رواية أمل عشق الزين الفصل الثامن عشر 18 - بقلم أمل السيد

يوسف: تكلم أنا سامعك. زين: أنت ليه خبيت علي؟ يوسف مصدوم: أنت عرفت؟ زين: ليه ما كنتش عايزني أعرف؟ يوسف: خفت عليك بس. زين: بس ده مش مبرر، أنت تخبي على حاجة زي كده. أنا من حقي أعرف، ولا إيه؟ يوسف: أنا خفت عليك بس... وهو يعني. فرح: خلصنا يلا ولا إيه، إيه ده مالك يا زين؟ زين: اها، ولا حاجة، تمام. يلا بينا، هاحاسب وأجي وراكم. فرح: إيه ده زين، الفون انكسر. زين: مش مهم يا فرح، اشتري غيره. تركهم ومشي.

فرح: هو زين زعلان ليه يا يوسف؟ يوسف: ما أعرفش يا فرح، روحي اسأليه. *** في شركة المعمار. زين ياسين الجارحي. *** في مكتب مراد. مراد كان بيحضر الاجتماع. مراد: ورانا اجتماع مع مين النهارده؟ ريهام: كان فيه اجتماع باشمهندس زين، إن حضرتك اللي هتحضر. (دي ريهام، سكرتيرة مراد، اللي كان مراد بيجيب سيرتها قدام فرح دايماً. طبعاً فرح كانت بتغيظ لما جابلها البيتزا وكانت زعلانة منه، أكيد افتكرتها.) مراد: هم مين دول؟

ريهام: جومانا النوري وإسلام الشاعر. مراد غمض عينيه: يعني ما بعتليش غير دول. اوكي، حضري اجتماع مع إسلام الشاعر الأول، وبعدين جومانا النوري. اوكي؟ ريهام: اوكي يا فندم. تؤمر بحاجة تانية؟ مراد: ابعتيلي فنجان قهوة. ريهام: حاضر. عن إذنك. أمال جميل متضايق ليه؟ مراد: مش ناقص هزارك البايخ يا عمر دلوقت. عمر: لا والله مش جاي أهزر. مراد: امال أنت عايز إيه؟ عمر: عايز حضرتك تمضيلي على الورق ده. مراد: اوكي، هات.

عمر: شكلك متضايق ليه. مراد: ما لكش دعوة، ما يخصكش في حاجة. مش خلصت اللي أنت جاي علشانه، اتفضل. عمر: الحق علي إنّي بسأل أصلاً. مراد: شكراً يا سيدي على سؤالك. عمر: مش المزة طلعت عايشة؟ مراد بانتباه: مزة مين؟ عمر: المزة بتاع الفندق، ولا نسيت؟ مراد بتوتر: وقام وقف. عايشة إزاي يعني؟ عمر: شوفتها لما كنت سهران امبارح أنا ويوسف.

مراد بخوف: عايشة إزاي يعني بس، هداك اليوم شفتها ميتة بعيني. عمر، فرح ما تعرفش عن الموضوع ده حاجة، أوعى تقولها. أنا ما صدقت إن فرح حبتني وبقينا حلوين مع بعض. عمر: ما تخافش، أنا عمري ما هاقولها أصلاً. بس اللي مجنني، إزاي عاشت لغاية دلوقتي؟ ولا دي كانت لعبة عليك؟ مراد: أكيد هعرف. روح أنت دلوقتي شوف شغلك. عمر: ماشي، سلام. مراد: عايشة إزاي يعني بس؟ أنا اتأكدت إن هي ماتت، أنا شفتها بعيني. يعني كانت لعبة إزاي؟

أنا لازم أعرف الحقيقة في أسرع وقت، وديني ما أرحم حد لو كانت لعبة. *** عندي زين ويوسف والبنات. يوسف: ها، هنروح فين دلوقتي؟ فرح: أنا جعانة، مش هات أكلوني ولا إيه؟ يوسف: لا طبعاً، ده إحنا نجيبلك أحلى غداء. ولا إيه يا زين؟ زين: ها، اه طبعاً. فرح: إيه مالك؟ أنت مش معانا خالص ولا إيه؟ أمل شوفي خطيبك. أمل: اه صح، مش معانا خالص. زين: لا، أنا معاكم أهو، عايزين تتغدوا إيه وأنا تحت أمركم. نور: بيتزا، أنا بحبها جداً.

