رواية امرأة في عصمة صعيدي الفصل الثامن 8 - بقلم سلسبيل

بنت: هاي أنا نجوى وأنت مين؟ جاسر: لو سمحت ابعدي. نجوى: لا أنت دخلت دماغي بصراحة... عضلاتك، طولك، بشرتك، دقنك، كل حاجة فيك. جاسر: تمام متشكر. تقدري تمشي. نجوى: سيبك من البت اللي جنبك دي. مش هتنفعك. أنا هدلعك. دي قصيرة ووحشة أوي. وبعدين في أقل من لحظة، ديما مسكت سكينة وقربتها من رقبة البنت وجرحت البنت جرح بسيط. ديما: بصي يا حلوة. مش فارقة معايا تشقطيه متشقطيهوش. الزبالة بتترمي جنب الزبالة، تمام؟

لكن تقولي عني قصيرة ووحشة، وربي أعمل وشك خريطة. كل الناس تيجي تصورها وأبقى علّمت عليكي. فاهمة؟ نجوى (بخوف) : حاضر، حاضر. وسعي. جاسر كان مصدوم من رد فعلها وكلامها. ديما: ناس زبالة. مالية وشك ألوان يا شيخة. مستحملة نفسك إزاي؟ جاسر: خلاص خلاص. بنت: أنتي إزاي تقربي من نجوى كده؟ ديما: تحبي أعملك علامة زي اللي في رقبتها؟ بنت: لا، ده أنتِ متربتيش بقى. ديما: تحبي أوريكي التربية؟ ديما مسكت إزازة إزاز وضربت رأس البنت بيها.

نجوى: أنتي عملتي إيه؟ جاسر (بزعيق) : خلاص منك ليها. انجزي هاتي الأكل. الست ودت جاسر الأكل وهي بتبص لديما بخوف. ديما: أي بنت عندها اعتراض تجيلي عشان أعلم عليها. جاسر (وهو ماسك إيديها) : انجزي يلا. ديما: لا، عايزة أشوف حد معترض. جاسر مسك ديما من خصرها وشالها بإيد واحدة وخرج. ديما: طبعًا، ما الهانم كانت عاجباك. رجالة زبالة. خالد: جاسر، في إيه؟ جاسر: أختك بتاعت مشاكل. تسنيم: عملتي إيه يا مجنونة؟ ديما: كنت بتسلى.

جاسر: الصبر. خد يا ابني. خليهم يأكلوا. جاسر راح عربيته، وخالد وديما ركبوا العربية. فتحية: هو حصل إيه يا جاسر؟ أسماء: آه، في إيه؟ وكنت شايل ديما كده ليه؟ دعاء: احكيلنا يا ابيه. جاسر: مفيش حاجة. فيروز: والله وعلى أساس هنصدق. جاسر حكى ليهم كل اللي حصل. فتحية: يا بت المجنونة. أسماء: هبلة، البت دي. بس جدعة. دعاء: دي حتة سكرة. فيروز: بت بمية راجل. خالد: احكي، حصل إيه؟ ديما: مش لما آكل. دنيا: لا.

دنيا مسكت الأكل منها ودته لخالد. دنيا: انجزي احكي. دنيا: طب أنا جعانة، هاتوا الأكل. خالد: انجزي انطقي. جملات: حرام عليكم، البت ما أكلتش من الصبح. تسنيم: سيبوها تاكل بس. ديما: حبايب قلبي، خدوا قلبي. هاتوا بقى الأكل يا رزلين. خالد: خدي. ديما: مفيش يا سيدي. كل اللي حصل. ديما حكت كل حاجة حصلت. خالد: رفعتي السكينة؟ اتعلمتي رفع السكاكين يا ديما؟ ديما: لا يا حبيبي، أنا برفع من زمان. دنيا: آه، كنا بنتخانق طول الوقت.

