رواية امرأة في عصمة صعيدي الفصل السابع 7 - بقلم سلسبيل

علاء (بخبث) : عم محسن معاه فلوس علي قلبه في القاهرة و شركات و عنده هنا ورث بعد ما يموت مين هيورث بنته أنا لو اتجوزت بنته هاخد كل ده.. علاء (بخبث) : يبقي أنا أضحك علي البت بكلمتين و أتجوزها و آخد كل فلوسها... وفجأة الباب اتفتح... عبير (بخضة) : هو انتي؟؟ سارة: آه، في إيه اتخضيتوا ليه؟؟ علاء: مفيش... سارة: براحتكوا.. يلا أنجز عشان تقعد.. علاء: تمام... عبير: هفكر و أرد عليك يا علاء.. علاء: ماشي..

علاء قام و غير هدومه و نزل للرجالة تحت... حسن: يلا كل الستات على المطبخ.. فتحية: يلا يا بنات يلا.. كل الستات دخلت على المطبخ... و جم الرجالة و قعدوا... دنيا: بس انتي كنتي جامدة يا طنط فتحية النهاردة.. تسنيم: دنيا عيب.. فتحية: سيبيها... دعاء: هو إيه اللي هيحصل بره؟؟ أسماء: منعرفش.. ديما: طب بليز أنا اللي أطلع الأكل و كل حاجة عشان أعرف و أشوف... جملات: ببلبسك ده معتقدش.. ديما: أنا لابسة جيبة أهو و تي شيرت...

عبير: هي دي جيبة رجلك باينة و التي شيرت محددك... ديما: ده لبسي و مش هغيره.. بليز بليز يا طنط فتحية.. فيروز: محدش هيرضي.. دنيا: طب أنا... جملات: أنيل منها يا حبيبتي بنطلون و تي شيرت بحمالات كمان... دنيا: إيه الإحراج ده؟؟ ديما: كلمتي.. دنيا: و إيه يعني؟؟ ديما: متقولهاش.. سارة: ما تسكتي منك ليها.. تسنيم: في إيه يا سارة هما عملولك حاجة؟؟ دنيا: هو انتوا ليه مش عندكوا خدامين؟؟ ديما: مش محتاجين في واحدة أهي....

دنيا و دعاء و فيروز فهموا قصدها قعدوا يضحكوا.. فتحية: بنات صوتكوا... سارة (بغيظ) : قصدك مين يا بتاعة انتي؟؟ جملات: خلاص.. و إحنا عندنا خدامين بس بنوديهم أسبوع راحة كل ستة شهور.. و هما هيرجعوا كمان يومين... أسماء: و أساساً إحنا بنحب نعمل كل حاجة بإيدينا.. فتحية: يلا خدوا الشاي.. ديما جريت خدت الصينية و بصت ليهم بلطافة.. ديما: عشان خاطري... فتحية: روحي يا ديما بس حاولي تنزلي الجيبة شوية تستر أي حاجة...

ديما: حاضر حاضر.. "ديما كانت لابسة جيبة باللون الكشميري لغاية الركبة و تي شيرت أبيض بحمالة رفيعة و مسيبة شعرها و روج هادي و كوتشي أبيض".. ديما خرجت و راحت ناحية الرجالة.. و أول ما خرجت شهقت و كانت هتقع الصينية بس جاسر مد إيده سند بيها الصينية... جاسر (بهمس) : متخافيش خشي يلا... ديما (بخفوت) : إنتوا بتتاجروا في السلاح؟؟ جاسر (بهمس و حدة) : خشي يا ديما جوا...

جاسر مسك منها الصينية و حطها و لاحظ نظرات كل اللي قاعدين لديما و بص لديما بغضب و مسكها من دراعها جامد و راح بيها ناحية الستات... جاسر (بعصبية) : مين اللي خلاها تتزفت و تخرج؟؟ فتحية: حصل إيه؟؟ عبير: كانت بتغري الرجالة أكيد.. جاسر (بحدة) : دي متظهرش طول القعدة فاهمين.. جاسر زق ديما ناحية فيروز و فيروز حضنت ديما اللي كانت بتعيط... تسنيم: اهدي بس.... و قولي حصل إيه؟؟ ديما (بعياط) : أنا خرجت لقيت قدامهم سلاح كتير...

