رواية امرأة في عصمة صعيدي الفصل الرابع والعشرون 24 - بقلم سلسبيل

في الصعيد... الكل كان قاعد بيتغدي و ملتزمين بالصمت. تهاني: جاسر بيه. جاسر: خير؟ تهاني: في واحد بره بيقول انه جايب حاجة باسم مدام جاسر القاضي. دنيا: ديما!!!!!! خالد: فين؟ تهاني: بره. جاسر: خليكوا هنا. جاسر قام و خرج بره لقي في علب كتير. جاسر: خير؟ موظف: اهلا يا فندم، في طرد جاي علي العنوان ده باسم مدام جاسر القاضي. جاسر: عبارة عن ايه؟ موظف: دي خصوصيات يا فندم، لما حضرتك تفتحها. جاسر: طيب. موظف: امضي هنا يا فندم.

جاسر: تمام. جاسر مضي و امر الغفر يطلعوا الحاجات علي اوضته. حازم: ايه؟ جاسر: مفيش حاجة، كملوا اكلكوا. جملات: ازاي بس ديما تعمل كدة؟ دنيا: دي حتى مردتش علي تليفوني. سارة: هتلاقيها مشيت مع عشيجها. عبير: او راحت تخون جوزها. خالد: مرات عمي احترمي نفسك انتي و بنتك. حازم: في ايه؟ ما تعدلوا كلامكوا شوية، انتوا مش شايفين اللي احنا فيه. فيروز: ناس بتموت في الخراب. دعاء: و مين سمعك يا فيروز. عند جاسر.

جاسر بدأ يفتح اول علبة لقي تورتة كبيرة مكتوب عليها بحبك يا جاسر. فتح تاني علبة لقي عباية صعيدية افضل ماركة. فتح تالت علبة لقي ساعة شيك من النوع الغالي. فتح رابع علبة لقي فيه دبلة فضي و ورقة مكتوب فيها "في حالة انك تقبل بالهدايا دي يبقي انا اعترفت ليك بحبي و انت قبلته علشان كدة عايزاك تلبس الدبلة دي علشان كل الناس تعرف انك مِلكي".

فتح خامس علبة لقي سلسلتين و كل واحدة فيها نص قلب "مش عيب انك تلبس السلسة دي لانك هتبقي نصي و انا نصك، لو مش عايز تلبسها خليها معاك في جيبك علطول.. بحبك". جاسر غمض عيونه و هو مش قادر يتصرف و مش عارف يعمل ايه، كل حاجة ضده هو. جاسر: يا رب نورلي طريقي. الباب خبط. جاسر: ادخل. سارة: مالك يا حبيبي؟ ايه ده كله؟ جاسر: عايزة ايه يا سارة؟ سارة: مالك مش طايقني ليه؟

جاسر: سارة انا دلوقتي في موضوع، لما اخلصه ابقي اتكلم معاكي. اتفضلي دلوقتي. سارة: و بالنسبة الفلوس اللي طلبتها منك؟ جاسر: هو مش انا وديتك امبارح. سارة: الصايغ عايز فلوس اكتر. اعمل ايه؟ جاسر: خدي يا سارة. جاسر طلع فلوس من معاه و وداهم لسارة. سارة سابته و مشيت. الباب خبط تاني. جاسر: خير؟ تهاني: جاسر بيه حضرتك فاضي؟ جاسر: عايزة ايه يا تهاني؟

تهاني: انا جاية اخلص ذمتي يا بيه، انا هتحاسب لو فضلت ساكتة و الست ديما معملتش ليا حاجة وحشة علشان افضل ساكتة. جاسر: في ايه؟ تهاني: من يومين يا بيه لما كان علاء بيه مش هنا سمعت ست عبير و ست سارة بيتكلموا مع بعض. جاسر: ماشي و ايه اللي فيها؟

تهاني: الست عبير و الست سارة اتفقوا انهم يخلوا علاء بيه يوقع ديما و حضرتك تشوفهم مع بعض و تطلقها يا بيه و علاء بيه يتجوزها و يأخد فلوسها، و الست سارة تتجوز جنابك و تحمل من حضرتك و تأخد فلوس حضرتك. جاسر: انتي بتقولي ايه يا بت انتي؟ تهاني: انا مش بكدب يا جاسر بيه، انا جيت اخلص ذمتي. جاسر: سارة مستحيل تعمل كدة. تهاني: انا قولت اللي اعرفه يا بيه. جاسر: الكلام ده حد يعرفه تاني؟ تهاني: لا معرفش يا بيه.