تسنيم: هبلة. جملات: أنتي عملتي كده ليه؟ ديما: البنت تقولي قصيرة ووحشة وأسكت؟ جملات: يعني مش عشان جاسر؟ ديما: جاسر مين؟ أنا اللي أضايق عليه. اللي ضايقني بتقول: سيبك من البت القصيرة والوحشة. وربي كنت عايزة أقتلها في إيدي. وبعد فترة، الكل وصل للبيت بسلام. حسن: ها، إيه الأخبار؟ فتحية: تمام يا حاج. محسن: ها يا حبيبتي، اخترتي فستانك؟ ديما: آه يا بابا. عن إذنكم. دنيا: خديني معاكي.

تسنيم: لا، أنتي ليكي أوضة تانية. سيبي العروسة براحتها. ديما: لا، سيبيها. أسماء: مينفعش. يلا روحي. والكل راح لأوضته وهو تعبان عشان ينام. *** عند جاسر. جاسر دخل خد دوش وخرج، لقي سارة قاعدة على السرير. جاسر: سارة! سارة: أهلاً أهلاً يا حبيبي اللي هتتجوز غيري بكرة. أهلاً يا حبيبي يا اللي هتلمس غيري بكرة. جاسر: مش كده يا سارة. أنا والله طلبت إيدك من الحاج، بس أنا اتصدمت. سارة: كل بعقلي حلاوة يا جاسر.

سارة: أنا بكرهك أوي يا جاسر. جاسر قرب منها وحضنها، وهي قعدت تعيط. جاسر: معلش يا حبيبتي. أكيد ده الخير، وأكيد هتجوزك بس مش دلوقتي. الأمور تهدى بس وهتجوزك، والله أنا بحبك أنتي، أنتي وبس. سارة: هستناك يا جاسر. جاسر: بحبك. جاسر باس رأسها وحضنها، وسارة مشيت. جاسر اترمي على السرير بتعب. جاسر: يا رب فكها. *** في الصباح الباكر. كان فيه صوت دوشة عالي في البيت. ديما (بازعاج) : إيه القرف ده؟ ديما (بصوت عالي)

: وطوااااا الصوت. مش فرح خلقتكم هو. دعاء: قومي يلا يا بنتي، ده لسه فيه حاجات كتيييير. ديما: آه آه، روحوا أنتم اعملوها وأنا هبقى معاكم بقلبي وروحي. تسنيم دخلت وشالت البطانية من على ديما. ديما (بصريخ) : عااااااااااااااااا. عايزة أنام. سيبوني في حالي بقى. الباب خبط. تسنيم: ادخل. محسن: إيه يا حبيبتي مالك؟ ديما: ماما شالت البطانية من عليا وأنا عايزة أنام. محسن: معلش يا حبيبتي، قومي دلوقتي. ديما: اوف، حاضر.

محسن قرب منها وباس رأسها وخرج. وديما بصت في أثره بحزن. تسنيم: قومي. ديما (بقرف) : قومت، قومت. تسنيم: مشفتش حد بينام وهو مشغل التكييف وبيتغطى وربنا ما شوفتها. دعاء: اوف، هو أنتي بتشغلي التكييف؟ ديما: آه طبعًا. دعاء: ابيه جاسر مبيحبهوش. ديما: يروح ينام عند أمه بقى. تسنيم: مش قولنا عيب. ديما: اطلعوا سيبوني ألبس. إيه ده؟ الباب خبط. ديما: إيه؟ هو فيه إيه؟ الكل بيخبط عليا أنا بس. دعاء: ادخل. ديما: مين دي؟

دعاء: دي تهاني، بتشتغل هنا. ديما: آه، أهلاً. تهاني: ست فتحية باعتة الفساتين دي لحضرتك. ديما: ليه؟ تسنيم: النهاردة الحنة وكل الستات تحت. يلا بقى، البسي. ديما: الصبر. اخرجوا. الكل خرج وديما اختارت فستان من اللي موجودين. "لبست فستان بدوي جميل باللون الوردي، كان واسع من تحت وضيق من فوق، وكان جميل أوي على ديما. وحطت روج هادئ، لبست جزمه من غير كعب، وكان في شوية مجوهرات لبستهم. كانت متغيرة خالص."