يوسف: وأنا كمان بيتزا. فرح: بيتزا، أنا بحبها جداً، بس هاتي لي جنبها مكرونة وفراخ. يوسف: يخرب بيتك، بتودي الأكل ده فين؟ فرح: في الثلاجة يا روحي. يوسف: اه، ما هو باين. بتاكلي 18 مرة في اليوم. فرح: الله أكبر، بقالي خمس دقايق ما كلتش. يوسف: بتخمس في عيني يا بنت ليليان. أمل بضحك: هههه، ولا شكلكم ظريف. الناس على فكرة بتبص علينا. زين: وانتي بقى هتاكلي إيه؟ أمل: أي حاجة. زين: أي حاجة زي إيه يعني؟ أمل: أي حاجة، مش عارفة.

نور: لما نروح هي هتطلب. يوسف: اوكي، يلا بينا. أنا اللي عازمكم. وصلوا المطعم، كان فخم جداً وقعدوا على الترابيزة. الجرسون جاء. الجرسون: تطلبوا إيه؟ فرح بسرعة: مكرونة وفراخ وبيتزا وعصير مانجا. وما تنساش السلطة ولا المخلل. أمل: انتي هتاكلي ده كله؟ فرح: شوية صح. ما تنساش الشيبسي وواحد كانز كمان، وهاتلي ورق عنب معاك. نور: الأكل ده ليكي لوحدك ولا لينا كلنا؟ فرح: لا، لوحدي. زين: أصلها بتحب الأكل جداً. تطلبوا إيه؟

نور: بيتزا بالجبنة. يوسف: وأنا كمان بيتزا بالجبنة. زين باستغراب: بس أنت ما بتحبش البيتزا بالجبنة. يوسف: لا، باحبها. زين: أول مرة أعرف إنك بتحبها. على طول مش بترضى تاكلها. يوسف: أنت عارف، الحياة بره الواحد بيتغير وكده مع الوقت. زين: يمكن. أمل تطلبي إيه؟ أمل: هاخد من ده. زين: اوكي. اتنين همبرجر، أنا واحد. قهوة. يوسف: أنت مش هتاكل معانا ولا إيه؟ زين: ما ليش نفس. أشرب قهوة. عندي صداع. *** في مكان آخر.

شخص: هننفذ المهمة النهارده. شخص 2: تمام، إحنا جاهزين. شخص 3: هيكون فيه ناس كتير. شخص 1: هننفذ اللي مطلوب مننا وبس. شخص 3: هيكون وراها حراسة. شخص 2: ما تخافوش، أنا عامل حسابي على كل حاجة. لو مش النهارده، بكره. شخص 1، شخص 2: تمام، يلا ننفذ. *** في المطعم. فرح: الحمد لله، خلصت أكلي. يوسف: بحسبك لسه بتاكلي. فرح: زين، هو أنا ممكن أروح لمراد الشركة؟ زين: ماشي، خلي يوسف يوصلك. فرح: شكراً. يوسف: مين ده اللي هيوصلك؟

زين: أنت اللي هتوصلها. يلا قوم. يوسف: بس أنا... زين: ما فيش بس. روح وصل فرح لعند مراد وخد لك حاجة من الصيدلية وانت ماشي عشان وشك بقى أحمر. قلتلك ما تقولش، ما سمعتش الكلام، دي آخرتها. يوسف: أنا بأقول نستأذن بقى. يلا يا فرح. فرح: بجد هتوديني؟ يوسف: إيه، غيرتي رأيك ولا إيه؟ ما عنديش مانع. قول تاني. فرح: والله أنت رخم. زين: يلا، أنتم الاتنين من هنا. نور وأمل: ممكن تروحونا بعد إذنك. زين: اه، تفضلوا. *** في فيلا الدكتورة.