جاسر: مطلعيش الكلام ده لاي مخلوق ابدا فاهمة؟ تهاني: حاضر يا بيه. جاسر سابها و نزل بغضب. جاسر: سارة فين؟ عبير: عايزاها ليه يا جاسر؟ جاسر: سارة فين؟ عبير: خرجت للصايغ. جاسر: تمام. جملات: في ايه يا ابني؟ جاسر: مفيش حاجة. جاسر سابهم و مشي. خالد: انا لازم انزل القاهرة اشوف ديما، لازم اعرف هي فين. دنيا: و انا كمان يا خالد. دعاء: بس جاسر قال محدش يكلمها تاني و لا يعبرها الفترة دي. مع اني قلقانة عليها.

فيروز: انا كلمت بابا و هو قال لعمي حسن و هما راجعين. حازم: علشان كدة هما اتصلوا بيا. خالد: انتي اتجننتي يا فيروز؟ فيروز: معرفش بقي. احنا لازم نتصرف. عبير: هيعملوا ايه يعني؟ هي البت خلاص شافت طريقها. جملات: اكيد في حاجة حصلت. عند جاسر. جاسر مشي و راح للصايغ و دور علي سارة بعيونه ملقهاش. الصايغ: جاسر بيه حضرتك بدور علي حاجة؟ الصايغ: حضرتك عايز تجيب حاجة للجماعة؟ جاسر: وريني عندك ايه؟

جاسر كان واقف و بيبص حواليه ممكن يلاقيها. الصايغ: شايف القطعة دي حلوة اوي. جاسر بص بصة علي الحاجة اللي قدامه و لفت انتباهه سلسلة شيك رقيقة. جاسر: وريني دي كدة. الصايغ: دي حاجة كدة جاية من مصر. جاسر: طيب. هأخدها. الصايغ: تمام يا بيه.

جاسر خد منه السلسلة و دفع الحساب و خرج. و روح و هو مروح لاحظ حركة غريية حوالين البيت. جاسر مشي و راح لقي في صوت جاي من الكوخ دخل لقي سارة و مازن مع بعض و في ايد مازن فلوس كتير و سارة جمبه و بيضحكوا. مازن: جاسر. مازن قام يوقف و حاول يهرب بس جاسر مسكه بكل غضب. جاسر: اه يا زبالة يعني بتغفلينا كلنا. سارة: يا جاسر و الله متصدقش. جاسر: و المفروض انا اصدقك بقي. جاسر: ردي.

مازن زق جاسر و طلع يجري. جاسر قرب من سارة و مسكها من شعرها. جاسر: هتجبيلنا العار. هتركبي لابوكي قرون يا زبالة. جاسر دخل البيت و هو ماسك سارة و باين عليه العصبية و سارة بتعيط. عبير: انت اتجننت يا جاسر شيل ايدك بعيد عنها. جملات: جاسر ميصحش كدة في ايه؟ جاسر: الزبالة مغفلة ابوها و مغفلة رجالة البيت كلها و راحة تقابل مازن الكلب. عبير: ايه؟ سارة: لا ده بيفتري عليا علشان هو بس متعصب. جاسر ضربها قلم خلي شفايفها تنزل دم.

جاسر: انا يا بنت ال. دعاء: يا نهار اسود هي ازاي عملت كدة؟ فيروز: معرفش دلوقتي جاسر هيعمل ايه. و بعدين لقوا حسن و فتحية و علي و اسماء جم. حسن: انت ازاي تمسك بنت عمك يا جاسر؟ جاسر: الزبالة يا حاج طلعت مغفلانا. عبير: كداب. علي: ازاي بس يا جاسر فهمنا. جاسر: جت طلبت فلوس مني علشان تشتري دهب من الصايغ و انا رحت و ملقتهاش هناك و انا راجع سمعتها بتضحك و تتكلم مع الزفت مازن في البيت اللي جمب بيتنا.