ديما خرجت وهي ماشية خبطت في جاسر، وجاسر مسكها وفضل باصص ليها كتير، وديما مستغربة من رد فعله. سارة: استنوا يا عرايس، ده بكرة دخلتكم. ديما: مش فاضية أرد عليكي. ديما سابتهم وكملت نزول، وسارة بصت لجاسر بغضب، وجاسر بيبصلها بعتاب. دنيا: عروستنا جت. ست 1: إيه ده؟ بسم الله ما شاء الله. مين دي؟ أسماء: دي العروسة. ست 2: تعالي هنا جنبي يا حبيبتي. ديما: هو فيه إيه؟ فتحية: روحي يا حبيبتي، متخافيش. ديما راحت قعدت جمب الست.

ست: ما شاء الله، قمر بدر منور يا بنتي. ديما: شكرًا يا طنط. ست: أنتي مصراوية؟ ديما: بيقولوا كده. ست: بس أنتي مش زيهم خالص، أنتي وشك صافي. ديما: شكرًا والله، يعني بلاش إحراج أكتر من كده. ست: خدي يا حبيبتي. ديما: إيه ده؟ الست لبست ديما عقد دهب كبير تقيل. الست: ده هدية جوازك. جاسر مش هتلاقي زيه، لا في أخلاقه ولا رجولته. ديما: شكرًا يا طنط. أنا ارتحتلك أوي. الست: واد يا جاسر. جاسر كان ماشي بس سمعها.

جاسر: أهلاً خالتي نظيرة. نظيرة: زين ما اختارت يا جاسر. عروستك كيف البدر المنور. حافظ عليها. جاسر: تسلمي يا خالتي. عن إذنكم. جاسر بص لديما اللي كانت بصاله، وبعدين مشي. فتحية: قوموا يا بنات، ارقصوا. دنيا: أيوه يلا بقى. معظم البنات قاموا وقعدوا يرقصوا. نظيرة: وريني رقصك يا عروسة. ديما: احم، مش بعرف. عبير: اللي مبتعرفش ترقص جوزها بيتجوز عليها. ديما: بجد؟ طيب. أصل أنا بحب الشراكة أوي. عبير بصتلها بغضب وديما بصتلها بهدوء.

بنت: تعالي نعلمك. والبنات شدوا ديما وحاولوا يخلّوها ترقص، وهي فرحانة أوي لأنه جو جديد عليها. خالد كان ماشي لمح دنيا وهي بترقص وفرحانة، وبص على أخته. علاء (بخبث) : هي الصنارة غمزت؟ خالد (بحدة) : خليك في حالك يا علاء وامشي من هنا يلا. خالد شد علاء وساب الستات براحتها، وراحوا عند الرجالة. حسن: مبروك يا ولدي. جاسر (بابتسامة خفيفة) : الله يبارك فيك. حسن: صدقني، أنا بعمل لكوا الصالح. جاسر بص له بعتاب وحزن.

جاسر: عن إذنك يا حاج. محسن: معلش، هيتعود. وديما أنا شايف إنها اتعودت. حسن: حسب خبرتي، في حاجة خلت ديما تتقبل الموضوع. محسن: تفتكر؟ حسن: ممكن. خالد: كتب الكتاب بالليل ولا بكرة يا حاج؟ محسن: الدخلة الليلة يا خالد. خالد (بصدمة) : نعم!!!!!!!! حسن: أيوه. روح جهز جاسر. خالد: تمام. خالد راح لجاسر وهو مصدوم ومستغرب. جاسر: مالك يا ابني؟ خالد: فرحك الليلة يا جاسر. جاسر: هو مش بكرة؟

