رواية امرأة في عصمة صعيدي الفصل السادس والعشرون 26 - بقلم سلسبيل

الباب خبط وناصره فتحت الباب. ديما: عمو شاكر!!!!! شاكر: ديما يا بنتي.. ديما: في إيه؟؟ شاكر (بحزن) : البقاء لله... الكل بصوا ليه بصدمة. دنيا: في مين يا عمو؟؟ شاكر: في تسنيم هانم.. ديما عند اللحظة دي انهارت قوتها وأعصابها سابت، وجاسر قام ومسكها وحضنها وهي مأبدتش بأي رد فعل. دنيا (بدموع) : انت بتهزر صح؟؟ لأ لأ طنط تسنيم لأ.. علي: انت متأكد؟؟ جاسر (بقلق) : ديما ديما ردي عليا متفضليش ساكتة كده.. متقلقنيش يا ديما..

ديما بصتله بدموعها اللي مالية وشها ومردتش عليه. فتحية: يا عيني عليكي يا بنتي.. شاكر: كلهم راجعين مصر يا ديما فوراً.. حازم: طيب يا عمي شاكر روح انت.. شاكر: طب لو عاوزتوا أي حاجة ابعتوا ليا.. جملات: البقاء لله.. جاسر: ديما طب زعقي اتكلمي اعملي أي حاجة.. خالد: يا حبيبتي ردي علينا.. بلاش الصمت ده.. ديما اغمي عليها فجأة على إيدين جاسر. جاسر: حد يبعت لأي دكتور انجزوا.. جاسر شال ديما وطلع على أوضتها ونيمها على السرير.

دنيا: أنا طلبت الدكتور.. حسن: كله على تحت سيبوهم يلا.. فتحية: لا حول ولا قوة إلا بالله.. أسماء: هتعمل إيه المسكينة؟؟ جملات: ربنا يعينها هي والحاج محسن يا رب.. دنيا (بعياط) : طب طب إزاي طنط تسنيم حرام تروح كده.. خالد: اهدي كل الأمور هتتحل.. دعاء: طب وديما؟ حازم: كلنا هنبقى معاها.. فيروز: إن شاء الله.. أيمن: ربنا يصبرها ويصبر أخويا.. ناصرة: الدكتور جه.. حسن: دخليه.. الباب خبط. جاسر: ادخل.. الدكتور: فين المريضة؟؟

جاسر: أهي.. الدكتور بدأ يفحص ديما تحت نظرات جاسر. الدكتور: هو إيه اللي حصل؟؟ جاسر: هو مش أنا اللي المفروض أسألك.. الدكتور: أنا شايف انخفاض ضغط الدم بشكل مفاجئ وده بيحصل غالبًا نتيجة صدمة اتعرضت ليها.. جاسر: تمام إيه بقى؟؟ الدكتور: فيه أدوية لازم تأخدها ولازم تكون في مكان هادئ عشان حالتها النفسية تتحسن وتنفيذوا رغباتها وتبعدوها قدر الإمكان عن أي حاجة تضايقها.. جاسر: طيب يا دكتور..

الدكتور: هي ممكن تفقد النطق على فكرة أو يحصل شلل أو يحصل أي حاجة.. ممكن متتقبلش الصدمة.. جاسر: بعد الشر.. الدكتور: دول شوية حقن لو فاقت وصرخت وزعقت كتير لازم تودوها الحقنة دي.. بتعرف تدي؟؟ جاسر: لأ.. الدكتور: خش اتعلم.. اتفضل أهو أسماؤهم.. عن إذنك.. الدكتور مشي وجاسر قعد جنب ديما وقعد يملس على شعرها ويقرأ قرآن بصوت واطي لحد ما نام جنبها. في الجنينة.. خالد: بتعيطي ليه؟؟ دنيا (بعياط) : طنط تسنيم كانت أمي التانية..

خالد: خلاص اعتبريني أنا.. دنيا (بعياط) : اعتبرك أمي التانية؟؟ خالد: ليه شايفة سوسن قدامك؟ دنيا ابتسم بخفة على كلامه وبعدها كملت عياط. خالد: ما هو أنا لو كاتب الكتاب كان زماني حضنتك ونمتي.. دنيا: ليه حضنك منوم؟؟ خالد: تحبي تجربي؟؟ دنيا: انت شايف أنا بقول إيه وأنت بتقول إيه؟؟ انت شخص مش مقدر.. خالد: والله مقدر وحاسس بيكي وبديما.. دنيا: ليه؟؟ خالد: مفيش.. اهدي وكل الأمور هتتحل وكمان ده أمر ربنا مش هعترض وكلنا هنموت..

