رواية امرأة في عصمة صعيدي الفصل التاسع والعشرون 29 - بقلم سلسبيل

عند ديما وجاسر. ديما كانت نايمة على ¾ السرير وجاسر كان هيقع ومش عارف ينام. جاسر (بعصبية) : ديما اتأخري شوية. جاسر (بعصبية) : يا ديما. ديما (بنوم وخضة) : إيه؟ جاسر: اتأخري شوية. ديما (بنوم) : طيب. ديما اتأخرت شوية وكملت نوم وجاسر عدل نفسه. جاسر: متجوز عربية نقل أنا. جاسر: ديما ديما. ديما (بنوم) : إيه بقي يا جاسر؟ جاسر: ما تلمي نفسك شوية بدل ما انتي واخدة السرير كله. أو قومي الوقت اتأخر.

ديما: سيبني أكمل نوم يا رزل وابعد عني. جاسر: أنا عايز أكمل نوم. انتي سيبالي السرير وانزلي. ديما (بنوم) : لا. جاسر: إيه؟ ديما (بنوم وزهق) : لا يا جاسر. جاسر: ما أنا مش عارف أنام منك. انتي مكنتيش كده. ديما قربت من جاسر وهي مغمضة عينيها وحضنته ونامت. وجاسر حضنها ونام هو كمان. بعد فترة جاسر صحي خلاص وبدأ يصحي ديما. جاسر: ديما حبيبتي يلا قومي. جاسر: ديما ديما. يا بت انتي. ديما: صاحية. جاسر: ومقومتيش ليه؟

ديما: عايزة أنام في حضنك. جاسر: طب قومي يلا. ديما: لا. جاسر: يا رزلة. ديما قربت من جاسر أكتر ومسكت فيه جامد ونامت على صدره. جاسر: طب أسميه إيه؟ ديما (بنوم) : إنت فعلاً هتتجوز عليا؟ جاسر: لو فضلت ماسكاني كده آه هتجوز عليكي. ديما بعدت عن جاسر و لفت وشها الناحية التانية. جاسر قرب منها وحضنها. جاسر: خلاص متزعليش. جاسر: كنت بهزر معاكي والله. ديما: طيب. جاسر: طب إيه رأيك نقوم نصلي الصبح ركعتين؟ ديما (بابتسامة) : طيب.

جاسر وديما قاموا واتوضوا وصلوا. وديما غيرت هدومها ونزلوا هما الاتنين. بعد مرور شهر. خلال الشهر ده كانت الدنيا ماشية حلو. دعاء كانت بتمتحن وهي متوترة. ودنيا وديما بدأوا يتعودوا على الحياة في الصعيد. وديما وجاسر كل شوية يضايقوا في بعض. وخالد ودنيا زي القط والفأر. على السفرة. خالد: ها يا فاشلة النتيجة ظهرت؟ دعاء (بتوتر) : لا اخرس بقى. أنا كل ما حد يجيب سيرتها بتوتر. دنيا: يا قلبي إن شاء الله خير.

جاسر: ما تسيبي الزفت اللي في إيدك شوية وركزي في الأكل. ديما: طب ما تسبني أركز في اللي في إيدي وركز إنت في الأكل. جاسر: والله هكسره لكِ. ديما: تقدر؟ محسن: خلاااااص ما بتصدقوا تتخانقوا. حسن: ما زهقتوش. ديما: رقم جلوسك كام يا دعاء؟ دعاء (بتوتر) : هي النتيجة ظهرت؟ حازم: في إيه يا بنتي إيه كمية التوتر ده؟ فيروز: هي كده. دعاء: رقم جلوسي (*****) ديما: لحظة. ديما بعد دقايق. ديما: مستعدة؟ جاسر: ما تنجزي. ديما (بفرحة)

: مبروك 98,8%. دعاء (بصدمة) : بجد؟ دعاء قامت تطنطط من مكانها وهي فرحانة أوي. دنيا: خلاص البيت هيتهد. حسن: مبروك. فتحية: مبروك يا حبيبتي. أسماء: عقبال الشهادة الكبيرة. علي: في بيت جوزها إن شاء الله. حازم: من عنيا. حسن: تمام، كل الرجالة ورايا. جملات (بهمس) : خير يا رب. وكل الرجالة خرجوا. وبعد فترة. خالد: تعالوا. ديما: في إيه؟ خالد: تعالوا. كل الستات دخلت والكل بقى قاعد. حسن: في كذا قرار خدناه لازم تعرفوه.

