عندي ربنا. حسبي الله ونعم الوكيل.

نادر بيركب عربية.

نادر بتفكير: دورك لسه ما انتهاش. أنا مجبور إنك تبقي جمبي. لازم أخرجك للأسف.

بيوصل نادر لأقرب قسم.

بينزل من العربية.

ريم ماشية بطريقة بتخوف وبتقرب على حازم.

حازم: إنتي مالك يا مجنونة انتي؟

ريم بصوت تخين: أنا نعمان.

حازم بتوتر: نعمان مين؟

ريم: جن عاشقها وانت أذيتها ولازم تتعاقب. عااااااا.

حازم بيطلع يجري من قدامها وريم بتجري وراه.

حازم بيخبط في نادر اللي كان واقف مستغرب.

حازم: الحقني أرجوك منها. منها من اللي عليها. أنا آسف يا نعمان بيه.

ريم بتقرب منهم وهي بتخن صوتها وبتبرق بعينها.

حازم طلع يجري.

ريم: هههههه يلا يا خواف. ناس مش بتيجي غير بالعين الحمرا.

نادر: خلصتي هبل؟

ريم: أيوه. إنت عملت إيه؟ بقيت كويس؟ ريلي فيري سوري.

نادر: إيه اللي حصل بالظبط؟

ريم: الحيوان ده حاول يتحرش بيا. جبته من قفاه على القسم.

نادر: ده اللي حصل؟

ريم: أيوه.

نادر: طيب. يلا.

ريم: أقولك حط معجون سنان هايروقك بسرعة.

نادر: اركبي وإنتي ساكتة.

بتركب ريم جنب نادر وبيسوق السواق.

ريم: هوا إحنا هانروح فين؟

نادر: المكتب.

ريم وهيا بتتاوب: والتصوير؟

نادر: لأ. إنتي بوظتي اليوم.

ريم: قشطة.

ريم بتبص على العربيات والبحر من الإزاز. بتسند بدماغها على الباب وتلقائيًا بتنام.

بيجي مطب بتيجي ريم على كتفه.

نادر بيبصلها.

نادر: إنتي...

ريم: بس يا عمتي خمسة بس.

نادر بيضحك وبيسبها نايمة.

بعد نص ساعة.

بيوصلوا قدام الاستديو.

نادر: ريم. ريم. إنتي صحيتي؟

بتفتح ريم عينيها وبترفع إيدها بتخبطه في وشه.

بيتعصب بيروح زاققها.

ريم: في إيه؟ إيه كده؟ حرام عليك.

نادر: خير تعمل شرا تلقي. نايمة بقالك نص ساعة على كتفي لما ماعدتش حاسس بيه. وفي الآخر تخبطيني في وشي.

ريم: أنا... آسفة.

تليفونه بيرن.

نادر: أيوه. حدث البيانات. أنا عايز المدرسة دي بالذات. مدرسة النيل. يلا أمشي في الموضوع.

ريم: مدرسة النيل؟ إنت عارف أنا كنت فين؟

نادر: وأنا كمان.

ريم: كان فيها ولد اسمه تخاتيخو. كان تخين جدا والكل بيتريق عليه. يا حرام. وبيترزع أقلام من الكل لحد ما في يوم اتكاترو عليه ووقعوه من الدور التاني. جسمه اتكسر وماحدش يعرف عنه حاجة من يومها. بس أكيد لسه متأثر.

نادر: ومين قالك إنه لسه متأثر؟ هو قدامك أهو.

ريم بصدمة: معقول إنت تخاتيخو؟

ريم بصدمة: معقول أنت تخاتيخو؟!

نادر: أيوه أنا.

ريم: هههههههه وبتتريق عليا أنا لو مكانك يبقى ما تتكلمش خالص.

نادر: على الأقل اتحديت نفسي وبقيت زي ما أنت شايفه، أنتِ عملتي إيه؟

ريم: ألعب باليه.

نادر: أنا اللي جبته لنفسي.

ريم: خلاص آسفة بس كان اسمك نادي صلاح الدين إيه نادي جلال الدين؟

نادر: اسم الشهرة.

ريم: هههههه أي والله وبقيت مشهور يا تخاتيخو.

