تحميل رواية «أما غرام يشرح الصدر طاريه و إلا صدود وعمرنا ما عشقنا / الكاتبة صدود/مكتملة» PDF

البــــــــارت إهداء للجميـــــــــــــــــــــــــع ..

والكبســــة خاصة جداً لـــ آمـــــال..

البارت الواحد والخمســــون ...

ها أنتِ ذي ! ها أنتِ ذي ! ها أنتِ ذي !

شامخة كالشمس .. واثقة كالرمح.. مغرورة كالسحاب جميلة كليلة العرس..

وها أنا ذا !

أنظر إليك .. أحاول .. بالعيون التي احترقت ألف مرة..

أتحدث إليك .. أحاول .. باللسان الذي فقد الذاكرة..

أمد إليك .. أحاول .. اليد لم تعد تحسن الأخذ .. ولا العطاء..

يا الله ..

وقد كان مضمارنا وحداً ..

فكيف كبرتُ ولم تكبري؟!

المرحوم باذن الله تعالى..غازي القصيبي..

هديل عرفت من مرام أنه دكتور نفسي وهو الحين يحلل نفسيتها ..

أصلاً مارجع من السعودية الا بعد ما انهارت مرام وهي تتذكر كيف مات طفلها..

وأتضح لها ان مسفر هو دكتور مرام النفسي وبنفس الوقت ولد أختها..

يعني مرام تصير خالته..

هديل\أجل وش تقصد بالمبلغ اللي قلته..؟؟

مسفر\أنتي مضيعة شيء؟؟مفتقدة شيء خاص فيك؟؟

هديل هزت راسها بنفي..

مسفر\يمكن بسبب الحمل صايرة تنسين كثير...

هديل بعصبية\أنا مو فاهمة عليك عندك شيء قوله بدل أسئلتك الغير مفهومة..

مسفر\أكيد ماراح تنسين صك الزواج الضايع صح؟؟

هديل بصدمة\..........................

مسفر\أنتي هاربة من زوجك..ولا من هلك؟؟؟!

هديل بألم\زز.........وجـ..ـي؟؟!

مسفر بشك\أنتي هديل؟؟!

هديل بشهقة\أ أنــنـ...ـت كيف ..لا من ..أنت مو أنا...لا

مسفر بتأكيد\أنتي هديل حسين الجاسم...

وقفت مفجوعة وهي ترتجف كيف عرفها...

ما أحد يعرفها هنا...كييييييييييف كيف..؟؟!

وقف وأختفى من قدامها لدقايق...

وهي واقفة تناظر بالفراغ تحاول تتماسك وتفهم هو من وين عرفها..

نزلت الدرج وراه بسرعة وراحت تدور عليه..

خرج من غرفته وشافها واقفة تنتظرهـ..

رفع الأوراق بيدهـ وعيونه عليها..

مسفر مركز عيونه عليها\ليه أنتي هاربة؟؟

من اللي مخوفك ومخليك تختفين عن هلك وزوجك أشهر من دون مايعرفون عنك شيء..؟

هديل مخنوقة كيف تقوله أنها هاربة لأنها ميته..

ولأن مالها احد..

كيف تقوله انها مو متزوجة وانها حامل من غير حق...

بس هو كيف عرف اسمها..؟؟

مسفر\جاوبيني..وأوعدك اكون لك عون باذن الله..

هديل\من وين عرفت اسمي..؟؟

مسفر بهدوء\فتشت شنطتك وشفت الأوراق وعرفت من تكونين..

هديل بغصة\شنطتي ضاعت مني هذاك اليوم..وبعدين أنت عن أي أوراق تتكلم..؟؟

مسفر\أنا أخذتها منهم..وأتكلم عن أوارق زواجك..صك الزواج..

هديل بصدمة\......................................أي زواج؟؟!

مسفر\وش فيك ترجفي كذا؟؟أهدي وصلي على النبي..وأنـــــــ............

هديل بنحيب وخوف\أي زوااااااااااااااااااج ؟؟

مسفر\مو انتي هديل الجاسم.؟؟

هديل تهز راسها وهي تبكي\ايـــ.....ــه أنــ....ـا..

مسفر\وزوجك غازي الجالي..؟؟

شهقت وهي تبكي وترتجف..

كانت تهز راسها بكل الاتجاهات وتحس انها مخنوووقة من مجرد ذكر اسمه..

مسفر بحيييرة\وش اللي سواه فيك وخلاك ترتعبين من اسمه بس..؟؟

هديل بنحيب\زو.............زوجــ............ــي أنـــ.....ـا أنا متــ....... ـزوجة أنا متزوجة؟؟

مسفر باستغراب\هذا المكتوب في العقد..أنتي زوجت غازي...

