رواية امرأة في عصمة صعيدي الفصل الخامس والعشرون 25 - بقلم سلسبيل

في الصباح الباكر... عند ديما... ديما كانت بتتقلب في السرير وبدأت تفتح عينيها. ديما (بصدمة) : جاسر!!!!!!!!!!!!!!! ديما قامت بسرعة على السرير وفركت في عينيها. ديما: لا لا أنا بحلم لا... جاسر: ليه بس يا حبيبتي؟؟ ديما (بصدمة) : حبيبتي!!!!!!! انت أهبل ياض وكمان إيه ده انت إزاي جيت وإيه اللي جابك وبتعمل إيه في أوضتي؟؟؟؟؟؟؟؟ جاسر: مفيش مراتي زعلانة مني جيت أصالحها...

ديما استدركت الموضوع وغمضت عينيها وخدت نفس عميق وطلعته براحة. ديما (بحدة) : بره يا جاسر... جاسر: لا أوضة مراتي... ديما: اطلع بره أنا مش مراتك أنا بكرهك ومش بطقيك ويلا اطلع بره لغاية ما أشوفلك صرفة... جاسر: لا نسيت أقولك أنا والعائلة الكريمة كلنا تحت... ديما (بصدمة) : نعم يا أخويا؟!!! جاسر: أه قولنا نقضي فين الـ Weekend ففكرنا هنا أنسب مكان... ديما: تعرف كلهم يقعدوا في البيت ده إلا أنت... اطلع بره اطلع...

ديما مسكت إيده وخرجته بره الأوضة. ديما: و خليك عارف يا جاسر إنك مهما عملت مستحيل أرجعلك أو أسامحك... ديما قفلت الباب في وشه وسندت على الباب وقعدت تعيط. جاسر (بخفوت) : بلاش تعيطي علشان خاطري... ديما قامت وقفلت الباب بالمفتاح ودخلت جري على الحمام وخدت دوش وكل تفكيرها دلوقتي هي هتقابله إزاي ولا هتعمل إيه ولا هيحصل إيه وإيه اللي جابه... وبعد فترة خرجت وفتحت دولابها واختارت طقم وبدأت تلبسه وهي شاردة تماماً.

"ديما لبست بنطلون أسود وتي شيرت أسود بنص كم وكوتشي أبيض عالي وسابت شعرها على ضهرها واختارت شنطة باللون الأبيض" ديما فتحت الباب ونزلت وكانت بتتمنى إنه يكون حلم. وبدأت تنزل السلالم. دنيا (بفرحة) : ديمااااا... دنيا جريت على ديما نطت عليها وديما كانت هتقع. ديما: هفطس يا بت... دعاء (بفرحة) : وحشتينا أوي... فيروز: أوي أوي... دعاء وفيروز طلعوا وحضنوا ديما وديما بادلتهم الحضن. دنيا: أه يا واطية يا كلبة يا حيوانة يا زبالة...

ديما: بس بس إيه كله ضرب ضرب مفيش شتيمة... ديما نزلت وراحت ناحية فتحية علشان تسلم عليها... بس فتحية مسكتها من ودانها. ديما (بوجع) : يا طنط بتوجع... فتحيّة (بدموع) : متعرفيش كنا حاسين في غيابك بإيه يا ديما... ديما حضنتها وراحت حضنت أسماء وجملات. حسن: لينا قعدة مع بعضينا يا ديما... ديما: أنا عارفة إني غلطت يا عمو لما سبت البيت من غير ما أقول لحد بس ده اللي كان لازم يحصل... أسماء: لا طبعاً يا بنتي... ديما: خالد... خالد

(بعصبية) : خالد إيه؟؟ انتي تعرفي إحنا حسينا بإيه من بعدك عارفة يعني إيه نكون متعودين على حاجة وتختفي فجأة... إحساس صعب... ديما: آسفة... ديما: فين طنط عبير وسارة وعلاء؟؟ جاسر راح وحط إيده على كتف ديما. جاسر: سارة اتجوزت لأنها خاينة... عمي أيمن طلق مرات عمي عبير علاء اتطرد من البيت... ديما شالت إيد جاسر من عليها بنفور. ديما: كان ممكن أي حد يقول عادي... جاسر: لا ما علشان انتي حبيبتي أنا قولتلك...