يمسكها نادر من قفاها.

ريم: إيه في إيه؟

نادر: لو حد عرف حكاية تخاتيخو دي غيرك هامسحك من على وش الدنيا، فاهمة.

ريم: سيب قفايا بليز، ماينفعش كده.

نادر: فاهمة.

ريم: فاهمة يا...

نادر: يا إيه؟!

ريم: تخاتيخو هههههههه.

نادر بيقرب منها بعصبية.

ريم: خلاص آسفة آسفة، أهدي يا نادي بيه.

نادر: اتزفتي انزل.

ريم: حاضر.

بينزل نادر وريم مش بتمشي، هيا بتجري وراه.

وقف قدام الأسانسير فجأة.

خبطت في ضهره من ورا خلته يخبط في باب الأسانسير.

بيكتم بيكتم ايده بعصبية.

ريم عدلت نضارتها بخوف.

ريم: أنا آسفة ما كنتش أقصد.

نادر: ابعدي عني عشرة متر، فاهمة.

ريم: حاضر.

بيدخل الأسانسير وهيا واقفة.

نادر: ما دخلتيش ليه؟!

ريم: عشان أنت قولتلي ابعد عنك عشرة متر، وكده ما يجيش مترين.

نادر بعصبية: ادخلي.

ريم: طيب براحة، أصل يجيلك حاجة أو تموت فيها، هو العمر عزقة.

بيضغط على أزرار الأسانسير من غير ولا كلمة.

وفجأة الأسانسير بيقف.

ريم: كملت؟

نادر بيمسك تليفونه وبيحاول يكلم حد.

ريم: أنت كويس؟!

بيبدأ يفك الجرافته بتاعته ووشه بيحمر.

ريم: مالك في إيه؟

نادر: مخنوق، مش قادر آخد نفسي، مش قادر.

ريم: أهدي، أهدي بس، أنت بتخاف من الأماكن المغلقة.

نادر: أيوه، حاولي تكلميهم بسرعة، أنا هاموت.

بتمسك تليفونه وبتكلم آخر رقم حاول يرن عليه.

ريم: الحقونا، الأسانسير.

صوت: إيه الأسانسيه ده؟!

ريم: بطل غباء.

صوت: مش فاهم؟!

ريم: المصعد، كده فهمت.

صوت: أيوه.

ريم: أستاذ نادر تعبان أوي، بسرعة.

صوت: حاضر حاضر.

ريم بصت لـ نادر اللي كان مش قادر ياخد نفسه.

ريم: اتحدي خوفك زي ما اتحديت نفسك زمان، أهدي، شهيق... زفير... شهيق... زفير... أكيد في حاجات لسه عاوز تعملها، هاتموت بالبساطة دي.

نادر بيحاول ياخد نفسه بس مش قادر.

ريم: خلاص، هانت، هانت.

الأسانسير بيشتغل.

نادر على رجل ريم وهوا بيبصلها وهيا كمان.

بيتفتح الأسانسير وهما على نفس الوضعية مش بيتحركوا.

احم... احم.

بتبص ريم بتلاقي كل اللي واقفين بيبصوا عليها.

بتقوم بسرعة ونادر بيقوم وهوا بيحاول يظبط نفسه.

ريم: أما الأسانسير ده عليه حاجات يا جدع، ماله السلم على الأقل بيتمسح كل يوم ولا إيه.

بيمشي نادر وهيا وراه بتبتسم للناس.

دخل مكتبه.

ريم: أطلب لك عصير لمون.

نادر: ماشي.

ريم: ماشي ولا قاعد هههههههه.

نادر مسك دماغه.

ريم: أنا هاروح مطروح هههههههه.

بصلها نادر بعصبية.

ريم: خلاص رايحة.

قام نادر ودخل الحمام وغسل وشه ونشف.

بص لنفسه في المراية وكأنه بيفتكر حاجة.

غسل وشه للمرة التانية وطلع.

ريم: استنييييييي.

نادر: إيه بتقولي إيه.

ريم: لاااااااا.

نادر: ااااااه ااااه.

ريم: قولتلك استني، أهئ أهئ، إيه الغلب ده يا ربي.