مكنتش أعرف إنكم بتتاجروا في السلاح.. أسماء: مش كدة اهدي هنفهم................................................. عند الرجالة... واحد: هي مين الفرسة؟؟ حسن (بحدة) : ملكش دعوة بيها... كبير العائلة التانية: هي مش دي السائحة اللي انت قولت عليها... محسن: لا دي تبقي بنتي.. بس كنا عايشين في القاهرة... شاب: إيه ده انت خلفت غير خالد؟! خالد: مش نتكلم في المهم و لا إيه؟؟ جاسر: يا ريت...

حسن: عايز إيه يا محروس و إيه لازمة الأسلحة دي؟؟ محروس (كبير العائلة) : أنا جاي أعرض عليك صفقة.. إحنا بنشتغل مع ناس كبار في القاهرة و عارضين علينا صفقة سلاح.. إيه رأيك نشتغل مع بعض و ننسي العداوة.. حسن: لا يا محروس أنا مش ببيع سلاح... و عرضك مرفوض و العداوة إنت اللي بدأتها... محروس (بغضب) : ده كلامك يا حسن؟؟ حسن: آه و آخر الكلام لو أنا لقيت عليك حاجة هروح أبلغ البوليس.. أحذر مني.. محروس: أنا و إنت و الأيام بينا...

محروس: يلا يا رجالة.. محروس خرج هو و كام واحد و في ناس لمت الأسلحة و مشيت وراه... جاسر: إيه ده مش بيحسوا؟؟ علاء: ما هما أكيد بيكسبوا كويس يا عمي.. خالد: علاء الزم حدودك و لاحظ كلامك... محسن: هو إيه اللي حصل لديما؟؟ جاسر: دي بنت غبية أوي.. أسف يعني يا عمي.. ديما: لا مش غبية.. أسماء: هو إيه اللي حصل؟؟ جاسر: إنتي أغبي واحدة شوفتها في حياتي.. ديما (بغضب) : جاسر و الله لو قولت الكلمة دي تاني هنزعل بجد..

جاسر: على أساس يهمني زعلك... سارة: بس بس بس.. حسن: ما تسكتوا شوية... دنيا: ناس غريبة.. خالد: بعد كدة ما تحكميش على حاجة من نظرك إنتي يا ديما... كنتي تفهمي.. ديما: يعني أشوف سلاح و عايزني مخافش... محسن: يا حبيبتي هما كانوا عارضين علينا بس إحنا اللي رفضنا... ديما: خلاص أنا مالي الله... دعاء: أحسن إنهم ما كلوش إحنا ناكل... دنيا: آه عندك حق.. فيروز و ديما: هجووووووم.. و كل البنات جريوا على المطبخ و بدأوا يأكلوا...

تسنيم: آسفة من ساعة ما ديما و دنيا جم البيت اتغير.. جملات: متقوليش كدة دول محليين البيت و الله.. أسماء: دول نسمة و الله.. فتحية: ربنا يخليهم ليكي.. جاسر: يا حاج بالنسبة للموضوع اللي قولته ليك.. حسن: بليل يا جاسر.. جاسر: تمام.. خالد (بهمس) : أخيرا هتتجوز.. جاسر (بهمس) : مش مطمن ده من الصبح باصص ليا... خالد (بهمس) : بيفكر يا حمار... ديما: مين هيفرجني على باقي البلد؟؟ علاء: أنا إيه رأيك؟؟ ديما: تمام...

خالد: ليه لتكون أخوها مثلا... أنا هفرجها هي و صاحبتها.. عبير: طب ما جاسر خرج مع ديما لوحدهم... خالد: لأننا بنثق فيه.. جملات: خالد عيب... علاء: عمي محسن عمي حسن كنت عايزكوا.. حسن: خير؟؟ علاء: ضروري... حسن: ورايا... علاء و حسن و محسن دخلوا أوضة المكتب... محسن: اتكلم.. علاء: أنا كنت طالب إيد ديما من حضرتك يا عمي... محسن بص لحسن و حسن ردله نفس البصة... محسن: هفكر و أقولك... علاء: تمام شكراً يا عمي...