دنيا (بعياط) : أنا خايفة لديما تعمل في نفسها حاجة.. خالد: متخافيش جاسر معاها.. دنيا: لأ أنا خايفة.. خالد: يا بنتي اهدي.. في أوضة فتحية وحسن.. فتحية: ربنا يصبرها يا رب.. ويغفر لتسنيم.. حسن: اللهم آمين.. خير خير.. فتحية: البت صعبة عليا أوي.. حسن: وعليا أنا كمان خايف عليها أوي.. البت مش مستحملة.. فتحية: يا ترى هتعمل إيه؟؟ حسن: معرفش.. عدى فترة وديما بدأت تفتح عينيها وتغمضهم. ديما (لنفسها) : انتي بتحلمي يا ديما متصدقيش..

ديما (لنفسها) : أيوه ده حلم.. ديما بصت جنبها لقت جاسر محاوطها بإيده، إيد محاوط بيها خصرها والإيد التانية فوق رأسها. ديما (لنفسها) : لأ مش حلم.. ديما بدأت تعيط من غير صوت وهي مش قادرة تطلع صوتها أساساً، وجاسر حس إنها صحت فتح عينه لقاها بتعيط بصمت. جاسر: حبيبتي ممكن تتكلمي؟؟ متفضليش تعيطي وبس اتكلمي طلعي اللي في قلبك.. ديما بصتله وخبّت وشها في صدره وهي بتعيط. جاسر: طيب خلاص حصل خير اهدي..

جاسر قعد يطبطب على ضهرها وباس رأسها. جاسر: اللي حصل ده طبيعية الدنيا يا ديما.. كلنا هنموت وكل نفس ذائقة الموت.. جاسر: لازم نتقبل هو ده حال الدنيا يا ديما.. ديما زادت من عياطها وهي مش قادرة تاخد نفسها. جاسر: طيب بصي حاولي تهدأي واتكلمي طلعي كل اللي في قلبك يا حبيبتي.. ديما هزت رأسها بنفي بمعنى إنها مش قادرة تتكلم. جاسر: طب هنزل أجيب أي دواء مهدئ.. جاسر لسه هيقوم لقي ديما مسكت فيه أكتر وهي بتبصله بضعف.

جاسر رجع مكانه تاني وحضنها وقعد يقرأ قرآن تاني بصوته المريح وديما نامت تاني في حضنه. في الصباح الباكر.. محسن رجع هو وأولفت ومحمد ورحلوا تسنيم على المستشفى لحد ما يطلعوا تصريح الدفن من مصر. حسن: معلش يا أخويا البقاء لله.. محسن (بحزن) : عايز أشوف ديما.. جملات: البت يا عيني اغمي عليها امبارح أول ما سمعت الخبر.. دنيا (بعياط) : ماما.. دنيا جريت على أولفت وحضنتها وقعدوا هما الاتنين يعيطوا. أولفت (بعياط)

: خلاص يا حبيبتي لازم تبقي قوية عشان خاطر ديما.. دنيا (بعياط) : طنط تسنيم كانت غالية عليا أوي.. محسن: أنا أنا هطلع أوضتي.. جملات: أجي معاك يا حاج؟؟ محسن شاور ليها بمعنى لأ وسابهم وطلع أوضته قعد يتفرج على ألبوم صوره هو وتسيم وديما ويعيط. خالد: المفروض هتدفنوها إمتى؟؟ محمد: النهاردة بليل في مقابر عائلتها.. حازم: طيب يا عمي.. محمد: انت مين؟؟ حازم: حازم يا عمي.. محمد: حمدًا لله بالسلامة..

دعاء: هو جاسر وديما ليه مخرجوش من أوضتهم لحد دلوقتي؟؟ فيروز: منعرفش أنا صعبان عليا ديما أوي.. أسماء: ربنا يكون في عونها.. الكل: آمين.. عند ديما وجاسر.. ديما فاقت وبصت حواليها لقت جاسر صاحي وباصص ليها. جاسر: أعملك حاجة؟؟ ديما هزت رأسها بمعنى لأ وكانت هتقوم بس جاسر مسكها. جاسر: ديما طمنيني عنك يعني انتي مش قادرة تتكلمي ولا مش عارفة تتكلمي.. طمنيني يا حبيبتي.. ديما رفعت أكتافها بمعنى إنها مش عارفة حاجة.