قلت لك استني، إيه الغلب ده يا ربي.

منك لله يا شيخة، منك لله.

معلش، كنت جعانة.

ااه، كنتي بتاكلي زيت؟

ده زيت طعمية.

قمت من على الأرض وأنا ماسك ظهري.

كل ده زيت طعمية؟ انتي بتسقي في الزيت؟

هو كده عم حسن كريم جداً، بيدينا طعمية بزيتها عشان ما يبقاش نفسنا في حاجة.

منك لله انت وعم حسن بتاعك ده.

أفضل طول اليوم أدعي عليا كده، أما هولع وأنا ماشية.

يارب.

اهو، انت.

انتي نسيتي نفسك؟

ما بس بقى، أنا عارفة قديمة، يا تخاتخو، أول ما تتعوج تتعوج عليا.

آه، آسفة.

إيه؟

لأ، افتكرت توم وهو بيصوت، فقولت أقلده.

...............

استاذ؟ مالك؟ ليه مسبهل كده؟ يعنى ده اتصدم، ههههه.

يلا.

يلا إيه؟

اليوم خلص.

اخص عليك، والنبي يا حزونبل، سيبه يقول لي حكاية البلبل.

برررررره.

طيب، خلاص. الواحد ما يعرفش يضحك معاك أبداً يا تخاتخو.

للمرة الأخيرة بحذرك، ما حدش يعرف عن الموضوع ده حاجة، والله أتاويك وأخلص منك.

ما تخافش، سرك في بير، سلام.

غوري.

هههههه، اتعديتي ولسه.

احم، أنا ماشية، باي باي.

أنا إيه اللي عملته في نفسي ده؟ لأ، أنا كده هتجنن وهايجرالي حاجة.

***

ريم واقفة على باب الشقة.

عمتييييييي، عمتييييي.

بتدخل ريم تشوفها.

استاذ رضا.

بابا.

بابا، مش وسعت منك أوي، إيه اللي فكرك بينا من سنين؟ إيه الحنية دي؟

جاي آخدك تعيشي معانا.

ليه؟

إحنا عارفين إننا غلطنا، بس عرفنا غلطنا.

انت؟ ليه بتتكلم بصيغة الجمع؟ أظن حرمك مش هنا.

اتكلمي كويس مع باباكِ يا ريم.

كان نفسي يا عمتي، كان نفسي يبقى قدوتي ومثلي الأعلى، بس ده ما حصلش. كان نفسي يفضل جنبي ويفتخر بيا، بس من امتى كل اللي نفسنا فيه بيحصل؟

يا بنتي...

حتى دي ما عادش ليك الحق إنك تقولها.

هتيجي معايا يا ريم؟ فخليها تبقى برضاكِ أحسن.

اظهر وبيّن، ما تيجي. ودي عشان نعرف ناخد وندي، وقولي إيه الحكاية بالظبط.

أنا حددت ميعاد فرحك.

قول كده بقى، تري عملت مصيبة إيه المرة دي؟ شيكات؟

ادخلي أوضتك يا ريم.

هادخل يا عمتي، بس قبل ما أدخل عايز أقولك حاجة واحدة بس.

إيه هي؟

لو أنا آخر أمل وهتدخل السجن، هسيبك تعفن فيه.

دخلت ريم أوضتها، مش مستغربة نفسها ولا قسوة قلبها. ناس كده مريضة بالتفاصيل، مش بتنسى اللي حصل، مش بتسامح بسهولة. وده مش قلب أسود، لأ، دا قلب حساس.

غيرت هدومها وسمعت صوت الباب بيترزع.

هوا مشي؟

أيوه، طردته.

عمره ما هيتغير. يلا سيبك منه. والله ما هعكر دمي بسببه. ابن تفيدة.

خلاص، آسفة. المهم.

إيه هو؟

أنا اشتغلت يا عمتي بمرتب حلو أوي.

ربنا يزيدك كمان وكمان يا بنتي. استغليتي إيه؟

سكرتيرة. قد الدنيا، المدير فضل يتحايل عليا. ما طبيعي يا عمتي، أنا الأولى على جامعتي. خلاص يا عمتي، مش هتشيلي هم المعاش اللي بيخلص قبل ما يجي.