ديما: اتفضلوا على الفطار... الكل راح وقعد على السفرة وديما هي اللي اترأست السفرة. ديما: دادة ناصرة... ناصرة: نعم يا حبيبتي... ديما: شوفي حضرتك هتمشي النهارده إمتى وخلّي السواق يوصلك ومتشليش هم كل التكاليف أنا اتكفلت بيها... ناصرة: مينفعش يا حبيبتي انتي عندك ضيوف... ديما: لا متخافيش أنا هجيب بنت أو بنتين يخدموني... ناصرة (بدموع) : والله ما عارفة أودي جمايلك فين... ديما: يا دادة متقوليش كده...

ناصرة: أنا هروح أعمل عصير... ديما: طيب... دنيا (بخفوت) : في إيه ها في إيه؟؟ ديما: بطلي يا حشرية... فاكرة لما كانت دادة ناصرة بتجيب معاها بنتها وبتلعب معانا هي هتتجوز قريب وأنا هتكل بكل حاجة... ناصرة: ديما في واحد عايزك بره... ديما: مين؟ ناصرة: عمر... ديما: أه طيب دخليه... عمر: صباح الخير يا فندم... ديما: صباح النور... جبت العقود؟؟ عمر: أه اتفضلي... ديما: تمام شكراً... عمر: حضرتك جاية الشركة النهاردة؟؟

ديما: لا النهاردة معتقدش... عمر: تمام عن إذنك... ديما: باي... حازم: والله وبقيتي بتعرفي تتعاملي... ديما: ليه حد قالك إني معنديش لسان... جاسر: ويا ترى عملتي إيه في اليومين دول؟؟ ديما: كنت مبسوطة الحمد لله... لغاية ما شوفتك الصراحة حسيت إني عايزة أرجع... حسن: ديما عيب... أيمن: أنا آسف يا بنتي على اللي حصل من مراتي وعيالي... ديما: ولا يهمك يا عمو...

اللي حصل كان المفروض يحصل زي ما المفروض إني أنا وجاسر نطلق علشان أشوف حياتي يعني ممكن أتجوز أسافر وكمان جاسر يشوف حياته يتجوز ويخلف... وكمان أنا ست خاينة يعني مينفعش يمشي وهو مطمن على عياله وشرفه وعرضه... صح يا جاسر بيه؟؟ جاسر: أولا مكنتش فاهم الحقيقة ثانيا مفيش طلاق ثالثا أنا سايبك تتكلمي براحتك لأنه عندك حق لكن لو زودتي فيها ساعتها هيبقي تصرفي وحش... ديما: لو مفيش طلاق في خلع يا جاسر... ديما (بسخرية) : بيه...

علي: يا بنتي ميصحش الكلام ده لازم تقعدوا وتتكلموا وتوصلوا لحل بهدوء... ديما: أنا في قمة الهدوء وبطلب من جاسر قدام الكل أهو إني أنا وهو ننفصل بكل رقي واحترام... جاسر: وأنا طالب وقت... ديما: وأنا معنديش وقت الصراحة... خالد: ما تتعدلوا انتوا الاتنين بقى الله... جاسر: أختك هي اللي مش عايزة الخير... ديما: وأنا مش هتجوز واحد وأكون نايمة جنبه على نفس السرير وتفكيره يكون في واحدة غيري إذا كان في حد قبل ده أنا مقبلهوش...

جاسر: سارة كانت ماضي... ديما: وأنا لما أجي أتزوج هتجوز حد أنا ماضيه وحاضره ومستقبله... دنيا (بملل) : الصراحة أنا زهقت... دعاء: ما تتصالحي بقى يا ديما انتي وأبيه جاسر... فيروز: أيوه فرحونا بقى... جملات: البنات بيتكلموا صح... جربي مش عيب... فتحيّة: اسمعي كلام قلبك يا ديما... أسماء: أنا شايفة أمانك مع جاسر... حازم: وأنا مش هبقى مطمن عليكي غير وإنتي مع جاسر... حسن: عندنا مفيش بنت بتطلق يا ديما...