اسماء: جاسر ده شرف بنت. انت متأكد؟ جاسر: هكدب ليه يعني؟ علاء: لانك بتحبها يا جاسر. و مش عارف تطولها فبتتبلي عليها. سارة: اه اه. جاسر: انا انا يا زبالة. علاء: يعني انت مش بتحبها من و انت صغير. فتحية: علشان كدة ديما سابت البيت و مشيت؟ حسن: ما ترد يا زفت. جاسر: موضوع ديما هنحله بعدين دلوقتي في الزبالة دي. حسن: طيب يا جاسر ليك روقة. حسن: و انتي تطلعي اوضتك متنزليش منها فاهمة؟ عبير: هتحبس البت. حسن: قولت كلمتي.

سارة و عبير طلعوا علي اوضة سارة. حسن: ورايا يا زفت منك ليه. كل الرجالة راحت ورا حسن في اوضة الجلوس. فتحية: احكوا حصل ايه من ساعة ما مشينا. الكل حكي كل حاجة حصلت من ساعة ما مشيوا. اسماء: يا رب سترك يا رب. فتحية: هنعمل ايه؟ و ديما مش بترد ليه؟ دنيا: انا قولت ارجع القاهرة. بس جاسر الزفت موافقش. دعاء: البيت بقي وحش اوي. فيروز: و مين سمعك؟ جملات: اهم حاجة دلوقتي منقولش للحاج محسن. فتحية: اكيد. في مكان تاني. عند ديما.

ديما: اعتقد كدة متفقين يا استاذ عدنان. عدنان: الصراحة انتي اقنعتيني برأيك يا انسة ديما. بس كلمة شرف؟ ديما: اكيد طبعا. المرة دي هتجربني انا و اوعدك مش هتندم. عدنان: طيب موافق. ديما: تمام هنوقع الورق و هنحط البنود الاسبوع الجاي ان شاء الله. عدنان: ان شاء الله. سعيد بمقابلتك. ديما: انا اكتر يا عدنان بيه. عدنان: كانت فين دي من زمان يا شاكر؟ ديما: انا موجودة علطول. عدنان: تمام عن اذنك. ديما: اتفضل. شاكر: عملتيها ازاي دي؟

ديما: خليك واثق في نفسك تقدر تقنع اللي قدامك. عمر: اتفق مع حضرتك. ديما: طيب. دلوقتي جهزلي الورق و البنود يا عمو و ابعتهم للڤيلا. شاكر: حاضر يا بنتي. هبعتهم مع عمر. ديما: تمام. انا هروح انا. شاكر: طيب. ديما خدت شنطتها و نزلت ركبت العربية. ديما: اطلع. السائق: علي البيت يا هانم؟ ديما: لا. السائق: فين؟ ديما: معرفش. بص لف بالعربية كتير لغاية ما اقولك اوقف. السائق: حاضر.

ديما سندت رأسها علي ازاز العربية و خدت نفس عميق و قعدت تفكر و فضلت شاردة. بعد فترة. السائق: يا هانم احنا بقالنا ساعة و نص بنلف. ديما: اه اسفة. خلاص روحني علي البيت. السائق: تمام. بعد فترة ديما وصلت البيت. ناصرة: ها يا حبيبتي عملتي ايه؟ انبسطتي؟ ديما: اه يا دادة. ناصرة: عملتلك غداء يلا تعالي كلي. ديما: حاضر هطلع اغير و انزل. ناصرة: ماشي مستنياكي. ديما طلعت خدت دوش و خرجت لبست بيجامة قصيرة باللون الاسود و نزلت لتحت.