جاسر: طيب يا حبيبتي قومي خدي دوش دلوقتي عقبال ما أجيب الأكل.. يلا.. ديما قامت ودخلت الحمام قعدت تعيط كتير وخدت دوش وخرجت ملقتش جاسر. تحت.. خالد: ها يا جاسر طمنا أخبار ديما؟ جاسر: معرفش هي مش بتتكلم والدكتور قال إنها ممكن متتكلمش يحصل شلل غيبوبة أي حاجة ممكن تحصل ليها.. الكل اتصدم من كلام جاسر. دنيا: طب وهنعمل إيه؟؟ جاسر: نبعدها عن أي حاجة ممكن تضايقها أو تزعجها.. محمد: طب هي كده مش هتحضر الجنازة صح.. جاسر: معرفش..

أولفت (بعياط) : ربنا يصبرنا يا رب.. محمد: الكل يطلع يلبس يلا.. الكل طلع يلبس هدوم للجنازة. جاسر طلع لقي ديما بتلبس هدومها لف وشه الناحية التانية. جاسر: آسف مكنش قصدي.. جاسر فضل واقف وضهره لديما لحد ما لقاها بتحط إيديها على كتفه. جاسر: انتي هتروحي؟؟ ديما هزت بمعنى آه.. جاسر: طيب.. هدخل ألبس أنا..

ديما لبست فستان باللون الأسود قصير وفوقه جاكت باللون الأسود قصير لحد الركبة وقفلته بحيث إنه يبان إنها لابسة الجاكت بس، ولبست صندل باللون الأسود بكعب بسيط وسابت شعرها على ضهرها. ديما نزلت لقت الكل جاهز ولابس أسود. ديما دورت بعنيها على محسن بس ملقتهوش. أولفت (بعياط) : ديما.. أولفت راحت ناحية ديما وحضنتها. أولفت (بعياط) : ادعيلها هي في مكان أحسن.. دنيا: ديما انتي كويسة؟؟ خالد: معلش يا جلب أخوكي.. محسن (بدموع) : ديما...

ديما جريت على محسن وقعدت تعيط في حضنه وجاسر نزل على المنظر ده. محسن: معلش يا حبيبتي.. ادعيلها.. محسن: معلش معلش هي سابتنا بس هي معانا في قلوبنا يا حبيبتي.. محسن: خليكي قوية كلنا جنبك يا حبيبتي.. وكل الروح ركبوا العربيات وكان جاسر طول الطريق ماسك إيد ديما وديما حاطة راسها على إزاز العربية وبتعيط بصمت. وراحوا للمستشفى ونقلوا الجثة للعربية ووصلوا للمقابر. جاسر: لو مش قادرة خليكي هنا..

ديما فتحت باب العربية ونزلت والرجالة راحت تشيل التابوت. جاسر وحازم وخالد وحسن ومحسن ومحمد وأيمن وعلي كانوا ساندين التابوت. وراهم الستات في اللي بيعيط ودنيا ودعاء وفيروز بيسندوا ديما عشان متوقعش. ودفنوها ورجعوا البيت.. الكل رجع الصعيد ما عدا جاسر وخالد وحازم ودنيا وجملات. وديما مش بتأكل بس جاسر بيغصبها على الأكل وبيخلوا محسن يأكل عشان خاطر ديما. وكل شوية حسن بيتصل يطمن عليهم.

ودنيا بتفضل تقعد مع ديما تقول مواقف مضحكة وديما مبتبديش بأي رد فعل ومش بتتكلم. خالد يفضل يتكلم بس برضو زي ما هي. جملات بتواسي محسن. عدى أربعين يوم.. جاسر (بقلق) : فين ديما؟؟ خالد: هي مش كانت معاك؟؟ جاسر: كنا نايمين وصحيت ملقتهاش.. دنيا: اومال راحت فين؟؟ محسن (بحزن) : مش هقدر على فراق تسنيم وديما يا جاسر.. جملات: اهدوا هتلاقوها حبت تتمشي لوحدها.. حازم: والعمل دلوقتي؟؟ اتصلت بيها؟؟ جاسر: آه..

ناصرة: ديما عند حمام السباحة.. محسن: الحمد لله إنها موجودة.. جاسر: هروح لها أنا.. خالد: طيب.. جاسر راح لحمام السباحة لقي ديما بتعوم بانسجام وكتمت نفسها تحت الماية كذا مرة وطلعت رأسها. جاسر كان هيمشي ويسيبها لوحدها. ديما: جاسر.. جاسر وقف بسرعة وهو مصدوم. جاسر: نعم؟؟؟!!!! انتي ناديتيني صح؟؟ ردي بس.. جاسر (بفرحة) : اتكلمتي صح؟؟ ديما: آه الحمد لله.. جاسر: والله من الفرحة ممكن آجي أنط معاكي.. ديما: طيب..