ديما: ننجز بقي عايزة أتفرج على باقي البلد.. دنيا: أنا مش قادرة بكرة... ديما: لا و الله أعيط... خالد: أنا ورايا شغل.. علاء: هوديكي... محسن: جاسر روح مع ديما... جاسر: بس أنا ورايا شغل مع خالد... حسن: مش مشكلة يا جاسر... جاسر (بغيظ مكتوم) : تمام.. قدامي.. سارة: و أنا هاجي معاكوا... فتحية: لا أنا عايزاكي معايا تعالي.. سارة: بس... ديما: أنا هجيب شنطتي.. جاسر خد ديما و خرجوا تتفرج على البلد... جاسر: خير عايزة تروحي فين؟؟

ديما: عايزة أشوف الفلاحين و آكل فاكهة... جاسر: اتفضلي قدامي.. ديما: طب ممكن أطلب طلب؟؟ جاسر: خير؟ ديما: غير العباية بتاعتك و البس بنطلون و تي شيرت... جاسر نضرته بقت حادة و قرب من ديما و ديما قعدت ترجع لغاية ما لزقت في الحيطة و جاسر قدامها و مش بيفصل بينهم إلا حاجات بسيطة... ديما: ابعد... جاسر (بحدة)

: إياكي تقولي الكلام ده تاني.. أنا كدة و مش هتغير و مش هيجي على آخر الزمن أتغير عشان واحدة ست و أنا مفتخر إني بلبس جلابية... ديما: طب أنا مالي كان مجرد طلب أو اقتراح براحتك الله... ابعد بقي.. جاسر بعد عن ديما و مشي و هي وراه... جاسر (باستفزاز) : ده مكانك يا ديما ورايا مكانك ورا الرجالة... ديما (بعصبية) : النتيجة بتتغير في ثواني... ديما جريت من قدام جاسر و بقت مسبقاه بكام خطوة.... جاسر: معندكيش ثقة في نفسك...

ديما: بالعكس... جاسر: تمام... جاسر: امشي يمين.. ديما: تمام.. ديما: يا ابني ما تفك أم تكشيرتك دي... جاسر: يا ستي أنا مش طايقك أعملك إيه؟؟ ديما (بطريقة مسرحية) : بكرة تندم يا جميل... جاسر: إنتي طول عمرك تافهة؟؟ ديما: آه... تعرف أحلي حاجة فيا إيه؟؟ ديما: أنا قولت كدة برضو... أحلي حاجة فيا إنه لو حد قالي حاجة تضايقني مستحيل أتكسر قدامه... فهمت يا جسورة... جاسر: متقوليش جسورة.. دلع مايع زي اسمك...

ديما: أنا مقولتلكش تتكلم عن اسمك... ديما بصتله بمعني إنها قصفت جبهته... جاسر: غوري.......................................... في مكان تاني... دنيا كانت طالعة بسرعة على السلالم خبطت في خالد... دنيا: آه مش تحاسب... خالد: إنتي اللي طالعة جري... دنيا: تمام.. خالد: كنتي بتجري ليه؟؟ دنيا: طالعة أكلم صاحبي.. خالد (بعصبية) : إنتي متحملة نفسك كدة و إنتي بتكلمي الولد ده.. و الولد ده متعرفيش إن في حاجة اسمها حساب أو أي حاجة...

دنيا: أنا مسمحلكش.. أنا بنت مؤدبة و محترمة.. و كمان إنت مش أبويا عشان تقولي كدة... دنيا زقت خالد و طلعت جري على أوضتها... و خالد كمل طريقه و هو متعصب............................................ في مكان تاني.... شاب: و ده هنخليه يقبل إزاي؟؟ محروس: لازم نكسره... شاب: إزاي؟؟ ده كان بيتكلم بدون نقطة خوف... محروس: البت بته (بنته) المصراوية... راجل: بس يا ابوي.... محروس: إيه يا مازن مش هتقدر؟؟ مازن: أكيد هقدر يا ابوي..

محروس: عفارم عليك... مازن: بس دي أدخلها إزاي؟؟ محروس: هقولك تعمل إيه......................................... في مكان تاني... تسنيم: بص يا حبيبي براحتك.. إنت أبوها و أكيد شايف الصالح ليها... محسن: يعني أوافق؟؟ تسنيم: براحتك يا حبيبي.. هو أكيد محترم.. أينعم فيه صفات وحشة بس ديما هتعرف تغيره... محسن: و كمان هو هيحميها بعد ما أموت صح؟؟ تسنيم: هيعتمد على نفسه أكيد... محسن: طب لو هي رفضت؟؟

تسنيم: هنحاول نقولها أي حاجة توافق.. محسن: يا رب توافق........................................... بعد فترة.. الكل بقي موجود في البيت و حسن قاعد مترأسهم كلهم... و في اللي متوتر و في اللي قلقان و في اللي خايف.. و في اللي مش فاهم حاجة... حسن: أنا جمعتكوا النهاردة لأن في قرار مهم اتأخد.. فتحية: اتفضل يا حاج... حسن: كتب كتاب جاسر و ديما الخميس الجاي..