حسن: مبدئياً أيمن هيرجع عبير، يا ديما موافقة؟ ديما: براحته يا عمو. جاسر: هي غلطت فيكي، إنتي موافقة إنها ترجع؟ ديما: معرفش براحتكوا عادي مش فارقة. حسن: طيب. حسن: وعلاء هيرجع. حسن: وفرح دنيا ودعاء وفيروز الأسبوع الجاي. أسماء (بصدمة) : فيروز! فيروز (بدهشة) : أنا يا عمي؟ حسن: آه. العريس علاء ابن عمك. أيمن: صدقيني اتغير يا بنتي. فيروز (بخجل) : اللي تشوفه يا عمي. حسن: تمام، جهزوا نفسكم. وكل واحد خرج وراح نام وصحي تاني يوم.

في الصباح الباكر. ديما: جاسر جاسر. جاسر (بنوم) : إيه؟ ديما: يلا قوم علشان شغلك. جاسر: تمام، سيبيني أنام نص ساعة. ديما: يلا يا كسول يلا. جاسر شد ديما لحضنه ونيمها جنبه ونام. جاسر: سيبيني هموت وأنام. ديما: محدش قالك تسهر بالليل. جاسر: طيب بلاش أتكلم علشان خدودك متبقاش طماطم. ديما: ظريف. يلا قوم بقى. جاسر: طيب. جاسر: ها يا فاشلة جاهزة للتسميع؟ ديما: متقولش فاشلة. وأه جاهزة. جاسر: اسكتي ده إنتي لسه في الجزء التالت.

ديما: ما أعملك إيه، إنت اللي كل يوم تقول صفحة واحدة بس صفحة واحدة بس، مبترضاش تخليني آخد كذا صفحة. جاسر: لا يا حبيبتي أنا فاهمك، إنتي مش من النوع اللي بيحفظ كتير. ديما: طب وسع. جاسر: بس شعرك طول وبقى شكله حلو. ديما: طيب وسع. جاسر: في إيه يا بت؟ ما تحترمي نفسك. ديما: كده هتتأخر، الساعة بقت 7، براحتك. جاسر: ماشي، لسه اليوم طويل. جاسر قام ودخل خد دش. خرج لبس العباية اللي ديما اختارها ليه. جاسر: يلا جاهزة؟

ديما: آه. يلا بينا. ديما وجاسر نزلوا لقوا الكل تحت وعبير وعلاء. عبير (وهي موطية رأسها) : آسفة يا ديما، آسفة يا جاسر. علاء: آسف ليكوا انتوا الاتنين. جاسر: تمام. وبدأوا يفطروا. خالد: خلصت؟ جاسر: آه يلا. حازم: أنا هروح أشتغل على اللاب بتاعي، تمام. جاسر قام وباس رأس ديما وخرج هو وخالد. علاء: عن إذنك يا عمي تسمح لي أروح المصنع. حسن: تمام. علاء قام وراح على شغله. محسن: يا رب اهديلهم الحال. حسن: إيه الأخبار؟

فتحية: بخير بحسك يا حاج. دنيا: يا سلام يا عمو بتثبتك. أسماء: بنت عيب. ديما (بهمس) : هو أبوكِ وأمكِ في بيسألوا ليه؟ ما صدقوا يسافروا. دنيا (بهمس) : أنا شكلي مش بنتهم لأ. دعاء: أنا تعبانة. جملات: مالك؟ دعاء: لا مفيش. هو أنا كده هسافر ومش هشوفكوا تاني. فيروز: أحسن هنرتاح منك. دعاء (بدموع) : يا واطيين. فتحية: يلا شيلوا الأكل يلا. حسن: تعالوا نقعد مع الحاج مرزوق. محسن: يلا. علي وأيمن: تمام.

