رواية أمل عشق الزين الفصل السابع عشر 17 - بقلم أمل السيد

دخل شاب في قمة الأناقة والشياكة يقول: "أوعى تكونوا أكلتوا الجاتوه من غيري." الكل بص له واستغرب. فرح: "جو حبيبي، حمد الله على السلامة، وحشتني." يوسف: "الله يسلمك، انتي اللي وحشتيني." عمر: "حمد الله على السلامة يا سيفو، ما قلت لناش ليه، كنا استنيناك في المطار." يوسف: "الله يسلمك يا عمر، ما حبتش أتعبكم، قلت أعمل لكم مفاجأة. ولا هي مفاجأة وحشة؟ ليليان: "أجمل مفاجأة، حمد الله على السلامة يا يوسف يا حبيبي." يوسف:

"الله يسلمك يا خالتي. أمال فين زين؟ واحشني، عايز أشوفه. أوعى يكون نام." ليليان: "فوق في غرفته." يوسف: "طب أنا هطلع أشوفه بقى. إزيك يا مراد؟ آسف ما أخدتش بالي منك." مراد بابتسامة: "الله يسلمك، عادي، ولا يهمك. حمد الله على السلامة." يوسف: "الله يسلمك." في غرفة زين كان يوسف بيخبط على الباب. زين: "مش عايز أتكلم مع حد دلوقتي." يوسف: "لسه برضه؟ زين بنرفزة: "قلت مش عايز أتكلم مع حد دلوقتي." يوسف: "لسه برضه؟ زين:

"أوف، قلت مش عايز أشوف حد. وكان لسه يوسف بيخبط." زين فتح الباب: "قلت مش عايزة أشوف حد، بتسمعش الكلام ليه؟ وفجأة شاف يوسف وانصدم. فقال يوسف: "يوسف، أمّال كنت متوقع مين؟ زين: "الشغل؟ في حاجة؟ يوسف باستعباط: "لا لا، أخص عليك! بدل ما تقولي حمد الله على السلامة واحشني، أول ما تشوفني تقولي الشغل؟ في حاجة؟ لا بجد زعلت منك. هو ده استقبال؟ زين: "آسف، نسيت. حمد الله على السلامة. أصل أنت ما بتجيش غير ما يكون في حاجة."

يوسف بهزار: "آسف، أجيبها منين دي؟ أنا زعلت. طلقني يا حيوان! دي آخرة العيش والملح. وابنك اللي في بطني اللي حملته تسع شهور ولسه ما نزلش لغاية دلوقتي، مش عارف ليه." زين بابتسامة صغيرة: "تعالى وأنا أنزله لك." زين ضربه بوكس في بطنه. يوسف بيتوجع: "آه، ااااااااااه! حد يطلب الإسعاف، بموت." زين: "قلت لك ما تهزرش معايا تاني." يوسف: "يخرب بيت أم اللي يضايقك يا أخي." زين: "خلاص، أنا آسف. ما تزعلش، حقك علي، وجعتك جامد." يوسف:

"ولا يهمك، عادي. مش أول مرة. إيه اللي أنت عامله في الأوضة ده؟ هو أنت كنت بتحارب؟ زين: "ما لكش دعوة، خليك في حالك." يوسف: "بقى كده؟ ماشي. بس أنا جبت لك الهدية اللي أنت قلت لي عليها." زين: "هي فين؟ يوسف: "مش بسهولة كده." زين: "بطل رخامة بقى وهاتها." يوسف: "أنا زعلان منك على فكرة. بقى كده؟ كنت عايز تخطب من غيري؟ وأنا اللي جبت لك العروسة؟ كنت زمانك معنس دلوقتي. المفروض تشكرني." زين رفع حاجبه: "يا راجل، قول كلام غير ده."