ديما: كلكوا عليا في صفه صح... وأنا قولت آخر الكلام اللي عندي أنا عايزة أطلق بكل هدوء سواء وافق أو لا... أنا مش بيهمني أي حاجة ولو عايزاني أسمع كلام قلبي قلبي بيقولي متتذليش ومتجلليش من كرامتك إنتي غالية ومتقبليش تكوني مع واحد قال عليكي إنك خاينة ومستحيل يأتمنك على بيته وعياله... ديما: مستحيل تبقي مع واحد انتي بتكرهيه... جاسر: طيب... جاسر قام وشال ديما بين إيديه وديما اتصدمت. ديما: إنت بتعمل إيه يا مجنون نزلني؟؟

جاسر: أبدًا... ديما (بصوت عالي) : إنت أهبل ابعد عني... نزلني يا عمو يا طنط خالد... خالد: أنا لا أرى لا أسمع لا أتكلم... ديما: جاسر نزلني هتوديني على فين؟؟ جاسر: أوضتنا يا حبيبتي... ديما: ده مجنون ده ولا إيه؟؟ ما تنزلني يا زفت انت... جاسر طلع ودخل أوضة ديما ورمي ديما على السرير وقفل الباب بالمفتاح وخلى المفتاح في جيبه. ديما (بزعيق) : إنت اتجننت ياض انت... جاسر: كلمة كمان وهتزعلي مني جامد...

ديما: بكرهك أنا بكرهك ليه مش بتفهم... جاسر: اسمعيني يا ديما ومتقاطعنيش ممكن؟؟ ديما: افتح الباب الأول... زي ما انت مستحيل توثق فيا أنا مستحيل أطمن وأنا معاك افتح الباب... جاسر: إنتي مقتنعة؟؟ ديما: طبعًا... جاسر راح قعد على الكنبة وديما قعدت على السرير وربعت رجليها وإيديها. جاسر: طيب مبدأيًا أنا آسف... ديما: مش قابلة اعتذارك... جاسر: سيبيني أخلص كلامي... ديما: اوف قول...

جاسر: أنا آسف والمفروض تقدري ده وكمان أنا لو كنت زي الرجالة الصعيدية وشوفت اللي حصل ومكنتش اتعاملت بحكمة كان زمانك في القبر مدفونة ومكنش حد هيقدر يقولي حاجة... رفضي لحبك لإن كنت غبي مكنش ينفع أعمل كدة أو أجرحك بالطريقة دي بس برضه إنتي غلطتي لما مشيتي... أنا دلوقتي عايز نبدأ صفحة جديدة مع بعض وننسى اللي فات... موافقة؟؟ ديما كانت لسة بتقوم من على السرير لقت جاسر جه قدامها. جاسر: غمضي عينك... ديما: لا...

جاسر: بعد إذنك... ديما (لنفسها) : ينعل أبو أم لطافتك... ديما غمضت عينيها وحست إن جاسر قريب منها وبعدين حست إن إيديه حوالين رقبتها. جاسر: افتحي عينك... ديما فتحت عينيها ببطء لقت السلسلة اللي كانت جايباها ليه وليها حوالين رقبتها وديما اندهشت. ديما: إزاي وصلوا دول أنا لغيت الحجز... جاسر: يمكن جم علشان أعرف قد إيه أنا كنت غبي... ديما (لنفسها) : لا لا إنتي غبية متضعفيش... ديما: بس شكراً مش عايزها...

ديما كانت لسة هتقلعها لقت جاسر مسك إيديها بيمنعها. ديما: ابعد عني... جاسر: ممكن تدي علاقتنا فرصة تانية؟؟ ديما: لا... جاسر: حاولي تعالي على نفسك إنتي لسة طفلة تفكيرك طفولي بلاش تضيعي حبك يا ديما... ديما: أنا مش طفلة أنا كبيرة فاهم... جاسر (بضحك) : خلاص يا طفلة أقصد يا كبيرة يا حلوة... ديما (بصوت عالي نسبيًا) : بكرهك بكرهك... ديما: افتح الباب... جاسر: لما أسمع منك إنك هتدي علاقتنا فرصة تانية...

ديما: افتح الباب لأما والله أنط من الشباك مجنونة وأعملها وعملتها قبل كدة... جاسر: لا حقيقي أنا عايز أنام... لما أصحى بقى ده إحنا ماشيين من بدري... ديما: أنا مالي محدش قالك تعالي... جاسر: توعديني بأنك متمشيش على الأقل لغاية ما أصحى... ديما: طيب افتح بقى الباب... جاسر فتح الباب لديما وبدأ يقلع التي شيرت بتاعه. ديما: إنت بتعمل إيه؟؟ جاسر: بقلع... ديما: هتنام فين؟؟ جاسر: هنا... ديما: إنت أهبل؟؟

لا طبعاً روح شوف أي أوضة تانية... جاسر: طيب تصبحي على خير يا حبيبتي... جاسر راح نام على السرير واتغطى. ديما (لنفسها) : سيبه حرام ده منامش... ديما سابته ونزلت لقت مفيش حد تحت استغربت. ناصرة: أنا خليتهم يطلعوا يرتاحوا ووديتهم أوضهم... ديما: تمام شكراً يا دادة... ديما: بعد إذنك اعمليلي قهوة سادة... ناصرة: من إمتى أي ديما؟؟ ديما (بابتسامة باهتة) : عادي...