وخرجت الرجالة من البيت. والبنات شالوا أطباق الأكل وحطوهم في المطبخ. ديما: هنقعد بره. أسماء: متخرجيش يا ديما زي المرة اللي فاتت جاسر قلب الدنيا. ديما: احم احم إيه ده؟ دعاء: فاكرة ساعة ما توهتي وجاسر قلب الدنيا عليكي ولما جيتي قعد يزعق. دنيا: ليه بيفكروني ليه؟ فيروز: إنتي فايقة يا بت. ديما: يلا نخرج نقعد بره. والستات كانوا في المطبخ بيحضروا الغداء. والكل لاحظ تغير من عبير. والبنات بيقعدوا ويضحكوا. وبعد فترة.

فيروز: مين اللي جاية علينا دي؟ دعاء (بصدمة) : لتكون سارة. دنيا: دي هي سارة، مالها اتغيرت كده ليه؟ سارة (بحزن) : السلام عليكوا. ازيكوا. الكل: الحمد لله. دعاء: إيه اللي عمل فيكي كده؟ سارة كانت خسّت أوي ووشها أصفر ومتعب وعبايتها متبهدلة وتحت عينيها أسود وباين آثار ضرب على وشها. سارة (بدموع) : ضربوني وشتموني وعذبوني. فيروز: الصراحة يا سارة إنتي تستاهلي. دنيا: من أعمالكم سلط عليكم. سارة (بدموع) : عندك حق. سارة (بدموع)

: سامحيني يا ديما أرجوكي. ديما: اللي عملتيه فيا مش غلطة صغيرة. سارة (بدموع) : أرجوكي لو مسامحتنيش عمي حسن مش هيرضى يخليني أطلق من مازن وابني هيتعذب واحتمال أسقطه. دعاء: إنتي حامل؟ سارة (بدموع) : آه. ومع ذلك بيخلوني أشتغل وبعمل كل شغل البيت لوحدي وكل يوم. ديما لقت جاسر دخل هو وخالد. قامت وزي ما بتعمل كل يوم راحت حضنته وهو باس رأسها. جاسر: حبيبتي عملتي إيه في غيابي؟ ديما: مفيش، قعدنا زي كل يوم. جاسر: طيب خدي. ديما

(بفرحة) : الله مارشيملو! افتكرتك نسيت لأنك بقالك يومين مجبتش. جاسر: مقدرش أنسي حبيبتي، بس كنت مضغوط شوية. ديما: بحبك. جاسر: فين المقابل؟ ديما باست جاسر على خده اليمين وخده الشمال. خالد (بخفوت) : هو مين الست دي يا ديما؟ ديما (بضيق) : دي سارة. ديما بصت عشان تشوف تعابير وش جاسر. لقتها اتغيرت. ديما (بحزن) : عن إذنكوا. ديما سابتهم وجرت. وجاسر لاحظ ده. جاسر: يا بت مكنش قصدي، استني. جاسر راح ورا ديما وديما جريت لجوه.

خالد: احم مساء الخير. الكل: مساء النور. جاسر: مسكتك. جاسر مسك ديما من إيديها وزقها على الحيطة. جاسر: شايف إنك زعلانة. ديما: ابداً. وأه سارة هتطلق من مازن قريب لو عايز تتجوزها يعني. جاسر: يا ربي على الغيرة أوف. يا بت أنا بحبك إنتي فاهمة؟ مفيش غيرك في قلبي. وعارف إن ملامحي اتغيرت بس لو كنتي ركزتي شوية كنتي هتلاقي غضب مش إني لسه بحن ليها. اكبري شوية بقى. جملات (بشهقة) : بتعملوا إيه؟ ليكوا أوضة منك ليها.

جاسر: هو إنتي وهي. ده إيه العائلة دي؟ جاسر سابهم وطلع على أوضته. والكل رجع من شغله. حسن: البنت دي بتعمل إيه هنا؟ الكل سكت وباصص لسارة. سارة (بدموع) : أرجوك يا عمي انقذني منهم. أيمن: راجعة دلوقتي؟ مش ده اللي إنتي بتموتي فيه وهينقذك مننا؟ اشربي بقى. سارة (بدموع) : أرجوكم أنا حامل وهو بيعذبني وبيموتني بالبطيء. حسن: ملناش فيه. ديما (بتوتر) : احم عمي أنا شايفة إنها مهما كانت من دمكوا مش هينفع ترموها في الشارع.