ناصرة: يلا دوقي و قولي رأيك. ديما: تمام يلا اقعدي كلي معايا افتحي نفسي. ناصرة: بلاش يا حبيبتي. ديما: ابدا اقعدي. ناصرة: طيب. ناصرة: مش ناوية تحكي يا ديما؟ ديما سابت المعلقة من ايديها و خدت نفس عميق و بصت لناصرة. ديما: ابدا مفيش اي حاجة محصلش نصيب بيني و بين جوزي بس. و انفصلنا بكل هدوء. ناصرة: و دنيا مجتش معاكي ليه؟ ديما: هترجع قريب ان شاء الله. ديما: هطلع انام. ناصرة: انتي مأكلتيش. ديما: مش عايزة عن اذنك.

ناصرة: ربنا ينور طريقك يا بنتي. ديما طلعت فردت علي السرير كل ما تغمض عنيها تشوف جاسر. ديما: بس بقي بس. ديما: Calm down (اهدي) ديما: مين ده علشان افكر فيه؟ (قلبها) : جوزك حبيبك حبك الاول. ديما: اه. (عقلها) : جوزك انتي و حبيبك انتي و حبك الاول ليكي انتي. بس هو مش كدة في الحقيقة هو بيحب سارة لا لا مش بيحبها ده بيعشقها. ديما: اه. (قلبها) : انت غاوي نكد؟ (عقلها) : اه بقولها الحقيقة. ديما: بس بس مبتعملوش حاجة غير تضايقوني.

ديما: مش مهم ان اول حب كان فاشل هعدي حياتي بكل سعادة و هحب تاني و تالت و رابع و خامس لغاية ما الاقي الشخص المناسب لحياتي بس. انا هنام. ديما حطت رأسها علي المخدة اول ما غمضت عنيها لقت الدموع بتأخد مكانه علي خدها و بدأت تعيط بحرقة. ديما: بكرهك يا جاسر. في مكان تاني. في الصعيد... عملوا قعدة بين العائلتين و الكبار و كانت سرية. محروس: انا شايف ان البت بنتكوا هي اللي غلطانة. مازن: هي لو محترمة مش هتعمل كدة.

علاء: ما تحترم نفسك ياض. مرزوق: علاء اهدي. مرزوق: انا شايف حل واحد هو الجواز. حسن: و انا رأيي من رأيك. علي: ده الحل الانسب. محروس: و انا مش موافق ابني يتجوز بنتكوا دي. مازن: هتجوز واحدة كانت ماشية معايا قبل الجواز. خالد: مش عيب مش انت و هي نوعيات بعض اساسا. مازن: طبعا تجوزوني انا البت اللي جايبة العار لعائلتها. و تجوزوا جاسر البت العفيفة الطاهرة. جاسر: قصدك ايه؟

مازن: انت مصدق علاء ده كداب ده ضحك علي مراتك و عمل كل الفيلم ده علشان تطلقها. جاسر: اه يا ابن ال. يا علاء. حسن: خلاص الكل يسكت. حسن: هو كل الكبار موافقين. كتب كتاب سارة و مازن دلوقت. مازن: نعم! علي: خالد اطلع خبرهم. خالد: طيب يا عمي. خالد سابهم و طلع. فتحية: ها يا خالد؟ خالد: كتب كتابها الليلة علي مازن. جهزوها. عبير: ازاي يعني؟ جملات: اشربوا بقي. سارة: ايه يعني انا بحبه ايوه بحبه و هبقي حلاله قريب.

جاسر دخل و سمع كلامها و قرب منها و مسكها من شعرها. جاسر: انتي و علاء و امك متفقين علي انكم توقعوا بيني و بين ديما و لا لا؟ سارة: اه اه. و خليتك تكسرها و كنت هأخد فلوسك بس حبي لمازن اغلي من اي فلوس. سارة: انا بحبه هو مش انت. انت كنت جسر اعدي من عليه بس. جاسر ضربها قلم و التاني و التالت. و رماها علي الارض و ضربها برجله مرة و اتنين و تلاتة. جاسر: اه يا بنت ال. طبعا ما انتي زبالة. فتحية: خلاص يا جاسر ابعد عنها.