خالد: أبوك غير اليوم وبقى كتب الكتاب النهارده. خالد: تعالي معايا عند الحلاق نخفلك دقنك دي. جاسر (بحزن) : تمام. خالد وجاسر راحوا للحلاق وظبطوا شعرهم ودقنهم ورجعوا تاني، والرجالة بتظبط مكان الفرح. *** عند الستات. تسنيم: يلا يا ديما عشان تحضري نفسك. ديما عرفت إن النهاردة الفرح واتصدمت وخافت جدًا. ديما: ها، استني شوية. فيروز: مش هتعرفي تأخريهم. يلا، اطلعي. ديما (بدموع) : بليز، هربوني. دعاء: يا بنتي، هو كلام عيال. ديما

(بدموع) : ما هو أخوكي لا يُطاق. سارة (بغيظ) : مبروك يا ديما. ديما: يا شيخة، اتلهي. جملات: يلا روحي مع مامتك يا ديما. ديما: اوف، حاضر. تمام. ديما طلعت مع مامتها أوضتها. فتحية: مش عارفة الحاج مستعجل على إيه. أسماء: ولا أنا. أنا صعبانة عليا البت اللي مش فاهمة أي حاجة دي. جملات: خير، خير. يلا اعملوا الأكل عشان خاطر الرجالة بره. عبير: أساعدكوا؟ فتحية: يلا. أسماء (بهمس) : من إمتى؟ جملات (بهمس) : معرفش.

فتحية: يلا، كله يشوف وراه إيه. تسنيم: يلا يا بنات، اطلعوا لديما فوق. البنات طلعوا ليها. بنت: تحبي نعملك شعرك ضفيرة؟ ديما: لا، بصي يا ماما. أنا هعمل لنفسي كل حاجة. دنيا: اتعلموا. ديما قامت دخلت خدت دوش وخرجت، لبست الفستان، وبدأت تعمل شعرها ومكياجها تحت نظر كل اللي موجود وهما مصدومين. دعاء: إزاي عملتي كده؟ ديما: دي قدرات يا بنتي. *** والليل جه، وفي دوشة وصوت خيول، والستات بتضحك وبتتكلم. دنيا: أنتي قوية.

ديما: وحياتك، أبدا. دنيا: زمان ماما جت. دعاء: قمر أوي. ديما: شكرًا. فيروز: متقلقيش، خير. ديما: يا رب. فتحية دخلت وتسنيم. فتحية (بانبهار) : ما شاء الله. جميلة أوي، مع إنك أنتي اللي عملتي لنفسك كل حاجة. ديما: شكرًا يا طنط. تسنيم: ربنا يحفظك يا حبيبتي. ديما: شكرًا يا ماما. فتحية: أنا من هنا ورايح ماما. مامتك هتروح القاهرة، يعني أنا هنا اللي أمك. فاهمة؟ ديما: هحاول، تمام. فتحية: جاسر طيب وهيحافظ عليكي، صدقيني. ديما

(لنفسها) : آه أوي. ده أكتر حد بكرهه. فتحية: يلا يا عروسة، انزلي. ديما بدأت تنزل ووراها دنيا ودعاء وفيروز، وكل اللي موجود اتصدم من جمال ديما والبساطة اللي في وشها.

"ديما كانت لابسة فستان باللون الأبيض بحمالات عريضة مايلة على الكتف وضيق لغاية الوسط ونازل بوسع خفيف جدًا، وكانت حاطة روج وكحل بس وعاملة شعرها على شكل كحكة ولابسة طرحة الفستان وحطت التاج بتاعها ولبست صندلها الأبيض بكعب بسيط وكانت لابسة سلسلة رقيقة في رقبتها وقصيرة وحلقين لطف. كانت جميلة أوي." "دنيا كانت لابسة فستان أحمر قصير لغاية الركبة بحمالات عريضة ومسيبة شعرها على ورا وحاطة روج باللون الأحمر وكحل وصندل بكعب أحمر."

