رواية أمل عشق الزين الفصل الحادي عشر 11 - بقلم أمل السيد

زين كان خارج بس جاله تليفون. بعد ما رد انصدم، مين اللي بيتكلم؟ زين: الو. شخص: ازيك يا زين باشا. زين: حضرتك مين؟ شخص: مش مهم تعرفني. زين: وحضرتك عايز مني ايه؟ شخص: 7 مليون. زين: نعم؟ 7 مليون ايه؟ شخص: 7 مليون جنيه. زين: نعم؟ حد قال لك إن أنا فاتح جمعية خيرية؟ شخص: لا، بس ممكن تفتحها عن قريب. زين: لو كنت متصل تهزر أو تعمل مقلب، أنا مش فاضي وشوف حد غيري تعمل معاه كده. شخص: هو في حد يقدر يهزر مع زين باشا؟

زين: كويس إنك عارف إن ما حدش يقدر يهزر معايا. وحضرتك عايز مني ايه طالما مش بتهزر معايا؟ شخص: بدأنا نتكلم جد. زين: اخلص عايز ايه؟ شخص: اسمعني من غير ما تقاطعني. زين: اتفضل، أنا سامعك ومش هقاطعك. شخص: أنا معايا معلومات عنك وما حدش يعرفها غيري. وإذا حد عرف المعلومات دي يا زين باشا، كل الناس راح هتتكلم عنك، وخاصة الجرائد راح هيقولوا...

زين بنرفزة: والله العظيم إذا حد عرف اللي انت قولته دلوقتي، لكون خافيك من على وش الأرض وما حدش هيعرف لك طريق. شخص: اهدى على نفسك شوية يا زين باشا، ما حدش هيعرف لو انت راح تديني السبعة مليون. زين: وأنا إيه يضمنلي لو اديتك السبعة مليون ما تلعبش بديلك من الناحية التانية؟

شخص: عيب يا باشا، أنا لو كنت عايز ألعب بديلي ما كنتش اتصلت بك أصلاً ورحت للصحافة وعطيتهم كل المعلومات اللي عندي، وساعتها كنت عرفت من التليفزيون والجرائد. زين: أنا هاديك السبعة مليون بس تسكت خالص. وإذا عرفت إنك لعبت بديلك، ما حدش هيعرف لك طريق جره. شخص: تمام يا زين باشا، هتديني الفلوس امتى؟ زين: أسبوعين كده، انت عارف ما عملت بنك. شخص: ماشي يا باشا، سلام. زين: سلام؟ وديني ما أنا سايبك. عمر: شكلك متضايق كده ليه؟

زين: ما فيش، هتقعد هنا ولا هتيجي معايا؟ فرح: خليه قاعد معايا لغاية ما تيجوا. عمر: أهم حاجة في أكل. زين: يا نهارك أسود! مش انت لسه واكل؟ عمر: ما انت عارف إني أنا عامل رجيم قاسي. زين: يا راجل قول كلام غير كده، الله يخرب بيتك! أنا ماشي رايح أدور على الزفت التاني، أنا لو قعدت كمان شوية مش عارف هعمل ايه. فرح: مش انت عارف مراد فين؟ زين: أيوه عارف، هو فين؟ سلام، وأكلي المفجوع ده. فرح: هه، حاضر، سلام.

عمر: بذمتك يا فرح، أنا مفجوع؟ فرح: لا خالص، مين أكل كل ده؟ انت خلصت الثلاجة وتقول لي مفجوع. استغفر الله العظيم يا رب. عمر: سيبك من الكلام ده كله، ما فيش نونة جاية في السكة؟ فرح: وانت مالك يا رخم؟ عمر: مش أطمن على أختي حبيبتي. فرح: والله دلوقتي بقيت حبيبتك، أنا فاهماك يا عمر. عمر: انتي اختي وبطمن عليكي، عايز أبقى خال. فرح: عليا الكلام ده برضه، أنا فاهمة قصدك ايه. عمر: هاكون قصدي يعني.

فرح: هاقول لك قصدك ايه، عايز تنتقم من مراد صح؟ بس أحب أطمنك، بيجيب لي بيتزا وشيكولاته وشيبسي. عمر: طالما فيها بيتزا يبقى الموضوع باظ. فرح: ههههه، طالعة لك طفسة، هههه. عمر: دمك تقيل، اوعى، أما أروح أشوف حاجة آكلها. زين كان بيلف على مراد، وفي الآخر لقيه كان قاعد حزين. زين قاله: لا، امتى هتفضل كده؟ مراد: انت عايز مني ايه؟ زين: عايز صاحبي بتاع زمان. مراد بابتسامة صفراء: بتاع زمان؟ زين: اه، بتاع زمان.