ديما راحت قعدت في الجنينة وبعد فترة ناصرة جابت ليها قهوة وديما بدأت تشرب وهي شاردة. ديما (لنفسها) : يا رب حلها من عندك... (قلبها) : طبعاً وافقي الواد عرف غلطه... (عقلها) : لا ده علشان سارة اتجوزت... بس هي اتجوزت إزاي؟؟ (قلبها) : إيه جاب سارة دلوقتي اخرس انت... إنتي بتحبيه ومتقنعنيش نفسك إنك نسيتيه في يومين... (عقلها) : برضه لا لازم يحس بالجرح اللي سببه ليكي... ديما (لنفسها) : أنا حيرانة... (قلبها) : وافقي... (عقلها)

: ارفضي... أيمن: يا بنتي ردي عليا... ديما: ها؟؟! حضرتك بتنادي؟؟ أيمن: أنا عارف إنتي شاردة في إيه... بس هي حلها حاجة واحدة يا ديما... ديما سابت كوباية القهوة من إيديها ونزلت رجليها وبصت لأيمن باهتمام. ديما: إيه هو؟؟ أيمن: إنك ترجعيله يا ديما... عارف إن دلوقتي في حرب بين عقلك وقلبك اسمعي كلام قلبك...

هقولك حاجة إنتي لو صعيدية فعلاً مكنش ده كله هيحصل مكنتيش هتمشي ولو كنتي مشيتي وهو جالك كنتي هترجعي على طول الست ملهاش غير بيت جوزها... بس إنتي تربيتك مصرية من القاهرة يا ديما هتلاقي الموضوع مأثر معاكي... عايز أقولك فكري كويس هتلاقي إن وجودك جنبه سعادتك إنتي يا ديما... ديما: بس هو مش بيحبني هو هيرجعني بس علشان حاسس بالذنب لأنه ظلمني بس يا عمو... هو مش بيحبني... أيمن: هتصدقي لو قولتلك إنه بيحبك وهيحبك... ديما: إزاي؟؟

أيمن: أولاً لما مشيتي كان هيطلب إيد سارة وهيبعتلك ورقة طلاقك كان هيشوفها فرصة... مكنش هيجي يصالحك مع إنه راجل صعيدي وإنتي عارفة دماغهم و مكنش هيقطع كل المسافة دي علشان يرجعك و مكنش حط خطة علشان نرجعلك ليه... ديما: خطة؟!!!!!!! أيمن (بارتباك) : خطة أنا قولت خطة هو أكيد يعني بيفكر إزاي يرجعلك أنا استخدمت كلمة غلط... ديما: تمام يا عمو شكراً بجد أفدتيني جدًا بمعلوماتك دي...

أيمن: أنا آسف جداً جداً على اللي عمله علاء وسارة وعبير ربنا وداهم جزاءهم... ديما: علشان خاطري حاول تفكر في موضوع طنط عبير حاول ترجع أنا مش هشمت فيها بس حاول ترجعها و برضه في الأول والآخر راحة حضرتك... أيمن: هشوووف... عن إذنك... ديما مسكت السلسلة في إيديها وشردت تاني... في مكان تاني... في الصعيد... مازن: اشتغلي يا أختي اشتغلي... سارة (بعياط) : يا حبيبي... مازن (بحدة)

: حبيبك دي ما أسمعهاش منك أنا بكرهك فاهمة زي ما جاسر كان جسر بالنسبة ليكي إنتي كنتي جسر برضه بس إنتي اللي أنا وقعت فيها... سارة: يا مازن أنا متعودتش على كدة... مازن: انجزي امسحي وكل يوم لما أصحى ألاقي البيت كله متروق والخدامين هيمشوا وإنتي اللي هتروقي... محروس: من أعمالك يا أختي... سارة قعدت تعيط كتير وباصة على حظها وندمانة... بعد فترة... عند ديما... دنيا: هي فين ديما يا دادة؟؟ ناصرة: في أوضة المكتب يا حبيبتي...