جاسر و ديما اتصدموا لدرجة إنهم فضلوا مصدومين مش عارفين يستوعبوا الموضوع... دنيا و خالد و علاء و سارة و عبير و دعاء و فيروز اتصدموا... ديما (بصدمة) : حضرتك بتضحك معانا صح؟؟ محسن: لا عمك بيتكلم صح.. جاسر (بصدمة) : طب بالنسبة ل..... حسن: إنسي و ده أمر و خلاص.. البلد زمانها كلها عرفت... ديما (بعصبية) : أنا مش موافقة... ده إحنا مش بنطيق بعض.. مش بنطيق بعض و إحنا ولاد عم هنطيق بعض و إحنا متجوزين...

تسنيم: ديما والدك موافق... جاسر كان بيبص لسارة اللي بصاله بغضب... و خالد باصص بحزن على صاحبه و أخته... دنيا مكنتش عارفة تعمل إيه... حسن: ده أمر.. موافقين مش موافقين ده أمر... و قولتلكوا زمان البلد كلها عرفت و أنا مش هرجع في كلمتي... ديما سابتهم و جريت على أوضتها و دنيا و دعاء و فيروز وراها... جاسر (بحزن) : اللي تشوفه يا حاج... عن إذنك... جاسر مشي و خرج وراه خالد... سارة قامت مشيت على أوضتها بغضب...

علاء: بس مش المفروض ديما تبقي من نصيبي... حسن: أنا قولت اللي عندي... عبير: بس ده ظلم... أسماء: من إمتى الحاج بيظلم... عبير و علاء قاموا مشيوا... و كل اللي قاعد بص لبعضه .... جملات: هنعمل إيه؟؟ محسن: مش عارف... أسماء: هتوافق.. حسن: هتوافق غصب عنها... تسنيم: يا حاج... حسن: خلص الكلام... حسن قام مشي و كل واحد راح على أوضته............................................ عند ديما و البنات... ديما (بعياط)

: ده حتى مهموش إني مش موافقة.. دعاء: يا ديما للأسف هنا مينفعش البنت ترفض... ديما: ده ظلم... دنيا: طب إيه رأيك تهربي؟؟ فيروز: لا طبعاً و تجيبي لأهلك العار لا... دعاء: و الله جاسر ده طيب و هيحافظ عليكي.. ديما (بعياط) : مش هسلم روحي و نفسي لشخص بيكرهني و مش بيطقني.. و أنا مش هتجوز واحد أنا مش بحبه أو حتى مش حاسة من ناحيته بقبول... فيروز: للأسف هي دي الدنيا هنا يا ديما... البنت لابن عمها.. ديما: ماليش دعوة...

أنا مش من هنا و مش متربية هنا.. هنا مفيش حياة.. هنا الحياة منعدمة.. هنا مفيش حرية.. دعاء: طب حاولي تتقبلي الموضوع.. بابا مش هيتراجع عن قراره... و كمان خلاص الفرح كمان يومين.. ديما (بعياط) : كمان؟ يعني الفرح كمان يومين من غير ما يأخدوا رأيي. فيروز: الناس خلاص عرفت يعني مش هينفع نلغي الفرح و مفيش وقت... النهاردة تعتبر خطوبة.. ديما (بعياط) : بليز حد يتصرف...

دنيا قعدت جمبها و حضنتها و ديما قعدت تعيط كتير لغاية ما نامت... دعاء (بهمس) : نامت؟؟ دنيا (بهمس) : آه... فيروز (بهمس) : طب نيميها على السرير براحة.. البنات نيموا ديما على السرير... و دعاء و فيروز كل واحدة راحت لأوضتها... و دنيا قعدت جمب ديما.......................................... عند جاسر و خالد... خالد: عارف إنه صعب... بس زي ما هو صعب ليك هو صعب لأختي برضو يا جاسر... جاسر (بحزن) : أنا بين نارين يا خالد...