"فيروز ودعاء لبسوا زي بعض، فستان باللون الكحلي طويل وواسع شوية وحجاب باللون أوف وايت وجزمة بيضاء وروچ هادي." كانوا الأربع بنات في قمة جمالهم. فتحية: تعالي يا حبيبتي. قعدوا ديما على كنبة عريضة وجمبها دعاء ودنيا وفيروز. نظيرة: حطولها الحنة يا بنات. ديما: لا، لا، لا. مبحبش الحنة. عبير: لا، لازم تحطي حنة. ديما: أبدا. دنيا: ديما لما بتحط حنة، إيديها بتحمر وبتوجعها. لا، بلاش. أسماء: خلاص يا بنات. ست: مالك مايعة كده ليه؟

عبير: معرفش. ملقوش غير المصراوية. جملات (بتحذير) : عبير. تسنيم: يلا يا بنات، قوموا ارقصوا. واللي قاموا رقصوا. والكل سامع صوت خيول وأغاني بره. ديما: أنا عايزة أشوف. دعاء: بس مينفعش. ديما: بليز، ده فرحي. فيروز: مينفعش تخرجي بره خالص. ديما: طب نشوفهم من أي حتة. دنيا: يلا ها؟ دعاء: تعالوا. دعاء وفيروز طلعوا ووراهم ديما ودنيا بسرعة. تسنيم: رايحين فين المجانين دول؟ فتحية: أنا هعرف بنتك يعني. أولفت: إزيك يا تسنيم؟

تسنيم: أهلاً يا حبيبتي. أخبارك؟ أولفت: تمام. هي فين عروستنا؟ أسماء: كانت هنا وقامت طلعت جري، وأكيد نازلة تاني. *** عند البنات. دعاء: هنفتح حتة بسيطة من الشباك. ديما: تمام. أنا هشوف الأول. فتحوا الشباك وديما بتتفرج، في رجالة كتير وناس راكبة على خيول. وبعدين جاسر ركب على خيل وفضل يتمشي بيه والخيل بيرفع رجله لفوق، وللحظة عنيهم اتقابلت. جاسر بص لها بغضب وتحذير، وهي بصت له بتحدي. دعاء: يا نهار أسود، جاسر شافك.

فيروز: اقفلي بسرعة يا ديما. ديما: لا، أبدا. دنيا: يا بنتي، دي طباع صعيدية. بلاش عشان متتعبيش. متعانديش يا ديما. ديما: بس ده فرحي وده من حقي. فيروز: معلش، معلش. دعاء: اقفلي بقى عشان خاطري. ديما بصت لجاسر باستفزاز وقفت الشباك. بنت: يلا عشان هيكتبوا كتب الكتاب. دنيا: جايين. الكل نزل وديما بتفرك في إيديها. وبعدها بدقيقة خالد دخل وماسك في إيده دفتر المأذون. خالد: امضي. ديما: ما تمضي بدالي.

خالد: لو كان ينفع كنت مضيت. امضي يا بنتي. ديما مسكت القلم بتوتر وبعدين سابته. ديما: أنا متوترة. مش عايزة أكون مراته أنا. خالد: ربنا يهديكي. امضي. منظرنا هيبقي وحش قدام الناس بره. ديما: ده شخص غليظ وهيتحكم فيا. خالد: جاسر مش كده. انجزي امضي. ديما مسكت القلم ومضت بسرعة، وبعدها كل الستات زغرطت. وقبل ما خالد يخرج بص لدنيا واتسحر بجمالها وبساطتها. وأول ما خالد خرج بره حصل ضرب نار كتير. حسن: مبروك يا ولدي.