هديل مدت يدها مسكت الأوراق وهي ترتجف ..ناظرت فيها بضياع..

بس مافهمت شيء..ماقدرت تقرأ..كل اللي تشوفه ضباب ..

هديل بتعب\وين وين مكتوب ما اشوفه وينه وينه؟؟

مسفر أشر لها على اسمها وعلى اسم غازي..

الشهود عمها وســــــالم..

هديل تلم يدينها على بطنها وتصرخ بيأس وتبكي..

مسفر مصدووووم ومستغرب من ردت فعلها الغير طبيعية أبداً..

هديل بنفس مقطوع وصوت مبحوح\يعني حــ....ـلال..كلـــــه حلال مو حرام..

أنــــ....ـا متتـــــ..ززوجة حـــ...ـامل حلال آآآآآآآآآآآآآآآآآآآآآآهـ ياربي ياحبيبي..

جلست على ركبها تبكي ويدينها حوالين بطنها..جلس قريب منها خايف عليها..

حالتها تشبه الجنون العاقل..

مسفر\يابنت أذكري ربك تراك حامل لا يصير فيك شيء..

وكأنك أول مرة تدرين أنك متزوجة..

هديل تهز راسها\ايـــ..ـه إيييييييييه انا متزوجة ولدي حلال ماهو ولد حرام..

ربي ماهو غاضب علي..أنا........... حسبي الله ونعم الوكيل فيهم..

آآآآآآآآآآآآآآآآهـ يووووومه آآآآآهـ...

مسفر مصدوم\ماكنتي تدرين أنك متزوجة؟؟

هديل صدت عنه\.............................................

مسفر بهدو\قومي ارتاحي بغرفتك....ونتفاهم بعد ماتهدين..

هديل تبكي بآسى وهي تطلع الدرج رايحة لغرفتها..

جلست على سريرها وناظرت في العقد اللي معها..

متزوجة ياهديل...

أتاريه زوجي وماعندي خبر..

ياويلـــــــــــــــي كيف يكرهني..

أستكثر علي يريحني ويقول أنه زوجي..

عذبني على اساس جاريته..

وكل ماقال يقول حلال وحلال..

وين الحلال وأنا مغصووبة ومجبورة..

ناظرت بتاريخ العقد وتأكدت انه بنفس اليوم اللي أخذها فيه تم الزواج..

ناظرت بتوقيع أبوها وصارت تتكلم معه وكأنه أبوها..

هديل بألم\هنت عليك ياحسين..؟!

هنت عليك تزوجني له ولا تقولي..

ليه كذبتوا علي وقلتوا يباك جاريه..

ليه ساعدتوه في كذبته..

قلت لكم زوجوني له انا موافقة قلتوا لا مايبيك..

ليه كذبت علي يوبه..زوجتني له ولا طمنتني بكلمة..

لو خبرتني ماكنت بأقول لا..كان تغير الكثير يوبه..

ماكان بيدفني كل يوم وهو مبسوط ولا يهيني ويكسرني..

ماكنت بأموت من خوفي على نفسي وعليك..

لو قلت لي ..لووووو بس قلت لي يوبه..

تدفني بعد ماتعطيني له..وتسد الطريق في وجهي..

تحبسني بقسوة الغربة..

حطت يدها على بطنها وهي تحس بأختناق ومو قادرة تتنفس..

تبي تصرخ تبكي بصوووت عالي..

تنهااااااااار وتنسى أحساس الذل اللي عاشته معاهـ..

هديل بآسى\شفت أبوك وش سوا فيني..؟؟

طلعت أنا زوجت أبوك..زووووجته ولا أدري..

عذب أمك غربها..جلدها بالسوووط مثل البهيمة..

عاملها مثل الخدم..وتركني مع عمال المزرعة لحالي..

أبوك ماهو إنسان هو جلمووود..قاسي وماعنده قلب..

ماراعى الله فيني..ماترفق فيني..ولا حن علي..

يكرهنييييييييييييييي يحقد علي..آآآآآآآآآآهـ يوووومه..

أبوووك كرهني بعمري كرهني بــ هلي..

أطلب العوض منك بعد ربي..

عوضني عنه وعنهم..عوض أمك في أمها..

عوضها عن هلها أخوانها قبيلتها وممكلتها..

أنسدحت على فراشها ومع دموعها أبتسمت..

لما حست بطهارتها بعد ما رمت نفسها بالطين..

إحساس غزى قلبها وشرح صدرها براحة ماعرفتها من زمـــان طويل..

همست بأنين\حلال...أنت ولد

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

فزت من سرحانها لما سمعت صوت الباب..

مسحت دموعها بسرعة وكانت بتغير المحطة قبل لا يدخل ويشوفها..

ما امداها لأنه علق عليها وهو يضحك..