خالد: ابعد عنها يا جاسر خلاص. جاسر: دوقي دوقي العذاب اللي هتشوفيه علي ايده ده هيعاملك خدامة عنده و وعد مني هتتعذبي اكتر و اكتر. جاسر: جهزوا الزفتة دي. جاسر و خالد خرجوا. و بدأوا يكتبوا الكتاب. مازن: قدامي. سارة: حاضر. مازن خد سارة روحوا بيتهم. حسن: و انت يا زفت ايه حكايتك مع ديما؟ جاسر: ممكن تسيبني فترة يا حاج و اوعدك هاجي و احكي كل حاجة. حسن: ماشي لما نشوف اخرتها. علي: طب و ايمن لما يعرف؟

حسن: مش احسن من المصيبة اللي كنا هنبقي فيها. عبير: ارتاحتوا جوزتوا بنتي. ماشي. فتحية: كله يروح يشوف هيعمل ايه. جاسر طلع لاوضته و دخل خد دوش و اتوضي و بدأ يصلي و مش قادر يأخد نفسه خلص صلاة و راح نام علي السرير و بدأ ينام و بيحلم احلام مختلفة. الحلم الاول: جاسر: يلا يا ديما انجزي. ديما: طيب يا عم متزعقش خد الجذمة اهي. جاسر: طيب. ديما: ايه ما تلبس بتبصلي ليه؟ جاسر قام من مكانه و مسك ايديها. جاسر: بقول اطنش للحاج.

ديما: اه و انا بقول تلبس الجذمة بتاعتك و تنزل و تغور من وشي. انا رايحة اكل. جاسر: بطلي اكل شوية الواد هيفطس. ديما: ابني انا و هو بيحب امه و بيأكل من اللي امه بتأكله و فرحان و مبسوط ملكش فيه. جاسر: براحتك ستات نكدية. ديما: انا عملتلك ايه دلوقتي؟ جاسر: ايه يا بت هتعيطي؟ ديما: انت شخص رزل و مش بتقدر. جاسر: طيب خلاص خلاص يا ستي انا اسف. جاسر: ده انتوا يا ستات بتلفوا تلفوا و احنا اللي نعتذر ليكوا.

ديما: بتقول حاجة يا عم انت. جاسر: بقول البس الجذمة و اغور. ديما: زين ما اختارت. جاسر: ايه ده ديما هانم بتقول زين كلمة صعيدي. ديما: ظريف الكل بيقولها عادي. جاسر: طيب انا ماشي. جاسر قرب من ديما و باس رأسها و نزل. الحلم التاني: ديما: جااااااااااااااااسر. جاسر: جاسر ايه ما انا جمبك. ديما: طبعا ما انت مش انت اللي بتولد. جاسر: طيب صوتك مزعج وطي صوتك. ديما ضربته جامد بايديها. ديما: ابعدوا الواد ده عني هقتله.

جاسر: اهون عليكي؟ ديما: ده انت تهون عليا و علي ابنك عادي. ديما: الحقووووووني بمووووووووت. فتحية: ما احنا ياما ولدنا يا ديما استحملي. ديما: جاسر سكت امك و ربي مش ناقصة ارد علي حد هزعله مني جامد. انا ايه اللي رجعني ليك انا غبية. دعاء: استحملي. ديما: فين الدكتور الزفت ده؟ و ربي لما اشوفه لاقتله هو و مراته بس. دنيا: ايه ذنب مراته يا هبلة؟ ديما: و دقيقة كمان و هكون قتلاكي. جاسر: طيب اهدي.

ديما: و معنديش استعداد اقتلك انت كمان. ديما: كدة كتير انا بموت الحقوني. يخرب بيتك يا جاسر و يخرب بيت اللي شافك و يخرب بيت اللي عرفك. جاسر: طيب يا ستي شكرا. بحبك. ديما: و انا كمان. جاسر قام من نومه و هو كان مبتسم و فرحان و بدأ يلعب في شعره و لقي النهارد لسة مطلعش. جاسر: يا رب افرجها من عندك. جاسر: ينعل ابو شكلك يا ديما ناطة في الاحلام كمان. مش كفاية شايل همك و انتي بعيدة. جاسر: بس الحلمين كانوا جمال و انتي احلي.