مراد: وانت ايه اللي جابك هنا؟ زين: آسف، آسف. مراد: عايزني اعمل ايه يعني بقى، آسف كده؟ زين: على فكرة انت بارد. مراد: ما أنا عارف. زين: أنا آسف والله، ما كانش قصدي أجرحك. أنا عارف إنك بتحب فرح وتحاول تحميها من أي حد، بس مش بالطريقة دي. في طرق تانية. مراد: وايه هي الطرق التانية؟ زين: إنك تنسى كل حاجة. مراد: انت عارف إن أنا ما بحبش حد يتدخل في حياتي. زين: فاكر لما كنت صغير؟

فاكر يا مراد لما كنت جاي عندنا وكان فيه ولد كان بيعاكس فرح؟ انت عملت ايه؟ مراد: مش فاكر. زين: تعال أفكرك. *** زين: إيه المفاجأة الحلوة دي يا مراد، تعال. مراد: وحشتيني، جاي أشوفك. زين: مش كنا مع بعض من شوية؟ مراد: بتوحشني، أعمل ايه. ازيك يا فرح؟ فرح بصت له بخوف وما ردتش عليه، مشيت. مراد: هي مالها دي؟ زين: معلش، مش واخده عليك. مراد: بكرة تاخد. زين: قصدك ايه، مش فاهم؟ مراد: بكرة تفهم. زين: تعال نخش جوه.

مراد: لا، استنى، مين الولد ده؟ زين: انهي ولد؟ مراد: اللي قاعد مع فرح ده وعاملين يضحكوا. زين: قصدك الولد ده صاحب فرح، بيلعب معاهم. مراد: قصدك يعني بيلعب معاه؟ زين: قصدي يعني يا مراد، أطفال بيلعبوا مع بعض. مراد: لا يمكن يحصل، الولد ده لازم يمشي فوراً. زين: نعم يا أخويا؟ مراد: انت مش شايف ده بيبوسها؟ أنا لا يمكن أسكت على المهزلة دي. زين: استنى بس.

مراد جاب حبل وكتفه، وبعدين ضربه علشان باس فرح. كان هيموته بس زين لحقه وقفه. *** زين: افتكرت. مراد: أيوه، الزفت افتكرت، كان يوم منيل. زين: ما كنتش فاهم قصدك يومها، بس دلوقتي فهمت. مراد: وفهمت ايه؟ زين: فهمت إن فرح بالنسبة لك حاجة كبيرة. ده مش حب، ده امتلاك يا مراد. مراد: أهم حاجة إن هي معايا، مش مهم هي ايه. زين: ماشي يا عم. مراد: إيه أخبار عروستك؟ زين: تصدق إني أنا نسيتها خالص. مراد: حد ينسى عروسته؟

زين: أنا بقى نسيتها، أعمل ايه يعني؟ الشغل في راسي. مراد: طب أوعى تنسى ليلة الدخلة. زين: هههههههه. مراد: قم يلا نروح لها. زين: نروح فين؟ مراد: نروح للعروسة اللي خطفت قلبك. زين: انت عارف الساعة كام دلوقتي؟ مراد: الساعة لسه سبعة، يلا قوم بلاش كسل، هتستنى لما تضيع منك. زين: ماشي، علشان خاطرك بس. في شقة مراد السيوفي 😍 فرح: يا نهارك أسود ومنيل! انت عملت ايه في البيت؟ عمر: يخرب بيتك! خضتيني! هكون عملت ايه يعني؟

ما عملتش حاجة. فرح: حد بيتف لب على الأرض؟ مين هيلمه دلوقتي؟ عمر: أكيد انتي طبعاً يا فرحتي، مين غيرك هيلمه؟ فرح: نعم يا أخويا، مين دي اللي تلمه؟ عمر: مش انتي الست وأنا الراجل، ينفع ألمه؟ فرح: عندك حق. عمر: شفتي بقى. فرح جابت المقشة وطلعت تجري وراها. عمر: يا بنت المجنونة، هتعملي ايه؟ فرح: هعرفك مين الست ومين الراجل. مراد وزين وصلوا بيت أمل. يا ترى ايه اللي هيحصل هنا؟