راجح يبتسم\لاتقولين هذي الحلقة الأخيرة..اتابعه هذا الكرتون..

رشا\توني شغلت التلفزيون وكان على هذي القناة..

راجح\سبحان الله يا الصدف..نفس القناة اللي يحبها غازي..

أخذت الريموت وطفت التلفزيون من دون ماترد عليه..

راجح يجلس قريييييب منها ويركز عيونه عليها..

أرتبكت من قربه وتكلمت بصوت مخنوق لما حست بيده على ظهرها..

رشا\اممم نقدر نطلع الحين؟؟

راجح يتأملها\تدللي..وين تحبين تروحين..؟؟

رشا بتفكير\امممم السينما..لاتقول لا..

راجح عقد حواجبه\مصممة؟؟

رشا بهدوء\لا براحتك..

راجح\ما أخليها في خاطرك وأنا أبو حمـــد..

كانت بتوقف وتبعد عنه وهي مرتبكة من مده لاسم حمد..

بس هو مسكها وضمها له وقبلها على خدها..

راجح بمحبة\تبين فلم كرتون ولا رومنسي..

بعدت عنه ووقفت\أكشن والحرمه تضرب زوجها على طول..

راجح\هههههههههههههههههه هذا بنمثله لايف انا وانتي..

رشا\الجو بارد برا؟؟

راجح وهو ينزل شماغه وعقاله\ايه فيه برد ..تدفي زين..

دخلت الغرفة طلعت ملابسها من الكبت وغضت نظرها عن ملابس غازي اللي بين ملابسها..

دخلت غرفة التبديل بدلت وهي تفكر فيه..

لو كان معهم مستحيل تخرجه في هذا البرد..

بتغطيه وتنيمه وتنام معه..وراجح يطلع لحاله..

غمضت عيونها وهي تذكر نفسها بانه غير موجود..

ولازم تنساهـ..هي خذته لطيبتها ولانها أشفقت عليه..

الحين هو مع ناس طيبين ويحبونه ويبونه..

وانا ما ابيه كان مضيق علي و معقدني معه..

لاتجرحين ذكراهـ..

هذا ولد قلبك وروحك..

أرتجفت شفايفها وكانت بتبكي لو ما أستعجلها راجح ودق الباب..

أنتبهت على نفسها وكملت لبسها بسرعة قبل لا يدخل عندها..

طلعوا من الفندق في سيارة أستئجرها راجح لما وصلوا دبي..

وتوجهوا لــ دبي مارينا مول..

دخلوا صالات العرض وتمنت رشا لو ماطلبت منه السنما كان أحسن..

ناظرته بطرف عينها كان مبسوط وهو يشوفها خجلانة ومنزلة راسها..

راجح بسخرية\عيب غمضي عينك..

رشا بقهر\قوووم قووم خل نطلع ما أبي اشوف الفلم..

راجح\هههههههههههه هششش وطي صوتك لا يقوم هذا اللي قدامك ويهفك بووكس..

شوفيه كيف مندمج مع الفلم..

رشا تكتم ضحكتها\ههههههههههههههه نص الفلم راح وأنا أفكر بشكلك لو كان شعره لك..

راجح بنظرات\والعياذ بالله تبين أسوي كدش مهبوول أنا...

رشا تبتسم\راجح إساله قله مايحس بثقل على راسه وهو يمشي ولا نايم..

راجح بهمس\لا المصيبة إذا كانوا بيتحممون كيف يغسلونه او يمشطونه..

رشا\طيب لو دخل فيه شيء يحسون ولا كيف؟؟

راجح يضحك\تبين أساله؟؟

رشا بتشجيع\إيه إساله وخلك قوي لاتخاف منه..

راجح\ههههههههههه منااك بس انهبلتي..ترى راح الفلم ماشفناهـ..

رشا\ماحبيته وش رايك نطلع..

راجح وقف\يالله مشينا..

وهم يمشون خارجين بدو الناس يتشكون منهم..

لأنهم يقطعون عليهم المشاهدة..

رشا بخبث\آآآهـ بس لو أعرف وين الكيبل كان أفصل الفلم عليهم وأشرد..

راجح\ههههههههه عاد كيبل مرة وحدة لشاشات السنما..شايفته تلفزيون ولا بلازما..؟

رشا شهقت بقوووة وهي مفتحة عيونها على الآخر..

راجح أنفجع من شكلها مو فاهم وش صار عليها..

راجح بخوف\رشا..وش فيك ؟؟هيه بنت أتكلم معك وش صارلك؟؟

رشا مركزة عيونها وتمد يدها وتأشر..

ناظر بس ماشاف شيء غريب..الناس يمشون بشكل عادي..

