رواية ام نص لسان بقلم حنين عادل | كاملة
قيّم الرواية:
لا توجد تقييمات بعد
من أحداث الرواية
بتصحي متأخرة، بتبص في تليفونها. بتقوم من على السرير تجري وتصوت: "يي كده يا عمتي! حيّام! عييكي!" "في إيه يا بت؟ انتي عارفة إني عندي مقابلة مهمة في التليفزيون. ما صحيتنيش ليه؟ ما عدش عنها يجي نص ساعة." "يوه راح عن بالي يا حبيبتي. البسي بسرعة وروحي. ربنا يجعلك في كل خطوة سلامة." "يايب. ادعييي!" بتلبس هدومها بسرعة، المكونة من جيب واسعة وفوقها بلوزة واسعة. بتقف قدام المراية، بتسرح شعرها، بتنزل القصة على وشها، وبتلبس نظارتها اللي واكلة نص وشها. بتضحك قدام المراية وبتحط لسانها على تقويم السنان. "هاخلص منك امتى بقا أنا زهقت." بتطلع من أوضتها للصالة. "أنا ماشية يا عمتي." "استني خدي السندوتشات دي." "هوا أنا رايحة المدرسة؟" "هتنزلِ من غير فطار؟ كوليهم في العربية." "ماشي. سلام. ادعييي!" بتنزل من بيتها اللي في حارة شعبية، وهي بتلبس الباليرينا السودة على السلم. بتمشي بسرعة وكأنها بتجري. بتروح عند موقف العربيات وبتركب عربية. بتسند على شباك العربية بتفكير: "يايب حقق...