علي: هي اللي راحت وعجبها الشارع. دنيا: بس برضه دي مهما كانت واحدة ست. دعاء: وكمان في الأول والآخر شايلة حفيد عائلة القاضي. فيروز: يعني لو تتدخلوا في الموضوع يبقى إنتوا بتنقذوا اسم عائلة القاضي. ديما: آه. كل الرجالة بصت لبعضها وحسن بص لسارة كتير. حسن: ماشي، بس غلطة كمان وهتندمي. حسن عمل قعدة عرب وبالعافية خلوا مازن يطلقها ومن غير ما يدفع أي فلوس. وعدى أسبوع قبل الفرح ده بسرعة من غير ما حد يحس بيه. بعد أسبوع.

ديما: وهيصة عند العريس هيصة. دعاء: قولي لينا أي حاجة يا ديما، هنموت من التوتر والخوف. ديما: الجواز ده أكبر مقلب بتاخديه في حياتك يا حبيبتي. دنيا: الله يطمنك ويأخدك. فيروز: بصوا هو إيه هتيجي زي ما تيجي. ديما: متفائلة إنتي يا أخواتي. الباب خبط. ديما: ادخل. أسماء: يلا يا بنات انزلوا. أولفت (بدموع) : حبيبتي أخيراً هتتجوزي. دنيا: ماما الأوفر. أولفت: طب يلا عشان تنزلوا. دنيا: بصالي بشماتة يا ديما وربي لبيكي.

والتلات بنات نزلوا وديما وراهم. فتحية: تعالوا يا حبيايبي هنا. وبدأت الأغاني تشتغل وديما ترقص وتهص. جاسر: خلي ديما تتهد. جملات: البنت مبسوطة. جاسر: برضو خليها تتهد، لاما والله أخليها تطلع فوق متنزلش. أسماء: خلاص هروح أقولها. أسماء (بهمس) : ديما جاسر بيقولك اتهدي شوية. ديما: لا أنا مبسوطة. ديما بصت لجاسر لقتو بيبصلها بتحذير راحت ناحيته. ديما: أنا عملت إيه بقى دلوقتي؟ جاسر (بهمس)

: بتعرفي ترقصي ولما أجي أقولك بتعرفي تقوليلي لأ. ماشي يا ديما. ديما: والله لسه متعلمة من طنط فتحية ومن طنط جملات ومن طنط أسماء. جاسر: والله. انجزي يا حاجة طلعوا الشربات. أنا ماشي عشان مآخدش قرار أندم عليه. جاسر سابهم ومشي. سارة (بتعب) : والنبي يا ديما ناوليني الصينية اللي في الأرض دي. ديما ناولت الصينية لسارة وسابتها ومشيت. وبعد فترة دخل جاسر ومعاه دفتر المأذون. جاسر: خليهم يمضوا يا ديما. ديما: تمام.

ديما: يلا يا حلوين. دنيا: بسم الله الرحمن الرحيم. دنيا بدأت توقع وهي مترددة. دعاء: أنا لسه صغيرة. ديما: بطلي لعب عيال. دعاء: طيب. دعاء وقعت هي كمان. فيروز: أنا خايفة. ديما: انجزي يا عروسة. هتحايل عليكوا. فيروز وقعت. وديما ودت الدفتر لجاسر. وأول ما جاسر خرج حصل ضرب نار كتير. وخالد وحازم وعلاء دخلوا وكل واحد باس رأس مراته وخرجوا تاني. والكل كان مبسوط وفرحان. وبعد فترة انتهى الفرح. علاء خد فيروز وطلع أوضته.