راجح\رشــــا؟؟!ياقلبي وش فيك؟؟

رشا بتأتئه\ببـ.......بـــ....ـــر

راجح بعجل\وشهو؟؟؟أحكي زين عشان أفهمك..

رشا تشهق أكثر\بببــ............ـراد بيت.. بيـــ.....ــــيـــت..

براد بيت راجح شوفه هناك..

راجح يمسك نفسه لا يتوطى في بطنها..

مسكها من يدها وسحبها وراهـ وهي تحاول تناظر مرة ثانية لورى..

راجح بعصبية\أمشي زين لا أكفخك ألحين..

رشا\راجح روووح صوره تكفى أبي أقهر شوقووهـ ..

راجح يصفر\يووووووووووووووهـ يالبى بسسسسسسسسسسسسسس...

رشا تناظر للـ الجهة اللي يناظر لها راجح بس ماشافت شيء..

راجح\ياختي صارووخ أرض جوو..تعالي نصور معها..

رشا مفجووعة\مييييييييين؟؟!

راجح\إليــــسا عساها فدوووة لك بس..

رشا بقهر\أمش أمش قال إليسا..من زين براطمها ولا خشتها..

أمش لا أكفخك..

راجح\تعالي بس نصورها عشان أقهر طويلب..

رشا\والله ماتروح لها الا على جثتي..

راجح\ههههههههههههههههههه لا وبراد بيت من اللي يبي يصورهـ؟؟

رشا\ماهوووب أنا..لا تظلمني..

راجح\بس لو غازي هنا كان يهفك مثل أيام ايطاليا..

رشا\ههههههههههههه لا هو ماعصب علي لحالي..حتى على شوق وهديل..

راجح\لا ويتمسخر عليكم ويقول تبون اناديه تصورون معه..

وكلكم ايه تكفى رووح قله يجي..لو مالناس حواليكم ولا كان كووفنكم يالثلاث..

رشا\ياربي منكم كان خليتونا نراهق..كل واحد صار يهاوش حرمته..

من زينه أنا أحلى منه وانا اطلق منه.. هذا جوني ديب ماتفهمون..

راجح بحنية\ماكلاها الا الضعيفة بهذلها غازي وحرمها من العشاء...

رشا\الله يرحمها..بس ترى طلعته من عيونه ..

رشا وشوق جالسين جنب بعض ويعلقون على الموجودين..

وهي جالسة مقابل رشا ونظارات غازي على عيونها..

شوق بشهقة\هئئئئئئ رشا شوفي ذاك المزيون مو كأنه جوني ديب؟؟

رشا تتلفت\وينه وينه؟؟

رشا وهديل يناظرون لنفس الاتجاه اللي تأشر عليه شوق..

رشا\يخرب بيت أمه هو ماغيرهـ..

شوق\هههههههههه ايه هو ياي وناسة..

كلهم يناظرون للممثل..ولا أنتبهوا ل غازي لما جلس جنب هديل وأخذ نظاراته من يدها..

أستغرب نظراتهم وناظر معهم..وكل شوي وحدة من خواته ترمي كلمه عن الممثل..

غازي بسخرية\وش رأيكم أناديه لكم تصورون معه..؟؟!

كلهم الثلاث\إيــــــــه ...

ناظرهم بقهر\ووجع زين؟؟

شوق بفشلة كاتمة ضحكتها\يووه غازي نمزح معك..وش فيك عصبت..؟؟

رشا تضحك\ههههههههههههه لا انا ما أمزح من جد ..

ناظر بهديل كانت عاضة على شفايفها ماتبي تضحك ويكفخها..

سحبت نظاراته من يده ولبستها..

والبنات لبسوا نظاراتهم...

غازي بعصبية\يعني تلعبون علي أهبل انا..

لبستوا النظارات عشان ما اعرف أنكم تناظرونه..

شوق\ياخي وش فيك خلنا نتفرج على الناس..

غازي\ألحين تفرجي صح..هذا عمك جاء تفرجي عليه..

شوق\هههههههههه سبحان الله فرق كبير بين زوجك وجوني..

غازي\لا وببببعد اسمه جوني..

رشا\مالي دخل أمه سمته جوني..

راجح\جعل مابه جوني..منهو عليه ذا الجوني؟؟

غازي بسخرية\من قبيلة نرجع لنفس الفخذ..

شوق\روحوا وجبوا عليه بذبيحة واحلف عليه بالطلاق..

راجح بنقمة\بسم الله علينا من الطلاق والله أنت أطلق منه ياغازي..

بس ولا يهمك اوجب عليه بحاشي كم جوني عندنا..

رشا بكذب\بأروح اشوف أمي وغازي وينهم..

شوق فاهمة عليها\باروح معك مايصير تروحين لحالك..

راجح\فاهم عليكم والله لأحش أرجولكم لو مامشيتوا وراي..