ربنا يزيدك من فضله يا حبيبتي.

ربنا بيكرمني بيكي يا سوسو.

أنا بحبك أوي يا سوسو.

أنا أكتر يا قلب سوسو.

***

بيقف نادر بالعربية قدام فيلا كبيرة.

بينزل من العربية وبيدخل.

بيسمع صوت طفل بيعيط.

مازن يا حبيبي، مالك؟

بابي، اتعورت جامد.

بينزل نادر عليه وبيشوف الجرح اللي في رجله.

انتي يا ست هانم؟

مامي مش هنا.

والناني فين؟

مش عارف.

مش عارف؟ يعني سايبينك لوحدك؟ لما أشوفهم.

بيوطي نادر عليه وبيشتاله.

انت بطل، والبطل مش بيعيط، صح؟

صح.

بيجيب علبة الإسعافات وبيطهر له رجله.

كده تمام، هاتروق وتبقى أسد.

لأ، مش بحب الأسد، أنا عاوز أبقى فهد.

أقوى وأسرع كمان من الفهد.

بابي، انت مش بتاخدني معاك ليه؟ أنا بخاف أقعد لوحدي.

ما تزعلش يا حبيبي، هاخدك معايا. انت أكلت؟

طيب، عاوز تاكل إيه؟

بيتزا.

إيه الغلب ده يا ربي.

إيه؟

لأ، مفيش. إيه اللي بقوله ده. مغرم بيتزا أنت؟ طيب، هاطلب لك بيتزا وهاطلب لنفسي شاورما.

أوكي، أنا جعان خلاص.

بيلاعب نادر في شعره وهو بيضحك.

***

في الليل.

عمتي يا عسل أنتِ، يا قمراية.

عاوزة إيه يا ريم؟ تعالي دوغري.

اخص عليكي يا عمتي، بقا كده؟ يعني أنا مش بدلعك إلا عشان مصلحة.

أيوه.

طيب، حيث كده بقا، أنا عاوزة أروح الفرح بتاع البت نجلاء.

لأ.

ليه يا عمتي؟ دا تحت، أنا عايزة أفرفش شوية كده، عشان خاطري.

طيب، ما تتأخريش.

أحلى عمتو في الدنيا. أما أروح ألبس الحتة النضيفة.

دخلت ريم أوضتها وطلعت فستان سواريه بيلمع من كل حتة، ولبست تحته بادي. وعلى غير العادة، رفعت شعرها لفوق، بس سابت القصة، وقلعت النضارة.

بسم الله ما شاء الله، إيه القمر ده.

دا أقل حاجة عندي يا باشا.

انتي ليه مش لابسة النضارة؟ وأنتِ مش بتشوفي من غيرها.

مضيعة شكل الفستان.

البسيها يا ريم.

شايفة، شايفة يا عمتي.

ربنا يستر.

نزلت ريم على السلم.

يا رب، استرها من عندك عشان منظري قدام الناس.

بتحط رجلها على الفاضي، بتاخد السلم شقلبة لحد تحت.

آآآآآآآآآآه. إيه الغلب ده يا ربي.

بتقوم ريم من على الأرض وهي ماسكة ضهرها.

انتي كويسة يا بت؟

أيوه، أيوه يا عمتي، ما فيش حاجة. أنا بمبي.

طيب، خلي بالك لا تقعي.

أقع؟ هههه، ما تخافيش، أنا أسد ماشي على السلم.

طيب، ربنا يستر.

دوري على إيجابيات بدل ما تتعبي وتنزلِ سلم سلم. آآآه، نزلتِها مرة واحدة. آآه يا نانا منها لله السلم المكسورة دي.

طلعت ريم من البيت وحاولت تعدل من مشيتها وراحت على الفرح.

***

إنجي بعصبية: ما أنا عندي شغلي زيي زيك.

والولد يا إنجي، مين هيراعيه؟

ما أنا جايباله ناني.

مش فاهم إيه البرود اللي انتي فيه ده؟ بقولك الولد كان متعور وبيعيط ولوحده، والناني الجبارة اللي انتي جايباها ما كانتش هنا.