ورد: صباح الخير يا دادا. دادة أميمة: قولي مساء الخير. ورد: ليه؟ الساعة كام؟ دادة أميمة: الساعة اتنين العصر. ورد: يا نهار أبيض! أنا اتأخرت على الطيارة. ليه سبتيني نايمة كل ده يا دادا؟ دادة أميمة: زين هو اللي قالي أسيبك نايمة. ورد: يعني يا دادا، زين كلامه أهم مني ومستقبلي؟ دادة أميمة: يا حبيبتي، زين بيخاف عليكي وعارف مستقبلك كويس. ورد: بس أنا كنت عايزة أحضر المؤتمر ده، كان مهم جداً بالنسبة لي.

ولا تزعلي يا ستي، المؤتمر كله هيكون عندك. ورد: مفكر هتضحك عليّ بالكلمتين دول ولا إيه يا زين؟ أنا زعلانة منك ومخاصماك كمان. زين: مش مشكلة، أصالحك. وزين لما يقول حاجة بتتنفذ على طول. أنا عند وعدي، ولا إيه يا دكتورة ورد؟ ولا مش مصدقاني؟ دادة أميمة: إيه ده يا ورد؟ كده تزعلي زين حبيبك بالشكل ده؟ ورد: أنا زعلانة منه. قولوا له يمشي عشان مش هاكلمه. ما تتعبش نفسه أكتر من كده.

زين: خلاص، أنا ماشي. بس كنت جاي أقولك على خطيبتي بكرة وجايبلك الهدية دي، يا ريت تلبسيها. هتعجبك أوي. سلام. ورد: زين، استنى. زين: نعم، عايزة إيه؟ ورد: أنا آسفة، ما تزعلش مني. زين بابتسامة: بتتأسفي على إيه يا هبلة؟ أنا أقدر أزعل منك؟ أنتي أختي، يعني ما أقدرش أزعل منك. المؤتمر كله هيكون عندك من غير ما تتعبي نفسك وتسافري. ورد بسعادة: بجد؟ شكراً يا أحلى زين في الدنيا.

زين: أنا ما أقدرش أزعلك أبداً. أنا هامشي دلوقتي بقى، عايزة حاجة؟ ورد بحزن طفولي: يعني أنت هتمشي؟ مش هتقعد معايا شوية بقى كده؟ يا زين، أنا زعلت منك. زين: خلاص، هقعد معاكي حبة صغيرين. ما تزعليش كده. مبسوطة؟ ورد: يعني مبسوطة. *** في شركة المعمار. زين ياسين الجارحي. في المكتب. ريهام: مستر مراد، مدام جومانا وصلت. أدخلها؟ مراد: اوكي، دخليها. جومانا: هاي يا مراد. مراد بص لها من فوق لتحت.

جومانا كانت لابسة فستان قصير جداً لحد فوق الركبة، لونه أسمر، ولابسة صندل كعب عالي باللون الأحمر، ورافعة شعرها. جومانا بدلع: فيه إيه؟ بتبص لي كده ليه؟ مراد في نفسه: يارب عدّي الاجتماع ده على خير. منك لله يا زين. مراد: مدام جومانا، ممكن نتكلم في الشغل؟ جومانا: أكيد طبعاً هنتكلم في الشغل، امال هنتكلم في إيه؟ ولا أنت رأيك غير كده؟ مراد: اوكي، يلا نبدأ. جومانا: أنت مستعجل كده ليه؟

على فكرة أنا زعلانة من الباشمهندس زين أوي. مراد: بعتذر بالنيابة عنه. ممكن أعرف هو زعلك في إيه؟ هو غلط في حاجة؟ جومانا وهي بتقترب منه: عشان رافض يعمل معايا اجتماع. هو أنا ضايقته في حاجة؟ مراد في نفسه: من حقه ويرفض يعمل معاكي اجتماع أصلاً. ده أنا عن نفسي مش طايقك. مراد: مدام جومانا، ممكن تبعدي شوية ونتكلم في الشغل؟ جومانا قعدت على المكتب: ممكن نتكلم هنا أحسن. مراد: ممكن تقعدي مكانك لو سمحتي؟ ممكن حد يدخل يفهمنا غلط.