حازم خد دعاء وطلع أوضته. خالد خد دنيا وطلع أوضته. محسن: أنا تعبان يلا تصبحوا على خير. الكل: وانت من أهله. محسن وجملات طلعوا أوضتهم يناموا. وعبير وأيمن. وعلي وأسماء. وحسن وفتحية. ديما: إيه النوم لسه مجاش عندك ولا إيه؟ جاسر: لا هنام بس بقى إمتى. ديما (باستغراب) : إمتى؟ جاسر: هقولك مخافيش. سارة (بوجع) : آآآآه. ديما: مالك؟ سارة: حاسة بنغزة. ديما: ألف سلامة اطلعي ارتاحي. جاسر: يلا يا ديما.

جاسر وطي وشال ديما وطلع على أوضته. ديما (بهمس) : ميصحش كده. جاسر: مليكيش فيه. في أوضة دعاء وحازم. حازم (بفرحة) : متعرفيش كنت بتمنى اللحظة دي قد إيه. حازم (بفرحة) : وأخيراً ربنا حققلي أمنيتي. حازم (بمرح) : لا عايزك تبقي فرفوشة كده، عايزك قرد في المكان. دعاء: عيل رخم. حازم: أيوه كده افتكرتك بقيتي خارسة. دعاء: ما تبطل بقى. حازم: بس نسيت أقولك حاجة، علفكرة. دعاء: إيه؟ حازم: إنتي حلوة أوي.

حازم بدأ يفك طرحة دعاء وشعرها نزل على ضهرها زي الحرير. حازم: فاكرة أول مرة شفت فيها شعرك، كان غصب عني بس دلوقتي بقى حلال عادي. حازم: مش عايزك تخافي. إحنا بعد كام يوم هنسافر سويسرا وهخليكي تكملي تعليمك، ده وعد مني. ووقت ما تكوني عايزة تنزلي مصر هنزلك. دعاء: شكراً. حازم: طيب يلا قومي غيري هدومك واطلعي نأكل. دعاء: حاضر. دعاء دخلت غيرت هدومها وخرجت وبدأت تأكل هي وحازم العشاء ويتكلموا ويضحكوا. في أوضة فيروز وعلاء.

علاء: عارف إنك ممكن تكوني معترضة عليا بسبب تصرفاتي زمان أو كده، حقك. بس أنا فعلاً اتغيرت. فيروز: ولا يهمك. علاء: طب اقلعي طرحتك يعني عشان متتخانقيش. فيروز: حاضر. فيروز بدأت تقلع طرحتها وشعرها باين لعلاء. علاء: تعرفي، كان نفسي دايماً أشوف شعرك. وأدي ربنا كتبها ليا. علاء: يلا نأكل. فيروز: طب هخش أغير. علاء: تمام. فيروز دخلت غيرت هدومها وخرجت وبدأوا يأكلوا ويتعودوا على بعض. في أوضة خالد ودنيا. دنيا: هخش أغير.

خالد: تمام. دنيا دخلت غيرت هدومها وخرجت لقت خالد مستنيها. خالد: إيه رأيك نتكلم شوية؟ دنيا: تمام. خالد: بصي يا ستي، متفتكريش إني بكرهك، بالعكس جداً. أنا بحبك وبحبك جداً يا دنيا، بس كنت بحاول على قد ما أقدر أخبي مشاعري لحد ما تبقي حلالي وكل حاجة تبقي رسمي. مش عايزك تزعلي مني لو سمحت. دنيا: اممممم لا مش زعلانة. بص أنا وكمان معجبة بشخصيتك، بس كنت فاكراك بتكرهني. خالد: ابداً. مجموعتيش؟ دنيا: لا الصراحة عصافير بطني بتنونو.

خالد: يعني مش بتصوصو؟ دنيا: لا. وبدأوا يتكلموا كتير ودنيا تفضل تضحك وخالد اعترف ليها بحبه. في الصباح الباكر. حسن: هما هينزلوا تحت ولا هطلعوا ليهم الفطار فوق؟ جملات: فوق يا حاج. حتى جاسر طلب كده. محسن: ده مش بيتهد. عبير: ربنا يسعدهم كلهم. فتحية: يلا يا تهاني يلا الكل يطلع الأكل فوق للكل. عند خالد ودنيا. الباب خبط. خالد: ثانية. خالد فتح الباب. خالد: خشي حطي الأكل يا تهاني. تهاني: حاضر يا بيه.