يوسف بيضحك: "آه والله. أول ما شفتها قلت دي لك على طول. وبعدها قلت لخالتي، وبسم الله ما شاء الله، خالتي ما كذبتش خبر، راحت خطبتها لك على طول." زين: "انت محسسني إني قاعد مع ست الحاجة." يوسف: "اللي يقعد مع مامي يقول حاجات كتير." زين: "هي خالتي لسه بتتكلم على الناس دي؟ يوسف: "أيوه. كل ما تلاقيني قاعد، أنت قاعد زي قلتك. إحنا زمان كنا بنعمل وبنعمل. يا ستي أنا بشتغل، هو ده الشغل؟

أقول لأ، إحنا في أستراليا، ما فيش الكلام ده. تقولي لأ، ده إحنا أول ما وصلنا أستراليا، لسه فاكرها، بتقولي هات لي كشري. أجيب لها مين أنا؟ زين بيضحك: "وعملت إيه؟ جبت لها؟ يوسف: "أيوه طبعًا. لفيت أستراليا كلها لحد ما لقيت واحد بيبيع." زين: "يلا بالهناء والشفاء. هي ما جتش معاك ليه؟ يوسف: "مش عايزة تسيب حياة لوحدها." زين: "صحيح، حياة عاملة إيه؟ يوسف: "تمام، بخير." زين: "طب كويس." يوسف: "مش ناوي تنسى بقى؟ زين:

"ما فيش حاجة بتتنسي. قلي بقى، شفت أمل إزاي؟ احكي لي الموضوع بالكامل." يوسف: "بص يا سيدي، واحد صاحبي كلمني وقال لي عليها وشكر لي فيها جداً. وأنا ساعتها ما كنتش فاضي، فقلت إيه؟ ما فيش غيرك. فرحت مكلم خالتي وحكيت لها على الموضوع. هي فرحت وقالت لي إن هي هتكلمك، والباقي أنت عارفه." زين: "ماشي. يلا تصبح على خير." يوسف: "هتنام في المهزلة دي إزاي؟ زين: "ما لكش دعوة، أنا متعود على كده." يوسف:

"طب تعال نخرج بره على ما حد ينظف الأوضة. أنا زهقان، مش جايلي نوم الصراحة. بلاش بواخة. حتى مراد وعمر هنا، هنسهر زي زمان. قم بقى، بلاش بواخة." زين: "انت مش جاي من السفر، أكيد تعبان. وأنا ماليش مزاج." يوسف: "النهاردة عيد ميلادك، هنحتفل كلنا." زين: "قلت لك ما ليش مزاج، واسمع الكلام." يوسف: "انت ليه مش عايز تنسى كل حاجة؟ عايز تفضل في الماضي لحد امتى؟ خلاص فوق بقى وعيش الحاضر. الوقت ما بيوقفش على حد." زين:

"أنسى إيه ولا إيه؟ اليوم ده حصلت حاجات كتير أوي، مش هاقدر أنساها." يوسف: "لازم تقدر تنسى. ما تفضلش عايش على الماضي. مراد ليه ما بيعملش زيك؟ لأنه فكر يعيش ليه، والنفسنة وبس. ما فكرش في حد تاني. ليه مش قادر تعمل زيه؟ زين: "عشان إحنا مش زي بعض. الفرق الوحيد اللي بينا إن هو كان فيه حد بيحبه ويخاف عليه، لكن أنا ما كانش عندي حد." يوسف: "عندك ناس كتير بتحبك. ولا نسيت بابا الله يرحمه كان بيحبك قد إيه؟ زين:

"لا ما نسيتش. الله يرحمه. هو ده اللي داني أمل في الحياة وخلاني أعيش لغاية دلوقتي، وعمري ما أقدر أنساه. واقف جنبي، كان لازم لحد تاني يكون مكانه. لكن الأحد ده عمره ما فكر فيا، كان بيحاول يؤذيني طول الوقت." يوسف: "مش يمكن تكون محتاجه؟ زين: "عمري ما احتاجه في حياتي." يوسف: "يمكن. بس عينيك بتقول غير كده." زين: "أنا بكرهه. بكرهه. هو اللي دمر لي طفولتي وحرمني من أغلى شيء في الدنيا، إن أكون زي أي طفل." يوسف:

"خلاص، كفاية كده. ما تتعبش نفسك." زين: "عايز تعرف زي النهارده حصل إيه؟ هاقول لك. طفل كان فرحان زي أي طفل. كان فرحان بعيد ميلاده. يدخل أبوه يكسر فرحته ويقول له: 'انت مش ابني'. طفل أربع سنين مش فاهم يعني إيه كلمة مش ابني. أنا قلت له: 'بابا'. قالي: 'أنا مش أبوك'. تعرف عامل إيه عشان يتخلص مني؟

خطفني وعذبني. ولما ما متتش، حاول يتخلص مني بأي طريقة، بس ما أعرفش. أب مش عايز ابنه في حياته. كان نفسي أعرف، آآآه بيكرهني. أنا عملت إيه عشان حياتي تكون كده؟ يوسف: "أنا مش عارف أقولك إيه. أنا عارف إنك اتعذبت في حياتك كتير، عارف إنك صبرت كتير، وإني جواك حاجات كتير. بس انت مش هترتاح غير لما تشوفه. اسأله على كل أسئلتك عشان ترتاح." زين: "أنا مش عاوزاه يدخل في حياتي تاني." يوسف:

"طب خلاص، نفك كده ونخرج. مفيش اعتراض. قلت إيه؟ زين: "ماشي، يلا بينا." يوسف: "أحبك وأنت مفرفش كده." *** تحت في الأسفل مراد: "يلا." فرح: "يلا فين؟ مراد: "هروح بيتنا." فرح بيزعل: "خلينا، وبكرة نروح." مراد: "ما ينفعش." فرح: "بالله عليك يا مراد، النهاردة وبس." مراد: "قلت لا. يلا." "ما فيش أحد هينام النهاردة، النهاردة السهرة وبس." فرح: "بجد يا جو؟ واحشني السهر معاك." يوسف: "ولا تزعلي يا ستي، كل طلباتك مجابة." فرح:

"ربنا يخليك لي يا أجمل جو في الدنيا." يوسف: "شايف مراتك بتعاكسني." مراد: "براحتها، تعمل اللي هي عايزاه." فرح: "حبيبي." يوسف: "باهزر. في إيه؟ أنت مالك واخد الحياة جد كده؟ فك شوية يا عم. النهاردة عيد ميلادك. كل سنة وأنت طيب، مع إنها جاية متأخرة شوية." مراد: "وأنت طيب، شكراً. معلش تعبان شوية. عن إذنكم. يلا يا فرح." فرح: "بالله عليك يا مراد، خلينا النهاردة." مراد: "قلت لا، يلا." عمر: "ما تسيبها في إيه؟ خليها براحتها."

مراد: "لو سمحت يا عمر، ما تدخلش. يلا يا فرح." زين: "خلاص يا فرح، مراد شكله تعبان. روحي معاه. بكرة تعالي." فرح: "هو مش هيخليني أجي هنا تاني؟ زين: "أنا هاجيبك. يلا بقى، تبقيش عنيدة." فرح: "ماشي. سلام." فرح ومراد مشوا. يوسف: "إيه رأيكم نسهر بره؟ ليليان: "لا، اسهروا وأنتم. أنا طالعة أنام. تصبح على خير." يوسف: "وأنت من أهل الخير يا خالتي." عمر: "قلي بقى يا معلم، هنسهر فين؟ يوسف: "أي حتة." عمر:

"إيه رأيك في المكان بتاع زمان؟ يوسف: "وأنا موافق. قلت إيه يا زين؟ زين: "أنا ماليش في السكة دي، البنات دي." يوسف: "اسكت أنت. رتب أنت الجو يا عمر." عمر: "علم، وينفذ." زين: "ماليش أنا في الحاجات دي. تصبح على خير." عمر ويوسف: "طول عمرك فقري." عمر ويوسف خارجين يسهروا، وزين طلع ينام. *** في فيلا خالد الجارحي في غرفة دينا سهيله: "ممكن تفهميني؟ دينا: "عاوزة تفهمي إيه يا ماما؟ سهيله: "زين إزاي هيتجوزك؟ وإزاي هيخطب؟ دينا:

"عادي يا ماما." سهيله: "عادي إزاي؟ فهميني." دينا: "يا ماما، أنا مش أول واحدة ولا آخر واحدة تتجوز عادي. ثم هو سألني وأنا قلت له موافقة. إيه المشكلة بقى؟ سهيله: "طريقتك مش مريحاني." دينا: "أهم حاجة إن أنا أكون معاه. ماما، أنا عايزة أنام. تصبحي على خير." سهيله: "طب ما نشوف آخرتها معاكي إيه." *** في شقة مراد السيوفي فرح ومراد وصلوا البيت. قفل باب الشقة وحضن فرح: "وحشتيني يا أجمل فرح في الدنيا." فرح بيزعل:

"هو أنت ليه ما رضيتش تفضل هناك؟ مراد: "هناك فين؟ فرح: "مع زين ويوسف وعمر." مراد: "هنا هنسهر براحتنا من غير ما حد يضايقنا." فرح: "بس أنا كنت عايزة أسهر معاهم." مراد: "مينفعش يا فرح." فرح: "ليه بقى إن شاء الله؟ مراد:

"أكيد هم هيخرجوا. انتي بقى هتروحي تعملي إيه ولا حاجة، وأكيد هتزهقي. لكن هنا هتعملي كل اللي انتي عايزاه. وهنا هتبكي على راحتك أكتر. مش النهارده عيد ميلادي، يعني كل حاجة هاطلبها هتنفذها لي. وأول طلب، فكي التكشيرة دي. عايز ضحكة فرح الحلوة." فرح بعياط: "بس ما فيش كيكة. إزاي نحتفل بعيد الميلاد؟ أنا آسفة، نسيت أعمله هنا." مراد: "بقول لك اضحكي، مش عيطي. ثم يا ستي، في جاتوه في الثلاجة." فرح: "هيه هيه هيه!

في جاتوه في الثلاجة." مراد: "إيه اللي خلاها تفكر بالأكل؟ بس فرح، استني." فرح: "نعم؟ مراد: "تاخدي انتي شاور، وأنا هجهز كل حاجة." فرح: "أوكي." المراد دخل المطبخ، طلع الجاتوه من الثلاجة وجاب عصير وعمل جو الرومانسية. فرح طلعت من الحمام اتفاجئت بالمنظر. فرح: "ما كنتش أعرف إنك رومانسي أوي كده." مراد وهو بيحضنها: "أديك عرفتي." فرح: "هعمل إيه؟ مراد: "هاكل طبعًا." مراد بصوت واطي: "اصبري على بس." "أكيد هناكل." فرح:

"يلا نطفي الشمع 🎂 عشان آكل." مراد: "اديني طفيته. كلي." فرح بتاكل ومراد بيتفرج عليها. فرح: "مش هتاكل؟ مراد: "على أساس انتي خليتي حاجة؟ انتي خلصتي الأكل كله." فرح: "ما أنت اللي ما رضيتش تاكل." مراد: "خلصتي أكل؟ فرح: "آه الحمد لله." مراد وهو بيمسح لها شفايفها بالمنديل: "شكرا. أروح أنام بقى." مراد: "أكيد طبعًا. إحنا هننام." شالها وحطها على السرير. فرح: "على فكرة، أنا بعرف أمشي لوحدي. مش مستاهلة ده كله." مراد:

"اسكتي خالص. مش عايز أسمع صوتك." فرح: "حاضر." مراد: "بحبك وأنت بتسمعي الكلام كده. خليكي كده على طول." فرح كانت لسه رايحة تتكلم، لقيت مراد بيبوسها. ضربته على وشه. "إنت إزاي تعمل كده؟ مراد انصدم: "إيه اللي عملتيه ده؟ فرح: "إزاي تعمل كده؟ مراد: "على فكرة، أنا جوزك يا هبلة." فرح: "آه صح، نسيت. سوري." "والله ما أنا سايبك بقى كده. لازم تتعاقبي." "نسيبهم يقضوا ليلته الحلوة مع بعض." *** عدى الليل وجاء النهار بكل فرح وسرور.