خلاص، هامشيها وأجيب واحدة تانية.

هوا ده الحل من وجهة نظرك يا هانم؟ مش انتي أمه؟ المفروض تهتمي بيه وتخلي بالك منه.

يووه، أنا قرفت وتعبانة وعاوزة أنام، زهقت من كتر الكلام اللي ملوش لازمة ده.

مصلحة ابننا بقي، كلام ملوش لازمة.

اف، تصبحي على خير يا نادر.

بينام على السرير وبتديها ضهره.

بيمسك الكباية اللي جمب الكوميدينو وبيرميها في الأرض بتدشدش.

خلصت؟ اطفِ النور بقى.

بيطلع نادر البلكونة وبيولع سيجارة وهو متعصب.

الجمال مش كل حاجة، دا غلاف لكتاب مقفول، مش عارف إيه اللي جواه.

***

عمة ريم قاعدة في البلكونة، والفرح في آخر الشارع. ومشغلين أغاني شعبي، طب شحط محط.

فجأة بتلاقي الناس بتجري.

وقفت عيل منهم.

في إيه يا واد يا حمصة؟

ريم بتضرب في العروسة، وأنا رايح أتفرج.

بتلبس عمتها الإسدال وبتنزل جري على السلم.

بتروح ناحية الفرح والناس ملمومة.

بتدخل وسط الزحمة، بتلاقي ريم قاعدة فوق العروسة وبتضرب فيها، وكل اللي بيقرب منها بتعضه وماحدش قادر عليها.

العروسة: سيبيني يا شيخة ربنا ينتقم منك.

ريم: مش سايباكي يا جزمة، بقا أنا قويت أجي أبارك وأهني تتكبري عليا وتقولي جاية ليه؟ يابنت أنا اتلخبطت بينك وبين العريس، لولا إنك لابسة الفستان.

العروسة: شوف مين اللي بيتكلم، دا أنتِ معفنة ومصدية يابنت.

ريم: مين اللي معفنة ومصدية؟ اللي جسمها بقاله سنين ماشافش ريحة المية، اللي كل مايشوفوكي يقولوا "جربانة أهي جاية". نهارك مدهون قطران ولمون ومصيبتك سودة، محنية يا عجل جاموس مايجيبش فلوس، الكيلو بنكلة مصدية.

خلصتي؟

العروسة: الحقيني يا خالتي.

عمتها بتقومها من فوق العروسة وبتمشي وبتشدها وراها.

العيال الصغيرة بتسقفلها وريم بتضحكلهم.

بيدخلوا الشقة.

* ممكن أعرف ليه عملتي كده؟

ريم: البت شافت نفسها عشان بتتجوز البورص ده وبتتكبر عليا، خايفة أحسدها. عشان كده اتعصبت. كل اللي كنت فاكراهم أصحاب طلعوا تعابين، طلعت ماعنديش صحاب يا عمتي ولا حد بيحبني.

* أنا اللي غلطانة.

ريم: أنا آسفة بس...

* مش زعلانة منك يا ريم، أنا اللي غلطانة إني ربيتك كويس وخليتك طيبة وعلى نياتك، ماعلمتكيش اللف والدوران وإن الدنيا دي دنيا كدابين. الحرامي يبقى سارق ويبني فيلا ويكتب عليها "هذا من فضل ربي". الشياطين بقت تتعلم من الناس.

بتحضن ريم عمتها.

ريم: أنتِ في حاجة مضايقاكي يا عمتي؟

* لا أنا كويسة.

ريم: متأكدة؟

* أيوه.

ريم: منها لله بوز الغراب دي، عكرت دمنا. يلا أنا أخدت حقي منها وصباح الخير يا جاري، أنت في حالك وأنا في حالي.

* ياريت يلا ادخلي نامي.

ريم: تصبحي على خير يا عمتي.

* وأنتِ من أهل الخير.

....................................

في الصباح.

في البحر موجه بتزق موجه، والشط زحمة وزعيق وهوجا.

نونا تضحك وتقول: يا بابا يا بابا هاتلي بسكوت ونوجه.

ريم: بسكوت ونوجه. صباح الورد يا دنيا.