مشوا البنات ورى راجح وهي فزت بخوف لما تحرك كرسيها..

هديل\جنيت أنت..كنت بأطيح..

غازي وقفها وسحبها يجلسها على نفس الكرسي اللي هو عليه..

هديل بعصبية\وجع بعد عني ليه الضيق والزحمة..

غازي بهمس\الضيق في القبوور..لا أشوفك تناظرينه أفقع عينك..

هديل بقهر\من زينك انت وإياهـ..وجيه تقطع الرزق..

غازي بضحكة\وجهي يقطع الرزق..

هديل\ياليت الرزق وبس..لا يقطع المطر والخير..بس يجلب الكروب يالغراب..

غازي\هههههههههههههههه والله ما انتي بهينة يا البومة..تعرفين تشتمين..

هديل بفخر\بعض ماعندكم..

لف وجها عليه بسرعة خوفها..

غازي\لاتناظرينه..أسوي شيء مايرضيك..

هديل توقف وبتحدي\اممم تدري أتحداك تسوي شيء لي هنا..اذا كفو مد يدك..

مشت مبتعدة عنه وهي تتحداه بنظراتها..

وقف وهو يتوعدها بعيونه ولما أنتبهت عليه سرعت بخطاويها..

خرجت من الساحة اللي كانوا فيها..

وركضت بسرعة هاربة منه قبل لا يمسكها..

حست فيه قريب منها صرخت بخوف ووقفت وهي رافعة يدينها..

هديل بتعب\خلاص انت كفوو..وبتفقع عيني..

غازي\لا والله..

هديل\إي والله ..

غازي\ههههههههههه طيب أمشي حسابك بعدين..

هديل\لا ما أمشي قبل لا توعدني ماتضربني..

غازي بسرعة\وعد ما أضربك ..

هديل\طيب كيف أصدقك وأنت ماتوفي بوعودك..

لم يده حوالين كتفها ويقربها منه ويمشيها غصب عنها..

غازي\لازم تصدقين هذا هو الحل ..صدقي وبس..

هديل\ماهو منــ.............................

غازي\وش فيك؟؟

هديل بالم ويدها على قلبها\فيه شيء.....

بخوف\وش فيك..تحسين بشيء..تكلمي..

هديل بغصة\والله فيه شيء...فيه شيء..

غازي حط يده على صدرها وأنرعب من خفقان قلبها العالي..

هديل بشهقة تتلفت حوالينها\ليه كذا..؟فيه شيء هنا..بس وشهو....

تلفت حواليه بشكل إستطلاعي سريع..

اول ماسمعها تقول فيه شيء هنا...

شاف ثلاثة شباب خليجيين..واحد بينهم لفت نظرهـ..

ضمها له بقووووة لما عرف من يكون هالشخص..

كان راكان ولد عمها و الشخص المقابل لراكان وصاد عن غازي..

ماكان الا هادي توئمها الغالي..

هديل تبكي وتشد على صدرها\بسسسسس..ليه كذا بسسس بسسس..

مشى فيها بسرعة ولما أبتعد عنهم رفعها عن الارض واخذ سيارة على الفندق..

وهي كانت ترتجف وتبكي من الإحساس اللي صابها..

ضمها بقوووة ولا أهتم لتألمها منه..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

دخل ومافاته الجو المتكهر في البيت...

عامر بهدوء\السلام عليكم..

غازي\سعدون أنا..

ام فهد\هلا وعليكم السلام والرحمة..

عامر\عسى ماشر أشوفكم متضايقين..

عالية\أنت تبي ترجع غازي لهم؟؟

عامر\تقصدين هله؟؟

عالية بضيق\ايه اقصد هله..بترجعه لهم..

عامر\هو ولدهم وأكيد هم بيجون وياخذونه..

وماني بمانعهم منه..

عالية بقهر\ظلم ليه ياخذونه الحين..مايكفي السنين اللي خذوه فيها..

وبعدين كيف ترده لهم وأنت ماتدري كيف يعاملونه..

يمكن يعذبونه ولا يجرحونه..

خله عندنا والله احطه في عيوني..

ام فهد\علووي بسم الله عليه من العذاب..

ليه تفاولين بالشين يومه..تراهم ناس طيبين وماعليهم منقود..

عالية بزعل\أمه ماهي معه ولا ابوهـ..

مافيه الا عمامه ومرت أبوهـ..

كيف ندري انهم يحبونه ويبونه..يومه يمكن يكذبون علينا مايحبونه..

عامر\من قال أمه ماتت..

أنتي ماتدرين مرت أبوه هذي اللي ماتبينه يرجع لها وش مسوية بحياتها..

من عمر غازي يومين وهو قطعة منها..

خذاه سعود بعد موت لين والدنيا سوداء في عيونه..