فيلا زين الجارحي في غرفة زين عمر ويوسف وزين. يوسف: "إيه يا معلم، مش نازل الشغل النهارده ولا إيه؟ زين: "لأ." يوسف: "ليه؟ لسه متضايق؟ زين: "لأ." يوسف: "أمال مش نازل الشغل ليه؟ زين: "خارج مع أمل وبنت عمها وفرح أختي." عمر: "ليه؟ رايحين فين؟ زين: "أشتري الهدوم عشان الخطوبة بكرة." عمر: "ممكن أجي معاك؟ زين: "لأ." عمر: "ليه بس كده؟ زين: "لما أنت تيجي معايا، مين اللي هيروح الشركة؟ عمر: "مراد هناك وهياخد باله من كل حاجة." زين:

"مراد ما ينفعش، لازم أنت تكون معاه." عمر: "يعني أنت هتخرج مع ثلاث بنات لوحدك؟ زين: "ما تخافش علي. يوسف هيجي معايا." عمر: "شطاا يا عم يوسف." يوسف: "امشي يا أهبل." زين: "هاعمل الفون وأجي." *** في بيت أمل أمل كانت قاعدة محتارة هتلبس إيه. نور: "البلوزة الحمراء والبنطلون الأبيض شكله تحفة عليكي." أمل: "كده اخترنا اللبس. فين الصندل؟ نور الفون بيرن. أمل: "شوفي مين." نور: "رقم غريب." أمل: "ردي انتي." نور: "الو." زين: "الو."

نور: "الو، مين معايا؟ زين: "أنا زين. مش مسجلة رقمي معاكي؟ نور: "نسيت أسجله." زين: "ولا يهمك. انتي عاملة إيه؟ نور: "تمام الحمد لله. أنت أخبارك إيه؟ زين: "الحمد لله كويس." نور: "يا رب دايما." زين: "انتي جهزتي؟ ساعة كده هاعدي عليكي." نور: "آه طبعًا." زين: "طب تمام. هعرفك على فرح أختي، هتحبها جدًا." نور: "ده شرف لي إن نتعرف عليها." زين: "ده من ذوقك." نور: "ربنا يخليك." زين: "إيه الكلام الحلو ده؟ نور:

"ده أنت اللي كلامك عسل." زين: "انتي بتعاكسيني كده؟ نور: "أكيد طبعًا بعاكسك. ما أنت قمر." زين: "إيه ده؟ أنا مش واخد على كده." نور: "لازم تتعود على كده." زين: "طب سلام دلوقتي." نور: "سلام." طبعًا زين كل ده مفكر إن هو بيكلم أمل. أمل: "كنتي بتكلمي مين؟ نور: "كنت بكلم القمر." أمل: "قمر مين؟ نور: "زينو." أمل: "يا نهارك أبيض! قلت له إيه؟ نور: "منك لله يا شيخة. أبص في وشه إزاي؟ نور: "زي الناس." *** في شقة مراد السيوفي

في غرفة مراد وفرح مراد نائم وفرح في حضنه بيلعب في شعره. مراد بحب: "فرح." فرح: "اممممممم." مراد: "يصحى يلا." فرح: "سيبني أنام شوية." مراد: "كفاية نوم بقى." فرح: "خمس دقايق بس." مراد ابتسم: "ماشي." "يلا قومي يا فرح." فرح: "سيبني نايم شوية." مراد: "يلا عشان تروحي عند زين." فرح: "بجد هتوديني؟ مراد: "أيوه أوديك." فرح حضنته: "شكر يا أجمل مراد في الدنيا. هو أنا ممكن أسألك سؤال؟ مراد: "اسأل." فرح بتردد:

"هي مامتك ليه مش عايشة معاك؟ مراد بيغير الموضوع: "أنا اتأخرت على الشغل، يدوب هاخد شاور." فرح: "بس أنت ما ردتش على سؤالي." مراد بغمزة: "إيه رأيك ناخد شاور مع بعض؟ فرح: "لأ طبعًا." مراد: "الفاتورة جاية الشهر ده غالية. هنوفر شوية." فرح بتفكر: "ههه. تصدق معاك حق. طب شيل بقى." مراد: "وماله نشيل. هي في أحلى من شيل." *** في فيلا زين الجارحي تحت على السفرة يوسف: "إيه يا عمر، مش ناوي تتجوز؟ عمر: "انت الأول يا أخويا." يوسف:

"بإذن الله." عمر: "ويا ترى هي مين بقى؟ يوسف: "لسه بدور." عمر: "يعني أنت سايب المزز هناك وجاي هنا؟ يوسف: "ما بحبش أنا المضروب، بحب الأصلي." عمر: "شطاا عليك يا أصلي." زين: "ما تتلم أنت وهو." عمر: "مالك بس يا زينو؟ زين: "خليك في حالك. قوم شوف شغلك." يوسف: "ما أنت لو كنت جيت معانا امبارح، كنت زمانك مفرفش دلوقتي. ولا إيه يا عمر؟ عمر: "يخرب بيتك! فضحتنا." يوسف: "في إيه مالك؟ عمر: "بص وراك." يوسف: "صباح العسل يا خالتي."

ليليان: "مالكم سكتوا ليه؟ كملوا كلام." عمر: "يا نهار أبيض! أنا اتأخرت على الشغل. سلام عليكم." يوسف: "ههه يا جبان. منورة يا خالتي." ليليان: "عاوز تقول إيه؟ خلص." يوسف: "بحبك وأنتِ فاهماني كده." ليليان: "انجزي، خلص." يوسف: "إن أنا عايز أتزوج." ليليان: "يا ألف نهار أبيض! مين العروسة؟ يوسف: "مش عارف." ليليان: "قوم يا ابن الموكوسة من هنا! في حد عايز يتجوز مش عارف العروسة؟ يوسف: "أنا بقول انتي تشوفي لي." ليليان:

"كنت شفت العمر." في الوقت ده وصل مراد وفرح. مراد: "السلام عليكم." الكل: "وعليكم السلام ورحمة الله وبركاته." يوسف: "حماتك بتحبك. اقعد افطر." مراد: "شكراً. بالهناء والشفاء. سبقتكم." يوسف: "انت حر. اقعدي يا فرحتي. اقعدي افطري." فرح: "والله هاموت من الجوع." مراد فاتح بقه: "نهارِك منيل! انتي مش لسه واكلة من شوية؟ فرح: "انت بتعدي على الأكل؟ شايفين كلكم. أهي أهي." مراد: "هو في حد بياكل ويعيط؟ كلي بالهناء والشفاء." ليليان:

"أوعي تكوني حامل يا فرح." فرح: "لأ يا ماما، مش حامل." مراد: "يا ريت، هيكون أحلى خبر." ليليان: "طالما أنتو عاوزين، ما تشد حيلك شوية. عايزة أكون تيتا." يوسف: "مستعجلين على إيه؟ الحياة لسه قدامكم." زين: "إن شاء الله ربنا يرزقكم عن قريب. ما تستعجليش." مراد وفرح بصوت واحد: "يا رب." يوسف: "كنت عايزك شوية، ومراد، في الموضوع الفاضي؟ مراد: "خير. في إيه؟ يوسف: "ممكن لوحدنا؟ مراد: "أكيد. اتفضل. عن إذنكم." يوسف:

"بص يا سيدي، إحنا خسرنا الصفقة. وفي مشاكل كتير هناك. كنت جاي لزين بس لقيت مشاكل كتير. وكمان لو عارف مين السبب، مش هيسكت المرة دي. فـ أنا مش عايز أقول له." مراد: "والمطلوب مني؟ يوسف: "جنه صفقة جديدة أحسن من الصفقة اللي خسرناها، بس عايزة شغل جامد. وأنا مش هاقدر عليها لوحدي. يعني ممكن تسافر معايا. مش عايزين يحس بأي حاجة. عايز بين اللي جوه طبيعي." مراد: "أكيد طبعًا. أخلص الشغل اللي هنا وأسافر. بس احكي لي عن الصفقة شوية."