جومانا: ممكن أشرب ميه؟ مراد: اه طبعاً، تفضلي. جومانا وقعت الكوباية على مراد. جومانا: أنا آسفة، ما كانش قصدي. ممكن... أنظفه لك؟ مراد: لا، ولا يهمك. أنا هنظفه بنفسي. جومانا: أنا أساعدك. مراد: أنا متجوز. جومانا: ما كنتش أعجبك زمان؟ مراد: أنا بحب مراتي، واللي في دماغك انسيه. جومانا: تقرب منه وبتفك كل زراير القميص. حد فتح المكتب فجأة: أنا شكلي جيت في وقت غير مناسب. عن إذنكم. مراد: فرح! أنتِ فاهمة غلط، استني.

فرح بعياط: لا، فاهمة صح. مراد: فرح، استنى أشرحلك. جومانا: مين دي اللي أشرحلها؟ دي شكلها زبالة أوي. سيبك منها، تعال نكمل اللي كنا بنعمله ده. أنا حتى أحلى منها. ما أعرفش مهتم بيها على إيه. دي شكلها *** مش من مستواك خالص يا مراد. مراد ضربها قلم قوي على وشها: أنتِ عارفة بتتكلمي عن مين؟ دي بتكون مراتي، فرح مراد السيوفي، وأخت زين الجارحي. عارفة لو اتكلمتي تاني كده، هاوريكي وش عمرك ما شفتيه. أنتِ فاهمة؟

والصفقة اللي بينا، ما ألغيه. يلا تفضلي من هنا، وما أشوفش وشك تاني. جومانا بصدمة: أنت بتضربني؟ أنا؟ أنا هاوريك مين جومانا النوري. أنت لسه ما تعرفنيش كويس. أما دفعتك تمن القلم ده غالي، ما بقاش أنا جومانا النوري. مراد: أعلى ما في خيلك اركبه. أنا ما بخافش من حد. هديتي على قدك يا شاطرة، ولا نسيتي مين أنا؟ مراد خالد السيوفي. لو ناسي، أفكرك، ولا على إيه؟ الطيب أحسن. تفضلي اطلعي بره، ما أشوفش وشك هنا تاني.

جومانا: هتندم يا مراد. أنا همشي، بس هنتقابل تاني. مراد: استنى عندك. جومانا: فيه إيه تاني؟ مراد: اعتذري من فرح. جومانا بتريقة: أنا أعتذر من دي ليه بقى؟ إن شاء الله؟ من التافهة دي؟ مش من مستوايا إنّي أعتذر منها. مراد ضربها القلم تاني: بقى كده؟ أنا هاوريك لما مراد السيوفي بيقلب بيعمل إيه. برررررره. جومانا: اعمل اللي تعمله، مش خايفة. لكن مش هعتذر من حشرة دي. لا يمكن. سلام. فرح: طلقني يا مراد. مراد: فرح! أنتِ بتقولي إيه؟

فرح بزعيق: طلقني. مراد: فرح، أهدي شوية. تعالي نتكلم في البيت. فرح: أنا مش عايزة أتكلم في حاجة. طلقني يا مراد. عمر: فيه إيه يا فرح؟ بتزعقي ليه؟ فرح بعياط: مراد بيخوني يا عمر. عمر: نعم يا أختي. فرح: باقول لك مراد بيخوني. عمر: مين ده اللي بيخونك؟ فرح: مراد. عمر: سيبك منه، تعالي ناكل جاتوه. عمر بغمزة لمراد: فرح: إيه ده؟ أنت معاك جاتوه؟ عمر: اه، تعالي يلا. لما عرفت إنك هنا، جبتلك مخصوص عشان عارف إنك بتحبيه.