ديما مدت ليه إيديها جاسر كان لسه هيطلعها لقاها بتشده للماية. جاسر: يا مجنونة انتي عبيطة يا بت.. ديما: عندك مانع؟؟ جاسر (بعصبية) : ديما مينفعش كده.. ديما قربت لعنده وحاوطت بإيديها رقبته. ديما: تمام يا جاسر بيه.. تؤمر بحاجة تانية؟؟ جاسر: وربي يا ديما لأنفخك.. ديما لسه هتبعد عنه بسرعة لقيته ماسكها جامد وعمال يزغزغ فيها وديما بتضحك. جاسر: ياااااه أخيرًا شوفنا ضحكتك وسمعنا صوتك.. ديما (برفعة حاجب) : كان يفرق معاك؟؟

جاسر: طبعًا.. ديما: ليه يا ترى؟؟ جاسر قرب ديما منه جامد وقرب من ودنها. جاسر (بهمس) : لأني ولأول مرة أحس إن وجودك نعمة في حياتي ولأني لأول مرة أحس إن ضحكتك بتفرق معايا وإن صوتك وحشني جداً وإني.. ديما (بتوهان) : إنك؟؟ جاسر (بهمس) : إني بحبك.. جاسر باس رقبة ديما. وديما كانت بتفكر في كلامه وتايهة. جاسر (بهمس) : تقبلي تكملي حياتك معايا؟؟ خالد: إيه يا عم الحنين تحب نجيب اتنين لمون؟؟

حازم: لمون إيه أنا بقول يطلعوا فوق أحسن.. جاسر (بحدة) : امشي ياض منك ليه.. ديما (باحراج) : انتوا فاهمين غلط على فكرة يعني هو بس اللي فاهمين يعني.. دنيا: يا أختي كميلة وأنتي محرجة.. جملات: مضايقنهم ليه ياض منك ليه وأنتي يا بت.. دنيا: أنا عملت حاجة.. جاسر: لأ إحنا.. جملات: حمدًا لله على سلامتك يا ديما.. ديما: الله يسلمك يا طنط.. جاسر: طب يلا نطلع بدل ما ناخد برد.. ديما: طيب.. حازم: أول مرة أشوف حد بيعوم بهدومه..

ديما: أنا.. ديما وجاسر طلعوا بسرعة وكل واحد دخل حمام واستحموا وخرجوا. جاسر: مش ناوية تغيري؟؟ ديما: آه قريب إن شاء الله.. جاسر: تمام براحتك.. يعني احم مردتيش عليا.. ديما: آه قريب إن شاء الله.. جاسر: أيوه اللي هو إمتى؟؟ ديما: قريب وخلاص.. ابعد.. جاسر: ديما اتعدلي وجاوبي عليا.. ديما: عن إذنك.. ديما لسه هتمشي جاسر مسك إيديها ورجعها تاني. جاسر: لأ أنا عايز رد.. ديما: بعد فرح دنيا وخالد وحازم ودعاء.. يلا باي..

جاسر: أنا لسه هستنى انتي مجنونة.. ديما: طب ابعد عني بقى.. هشُوف بابا.. جاسر: طيب.. ديما سابته ومشيت وراحت لوالدها. محسن: حبيبتي جيتي؟؟ ديما (بابتسامة خفيفة) : آه يا حبيبي.. محسن: تعالي تعالي.. ديما: عامل إيه؟؟ محسن (بدموع) : وحشتني أوي يا ديما.. ديما خدت والدها في حضنه وقعدت تطبطب عليه. ديما: اومال أنا رحت فين يا بابتي.. محسن: لما قالولي إنك اتكلمتي انبسطت أوي..

ديما: كنت عايزة أتكلم عشان أكلمك انت.. وأخدت قرار عايزة أقوله لحضرتك.. محسن: قولي يا حبيبتي.. ديما: مبدئيًا كده توعدني إنك ترجع زي الأول وتروح للست الغلبانة طنط جملات.. محسن: قولي قرارك يا ديما.. ديما: لا توعدني إنك تكلم طنط وتبدأ صفحة جديدة.. محسن: تمام يا ديما.. ديما: أنا قررت قرارين تمام.. محسن: قولي يا بنتي.. ديما: ..................................................... محسن: إيه الجمال ده موافق طبعًا يا بنتي..