قال لها هذا ولدي وانا ما ابيه..هو لك تبينه خذيه واذا ماتبينه الله العالم بحاله..

عالية\أكيد هو أجبرها عليه..

عامر بعصبية\ماقطته وقالت رووح رجعه لامه انا ما ابيه..

ضمته لها وقالت هو ولدها..طول السنين اللي فاتت واللي كنتي انتي وفهد تهددونها وتخوفونها فيها..

كانت ساكته وصابرة عليكم وعلى تهديداتكم..ماقالت لأخوانها ولا لزوجها..

لأنهم لو عرفوا الولد ماهو ولدها بياخذونه منها ويمكن زوجها يطلقها لانها كذبت عليه وقالت ان الولد ولدها..

عامر\أنت ليه ماتفهم ما أحد يحب الولد الا أمه وأبوه..

عمامه مرت أبوه وهله كلهم..ما احد بيضمه ويرعاهـ..بيقسون عليه ويكسرونه..

لاترجعه لهم تكفى ياعامر خله عندنا..

عامر\وأنتي ياعالية لا أنتي امه ولا أنا أبوهـ..

حالنا حال عمامه..

عالية تبكي\لا هو ولد أختي أنا بأرعاه وأهتم فيه..

ما بأخلي احد يظلمه أو يضرهـ..

أم فهد\يومه فديتج الناس ماهم مثل عمامج..أذكري الله..

ناظرت امها بعتب...

خرجت من البيت معصبة وغازي ماسك يدها ..

جلست في الحديقة ونزلت ألعابه وبدأت تلعب معه..

ناظرت فيه يضحك وهو يرميها بالمويه من لعبته..

عالية بحب\ياليتك تفهم علي وتعلمني..

كيف كانوا يعاملونك..؟؟قسو عليك لا بكيت تبي أمك..

يطقونك اذا شافوك تلعب ومستانس..

ينومونك بالظلام وتصحى والقطوة بغرفتك..

قلي يا حبيبي أنت عانيت مثلي..

كنت تصرخ من الجوع والبرد..

وفي العيد كيف تحس وهم ناسين منك..

يعايدونك ولا يكسرون خاطرك بحكيهم..

شالته من على الأرض وباسته على راسه وهي تضمه..

عالية بصوت مبحوح\شكلهم طيبين..

وأنت تحبهم..حتى عمامي شوفهم طيبين..

بس حقيقتهم قاسين ومايرحمون..

أنت ماتدري كيف عشت معهم مثل الخادمة..

قسو علي كثير..تدري وش كان ذنبي..

ذنبي اني يتيمة مكسور ظهري ومالي من يردعهم..

ماخذاني منهم الا خالك عامر..

هاوشهم وطق جسوم كان دووم يطقني..

شاله عامر من دشداشته وداس فبطنه..

قال لعمي...البنت بأخذها لامها واذا فيكم خير اشتكونا في المخفر...

بالبسكم قضية تعذيب لطفلة وناخذ الحضانة لامها..

عاد لو شفت يا غزوي كيف خافوا عمامي وهو يهاوشهم ..

خذاني معه وردني لأمي..من يومها حلفت ما اعاند امي بقول ابد ابد..

وكل ماتقول اقول لها تم ومايخالف..

بس عويمر ماخلاني في حالي..لا تدخل هذا التخصص مو زين لها..

خلها تدخل هذا أحسن.. لاااا واذا باطلع مع امك الله يرحمها طلعت بنات..

رز وجهه بينا قال ماتطلعون من دوني..

عنبووو نشب لنا..والحين ترى معاقبني مايخليني اطلع من البيت..

يووه نسيت العقاب خلص من ثلاث ايام..الله يقطع ابليس نسيت تم الإفراج..

غويزي ياللي ماتستحي نايم وانا أسولف لمين يعني ؟؟

أنا أحكي لك تارخ العائلة وانت نايم..؟؟

عامر بهدوء\تسولفين لي..وانا مستغرب ثلاث أيام مرت لا طلعت ولا أستئذنت..

عالية\ايه ترى باطلع اليوم لاتقوول ماقلت لك..

عامر\وين بتروحين؟؟

عالية بضيق\ولو أروح أجيب مبرد وأرجع..المهم أطلع..

عامر\انا عازم ام فهد واخوووي فهد وغاازي ولد اختي على العشاء..

اذا حابة تجين معنا حياج الله..

عالية\امممم انا بأطلع اتعشى مع امي وفهد اخوووي وولد أختي غزووي اذا حاب تنغص علينا لا تجي..

عامر\تم مسموح تطلعين بس لا تتاخرين..تراج تعرفيني..

عالية\ليش كله تهدد وتهدد..