فرح: تعالي بسرعة قبل حد ما ياكلوا. عمر: يلا بينا. مراد: صبرني يا رب. مراد: اتصل بشخص. أنا عايز شركة جومانا النوري تعلن إفلاسها. شخص: بس يا فندم. مراد: نفذ اللي أنا قلته. شخص: تحت أمرك يا فندم. مراد: قدامك لحد بالليل واسمع الخبر. شخص: علم وينفذ. مراد: أنا هاوريك مين مراد السيوفي، وعرفك كيف تتحدى مراد. ياه، جومانا النوري، هنتقابل تاني وقتها بطريقة تانية. *** فيلات خالد الجارحي. ماهر: يعني إزاي زين هيتجوز دينا؟

خالد: زي الناس اللي بتتجوز. ماهر: وأنت صدقت اللي هي قالته؟ سهيلة: وما تصدقش ليه؟ مش يمكن حصل فعلاً؟ أنت عارف إن أختك بتحب زين أكتر من أي حاجة. ماهر: أنا عن نفسي مش مصدق، زين يعمل كده. سهيلة: أنت حر. تصدق ما تصدقش. إحنا مصدقين. ويا ريت تخلي كلامك لنفسك أحسن. أسر: هو زين مجاش ليه لحد دلوقتي؟ خالد: أكيد مشغول. دينا: ده هيخطب بكرة. هو ممكن يرجع في كلامه ويسيبني؟ ماهر: ما تخافيش، زين قد الوعد اللي بيوعده.

سهيلة: أنا ما أعرفش أنت واقف في صفه كده ليه. ماهر: عشان أنا عارفه كويس. واثق فيه. دينا: ماهر يا حبيبي، هو أنت مش ناوي ترتبط بقى ولا إيه؟ ماهر: لا، مش ناوي. لما أسر يتجوز الأول، بعد كده أبقى أفكر أنا. دينا: أصل بصراحة، رانيا قالتلي إن هي بتحبك. ماهر: وأنا ما بحبهاش. خدها لأسر. أسر: أنا ما بفكرش في الجواز. لما أفكر، هاقول لكم. سهيلة: جاي الوقت اللي لازم تفكروا فيه. أسر: أنا تعبان، هقوم أنام. تصبحوا على خير.

خالد: وانت من أهله. وأنا كمان هقوم أنام. دينا: قلت إيه يا ماهر يا حبيبي؟ ماهر: فكك مني يا دينا، أحسن. تصبح على خير. دينا: شايفه عيالك يا ماما؟ سهيلة: بصراحة عندهم حق. ما لقيتيش غير رانيا. دينا: مالها رانيا يا ماما؟ هي وحشة؟ سهيلة: بصراحة كده، أنا ما برتحش للبنت دي خالص. دينا: بس هي بتحب ماهر من زمان. قالتلي: يا ماما، أنا مش هتلاقي أحسن منها. سهيلة: خلاص، هبقى أتكلم معه تاني.

دينا: ماشي يا ماما. هو إحنا هنروح الخطوبة بكرة بتاعة زين ولا لا؟ سهيلة: أكيد طبعاً لازم نروح. لازما تلبسي ويبقى شكلك حلو كده. دينا: أنا هاروح بكرة أشتري فستان جديد. سهيلة: أكيد لازم تروحي. هيبقى أحلى فستان. يلا بقى روحي نامي. دينا: ماشي، تصبحي على خير. سهيلة: وانتي من أهل الخير يا حبيبتي. *** في الليل في فيلا زين الجارحي. في غرفة زين. ممكن أدخل؟ زين: أكيد، اتفضل يا يوسف. يوسف: أنا آسف. زين: آسف على إيه؟

يوسف: عشان خبيت عليك. زين: خلاص، اقفل على الموضوع ده. يوسف: أنا كنت عايز أقولك والله، بس خفت عليك. زين: هو رجع تاني ليه؟ يوسف: هو مين اللي رجع تاني؟ زين: أدهم الجارحي. يوسف بدون وعي: يعني أبوك رجع تاني؟ مش كان في أستراليا؟ جاء مصر؟ زين: يعني أنت كنت عارف إنه في أستراليا كمان؟ يوسف: أنا سمعت إنه كان في أستراليا، بس... زين: أنا خلاص تعبت من اسمه. بخاف من فكرة رجوعه ويخرب لي حياتي تاني.