بتفتح عينها، بتقفل المنبه وهيا بتغني مع الأغنية وبتبص على الساعة.

ريم: نهار أسود، الساعة 8.45 وأنا ضابطاها 7.45. إيه ده؟ هايطردني تخاتخو.

بتقوم بسرعة تجري ورا نفسها وبتلبس بسرعة.

بتبص في البيت مش بتلاقي عمتها.

ريم: ممكن تكون بتجيب عيش.

بتلبس بلارينتها بسرعة وبتنزل جري.

بتلاقي جردل مية نازل فوقها.

ريم بتبص على هدومها اللي اتغرقت. وبتبص لفوق.

العروسة: يوه معلش ماشوفتكيش يا ختي.

ريم: دا أنتِ موتك على إيدي النهاردة.

طلعت على السلم ودخلت الشقة.

جابتها من شعرها ونزلت على السلم.

ريم: هو فين العريس يا بت؟ خلع ولا إيه؟ ولا بات عند أمه؟ طلعت سوسو يا بت.

وقفت في نص الشارع.

ريم: البت دي قلت أدبها مية مرة واتنين، ولازم تتربي عشان الكل يعرف إن ريم لحمها مر.

مسحت بالعروسة الشارع ونسيت الشغل.

شدت العروسة منها النضارة.

ماعدتش شايفة حاجة.

ريم: هي فين؟ فين بت المعفنة؟

وبتحسس على الأرض.

هي فين؟ أه يا حارة معفنة.

ريم قاعدة على الأرض بتدور عليها.

لحد ما في حد بيناولها النضارة.

بتلبسها وبتقوم.

ريم: شكراً يا محمود.

محمود: العفو.

ريم: هربت المعفنة.

محمود: انتي كنتي رايحة فين؟

ريم: الشغل، نهار أسود، اتأخرت خالص.

طلعت ريم تجري على فوق.

استحمت ولبست هدومها ونزلت جري على السلم.

كانت هتقع بس مسكت فيه.

ريم: أسترها معايا يا رب.

....................................

بيدخل نادر مكتبه بغروره ووسامته.

بيبص على مكتبها مش بيلاقيها.

بيكمل وبيدخل يقعد على مكتبه.

بيمسك التليفون.

نادر: هات القهوة بتاعتي يا بني.

بيقفل التليفون وبيبص قدامه بشرود.

نادر بتفكير: عندي كل حاجة، فلوس وصحة، واتجوزت عشان أكمل شكلي الاجتماعي، بس مش سعيد. ليه مش مبسوط؟ حاسس إن حياتي ملل، ما فيهاش روح.

بيبص من الإزاز بيلاقي ريم داخلة من الاستوديو.

بيبص على ساعة إيده.

بيلاقي الساعة بقت 10.

في نفس الوقت بيعدي قدامها بتاع القهوة.

بتخبط فيه الكوبايات بتطير وبتتدشدش على الأرض.

ريم: حصل خير. أه يا ني يا مفكوسة وكسة ما اتفسهاش حد.

بيبصلها الأوفس بوي بعصبية.

بتوطي ريم تلم معاه الإزاز.

بتخبط في دماغه.

الأوفس بوي: غورري من وشي.

ريم: خلاص خير، تعمل يعني أنا ماشية يا رب تتعور.

الأوفس بوي: يلا يا بت من هنا.

ريم: بس يا سم.

بتمشي ريم وهيا متعصبة.

بتتزحلق بتقع على ضهرها.

ريم: ذنب مين ده؟ آآآه يا حوستي السودة.

بيضحك نادر في مكتبه.

نادر: معقول في كده بجد.

بتقوم ريم وهيا ماسكة ضهرها.

والكل بيضحك عليها.

ريم: هيا أول مرة ولا إيه؟ مش أول مرة يعني.

بتطلع على السلم وهيا ماسكة ضهرها لأنها مش بتعرف تشغل الأسانسير.

بتخبط على المكتب وبتدخل لـ نادر.

ريم: أذيك يا أستاذ نادي.

نادر: انتي شايفة الساعة كام؟

ريم: الساعة في إيدي كام؟

نادر: 10.

ريم: ياعمو الساعة كام؟

نادر: مش عايز استظراف عالصبح.