جاسر: الله يبارك فيك. محسن: أنا بديك حتة من قلبي ولا حتة إيه؟ أنا بديك قلبي كله يا جاسر. جاسر: وإن شاء الله أبقى قد الأمانة يا عمي. أيمن: مبروك يا عريس. جاسر: الله يبارك فيك يا عمي. علي: أخيرًا هشوفك متجوز. جاسر: شكرًا يا عمي. علاء: مبروك يا ابن عمي. خالد: أختي في عينك يا جاسر. حسن: خش لعروستك. جاسر: تمام. وبدأوا يوزعوا أكل للرجالة وجاسر دخل. فتحية: مبروك يا حبيبتي. دنيا: مبروك. أولفت: ألف ألف مبروك يا حبيبتي.

وبعدها جاسر دخل، قرب من مامته وباس إيديها. وقرب من ديما وبعدين بص لسارة وغمض عينه وباس رأس ديما. جاسر: مبروك. ديما (بتوتر) : الله يبارك فيك. بس ابعد. جاسر: تمام. جاسر بعد عنها شوية وبعدين لبسها الدبلة في إيدها الشمال. وباس رأسها تاني وخرج. ديما: لا، أنا عايزة أموت. دعاء: والله حنين. فيروز: وطيب. دنيا: وجنتل. ديما: خلاص يا أختي منك ليها. وغليظ وحقير واستغلالي كمان. دنيا: هو استغلك في إيه؟

ديما: ده باسني، ولأنه عارف إنه مينفعش أعترض باسني تاني. فيروز: لا، هو هنا كده. بعد كتب الكتاب العريس بيخش بيبوس رأس مراته وبيخرج. أو على حسب، ممكن يستنى لغاية ما يطلعوا فوق. ديما: اخرسي يا بت. جملات: يلا يا حبيبتي. ديما (بخوف) : يلا إيه؟ جملات: تطلعي أوضتك. ديما: أحلفي؟ يعني أنا هطلع أوضتي وكده أنا اتجوزت. الجواز طلع سهل أهو، صح؟ أسماء: يا هبلة، أوضتك دلوقتي بقت أوضة جاسر. ديما: لا، كده ظلم.

تسنيم: بلاش تتعبي قلبي، يلا. ديما: أنتوا هتمشوا إمتى؟ تسنيم: هنشوفك بكرة وهنمشي. ديما: كويس عشان أنا عايزة بابا. وطلعوا ديما أوضة جاسر وقعدوها على السرير. فتحية: اقعدي كده لغاية ما يجي جاسر. ديما: يعني أقعد متذنبة عشان جنابه. تسنيم: يا بت، نفسي مرة مترديش. آه، اقعدي كده. ديما: اوف، حاضر. والستات خرجت وديما كانت حاسة بخوف وتوتر وقلق وملل. وبعدها بخمس دقايق لقت باب الأوضة اتفتح، غمضت عينيها جامد أوي.

جاسر قفل الباب وراه وبصلها بدهشة. جاسر (بهدوء) : افتحي عينك. ديما فتحت عينيها ببطء وبصت له، وجاسر انبهر بجمالها اللي هو مخدش باله منه تحت، وفضل باصص ليها. ديما: إيه؟ جاسر (بعد ما فاق) : إيه؟ ديما: إيه بقى؟ جاسر (برفعة حاجب) : إيه؟ ديما (بتوتر) : هو أنت اللي هو يعني وهتوريها للناس. جاسر (بتفهم) : لا، أنا مش كده. ديما: طيب كويس. ديما قامت من على السرير وقربت من جاسر.

ديما: بص يا جاسر، أنت شكلك مش بتحبني ولا أنا بحبك، واتجوزنا غصب لمجرد إنك ابن عمي. ديما لسه هتكمل كلامها. جاسر: قصدك إني مش هاخد حقوقي كزوج؟ ديما بصت له بصدمة واتوترت. ديما: أنت قصدك إنك هتلمسني؟ جاسر: أعتقد ده أبسط حقوقي. ديما في أقل لحظة أغمى عليها.