يوسف: هو إيه اللي حصل خلاه ينتقم منك بالشكل ده؟ أنا فعلاً ما أعرفش كتير عن الموضوع ده. زين: حابب تعرف؟ يوسف: لو عندك استعداد، ممكن تحكي لي. لو هيضايقك، ما تحكيش خالص.

زين: أنا كان عندي 12 سنة لما كنت في ألمانيا، وأنا في المدرسة، كان بيراقبني. دفع للناس فلوس عشان يموتوني، بس وقتها هربت منهم ودخلت بيت. ما كنتش أعرف بيت مين ده، بس لما دخلته، اكتشفت إنه بيت حبيبته من الصور اللي فيه. بس هي ساعدتني وقتها، ولما جاء يسألوا عليها، قالت إنها ما شفتنيش. وغدر بيها هي كمان وهربت منهم. وبعدها بكم يوم، أنا اتطردت من المدرسة بسببه، وهو كان دايماً بيراقبني. ما أعرفش ليه. تعرف إن كنت بشوف أطفال

كتير معها أب وأم مع أطفالهم، وأنا كنت بتمنى لما كنت بكبر يكون معايا بابا وماما يفتخروا بي. بس للأسف، كنت ببقى لوحدي. ما حدش كان بيدعمني، كله كان بيبص لي نظرة شفقة. كنت بتمنى يكون لي عيلة سعيدة. لما كنت صغير، كنت بتخيل إني لما أكبر أعمل عيلة سعيدة، كلنا نحب بعض، ما يكونش فيها كره ولا حقد. نفس اللي أنا عشته، تكون حياة جميلة. بس للأسف، طلع العكس. لما كبرت، شلت مسؤولية كبيرة. غير عمي اللي بيكرهني وابنه هو اللي خلاه

يكرهني وقاله كلام وحش عليّ وزرع الكره ناحيتي. غير بنت عمي اللي حطتني في دماغها. أنا مش عارف اللي أنا بعمله ده صح ولا غلط. أنا مش عايزها تتأذى بسببي، عشان كده وافقت أتجوزها. مش عايز آخدلها قدام أهلها. مع إنّي مش هقدر أديها حقها كزوجة ليها. أنا بعتبرها زي أختي. أنا مش عارف اللي أنا بعمله ده صح ولا غلط. خايف أندم بعدين.

يوسف: أنا مش عارف أقول لك إيه. لو قلت لك غلط، ممكن يطلع صح. لو قلت لك صح، ممكن يطلع غلط. دي حياتك أنت، وأنت اللي تقرر، عشان أنت اللي هتعيشها، مش أنا. أنا بأقول لك فكر كويس قبل ما تخطي أي خطوة، لأن الخطوة دي فوراً بتضيع كل حاجة. فلازم تفكر وتاخد قرار يكون صح. بس أنا متأكد إنك تعمل الصح. زين: أنا خايف أظلمهم معايا الاتنين. أنا مش قادر أفكر. عقلي متشتت عن التفكير.

يوسف: نام دلوقتي يا زين. بكرة يحلها ألف حلال. إحنا عندنا حاجات كتير بكرة. نام كده يا عريس، وما تفكرش كتير. تصبح على خير. زين: وانت من أهله. *** في شقة مراد السيوفي. مراد: فرح، أنتِ لسه زعلانة مني؟ والله ما حصل بينا حاجة. اللي انتي شوفته ده غلط. إحنا كان عندنا اجتماع، وهي طلبت تشرب ميه، وبعدها الميه اتكبت عليّ، وهي كانت بتساعدني مش أكتر. فرح: وكده هصدقك بكل سهولة؟ دي بهدلتني وهزقتني ومسحت بكرامتي الأرض.