رضا أبويا و لا حبيبتي... خالد: أنا عايزك ترفض لأني مش عايزك تتظلم إنت و أختي... بس مش قادر أقولهالك يا صاحبي لأنه قرارك إنت.. جاسر (بحزن) : مش عارف أعمل إيه؟؟ جاسر (بحزن) : هو مُصر على إني أخسرك و أخسر حبيبتي... مع إني و الله طلبت إيد سارة منه... خالد: هتتحل يا صاحبي هتتحل... جاسر (بحزن) : مش عارف أعمل إيه يا رب يا رب.. جاسر: خلاص روح يا خالد... خالد: مش هقدر أسيبك... جاسر: روح عشان خاطري.. خالد: لا طبعاً...

جاسر: ريحني و روح... خالد: لا بقي هفضل معاك... جاسر: طب أنا طالع أنام... خالد: مش هسيبك إلا لما أشوفك نايم.. جاسر (بابتسامة باهتة) : تسلم يا صاحبي.. خالد: مفيش شكر ما بينا.. إحنا أخوات... أنا حاسس إنك إنت و ديما هيبقى في تقبل شوية... و هتعدوا... جاسر: يا رب.. جاسر طلع نام... و خالد راح لديما... خالد دخل من غير ما يخبط... دنيا (بخضة) : إنت!!!! خالد لف جسمه بسرعة و اتوتر... خالد: آسف مكنش قصدي... دنيا: عايز إيه؟؟

خالد: كنت عايز أطمن على ديما... دنيا: طيب لف.. خالد: طب كملي لبسك الأول.. دنيا: لا أنا بنام كدة... خالد (برفعة حاجب) : نعم!!! دنيا: ملكش دعوة... أنا هدخل الحمام و إنت لما تخلص خبط و امشي.. خالد: تمام... "دنيا كانت لابسة حاجة شبه القميص بحمالة رفيعة و قصير لغاية الركبة و لفت شعرها كحكتين"... دنيا دخلت الحمام.. و خالد قرب من سرير ديما و ملس على شعرها... خالد: آسف مش عارف أعمل حاجة... خالد: مش قادر أتصرف...

خالد: سامحيني.. خالد باس رأس ديما... و قام خبط على باب الحمام... دنيا: خلاص تمام.. خالد: حلي بالك منها... دنيا: مش هتوصيني على أختي.. خالد: شكراً.. خالد مشي و دنيا خرجت نامت جمب ديما.............................................. في مكان تاني... عبير: ها يا زفت هتعمل إيه؟؟ علاء: معرفش... عبير: إزاي متعرفش... ها رد؟؟ علاء: طب إزاي؟؟ لازم نخطفها قبل الفرح.. عبير: مش هنعرف... الفرح كمان يومين..

علاء: يبقى بعد الفرح بكام يوم نخطفها و نلمسها و لما ترجع أكيد جاسر كراجل مش هيقبلها و هتبقى عار على العائلة... و بعدها أنا أتطوع و أتجوزها و برضو الفلوس راجعة لينا... عبير: فكرة حلوة عفارم عليك يا علاء... علاء: عيب عليكي...................................................... سارة كانت غضبانة و ماشية في الأوضة زي التور الهائج و قاعدة عمالة تتوعد لديما و تشتمها............................................

في الصباح الباكر... تسنيم: ديما حبيبتي يا ديما قومي.. ديما (بنوم) : نعم.. تسنيم: قومي يا حبيبتي عشان نختار فستان الفرح.. ديما (بصدمة) : فرح مين؟؟ تسنيم: هو إنتي نسيتي؟؟ ديما افتكرت كل حاجة حصلت امبارح و اللي عمها قاله.. ديما: قصدك كفني.. تسنيم (بحزن) : ديما اعرفي إننا بنعمل الصالح... ديما: ماما أنا مش موافقة بليز متجبرونيش... تسنيم: غصب عني... عمك مش هيرجع في كلمته... ديما (بفتور) : ماشي....