عامر\لأنج ماتسمعين الكلام ..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

كانت واقفة بالمطبخ تشوف وش صار على العشاء..

مرام جالسة على الطاولة وتراقبها وكل شوي تهاوشها..

مرام\يابنت ليش ماتسمعين الكلام..اجلسي وأنا اكمل العشاء عنك..

هديل بابتسامة\لا ياعسل..انا باخلص العشاء..وعدت عمي أبو نايف وأنا عند وعدي..

مرام\ياختي وش زين بسمتك حلووة..ليه مخبيتها ومانعتنا منها..

هديل\ههههههههههه ربي يحلي أيامك...

مرام\الشايب طاير عقله فيك؟؟تدرين انه جاء اليوم عشانك..

حتى ماقال لنا انه بيجي..

هديل\الله يحفظه ولا يحرمنا منه...ماني عارفة كيف أرد جميله..

مرام\مع اني ما أعرف عنك شيء..ولا حتى أسمك..بس مبسوطة لانك بخير..

هديل بحنية\وانا مبسوطة لانك صرتي بخير بعد هبالك..

مرام عفست وجها\احم احم لاتذكريني ترى انا ما أقصد اخوفك او أغصبك على شيء..

والله كل همي وتفكيري تكونين مرتاحة وبخير..

هديل\وانا بخير ياقلبي..

مرام وقفت\طيب يالله انثبري مكاني وانا أخلص الباقي..

هديل\اممم طيب كملي وانا عندك هنا..

مرام وقفت قدامها\مبسوطة لانك حامل؟؟!

هديل بهمس\الحمدلله...

مرام\هممم ريحة الكبسة تجنن..

شكلك طباخة لا يعلى عليك..

التهت مرام بتحضير العشاء..

وهديل سرحت على طاري الكبسة...

لما سحبها معه المطبخ دخلها وقفل الباب..

غازي\سمي بالله يالله..

هديل باستغراب\خير...وش اسمي وش تبي؟؟

غازي\كبسة..مثل كبستك هذيييك تذكرينها..

هديل بسخرية\تبي كبسة؟؟وتبيني انا اسوي لك كبسة..

غازي\ايه يالله سويها..

هديل تخرج من المطبخ\ماعلموني هلي كيف أطبخ ولا نسيت..

قام لها بسرعة ورجعها غصب عنها..

جلست بمكانه وناظرت فيه بعناد..

هديل\تراني حلفت ذاك اليوم ما أطبخلك لو تموت..يالله أخدم نفسك وأنا أشرف عليك..

غازي\رسل قومي سوي كبسة..

هديل\امممم بشرط..قول ياهديل سوي كبسة واسويها..

غازي\ولاتحلمين...

هديل\اجل قوم اطبخ لعمرك انا مالي دخل فيك..

غازي\يعني مابتسمعين الكلام..؟؟

هديل\ترى الكبسة ماتزبط معي اذا كنت مضروبة فلا تضربني..

غازي\لا مافي نيتي اضربك..ابى كبسة بس..

هديل بتشفي\الله ونااسة تطلبني شيء واحرق قلبك عليه..

غازي\ترى شايفة نفسك على غير سنع..ماهو من زين طبخك..

هديل\وهـ فديتني انا مو توك بتموت على كبسة من يديني..

غازي\بتسوينها ولا كيف؟؟

هديل\بالتأكيد لا ... تصبح على بعارين ترافسك قل آمين..

هج من المطبخ قبل لا يكفخها وراحت الملحق نامت وهي مبسووطة لانها قهرته..

قال ايش قال سوي كبسه..مشكلة الثقة في الشايب..

مرام\يابنت اكلمك وش فيك؟؟

هديل بابتسامة\هلا..اسفة ماسمعتك..

مرام\بيدخل تركي يشيل الأكل..

بتظلين هنا ولا تروحين داخل..

هديل\لا باطلع بس ارتبه لهم..

طلعت لغرفتها تحممت ولبست قميص واسع ومريح..

لمت وشاحها عليها وطلعت عقد الزواج..

في كل مرة تناظر العقد وتقرأه تحس باحساس جديد..

وكأنها تدفن العار اللي عيشت نفسها فيه..

وتدفن الجلموود اللي حقرها بنظر نفسها..

صح ان معرفتها انها زوجته ماتغير في الماضي شيء..

بس تغير الشيء الكبيييير في المستقبل..

وتغير بحيات طفلها الغالي..

ثبتت خاتمه باصبعها وهي كارهه وجوده فيها..

فتحت البلكونة ودخل هواء صقيعي ..

بس ماقدرت تترك عادتها في انها توقف على البلكونة وتناظر ل السماء..

ناظرت ل السماء البعيدة..

وبعدها صدت عنها وناظرت لبطنها المنفوخ..