يوسف: "ها بعت لك كل حاجة في مسج. شكراً إنك هتساعدني. مش عارفة أتصرف إزاي. أنا شايف إنك المضغوط. طلب أخير، بس بلاش زين يعرف." مراد: "من غير ما تقول." يوسف: "شكراً يا مراد." مراد: "ما فيش شكر بين الأخوات." يوسف: "ده اللي أنا متوقعه منك." مراد: "سلام دلوقتي عشان ورايا شغل." يوسف: "أكيد. اتفضل." مراد مشي. وزين ويوسف وفرح مشيوا راحوا عند بيت أمل. ونزل وسلموا ومشوا. هي وبنت عمها مع زين رايحين يشتروا فستان الخطوبة. نور:

"واو، فساتين شكلها تجنن." يوسف بيعاكس: "أنتي اللي قمر." نور: "نعم؟ بتقول حاجة؟ يوسف: "أنا؟ لأ، ولا حاجة." نور: "أصل افتكرتك بتكلمني." يوسف: "تلاقيها دبانه ولا حاجة." فرح: "إيه رأيك في الفستان ده؟ أمل: "لأ، بلاش ده." فرح: "حلو جدًا." أمل: "بس ده عريان قوي." فرح: "شكله حلو قوي، عاجبني." أمل: "خلاص اشتري، طالما عجبك." فرح: "آه طبعًا، عجبني جدًا." زين من وراء: "بلاش ده يا فرح." فرح: "بس هو عجبني أوي." زين:

"فرح، أنا ما صدقت انتي و مراد بقيتوا حلوين مع بعض. هو مش بيحب إنك تلبسي كده." فرح: "بس هو عاجبني." زين: "طب إيه رأيك في ده؟ مش حلو؟ فرح: "حلو، بس أنا مش محجبة." زين: "مش مشكلة يا فرح، غيري في الاستايل شوية. وبعدين مراد هيحبه عليكي أوي." أمل: "على فكرة، هيطلع حلو عليكي جدًا." فرح: "ده لبس محجبات. وأنا مش محجبة." أمل: "مش مشكلة، عادي." فرح: "خلاص، عجبني. اشتري." زين: "خدي ده كمان معاكي." فرح: "بس ده لمين؟ زين:

"خدي بس، ملكيش دعوة. هتعرفي بعدين." فرح: "ماشي. فاضل العروسة الحلوة دي." زين: "طالما ذوقي عجبك، اختار لك أنا." أمل بكسوف: "أنا آسفة." زين: "على إيه؟ أمل: "أصل اللي كلمتك مش أنا. دي نور هي اللي كلمتك في الفون. مش أنا." زين: "أنا برضه استغربت. قلت إنك بتتكسفي." يوسف: "إيه ده؟ أنتم ما صدقتوا تكونوا لوحدكم؟ أمل: "لأ، في ناس كتير في المكان." زين: "لأ، دي غلاسة. عادي يا ابني، خليك في حالك." يوسف: "ماشي، الله يسهل له." نور:

"اخترتي الفستان ولا لسه؟ أمل: "لأ، لسه." زين: "إيه رأيك في الفستان ده؟ حلو جدًا." نور: "هههههه. أحمر حلو جدًا." أمل: "والله أنتِ رخمة." فرح: "في إيه؟ مالها؟ زين: "مش عاجبك الفستان؟ أمل بسرعة: "لأ، حلو جدًا." نور: "أصل ما كانتش عايزة تلبس أحمر." زين: "لأ، عادي، ممكن أغيره." أمل: "لأ، عجبني، حلو." زين: "على بركة الله. كده خلصنا ولا في حاجة تانية؟ فرح: "اشتري شوية حاجات." زين: "ماشي." الفون زين بيرن. زين:

"طب خلصي على ما أرد على الفون عشان أحاسب مرة واحدة." فرح: "ماشي يا جميل." زين: "الو." "*****" "أيوه." "*****" "انت بتقول إيه؟ "*****" "انت متأكد من اللي بتقوله ده؟ "*********" زين تليفون وقع منه، كان مصدوم. "مين اللي سمعته؟ يوسف: "زين، انت كويس؟ في إيه؟ مين ده اللي كان بيكلمك؟ في إيه؟ نطق." زين: "اللي كنت خايف منه حصل." يوسف: "حصل إيه؟ مش فاهم. ممكن تفهمني؟ زين: "أنا بعدين. مش قادر أتكلم." يوسف: "تكلم، أنا سامعك."

زين: "انت ليه خبيت علي؟ *****" يوسف مصدوم: "انت عرفت؟