ديما سابتها و دخلت الحمام و خدت دوش و خرجت.."لبست فستان باللون الأسود بحمالة عريضة و مفتوح من ورا و قصير لغاية الركبة و صندل أحمر بكعب و سيبت شعرها و خدت شنطة سوداء".. ديما نزلت لقت الكل قاعد على السفرة راحت قعدت بصمت و هدوء... و بدأت تأكل... حسن: جاسر خالد هتروحوا مع الستات عشان الفستان.. خالد: اللي تشوفه يا عمي... حسن: مسمعتش يا جاسر.. جاسر (بحزن) : براحتك يا حاج... محسن: عايزة تشتري فستان فرحك من فين يا حبيبتي؟؟

ديما (بهدوء) : معرفش... دنيا: هننزل مصر يا عمو صح؟؟ محسن: آه و هنجيب هدوم ديما كلها هنا.. دنيا: خلاص أنا عارفة هنشتري من فين... تسنيم: ماشي يا حبيبتي... حسن: يلا قوموا... عبير: أنا مش راحة.... سارة: و أنا كمان... أسماء: أحسن خليكوا هنا بقي عشان الحاج... فتحية: يلا يا بنات... الكل قام من على الأكل و خرجوا بره البيت.. جاسر معاه فتحية و أسماء و دعاء و فيروز... خالد معاه جملات و تسنيم و ديما و دنيا...

و بدأت العربيات تتحرك و توصل للقاهرة و راحوا على بيت ديما بعد فترة... تسنيم: يلا عشان نلم هدومك يا ديما.. أولفت (مامت دنيا) : هو فعلاً ديما هتتجوز؟؟ تسنيم: آه يا أولفت... أولفت (بفرحة) : ألف مبروك يا حبيبتي... أولفت راحت حضنت ديما و باستها... دنيا: خلاص يا أمي... ناصرة: اتفضلوا عصير... تسنيم: يلا يا ناصرة ساعدي ديما و هي بتحضر هدومها... ناصرة: تمام... ناصرة: يلا يا ديما...

ديما قامت بكل هدوء و وراها دنيا و دعاء و فيروز... و بدأوا يجهزوا الشنط و الهدوم و الحراس خدوهم.. خالد (لتخفيف الجو) : إيه يا بنتي دول كلهم شنط دول 9 شنط... ديما: آسفة... خالد: لا يا ستي على قلب جاسر زي العسل... و لا إيه؟ فتحية: طب يلا عشان نلحق نرجع قبل الليل... دنيا: آه في أوتيليه ديما بتحبه يلا بينا... دنيا وصفت الطريق لخالد و وصلوا... فتحية: خليك هنا إنت و جاسر... أسماء: آه و جيبوا أكل البت ما أكلتش..

خالد: تمام... بس اختاروا فستان محترم... أسماء: أكيد يا ابني... دنيا: بصي ده يا ديما... ديما: حلو.. دعاء: بصي جيبي حاجة مقفولة أحسن... دنيا: ليه ده فرحها؟؟ فيروز: أينعم هيبقى ستات بس... بس مش هيفهموا في الكلام ده... تليفون ديما رن... الخط اتفتح.. ديما: الو إيه الأخبار؟؟ شاكر: زي ما قولتلك... ديما: طب المفروض إيه اللي يحصل؟؟ شاكر: إن حضرتك تتجوزي... ديما: خلاص ماشي... شكراً معلش تعبتك... Flash back...

لما شاكر اتصل بديما و قالها في حاجة عايز أقولهالك.. شاكر: الصراحة يا آنسة ديما والد حضرتك في خطر.. شاكر: والد حضرتك لازم عملية ضروري و كل ما بنتأخر الخطر بيزيد... شاكر: لكنه قال مش هعمل العملية إلا لما أطمن على بنتي في بيت جوزها... شاكر: لازم في أسرع وقت تنقذي والدك أو على الأقل تقنعيه يعمل العملية... شامر: عارف إن كلامي صعب... بس فكري... Back.. دنيا: يا بت يا بت.. ديما: إيه؟؟ دنيا: شوفي ده.. ديما: هاتي..

ديما خدت الفستان و دخلت تلبسه و خرجت... فتحية: إنتي قمر أوي في اللون الأبيض بس مفتوح يا ديما معلش شوفي غيره... ديما: بس ده عجبني يا طنط... تسنيم اتصدمت لما ديما اختارت الفستان... تسنيم (بفرحة) : و ماله يا حبيبتي خلاص هنجيبه... أسماء: بس خالد قال إنه لازم يبقى حاجة محترمة.. جاسر (بضيق) : خلصتوا؟؟ بس لما كان بيكلم كانت ديما بتلف بالفستان و مبتسمة... و جاسر انبهر جدا بجمال الفستان عليها.. خالد: احم احم...