جاسر: ايه ده ايه ده في ايه مالك يا جاسر؟ في الصباح الباكر. عند ديما. ديما قامت من نومها في ميعادها بالظبط و دخلت خدت دوش و هي عندها همة و نشاط. اختارت طقم و لبسته كان عبارة عن: ديما لبست جيبة جينز و تي شيرت بنص باللون الاسود و كوتشي ابيض و لمت شعرها ديل حصان و اختارت شنطة ضهر باللون الاسود. ديما نزلت لقت الفطار جاهز علي السفرة. ديما: دادة ناصرة دادة ناصرة. ديما راحت علي المطبخ لقت ناصرة بتعيط. ديما جريت عليها بسرعة.

ديما: مالك يا دادة؟ ناصرة: مفيش يا بنتي. ديما: لا قولي ازاي مفيش حاجة. ناصرة: مفيش يا بنتي انا تعبانة شوية. ديما: خلاص يا طنط خدي اجازة و روحي. ناصرة: لا يا حبيبتي مش هينفع اسيبك. ديما: لا متخافيش انا هجيب اي واحدة تشتغل عقبال ما تيجي و فلوسك هتفضل زي ما هي. ناصرة: لا يا حبيبتي هكمل انا متخافيش مفيش حاجة. ديما: لا يا طنط في حاجة و لازم اعرفها و لو مش عايزة تحكي انا هزعل منك بس كدة. ناصرة: بنتي. ديما: مالها؟

ناصرة: ناقصها حاجات كتير في جهازها و محتاجة فلوس و اتصلت قعدت تزعق. ديما: اتجننت دي ازاي ترفع صوتها عليكي. ناصرة: عندها حق ما انا معيشاها في فقر ربنا يسامحه ابوها. ديما: عمر الفقر ما كان عيب يا داده و كمان انتي بتشتغلي شغلانة شريفة. ديما: و الجهاز و كل حاجة تخص بنتك انا هتكفل بيها يا داده متشليش هم. ناصرة: لا يا بنتي ميصحش. ديما: مليكيش دعوة انتي ياما تعبتي معايا و انا صغيرة و كنتي بتخدمينا بكل صدق و اخلاص و امانة.

ديما: و من بكرة الصبح تروحي بيتك و كل حاجة هتكون جاهزة. ناصرة: شكرا جدا يا ديما و الله شلتي هم كبير اوي من عليا. ديما: لا يا دادة متقوليش كدة. يلا بقي تعالي نأكل. ديما و ناصرة راحوا و بدأوا يأكلوا و ديما عملت نفسها بتأكل. ديما: كدة تمام الحمد لله. هروح الشغل. ناصرة: ماشي يا حبيبتي. ربنا ينورلك طريقك. ديما: تسلمي يا بطتي. ديما خرجت و ركبت العربية و راحت علي الشركة. ديما: عمر ابعتلي مدير الحسابات. عمر: تمام يا فندم.

ديما دخلت و قعدت علي مكتبها و بعد فترة الباب خبط. ديما: اتفضل. مدير الحسابات: حضرتك نادتيني. ديما: اه اتفضلي يا استاذ؟ مدير الحسابات: احمد يا فندم احمد. ديما: اتفضل يا استاذ احمد. تشرب ايه؟ احمد: هو انا عملت حاجة؟ ديما: ليه حضرتك متوتر؟ خليك عادي. ديما: هاتلي واحد قهوة سادة يا عمر. عمر: تمام يا فندم. ديما: انا كنت عايزة حضرتك في موضوع. احمد: اتفضلي. ديما: انا عايزة اكلف حضرتك بموضوع يهمني. احمد: اتفضلي يا فندم.