ريم: ما تفك كده يا تخاتخو.

نادر بعصبية: قولت مية مرة ماتجيبيش السيرة دي على لسانك.

ريم: آسفة.

نادر: برررره.

ريم: طالعة يعني بتطردني من الجنة؟ يعني دا أنت كنت تخاتخو.

نادر: بتبرطمي بتقولي إيه؟

ريم: مش ببرطم.

بتقعد ريم على مكتبها وبتلعب على الكمبيوتر كوتشينة وشطرنج.

سوزي: نادر بيه جوه.

ريم: أيوه.

بتدخل سوزي لنادر وبتنزل الستاير.

بعد نص ساعة وريم عمالة بتلعب في لبسة القلم.

ريم: لأ بقا أنا زهقت.

بتقوم ريم وبتفتح الباب مرة واحدة على نادر.

ريم: أنا زهقت و... هييييه. نهار أسوح.

بتقوم ريم وبتفتح الباب مرة واحدة على نادر.

ريم: أنا زهقت و... هييه. نهار أسود.

كانت سوزي على رجل نادر وبتبوسه.

سوزي بتقوم من على رجله وهي محرجة.

ريم: يا ما تحت السوا. هي دي دواهي بصحيح.

نادر: إنتي إزاي يا غبية تدخلي كده من غير ما تخبطي؟

ريم: بس اسكت. ده إنت طلعت حكايتك حكاية يا تخاتيخو.

سوزي: تخاتيخو؟!

نادر: روحي على مكتبك دلوقتي.

سوزي: أوكي.

ريم: باي باي يا شوزي.

تبصلها سوزي بعصبية وبتمشي.

بتقعد ريم على الكرسي.

ريم: طلعت نمس يا واد. هههه.

نادر: آه نمس أوي. تحبي أوريكي.

بيقوم نادر وبيِقرب منها وهايبوسها.

ريم بصدمة: مدام إنجي!

يبعد نادر بسرعة: أوعي تفهميني غلط.

ريم: هههههه. عينك واحد يا شبح.

نادر بعصبية: إنتي مطرودة.

بتقعد ريم وبتحط رجل على رجل.

ريم: مش هتقدري تطرديني.

نادر: ليه بقى إن شاء الله؟

ريم: عشان لو طردتيني هروح أقول لي مدام إنجي وأبوظ أي حاجة مش بتتبل فيه فولة. هامشي أسوأ سمعتك أكتر ما هي سايقة.

نادر: آه بتهدديني يعني؟

ريم: لأ، ببتزك.

نادر: آه.

ريم: عندي طلب واحد بس وبعدها هبقى سكتة بكتم وهداري على مصايبكم.

نادر: وإيه بقى هو الطلب؟

ريم: تشغل واحد.

نادر: وإنتي فاكرة بقى إني هاخاف وأكش وأنفذ لك كل اللي تأمري بيه وتفضلي تبتزيني صح؟

ريم: هو أنا ما يهمنيش إنت بتعمل إيه، بس اللي هجيبهولك محتاج فعلاً الشغل.

نادر بصلها بتفكير: ماشي.

ريم: بجد هيشتغل؟

نادر: أيوه.

بتخرج ريم من عند نادر وهي مبسوطة.

نادر: عندنا حفلة بالليل وهاتجي معايا.

ريم: بس...

نادر: قلت لك في وجود إنجي تبقي موجودة.

ريم: ماشي. بس أنا كل ما بروح حفلة بتبوظ.

نادر: ماتخافيش. بس البسي حاجة عدلة.

ريم: ده أنا هبهّرك بالحتة اللي على الحبل.

نادر بصلها وهي مبتسمة وفاتحة بوقها.

نادر: ربنا يستر. بس هاتي رقمك أبقى أكلمك عليه.

ريم: مابكلمش رجالة.

نادر: بطلي غباء عشان أعرف هنتقابل فين وإمتى.

ريم: آه فهمت. اكتب عندك 012.

نادر: ها؟

ريم: بس كده. هيييييي.

نادر: يا خفة.

ريم: طول عمري يا خفة.

نادر: بت ما تعصبنيش.

ريم: اهدي كده يا تخاتيخو. صحتك.