وبعدين بتقول لك: تعال نكمل اللي كنا بنعمله، يا مراد. كنت بتعمل إيه؟ انطق يا خائن يا كداب. مراد: قلت لك، أنتِ فاهمة غلط. أنا هاجيب لك حقك، وهاخليها تركع تحت رجليك. مش مراتي اللي تتهان. أنتِ فاهمة؟ فرح، كرامتك من كرامتي، وعمري ما هسمع لحد يهينك مهما يكون. أنتِ فاهمة؟ فرح: بجد يا مراد؟ يعني أنت عمرك ما تخوني؟ أوعى تفكر تعمله. مراد: أنا بحبك يا فرح، وعمري ما هاخونك. كنت عايز أقول لك حاجة، ممكن؟ فرح: عايز تقول حاجة؟

حاجة إيه؟ مراد: مش هنا. تعالي أقولك في أوضتنا. فرح: ما فيش حد هنا، قول. مراد: هاقول لك كلمة السر عشان ما فيش حد يسمع. فرح: ماشي، لما نشوف آخرتها. *** عدى الليل بكل الحزن والفرح. وجاء النهار بكل سعادة، تشرق الشمس على سماء بلادنا العزيزة. في فيلا زين ياسين الجارحي. في غرفة زين. زين، يلا قوم. زين بخضة: فيه إيه؟ إيه يا عريس، كفاية نوم. إحنا بقينا الظهر. زين: يوسف، عمر. اطلعوا بره. عمر: أنا قلت راحت عليك نومة، قلت أصحيك.

يوسف: وأنا قلت أجي أرفع من معنوياتك شوية. زين: اطلعوا بره أنتم الاتنين، يلا. عمر: أنا قلت أجي ألبسك يا عريس. يوسف: وأنا كمان جاي ألبسك يا عريس. زين: هاروح آخد شاور وأجي. *** في منزل أمل. يا بنت اصحي. أنتِ لسه نايمة؟ أمل: اممممم. نور: أنتِ لسه نايمة؟ أمل: هاقوم أعمل إيه يعني؟ سيبيني أنام. نور: يا بنتي، خطيبتك النهارده، قومي. أمل: وأنا أعمل إيه يعني؟ نور: صبرني يا ولي الصابرين. يا بنتي قومي.

أمل: يوووه، هو الواحد ما بيعرفش ينام؟ نور: الناس هتيجي وأنتِ لسه نايمة. أمل: ما يجوا، أعمل لهم إيه؟ يما، القمر على الباب، نور قناديله. يما، ارد الباب ولا أنادي له؟ يما.. أما. يما، القمر سهران مسكين بقى له زمان. عينه على بيتنا باين عليه عطشان. وحد من الجيران. أمل: يخرب بيت صوتك، صدعتيني. نور: طالما فوقت، خدي دوش، وأنا هستناك هنا. أمل: اوف، ماشي. *** في شقة مراد السيوفي. مراد: فرح، بتعملي إيه كل ده؟

يلا خلصي عشان ما تتأخريش. فرح: خلصت أهو، دقيقة واحدة. مراد: إيه ده اللي أنا شايفه؟ فرح: بتبص لي كده ليه يا مراد؟ فيه حاجة غلط؟ مراد: أول مرة أشوفك حلوة كده. فرح: يعني أنا مش حلوة؟ مراد: مين قال كده؟ ده أنتِ قمر. الحجاب هاكل منك حتة. ما تروحيش أحسن. فرح: بجد أنا حلوة؟ مراد: حلوة؟ ده أنتِ قمر. فرح: شكراً يا مراد. وأنت كمان حلو. مراد: ما أنا عارف. فرح: مغرور. مراد: كده يا فرح؟ طب أنا ماشي. فرح: استنى يا مراد. ***