إيه بتعيد وجهة نظرك؟؟ جاسر: مش كدة.. أنا مش هظلم أختك معايا و هتقبلها لأني مش هظلم أخت صاحبي أبداً... خالد: أصلي... عارف إنه صعب بس ده قدر و محدش عارف الخير فين... دنيا: إيه رأيكوا؟؟ جاسر: إيه المسخرة دي؟؟ البسي حاجة محترمة و مقفولة... ديما: و أنا بقي مصممة على ده... جاسر: ديما متخلنيش أقلب عليكي.. ديما: هتعمل إيه يعني؟؟ جاسر: خالد أنا ماسك نفسي بالعافية... خالد: ديما غيريه... ديما: لا.. جاسر: تمام...

جاسر مسك كوباية العصير اللي كانت موجودة و رماه على الفستان... جاسر: دلوقتي لسة عايزاه؟؟ ديما (بصدمة) : إنت عملت إيه يا حيوان؟؟ جاسر (ببرود) : قولتلك غيريه بالحسنة.. جاسر و خالد سابوهم و مشيوا... فتحية: معلش يا حبيبتي هو ميقصدش... أسماء: خلاص متزعليش... دعاء: ده في فساتين كتير هنا... دنيا: بصي ده... ديما قامت بعصبية و قعدت تدور على فستان تاني لغاية ما اختارت واحد...

ديما: أنا هدخل أقيسه مقاسي هاخده مش مقاسي هشوف واحد غيره.. ديما دخلت قاست الفستان و مخرجتش ليهم و بعدين قلعته و لبست هدومها و خرجت... جملات: ها؟؟ ديما: ده اللي أنا هاخده و بدون نقاش بس.. جملات: نادى جاسر يدفع... ديما: لا مش هخليه يدفع و كمان أنا مش مسئولة منه.. أنا اللي هدفع... دعاء: أنا خلاص ناديته... دنيا: الطرحة و التاج.. فيروز: أيوه صح... ديما راحت تختار التاج و الطرحة و الجزمة....

و بعدين جاسر جه و دفع حساب الفستانين.. و خرج بكل برود.. و بعدين الكل ركب العربيات و اتحركوا... خالد: هنقف استراحة نص ساعة... جملات: ماشي... ديما: هنزل أشم هوا.... ديما سابتهم و نزلت تتمشى في الطريق و كان الجو ليل... جاسر: حد عايز حاجة أجيبها ليه؟؟ فتحية: جيب أكل لينا... جاسر: تمام... جاسر نزل من العربية... جاسر: خالد خليك هنا رايح أجيب أكل و أجي... خالد: تمام... جاسر راح ناحية زي مكان فندق صغير

(فيه أكل و مكان للاستراحة) كان جنبهم... جاسر أول ما دخل اتفاجئ و خرج تاني... جاسر: أعمل إيه دلوقتي؟؟ و بعدين جاسر شاف ديما بتتمشى جنبه... جاسر: ديما... ديما: خير؟؟ جاسر: خشي جيبي أكل.. ديما: ليه اتشليت؟؟ جاسر: كل اللي جوا بنات معرفش إزاي؟؟ ديما: عادي تقدر تخش... جاسر: إزاي؟؟ ديما مسكت ايده و دخلوا و كل اللي موجود انتبهوا لجاسر و قعدوا يتهامسوا... ديما: لو سمحت كنا عايزين نطلب أكل.. بنت: تمام اتفضلي.. عايزة إيه؟؟

ديما: أنجز شوف عايز إيه... جاسر طلب أكل لكل اللي موجود و بزيادة... ديما: لو سمحت هو هنا ليه في بنات بس؟؟ بنت: أصل في أتوبيس صاحبته واحدة مجنونة زيه جت و خدت المكان كله استراحة هي و صحابها و دفعت فلوس للناس اللي كانوا هنا... مجنونة... و بعدين ديما لاحظت بنت جاية على جاسر... بنت: هاي أنا نجوى و إنت مين؟؟ جاسر: لو سمحت ابعدي.. نجوى: لا إنت دخلت دماغي الصراحة... عضلاتك طولك بشرتك دقنك كل حاجة فيك...

جاسر: تمام متشكر تقدري تمشي... نجوى: سيبك من البت اللي جمبك دي مش هتنفعك.. أنا هدلعك... دي قصيرة و وحشة أوي.... و بعدين في أقل من لحظة ديما...............................................................