نادر: يلعن أبو أم اليوم اللي شفتك فيه.

ريم: وإنت اليوم ذنبه إيه حرام؟

نادر: يا حنينة.

ريم: ده أقل ما عندي.

نادر بيبصلها بعصبية.

ريم: اكتب عندك **********012.

نادر: يلا شوفي شغلك.

ريم: شغل إيه؟ مش عارفة. ده أنا طول اليوم بلعب التعبان وكوتشينة وشطرنج.

نادر: طب روحي كملي لعب يلا.

ريم: إنت أساساً عاطل. مش عارفة فين الشغل في الموضوع.

نادر: ها أدخل السجن فيكي بره.

ريم: طيب ماتزوقش على فكرة. الاهتمام مابيطلبش.

نادر بعصبية: برررررره.

ريم: طب سلام.

بتخرج ريم وبتقعد على الكرسي بملل وبتكمل لعب الكوتشينة.

بيخلصوا الشغل وبتروح ريم على بيتها.

ريم: عمتي؟! إنتي كنتي فين؟

*: كنت بشتري شوية حاجات.

ريم: طيب أنا جعانة جداً.

*: غيري لما أحط الغدا.

بتغير ريم هدومها وبتقعد على الطبلية تأكل.

ريم: يااااه كنت جعانة.

*: ألف هنا على قلبك يا حبيبتي.

ريم: على فكرة أنا رايحة حفلة بالليل.

*: ليه بقى؟

ريم: مع صاحب الشغل. مش بيعرف يعمل حاجة غيري.

*: طيب.. بس خايفة عليكي.

ريم: هههه. هو أنا يتخاف عليا يا عمتي؟

..............................

في المساء...

تليفون ريم بيرن كتير.

بتفتح ريم.. الو...

ريم: إنت مين يا زبالة إنت؟ بقالك ساعة بترن. كفاية معاكسات وقرف. مليتوا البلد.

نادر: إيه يا غبية! إنتي مش قولت إني هارن عليكي؟ أنا نادر.

ريم: أستاذ نادر. يقطعني. معلش.

نادر: جهزتي؟

ريم: آه آه طبعاً.

نادر: طب قابليني عند...

ريم: مسافة السكة.

نادر: تمام.

بتقفل ريم التليفون.

ريم: نسيت خالص. نهار أبيض.

بتجري ريم حوالين نفسها وبتطلع هدومها.

................................

نادر قاعد في عربيته مستنيها وبص في الساعة.

نادر: مسافة السكة.. بقالي نص ساعة مستني الهانم. ومسافة السكة.. حتى إنتي!

بيبص بيلاقيها جاية لابسة فستان موف مجسم ورافعة شعرها ومنزلة قصتين من الجنب وحاشية القصة اللي بتاكل نص وشها.

نادر: معقول دي ريم؟

بتيجي وبتفتح العربية وبتقعد.

ريم: معلش اتأخرت.

نادر: إيه ده؟ إنتي طلعتي حلوة أهو.

ريم بصتله بصدمة وبعدين بصت جنب تاني في كسوف.

ساق نادر العربية.

نادر: عارفة إيه أحسن حاجة في الموضوع؟

ريم: إيه؟!

نادر: إني عرفت أشوف وشك من غير القصة اللي واكلة نص وشك دي.

ريم بخجل: آه.

نادر: آه إيه؟ ده إنتي حالتك ميؤوس منها خالص.

بيوصل نادر مكان الحفلة.

بينزل من عربيته وبيمشي.

ريم: إنسان ماعندوش ذوق.

نادر بيلفلها: بتقولي حاجة؟

ريم: لأ.

بتمشي ريم وراه.

بيدخل الحفلة.

ريم بتمشي ومبهورة من المنظر. الحفلة في جنينة فيلا. أضواء كتير وناس هاي كلاس.

حد بيكعبلها. بتقع على الأرض والكل بيضحك عليها.

بتقوم من على الأرض وكأنها بقت متعودة على التنمر من الناس وبقى شيء عادي بالنسبة ليها.

بتبص على اللي واقف قدامها وعلى وشه ابتسامة شر.

ريم بصدمة: إنت!!!