تهاني حطت صينية الأكل ونزلت. دنيا: إحنا هنفطر هنا ليه مش تحت؟ خالد: كده. هنبقى ننزل على آخر النهار. دنيا: طيب يا رزل. خالد: مسمعتش قولتي إيه؟ دنيا: يا رزل. خالد: والله يعني أنا رزل. دنيا: هتتحول ولا إيه يا عم خليك مكانك. خالد: بس إنتي مديونة ليا بشكر. دنيا: مش فاهمة. خالد: مش فستان الفرح بتاع بنت دادة ناصرة عجبك. دنيا (باستغراب) : آه. بس إيه علاقته؟ خالد: أنا اللي مختاره ليكي وهو عجبك صح؟ يبقى تشكريني.

دنيا: لا والنبي! وأفترض أصدق. خالد: هكذب ليه مثلاً؟ دنيا: طيب. شكراً. خالد: مش مقبول. دنيا: براحتك بقى. أنا عايزة آكل. دنيا بدأت تشيل الغطاء اللي على الصينية وقعدت تأكل. وخالد راح وقعد جنبها وبدأ يأكل معاها. عند دعاء وحازم. الباب خبط. حازم قام وفتح الباب. تهاني: الحاجة فتحية بعتتني بالفطار. حازم: طب خشي. دعاء: إزيك يا تهاني. تهاني: كويسة يا مدام دعاء. حازم قعد يضحك على منظر دعاء. حازم (بضحك)

: امشي دلوقتي يا تهاني امشي. دعاء: يا رخم بتضحك على إيه؟ حازم: مفيش مفيش. حماتي بتحبني أوي عشان كده باعتة الأكل فوق. ياااااه. دعاء: أنا جعانة أوي. حازم: وأنا الصراحة. دعاء وحازم بدأوا يقعدوا ويأكلوا. وطبعاً دعاء مخلصتش من مرح حازم. عند فيروز وعلاء. الباب خبط. علاء فتح الباب. علاء: إيه يا تهاني؟ تهاني: الفطار. علاء: هاتي. علاء خد من تهاني صينية الأكل وقفل الباب. علاء: فيروز. فيروز: نعم. علاء: تحبي تفطري هنا ولا تحت؟

فيروز: براحتك. علاء: خلينا هنا. علاء: يلا تعالي كلي. فيروز: حاضر. فيروز قعدت قدام علاء وبدأت تأكل. ولقته باصص ليها. فيروز: في إيه؟ علاء: بقول قد إيه أنا كنت غبي. فيروز: ليه؟ علاء: كنتي إنتي قدامي من بدري بس كنت غبي. فيروز: كل واحد بياخد نصيبه. علاء: عندك حق. وكملوا أكل. عند جاسر وديما. الباب خبط. ديما (بهمس) : وسع يا جاسر. جاسر: لا خليكي جنبي هنا. ديما: يا ابني وسع الباب بيخبط. جاسر: مين؟ تهاني: أنا يا بيه.

جاسر: عايزة إيه؟ تهاني: الفطار. ديما: آه أنا جعانة أوي يا جاسر بليز. جاسر: ثانية يا تهاني. جاسر قام وفتح الباب وخد صينية الأكل من تهاني وحطها على الترابيزة. جاسر لقي ديما بتقوم بسرعة وبتجري على الأكل. بس هو مسكها. ديما: وسع يا جاسر عايزة آكل. جاسر قعد وبدأ يأكل. جاسر: الرجالة الأول وبعدين الستات. ديما: إيه العنصرية دي؟ الستات أولاً وبعدين الرجالة. جاسر: وهو كده مش عنصرية. ديما: بس. ديما (بصوت عالي نسبياً)

: إنت بتضحك عليا عشان آكل إنت؟ جاسر: الصراحة آه. ديما: عيل سئييييل. جاسر: شكراً. لاحظي إنك بقيتي بتغلطي تمام. ديما: طيب. ديما قعدت على رجل جاسر وبدأت تأكل. جاسر: مش عارف آكل. ديما: عنك ما أكلت. جاسر: يا رخمة إنتي. ديما: شكراً. لاحظ إنك بقيت بتغلط كتير تمام. جاسر: بتقلليني كمان. جاسر قعد يزغزغ ديما وديما تضحك بصوت عالي. ديما (بضحك) : بغير حرام عليك وسع. جاسر: حرمتي يا شاطرة؟ ديما (بضحك) : آه. جاسر: طيب.