في فيلا زين ياسين الجارحي. ليليان: بسم الله ما شاء الله، قمر يا عمر. عمر: ما أنا عارف يا ماما، طول عمري قمر. ليليان: بسم الله ما شاء الله، عسل يا يوسف. يوسف: شكراً يا خالتي. عمر: وسع وسع للعريس. يوسف: مش مصدق نفسي. اللي شفتك عريس يا زين. أنا طاير من الفرح. ليليان: مبروك يا حبيبي قلبي. زين: الله يبارك فيك يا ست الكل. ليليان: قمر والله يا حبيبي. زين: شكراً يا ماما. يلا عشان متأخر. إيه ده، انتوا هتمشوا من غيري؟

عمر: أنا قلت أجي ألبسك يا عريس. يوسف: وأنا كمان جاي ألبسك يا عريس. زين: هاروح آخد شاور وأجي. زين: ما تلمي نفسك أنت، هو؟ يلا. الكل ماشي وراحوا على محل الذهب. جابوا ذهب وراحوا. راحوا على بيت أمل. كان فيه ناس كتير موجودين. كان فيه صحافة كانت بتصور اللي بيحصل. وفجأة زين قال لأبو أمل: ممكن ثانية؟ أبو أمل: نعم يا ابني؟ فيه حاجة؟ زين: طب، استأذنك نكتب الكتاب دلوقتي. أبو أمل بصدمة: نعم؟

زين: أنا آسف، عارف إن حضرتك انصدمت من اللي أنا قلته. فياريت بس نكتب الكتاب دلوقتي إذا ممكن. عشان ما فيش حد يتكلم عليها. قلت إيه؟ أبو أمل: أكيد، ألف مبروك. زين بفرحة: بجد؟ يعني أنت موافق؟ أبو أمل: أكيد موافق. زين: طب يلا بينا، المأذون موجود. تم كتب الكتاب. بارك الله لكما وبارك عليكما وجمع بينكما في خير. مبارك الزواج. زين: الله يبارك فيك. يوسف: يا ابن القرده، عملتها إزاي دي؟ زين بحدة: ما تحترم نفسك.

يوسف: آسف، ألف مبروك. زين: الله يبارك فيك، عقبالك. عمر: ألف مبروك يا حبيبي. زين: الله يبارك فيك، عقبالكم. مراد: ألف مبروك. زين: الله يبارك فيك. فرح: ألف مبروك يا زين. زين: الله يبارك فيك يا فرح. ماهر: ألف مبروك يا زين. زين: الله يبارك فيكم، عقبالكم كلكم. يلا عشان نلبس ولا إيه؟ ليليان: ألف مبروك يا حبيبي. زين: الله يبارك فيك يا ست الكل. دينا: يعني اتجوز خلاص؟ هو كان بيضحك عليّ؟ سهيلة: اهدي شوية يا حبيبتي.

فرح: فستانك حلو يا دينا. دينا: ده غالي جداً. إيه اللي أنتِ لابساه ده؟ فرح: قلت أغير ستايلي شوية. دينا: ستايلك حلو. فرح: شكراً. أنا هاروح عند مراد. عايزة حاجة؟ دينا: لا، شكراً. يوسف: لبسك حلو. نور: شكراً. يوسف: بجد لبسك حلو. نور: متشكرين. عن إذنك عشان بيلبسوا الذهب. أروح أتفرج؟ تيجي تتفرجي؟ يوسف: أكيد، يلا بينا. زين: ألف مبروك يا عروستي، الفستان طلع حلو عليكي. أمل: شكراً. زين: هو أنا بعزمك على العشاء بتقولي لي شكراً؟

أمل: الله يبارك فيك. زين: أنا بأقول لبس الذهب أحسن. كلامنا بعدين. أمل: هو أنت هتتحول ولا إيه؟ زين: بس عشان لبس الذهب. أمل: الذهب شكله حلو أوي. زين: عشان غالي أوي. مراد: مبروك يا صاحبي. زين: انتبه يا مراد. عمر: ززززين. مراد: ز ي ن ن. ليليان: لا، ابني. فرح: زين، زين. أمل: زين، ز ي ن. تابعوا الفصل التاسع عشر.