دنيا: طيب... فتحيّة: مساء الخير... ناصرة: مساء النور يا هانم... فتحيّة: خليكي إنتي هنعمل إحنا الغداء... ناصرة: بس الغداء جاهز... فتحيّة: بسم الله ما شاء الله ربنا يديكي الصحة... أسماء: هو إحنا المفروض نعمل إيه؟؟ جملات: منعرفش دماغ جاسر فيها إيه... دعاء: السرير مريح أوي... جملات: اتبتري يا أختي اتبتري... حسن: ها الأكل جاهز؟؟ ناصرة: أه يا بيه... حسن: طيب فين الباقي؟؟ حازم: إيه ده هو الكل صاحي...

دعاء: لا خالد وجاسر وفيروز لسة... دنيا: تعالي بقى إيه مالك بقيتي ميتة على الشغل كدة... ديما: طب هخلص آخر حاجة وأجي... دنيا: لا... حازم: أهلاً بمدام جاسر القاضي... ديما (بعصبية) : حازم وربي أقتلك في إيدي... خالد: مساء النور... ديما: مساء الخير... علي: فاضل جاسر اطلعي صحيه يا ديما... ديما: خلي دعاء... دعاء: ليه هو أنا مراته؟؟ ديما: بصوا بقى بطلوا تخططوا إيه ده...

حسن: لاحظي إن كلنا سايبين أشغالنا في الصعيد علشان خاطرك... ديما: اوف حاضر... ربنا يأخد ديما بس... ديما طلعت وراحت لأوضتها ودخلت لقت جاسر نايم. ديما قربت من السرير وقعدت جنبه وبصت على ملامحه. ديما (لنفسها) : ملاك إنت ها ملاك!!! ده إنت خبيث خبث... جاسر: على فكرة عارف إني حلو... ديما (بصدمة) : إنت صاحي؟!!!!!!! جاسر: أه يا روح جلبي... ديما: طيب يلا انزل علشان الأكل... ديما لسة هتقوم بس لقت جاسر مسكها جامد وضهرها لجاسر.

ديما: إنت غبي؟! جاسر: قلتي إيه؟؟ ديما: وسع ونتكلم بهدوء طيب... جاسر: طب ما أنا بتكلم بهدوء أهو... ديما: طب ابعد بعد إذنك... جاسر (بخفوت) : ليه؟؟ ديما: وسع مش قادرة أتنفس... جاسر بعد عنها ولفها ليه. جاسر: تعالي نصلي ركعتين... ديما اندهشت من كلامه بس عجبتها الفكرة. ديما: تمام... جاسر: عندك أسدال صلاة ولا أجيب من فيروز.. ديما: لا عندي... جاسر: خشي اتوضي يلا... ديما قامت ودخلت الحمام وبدأت تتوضي. جاسر (لنفسه)

: يا رب حلها من عندك... ديما خرجت وبدأت تطلع الأسدال. وجاسر دخل اتوضى وخرج. جاسر: جاهزة؟؟ ديما: أه... جاسر: عارفة القبلة إزاي؟؟ ديما: أه كدة... جاسر: طيب... يلا... جاسر بدأ يصلي وصوته في القرآن عجب ديما جداً وريحها وبدأوا يصلوا وبعد ما خلصوا. ديما: صوتك حلو... جاسر: شكراً... يلا ننزل نتغدى... ديما: هقلع الأسدال... جاسر: خليكي بيه مش وحش يعني... ديما كانت هتوافق بس بعدها افتكرت إنها كدة مستسلمة.

ديما: أعتقد إنك مش هتمشي رأيك عليا... وديما قلعت الأسدال ولبست الكوتشي ونزلت قبل جاسر. جاسر: يا رب أديني الصبر من البلوة دي... جاسر نزل ورا ديما وراح قعد مكانه. حسن: ها يا ولاد اتأخرتوا ليه؟؟ جاسر: كنا بنصلي ركعتين... فيروز: يعني اتصلحتوا؟؟ ديما: لا... وإنسي الموضوع ده... الباب خبط وناصره فتحت الباب. ديما: عمو شاكر!!!!! شاكر: ديما يا بنتي... ديما: في إيه؟؟ شاكر (بحزن) : البقاء لله... الكل بصوا له بصدمة...