ديما: هروح ألبس عشان ننزل. جاسر: هتروحي إيه؟ ديما: في إيه؟ جاسر: مفيش نزول من هنا إلا بليل واحتمال بكرة الصبح والاحتمال الأكبر بقى بعد سنة. ديما: ظريف. جاسر (بغمزة) : وأعجبك علفكرة. ديما: طب هنعمل إيه؟ جاسر: تعالي أقولك. ديما: لا. جاسر: متخافيش هنتفرج على فيلم ونلعب رياضة شوية نتكلم كده، هنعمل كذا حاجة. ديما: طيب. بعد فترة طويلة على بليل كده. خالد ودنيا بدأوا يخرجوا من أوضتهم. ووراهم حازم ودعاء وبعدين علاء وفيروز.

جملات: كده الكل خرج فاضل جاسر وديما. خالد: مفكر نفسه عريس. جاسر: ومفكرش ليه؟ حازم: براحتك يا كبير. وقعدوا يتكلموا ويهزروا واقترحوا يتفرجوا على فيلم كلهم. ديما: خدوا أهو فشار، إينعم نصه محروق بس مش مشكلة. جاسر: وسعي يا بت من قدام التلفزيون. ديما: اسكت يا رخم إنت. خالد: دنيا عرفت إنك حافظة الفيلم، سيبيني أتفرج. دنيا: أنا غلطانة إني بحكيلك الفيلم. خالد: طيب. حازم: عجبك؟ دعاء: نوعاً ما. فتحية: ده رعب ده؟

جملات: لا شكله دراما. فيروز: لا فيلم كوميدي يا مرات عمي. سارة: معلش يا جاسر ناولني إزازة الماية اللي جنبك. ديما (بغيظ) : خليك يا حبيبي. خدي يا سارة. سارة: تسلميلي. ديما (بهمس) : جتك مصيبة في شكلك. جاسر قرب منها وحط إيده على كتفها. جاسر (بهمس) : ولا تشغلي بالك خالص فاهمة. أيمن: أنا تعبان هطلع أنام. عبير: جاية معاك يا حاج. علي: اتفرجوا إنتوا بقى. تصبحوا على خير. أسماء: لو حد جاع الأكل في المطبخ. دعاء: تسلمي.

فتحية: مليش في الجو ده، أنا هروح ورا الحاج. يلا. وكل الكبار بدأوا يقوموا واحد ورا التاني. وعدى فترة طويلة على الشباب وهما بيتفرجوا وبيضحكوا. دنيا: أهو ديما نامت تاني. حازم: دي تلاقيها منامتش من امبارح. جاسر: اخرس. جاسر قام وشال ديما وطلع على أوضته ونيمها على السرير ونام جنبها. وكل ثنائي بدأ يقوم لأوضته. سارة (لنفسها) : هو أنا هفضل كده. سارة (لنفسها) : بسببك يا ديما حصل فيا كده. سارة (لنفسها) : يا ترى أعمل إيه؟

في الصباح الباكر. الحياة رجعت لطبيعتها. الرجالة راحت لشغلها. والستات بتتكلم وتحضر الغداء. ديما كانت طالعة على السلم لقت سارة نازلة. ديما: هو إنتي في الشهر كام يا سارة؟ سارة: التاني. ديما: آه ربنا معاكي. ديما كانت لابسة فستان طويل عليها وديله طويل أوي وكانت طالعة. وسارة بصت لديما بخبث ومكر. سارة حطت رجليها على فستان ديما من ورا بحيث إنها توقع ديما. بس سارة اختل توازنها ووقعت على السلالم. سارة (بصريخ)

: الحقوووووووووووووني. سارة نزلت تتدحرج على السلالم وديما لفت رأسها بذهول وهي مصدومة. ولقيت سارة مغمي عليها وحواليها دم.