ديما: شكرًا يا بابتي بحبك.. ديما باست خد والدها وقامت خرجت. محسن: ربنا يهديكي.. ديما خرجت ونزلت لتحت. ديما: دنيا عايزاكي.. دنيا: عيوني.. ديما (بهمس) : إيه رأيك............................... دنيا (بفرحة) : الله وأنا وأنا.... ديما: مستعدة؟؟ دنيا: آه.. خالد: بتخططوا لإيه؟؟ ديما: مفيش هنزور واحدة صاحبتنا.. خالد: هنوصلكوا.. دنيا: لأ لأ لأ.. حازم: يبقى انتوا مش رايحين بقى تزوروا واحدة صاحبتكوا..

ديما: لأ رايحين متخافش وهناخد السواق.. جاسر: رايحة فين انتي استأذنتي مني أساسًا؟؟ ديما: لأ كنت بخطط وبعدين هآجي أقولك.. وبعدين ديما بصت لدنيا بندم. ديما: وانت مين أساسًا عشان آخد إذنك؟؟ إيه ده يا ربي.. ديما سابته ودنيا وراها ومشوا. دنيا: يلا نلبس.. ديما: طيب.. دنيا وديما لبسوا هدومهم ونزلوا. جاسر: اسم صاحبتك والعنوان وكل حاجة.. يلا.. خالد: يلا انجزوا باصين لبعض ليه؟؟

ديما قربت من جاسر وبسته على خده ومسكت دنيا وطلعوا جري على طول. حازم (بضحك) : ثبتتك.. جاسر (بصدمة) : هي ديما عملت كده؟؟ خالد: هو إحنا هنقف نستغرب كده ونسيبهم.. جاسر: أنا واثق فيها.. بعد فترة.. محسن: ها البنات جم؟؟ حازم: هو انت كمان عارف هما فين؟؟ جاسر (بعصبية) : والله لما ترجع بقالها خمس ساعات بره.. خالد: لأ ودنيا حتى مش بترد على التليفون.. جملات: ما تهدوا شوية.. شوية وجايين كلكم.. جاسر (بعصبية)

: ليه ملهاش راجل هي ولا متجوزة سوسن؟؟ حازم: ما تهدوا.. الباب خبط. ناصرة فتحت الباب. ناصرة: بسم الله ما شاء الله.. دنيا (بضحك) : عاملة إيه؟؟ ديما: يلا يلا ندخل.. ديما: مسااااااء النوووووور... جاسر (بعصبية) : انتي يا هانم إيه اللي... جاسر سكت لما شاف ديما واتفاجئ. خالد: إيه ده؟؟!!!!!!!!!!!! دنيا: عجبكوا؟؟ جاسر قرب من ديما وديما بصاله. ديما: احم فيه إيه؟؟ جاسر (بفرحة) : إيه الجمال ده؟؟ بسم الله ما شاء الله ربنا يحفظك..

جاسر باس رأس ديما وحضنها. خالد: عن اقتناع يا ترى؟؟ دنيا: آه.. ديما ودنيا كانوا لابسين فستان طويل بكم باللون السماوي وأطراف الفستان باللون الأبيض وطرحة باللون الأبيض وصندل باللون الأسود بكعب وروچ هادئ باللون الوردي وكحل أسود. جملات: قمرات والله.. بسم الله ما شاء الله.. ديما (بهسم) : سيبني أروح أحضن بابا.. جاسر (بهمس) : طب ما تعتبريني بابا.. ديما: ظريف.. ديما سابت جاسر وراحت حضنت والدها. دنيا: من غيري..

محسن: تعالي يا روحي.. ديما: هطلع أنا باي.. دنيا: وأنا الحق أروح باي.. جملات: ربنا يهديكم.. ديما طلعت جري على أوضتها و قلعت الطرحة. ديما: إيه ده الجو كان حر أوي.. ديما شغلت التكيف وهي قاعدة عمال تهوي على نفسها. جاسر دخل عليها. جاسر: هتتعودي.. ديما: طيب.. جاسر: بس كنتي قمر.. ديما: طيب.. جاسر (بتردد) : ديما مردتيش عليا.. ديما: موافقة.. جاسر: بسهولة كده؟؟

ديما: بص أنا حسبتها قولت إن الحب مش كل حاجة هنبقى زوجين عادي يعني.. جاسر: بس أنا بحبك.. ديما: تصبح على خير يا جاسر.. ديما سابته وراحت الحمام وخرجت لبست ترنج بيتي قصير ونامت. وجاسر مكنش عارف يعمل إيه. راح نام جمبه وحضنها. وبعدين في نص الليل.. ديما كانت بتتقلب في السرير بتاعها وفجأة.. ديما (بصريخ) : عااااااااااااااااااااا......................................