ديما: الدادة بتاعتي عندها بنت هتتجوز قريب كنت عايزة حضرتك تتكفل بكل حاجة تخصها. احمد: في حد معين للمصاريف؟ ديما: لا اصرف و جيب احسن و افضل حاجة. احمد: تمام يا فندم. ديما: هبعتلك الاسم و العنوان بمجرد وصولك للمكتب. احمد: تمام. ديما: معلش هتعب حضرتك معايا. احمد: لا تعب و لا حاجة. عن اذنك. ديما: اتفضل. عمر: القهوة يا فندم. ديما: شكرا. ديما: وراانا اي meeting؟ عمر: لا النهاردة لا. ديما: طب انا جيت ليه؟

عمر: علشان يبقي للشركة مدير. ديما: طيب. اتفضل علي شغلك. عمر خرج. و ديما طلعت تليفونها و قعدت تتفرج علي صورها هي و جاسر. في مكان تاني. في الصعيد. حسن: ها يا جاسر خدت وقتك؟ جاسر: اه يا حاج. و انا هرجع ديما مش هطلقها. دعاء: هييييييييي يحيا العدل. فيروز: بجد يا جاسر يعني ديما هترجع؟ جاسر: اه ان شاء الله. حسن: و كان ايه سبب انها تمشي؟ جاسر: حاجة بيني و بين مراتي. عبير: الله يرحم ده بدل ما تضربها عيارين.

خالد: هي عملت ايه يعني؟ عبير: سابت البيت و مشيت. فتحية: خليكي في حالك يا عبير. ايمن: عبير. عبير: في ايه؟ علي: انت رجعت امتي يا اخوي؟ ايمن: مش وقته يا علي. ايمن: تعرفي انتي المفروض يتعمل فيكي ايه؟ عبير: هو انا عملت ايه؟ ايمن: ابدا بوظتي عيالي و بوظتي علاقة ديما و جاسر. عبير: ابدا. علاء: يا ابوي. ايمن: اخرسوا. دعاء: هو هيحصل ايه؟ دنيا: نفسي يطلقها و نرتاح. ايمن: انتي طالق يا عبير طالق بالتلاتة. عبير: انت طلقتني!!!!!!

ايمن: و انت يا زفت انت لتبقي راجل و قد المسئوليه لاما انا مبقاش خلفت رجالة. بره انت و امك. علاء: بس. ايمن: يلا بره. اطلعوا لموا هدومكوا و اخرجوا بره. عبير طلعت بانكسار و لمت هدومها و علاء لم هدومه و خرجوا بره البيت بكل ذل. ايمن: سامحوني علي اللي حصل بسببهم. الكل: و لا يهمك. علي: ناوي ترجع ديما ازاي؟ جاسر: مش عارف هفكر. حسن: هتفكر و لا الفكرة في دماغك. جاسر: طول عمرك عارفني يا حاج. دنيا: ايه ايه؟ خالد: بطلي حشرية.

دنيا: انجزوا بقي البت وحشتني. حازم: لما تكبري يا شاطرة. دعاء: ليه هو في حاجة عيب؟ جاسر: بطلوا بقي. هو انا فايق للهزار و كمان ما تحترم نفسك ياض انت بتتكلم مع اختي. حازم: لا ما الانسة هتبقي مراتي قريب متخافش. الكل: نعم!!!!!!!!!!!! حازم: طالبها من الحاج ايه ما تتكلم يا حاج و لا ايه؟ حسن: ما تصبر ياض انت. دعاء: انت مش قصدك انا صح؟ حازم: لا انت يا جميل. جاسر: ياض انت عايز تتضرب علي نفوخك.

خالد: طيب و ان شاء الله هكتب علي دنيا لما والدها يرجع من السفر. دنيا: و مين قال اني موافقة؟ فتحية: بطلوا الاول دلوقتي ديما و جاسر. اسماء: ايوه. جملات: في دماغك ايه يا ابن القاضي؟ جاسر: مفيش لسه هبقي اقولكوا. عدي اليوم بدون احداث تُذكر. في الصباح الباكر. عند ديما. ديما كانت بتتقلب في السرير و بدأت تفتح عنيها. ديما: جاسر!!!!!!!!!!!!!!!