هديل بحنية وهي تمسح على بطنها\وليه أناظر بعيد وأنت جواتي وقريب..

خرج وهو يتعذر بألف عذر بس المهم يخرج ...

جلس في الحديقة ويده على فمه ويحس بنار جوات روحه..

الاكل اللي شافه والطعم اللي ذاقه..

ماهو الا نِفسها..طبخها هي..

حتى ترتيب الاكل يشبه ترتيبها..

عنف نفسه..هي وحيدة مالها شبيه..

وهي ماتت والله يرحمها..

رفع راسه وهو يتنهد بشوووق لها..

تعلقت عيونه بطيف او خيال ...

قبل لا يلمح وجها صدت عنه وتتلمس بطنها..

وقف بجمود وعيونه تناجيها تلتفت له..

وقفتها ماهي غريبة عليه..

لو يناديها باسمها...

بس لسانه عصاهـ وماطاعه..

مد يده وهو متأكد ان اللي يشوفه طيفها يتهيىء له بغيرها..

بس ماعاش غيرها يأخذ قلبه بعدها..

لو بس درت أنها زوجته وكل شيء حلال..

ياما خذا منها ومن صبرها ..

ولا مرة طمنها بكلمة أو عطاها مايواسيها..

تشبها حتى بحجمها ...

ابتسم وهي تمر في باله..

لو كانت حية وبخير..

كانت بتمر أيام حملها وهو معها..

يراقبها..يرعاها..

يحتضنها برضاها ولا غصب عنها..

المهم تظل بقربه وتكون بخير..

آآآآآآآآآآآآهـ وكأنها دهر وسنين..

ياليتها بــــــس ترجع..

دخلت وتركته يتمناها ترجع وتكون حمامته..

ظل واقف ينتظر الخيال يرجع..

هو راضي ي بالخيال..

راضي بطيفها..

بس لو تزورهـ مرة وحدة..

انحرم منها حتى في أحلامه..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

لبست جلابية على قميصها وطلع لـ الصالة لما قالت لها مرام أن أبو نايف يبي يتكلم معها..

جلست عندهـ وهو يسألها عن أحوالها واذا كانت مرتاحة عندهم..

كانت تتكلم معه وهي خجلانة منه ومنحرجة من اهتمامه فيها..

دخل تركي ومسفر ولاحظت عصبيت مسفر ونظراته لها..

صدت عنه بسرعة وألتهت مع مرام وأبونايف..

تركي بتعجب\يوبه وش في ضيفك خرج وهو معفوس..؟؟

ابونايف بصد\الله العالم..بس عسى ربي يعينه ..

مرام\عسى ماشر..مريض ؟؟

ابونايف\توفت زوجته في حادث..الله يرحمها..

رفعت راسها تناظر مرام وهي سرحانة بشكل مسفر..

ولاتدري وش ينقال بينهم..

مسفر وعدها تكون بخير عندهم..

وكأنه ماعرف اسمها ولا عرف من تكون ومن يكون زوجها..

حاول فيها تتكلم وتحكي له عن اللي صار معها..

بس هي مارضت تتكلم..

كانت تسرح عنه وتلتزم الصمت..

وهو يهتم فيها ويداريها..ويلب منها تفكر بأشياء تسعدها..

عشان مصلحة الجنين..

لانها اذا تعقدت نفسيتها هذا راح يأثر سلباً على طفلها..

شيء غريب أجبرها ترجع لهم وتستمع لكلامهم..

اسمه أنذكر أو أنها تتخيل..

همست بصوت مبحوح\مـــ...ـن؟؟

مرام\اسمه غازي من قبيلتنا..

هديل برعب\وش اسم قبيلتكم؟؟

مرام مفجوعة\ماتعرفين..؟؟الجالي..

شهقت بقوووة وهي ترفع راسها لمسفر..

ناظر فيها مستغرب حاله حال الموجودين..

وأدرك انها عرفت من كان الضيف اللي عندهم..

أشر لها بأصابعه على فمه..

أنه ما احد يعرف شيء..

وقفت بسرعة وهي ترتجف..

مرام وقفت\بسم الله عليك وش فيك؟؟

مشت بسرعة لغرفتها ومرام معها..

دخلت وأشرت لمرام تطلع..

هديل بخوف\مرام اطلعي لو سمحتي..ابي اظل لحالي..

تكفين اطلعي..

مرام بهدوء\طيب باطلع..بس بامر عليك قبل أنام زين؟؟

هديل\...................................

طلعت وهديل قفلة الباب بسرعة..

طفت أنوار الغرفة ولمت نفسها تحت الفراش وهي ترتجف..

كانت تشهق وهي تبكي..

همست بحسرة\الخاين..دله على مكاني...

اتصل فيه وخبره وين أنا..