رواية امتلاك الفصل الأول 1 - بقلم اسراء السيد

مش تفتح يا اخويا. قالتها بعصبية بسبب الخبطة اللي اتخبطتها في دماغي وأنا ماشية في الشارع. ماسكة الفون بتركيز لحد ما حسيت إني دخلت في عمود. برفع عيني ولساني اتشلبص لها بقرف. "آه فعلاً مبخدش على كلام عيل." سيبها ومشي وهي فضلت متنحة في أثره، وقالت بغيظ وغضب: "وربنا لولا إنه من الحكومة لكنت فرجت عليه الشارع." لف وبصلها بغضب. "بتقولي حاجة يا..." قالت له بخوف وهي بتجري: "وأنا أقدر يا باشا، ده الشرطة في خدمة الشعب برضه." أما هو فضل يضحك عليها وعلى منظرها وهي خايفة. قابله صاحبه الأنتيم. "يا سلام! الرائد (علي) بيضحك؟ ده مين اللي قدر واستجرى يعمل كده؟" بصله بجد وقال بضيق: "هو أنا مش بني آدم يا عم؟ من حقي أضحك برضه." سليم (صاحبه) بضحك ومرح: "لأ يا زمالة، بس ده عكس الظاهرة الكونية بتاعتك." قرب منه ومسكه من هدومه. "إيه؟" سليم بمرح وضحك بعد عنه وقال بخوف متمثل: "بهزر يا رمضان، إيه مبتهزرش؟" خلصوا ولسه بيتكلموا، قاطعهم صوت زعيق وخناق قريب منهم. قربوا من مكان الخناق، وعلي فضل واقف مصدوم من اللي بيحصل قدامه.